ەكى ۇرپاققا جالعاسقان باۋىرلاستىق سۇيىسپەنشىلىك

  

  □ گازەتىمىزدىڭ اقسۋ تىلشىلەر پۋنكتىندەگى ءتىلشىسى جاڭ جيڭ، ەرىكتى ءتىلشى سۇڭ شۋتيڭ

  ”اڭگىمەمىزدى ايتار بولساق، كىتاپتاعىداي قىزىقتى ەمەس، دەسەدە زەر سالا ويلاساق، كوپتەگەن قاراپايىم بولماشى ىستەر ءبىزدىڭ تىلەگىمىزدى، راسىندا، مىقتاپ ءبىر اراعا توعىستىردى“، - دەدى 6 - ايدىڭ 2 - كۇنى ونسۋ اۋدانى توپقان قالاشىعى داۋچۋان قىستاعى قىستاق پارتيا ياچەيكاسىنىڭ بۇرىنعى شۋجيى كۇڭ چيڭدى.

  كۇڭ چيڭدىنىڭ ايتىپ وتىرعانى ءوزى جانە قىستاق تۇرعىنى ساپار عوپۇر ەدى، ولار وتكەن عاسىردىڭ 80 - جىلدارىنان باستاپ جاقسى دوستاردان بولاتىن. 40 جىلدان بەرى ولار وندىرىستە، تۇرمىستا ءوزارا قارايلاسىپ، جۇرتتىڭ ءبارى بىلەتىن تاتۋ اعالى - ىنىلەرگە اينالدى.

  كۇڭ چيڭدى وتكەندى ەسىنە الىپ، وتكەن عاسىردىڭ 80 - جىلدارىنىڭ باسىندا ءوزىنىڭ ءبىر كۋب مەتر كوڭدى 180 يۋانمەن ساتىپ الماقشى بولعانىن ساپار ەستىگەننەن كەيىن، ونىمەن بىرگە بازارعا بارىپ، اۋدارماشى بولىپ، ءبىر كۋب مەتر كوڭدى 120 يۋانمەن ساتىپ الۋىنا كومەكتەسكەنىن ايتتى. ”ول كەزدە 60 يۋاننىڭ ءوزى مول اقشا بولاتىن، بۇل ىنىشەگىمنىڭ نيەتى ءتۇزۋ بولعاندىقتان مەنىڭ زيان شەگۋىمدى قالامادى“، - دەدى كۇڭ چيڭدى.

  وسىدان باستاپ، ساپار كۇڭ چيڭدىنىڭ اۋدارماشىسى بولدى، كوكونىس، قاۋىن - قاربىز ساتىپ الۋدان نەشە ون توننا كۇرىش ساتىپ الۋعا دەيىن، ولار ءبىر - بىرىنەن ەكى ەلى ايرىلمادى، اۋەلى، ۋادەلەسىپ بىرگە بازارشىلاپ، 40 جىلدى وسىلايشا وتكىزدى.

  ”ەلدىڭ ءبارى مەنى تەگىن كومەكتەسىپ ءجۇر دەيدى، ادامگەرشىلىگىممەن ايتار بولسام، اعامنىڭ يگىلىگىن كورىپ ءجۇرمىن“، - دەدى ساپار.

  30 جىلدىڭ الدىندا ساپار قويشىدان ەگىنشىگە اينالدى، دەسەدە اتىزداعى جۇمىستان ەش حابارسىز ول جەرىن اينالسوقتاپ شيىرشىق اتتى. كۇڭ چيڭدى مۇنى بىلگەننەن كەيىن، سۋارۋ، جەر جىرتۋ، تىڭايتقىش بەرۋ، باپتاۋ، بۇتاق تاسۋ... سياقتىلاردى قولما - قول سابىرلىلىقپەن ۇيرەتتى. جەمىس اعاشىن ەگىپ ساتسىزدىككە ۇشىراعاننان كەيىن، كۇڭ چيڭدى ساپاردى ايلىق كىرىسى 900 يۋان شاماسىندا بولعان توعاننىڭ توسپاسىن قاراۋعا تانىستىرادى، ءتۇن بويى توعاندى كۇزەتىپ، ۋاعىندا سۋ جىبەرۋ كەرەك بولعاندىقتان تيتتەي دە سەلقوستىققا سالىنۋعا بولمايتىن ەدى، ساپار تاعى جول ورتادا جالت بەرمەكشى بولادى، كۇڭ چيڭدى مۇنى بىلگەننەن كەيىن ونىمەن بىرگە ءار كۇنى ءتۇن بويى توسپا كۇزەتەدى.

  2006 - جىلى ساپار ۇلىنىڭ ۇيلەنۋ تويىن جاسايدى، سول كۇنى تاڭ سارىدە كۇڭ چيڭدى ونىڭ قاقپاسىن قاعىپ: ”ۇلكەن نەمەرە ۇلىڭ بۇگىن ۇيلەنىپ قاربالاستاپ جاتقان شىعارسىڭ، قانداي كومەگىم قاجەت؟“ دەيدى، قىستاقتاعى قوناقتار ارت - ارتىنان ساپاردىڭ اۋلاسىنا كەلە باستاعاندا، كۇڭ چيڭدى ولاردى شەتىنەن كۇتىپ الىپ، شاي قۇيىسادى.

  اكەلەرىنىڭ ىقپالىندا كۇڭ چيڭدىنىڭ ۇلى كۇڭ فانجۇن مەن ساپاردىڭ ۇلى پارھات ساپار دا ەرەكشە تاتۋ وتەدى، ەكەۋى كىشكەنتايىنان بىرگە وقۋعا بارىپ، بىرگە وينايدى، داۋچۋان قىستاعىنداعى ۇلكەن كىسىلەر وسى اعالى - ىنىلەردىڭ بالا كەزدەن ەسەيىپ - ەرجەتكەنىنە، ودان ۇيلەنىپ بالالى بولعاندارىنا دەيىن كۋا بولدى.

  بۇرىن قىستاقتا جۇپتارى جازىلمايتىن ەكى ءۇيلى جان بۇگىنگى كۇندە ونسۋ اۋدان قالاشىعىندا كورشى وتىرادى. كۇڭ چيڭدى اۋدان قالاشىعىنىڭ ۋىنشينيۋان شاعىن رايونىنان ءۇي ساتىپ العانىنان كەيىن، ساپار دا ۋىنشينيۋاننان ءبىر ءۇيدى جالعا الدى. ولار بىرگە وتىرساق كوڭىلدى بولادى ەكەنبىز دەيدى.

  ”اكەم بيىل قانتتى نەسەپ جانە جوعارى قان قىسىم ناۋقاسىنان توسەك تارتىپ قالدى، ۇيدەگىلەر ءبىر جاعىنان، اكەمە قاراپ، ەندى ءبىر جاعىنان، كوكتەمگى ەگىس جۇمىسىن ىستەدى، كۇڭ فانجۇن مۇنى بىلگەننەن كەيىن ايەلىن ەرتىپ وتباسىمىزدىڭ جەر جىرتۋ، باپتاۋ، تىڭايتقىش بەرۋ، تۇقىم سەبۋ جۇمىستارىنا كومەكتەسىپ، ەگىس جۇمىستارىن اقساتپادى، ناعىز تاتۋ اعالى - ىنىلەر مىنە وسىنداي بولادى“، - دەدى پارھات.

جاۋاپتى رەداكتور: نۇربولات قابىل
  • 1
  • 2
  • 3
  • 4