شينجياڭ ۋاكىلدەر ۇيىرمەسى ازاماتتىق زاڭناما جوباسى قاتارلىلاردى قارادى

  شينجياڭ ۋاكىلدەر ۇيىرمەسى ازاماتتىق زاڭناما جوباسى قاتارلىلاردى قارادى

  چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ 5 - ايدىڭ 25 - كۇنى بەيجيڭنەن حابارلايدى. 5 - ايدىڭ 25 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن اشىپ، ازاماتتىق زاڭناما جوباسىن ۇزدىكسىز قارادى، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارار جوباسىن قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى.

  چىن لياڭ، قۇربان نياز، جاڭ شين، لياۋ چاۋياڭ، سۇن چۇنۋاڭ قاتارلى ۋاكىلدەر ءسوز سويلەدى.

  ۋاكىلدەر بىلاي دەدى: زاڭنامانى قۇراستىرۋ ماڭىزدى نىشاندىق مانگە يە زاڭمەن جونگە سالۋ قۇرىلىسى ينجەنەرياسى، ءبىر مەملەكەتتىڭ، ءبىر ۇلتتىڭ گۇلدەنىپ - كوركەيۋگە، قۇدىرەتتەنۋگە جول الۋىنىڭ سيمۆولى جانە بەلگىسى. ازاماتتىق زاڭنامانى قۇراستىرۋ پارتيا 18 - كەزەكتى ورتالىق كوميتەتى ءتورتىنشى جالپى ءماجىلىسى بەلگىلەگەن كەلەلى ساياسي مىندەت جانە زاڭ شعارۋ مىندەتى، شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى زاڭمەن جونگە سالۋ قۇرىلىسى جونىندەگى ورنالاستىرۋ. سونىمەن بىرگە، ازاماتتىق زاڭنامانى قۇراستىرۋ، جۇڭگوشا سوتسياليزم زاڭ جۇيەسىن كەمەلدەندىرۋ، زاڭمەن جونگە سالۋ ءتاسىلى ارقىلى مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ەڭ قالىڭ حالىق بۇقاراسىنىڭ ءتۇبىرلى مۇددەسىن شىنايى قورعاۋ، قوعامدىق ادىلدىكتى، ادىلەتتىلىكتى جەبەۋ جونىنەن اسا ماڭىزدى ءمان الادى.

  ۋاكىلدەر بىلاي دەدى: ازاماتتىق زاڭناما جاڭا جۇڭگونىڭ تۇڭعىش زاڭنامامەن اتاعان زاڭى، ەلىمىزدىڭ زاڭناما قۇراستىرۋداعى، زاڭ شىعارۋداعى باستاماسىن اشتى، بەلەستىك ءمان الادى. قازىر اتقارىلىپ وتىرعان ازاماتتىق ىستەر ارناۋلى زاڭىنا جۇيەلى قۇراستىرۋ - وڭدەۋ، رەتتەۋ جۇرگىزىپ، قاتىستى ازاماتتىق ىستەر زاڭىن جۇيەلى تۇردە ۋنيۆەرسالدى زاڭناما ەتىپ قۇراستىرۋ، جۇڭگوشا سوتسياليستىك زاڭ جۇيەسىن ۇزدىكسىز اقاۋسىزداندىرۋ، كەمەلدەندىرۋ ءتيىس، بۇل زاڭمەن جونگە سالۋ ءتاسىلى ارقىلى مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، زاڭمەن جونگە سالۋدىڭ نەگىزدى بەكەمدەۋدەگى، مەجەنى ورنىقتىرۋداعى، ۇزاق بولاشاققا ءتيىمدى بولۋداعى قامتاماسىز ەتۋ رولىن ءتىپتى دە ويداعىداي ساۋلەلەندىرۋدە ماڭىزدى مانگە يە.

  ۋاكىلدەر مىنانى ءبىلدىردى: شياڭگاڭدا مەملەكەت حاۋىپسىزدىگىن قورعاۋدا ورتالىقتىڭ ۇقىعى دا، جاۋاپكەرشىلىگى دە بار. شياڭگاڭدا مەملەكەت حاۋىپسىزدىگى رەال قۇقايعا جانە اۋىر زيانعا ۇشىراپ، ەرەكشە اكىمشىلىك رايون ۇكىمەتى مەملەكەت حاۋىپسىزدىگى جونىندە زاڭ شىعارا الماعان قيىن جاعدايدا، كەسكىن شارا قولدانىپ، مەملەكەت دەڭگەيىندە شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - ءتۇزىمىن جانە اتقارۋ مەحانيزمىن ورناتۋ، اقاۋسىزداندىرۋ ”ءبىر ەل، ەكى ءتۇزىمنىڭ“ ورنىقتى اتقارىلۋىنا، باياندىلىعىنا شىنايى كەپىلدىك ەتەتىن نەگىزدى بەكەمدەيتىن شارا، ءسوزسىز، اتقارۋ، كەشەۋىلدەتپەۋ كەرەك. شياڭگاڭ جۇڭگونىڭ شياڭگاڭى، جۇڭگو ۇكىمەتى مەن جۇڭگو حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ەركى تاستاي بەرىك، شياڭگاڭ ەرەكشە اكىمشىلىك رايونىندا ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ، تياناقتاندىرۋ بەكىمى تاستاي بەرىك.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي، جۋ حايلۇن، ابدۇرىقىپ ءتومۇرنياز قاتارلىلار ماجىلىسكە قاتىناستى.

جاۋاپتى رەداكتور: نۇربولات قابىل