ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق تۇرعىدان تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرگەن جاعداي بارىسىندا جاڭا جاعداي اشۋعا قۇلشىنۋ كەرەك

شي جينپيڭ ساياسي كەڭەستىڭ ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا بارعاندا بىلاي دەپ باسا دارىپتەدى

ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق تۇرعىدان تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرگەن جاعداي بارىسىندا جاڭا جاعداي اشۋعا قۇلشىنۋ كەرەك

ۋاڭ ياڭ امانداسۋعا جانە تالقىعا قاتىناستى

5 - ايدىڭ 23 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا باردى، سونداي - اق بىرىككەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋعا جانە تالقىعا قاتىناستى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 23 - كۇنى تۇستەن بۇرىن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا باردى، سونداي - اق بىرىككەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭدادى. ول بىلاي دەپ باسا دارىپتەدى: قازىرگى ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق تۇرعىدان تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرگەن جاعداي بارىسىندا جاڭا جاعداي اشۋعا قۇلشىنىپ، ەلىمىزدىڭ دۇنيە جۇزىندەگى ەڭ ۇلكەن بازار رەتىندەگى كومەسكى كۇشىن جانە رولىن ساۋلەلەندىرىپ، قامداۋ جاعىنداعى قۇرىلىمدىق رەفورمانىڭ ستراتەگيالىق باعدارىن ايقىنداپ، ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى بەتالىسىن بەكەمدەپ، اۋىل شارۋاشىلىعىنىڭ نەگىزدىك ورنىن نىعايتىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن تياناقتاندىرىپ، ءتۇرلى شەشىمدەردىڭ، ورنالاستىرۋلاردىڭ تياناقتانىپ تەرەڭ تامىر تارتۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتىپ، ەلىمىز ەكونوميكاسىنىڭ تولقىن جارا العا باسۋىن، ورنىقتى، باياندى بولۋىن ىلگەرىلەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋعا جانە تالقىعا قاتىناستى.

  بىرىككەن گرۋپپا جيىنىندا ۋاڭ يميڭ، ليۋ چي، ليۋ يۇڭحاۋ، حۋ شياۋليان، ياڭ چىڭچاڭ قاتارلى 5 مۇشە جاڭا جۇمىستانۋ كۇيىنىڭ بەلسەندى رولىن ساۋلەلەندىرۋ، ەرەكشە ەكولوگيالىق بايلىقتاردى كەدەيلىكتەن ارىلتۋدان قامال الۋداعى دامۋ باسىمدىعىنا اينالدىرۋ، حالىقتىق كاسىپورىنداردىڭ داعدارىستى ورايعا اينالدىرۋى، فينانستىڭ ناقتى ەكونوميكانى قولداۋ رولىن ساۋلەلەندىرۋ، ”14 - بەسجىلدىق“ جوبانى جاڭا تۇرعىمەن جاساۋ، ت. ب جونىندە ءسوز سويلەدى.

  شي جينپيڭ كوپشىلىكتىڭ ءسوزىن تىڭداعاننان كەيىن ماڭىزدى ءسوز سويلەدى. ول مىنالاردى ءبىلدىردى: مەملەكەتتىك ساياسي كەڭەستىڭ ەكونوميكا سالاسىنداعى مۇشەلەرىنە امانداسا كەلىپ، بىرىككەن گرۋپپانىڭ تالقىسىنا قاتىناسقاندىعىما ايرىقشا قۋانامىن. ول جۇڭگو كوممۋنيستىك پارتياسى ورتالىق كوميتەتى اتىنان سول ارادا وتىرعان مۇشەلەرگە، ساياسي كەڭەستىڭ بارشا مۇشەلەرىنە شىن ىقىلاستى سالەم جولدادى.

  شي جينپيڭ بىلاي دەپ باسا دارىپتەدى: جاعدايعا عىلمي تالداۋ جاساپ، دامۋدىڭ ۇلكەن اۋقىمىن يگەرىپ، قازىرگى قيىنشىلىققا، حاۋىپ - قاتەرلەرگە، سىن - سايىسقا جان - جاقتى، ديالەكتيكالىق، ۇزاق بولاشاقتىق تۇرعىدان قاراپ، بۇكىل قوعامدى، اسىرەسە، ءتۇرلى بازار تۇلعالارىن سەنىمدى بەكەمدەۋگە بەلسەنە جەتەكتەپ، ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى بەتالىسىن بەكەمدەۋ كەرەك.

  شي جينپيڭ بىلاي دەپ اتاپ كورسەتتى: ەلىمىز ەكونوميكاسى دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ارتۋدىڭ قوزعاۋشى كۇشىن اۋىستىرۋدىڭ قامال الۋ كەزەڭىندە تۇر، ەكونوميكالىق دامۋدىڭ بولاشاعى جاقسارۋدا، دەسەدە قۇرىلىمدىق، تۇزىلىستىك، پەريودتىق ماسەلەلەردىڭ ءوزارا كىرىگۋى اكەلگەن قيىنشىلىق پەن سىن - سايىسقا دا ءدوپ كەلىپ وتىر، بۇعان جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى قوسىلىپ، كەزەكتە ەلىمىزدىڭ ەكونوميكالىق اينالىمى ءبىرشاما زور قىسىمعا ءدوپ كەلۋدە. ءبىز دۇنيە ءجۇزى ەكونوميكاسىنىڭ ىشكەرىلەي قۇلدىراۋى، حالىقارالىق ساۋدا مەن قارجى قوسۋدىڭ زور مولشەردە كەمەيۋى، حالىقارالىق فينانس بازارىنىڭ تولقۋى، حالىقارالىق بارىس - كەلىستىڭ شەكتەۋگە ۇشىراۋى، ەكونوميكانىڭ جاھاندانۋىنىڭ كەرى اعىسقا تاپ بولۋى، كەيبىر مەملەكەتتەردە قورعامپازدىق پەن سىڭار جاقتىلىقتىڭ ەتەك الۋى، گەوساياسي حاۋىپ - قاتەرلەردىڭ ارتۋى سياقتى ءتيىمسىز جاعدايمەن بەتپە - بەت كەلىپ وتىرمىز، ءسوز جوق، اناعۇرلىم ورنىقسىز، تۇراقسىز دۇنيە اۋقىمىنان ەلىمىزدىڭ دامۋىن قاراستىرۋىمىز كەرەك. ەلىمىز ەكونوميكاسىنىڭ كومەسكى كۇشى جەتكىلىكتى، سەرپىمدىلىگى كۇشتى، مۇمكىندىك ءورىسى كەڭ، ساياساتتىق قۇرالدارى كوپ بولۋ سىندى نەگىزگى ەرەكشەلىگىنىڭ وزگەرمەگەندىگىن كورە ءبىلۋىمىز كەرەك. ەلىمىزدە بۇكىل دۇنيە ءجۇزى بويىنشا ەڭ تولىق، كولەمى ەڭ ۇلكەن ونەركاسىپ جۇيەسى، قۋاتتى وندىرىستىك قابىلەتى، كەمەلدى سايكەستىرۋ قابىلەتى بار، 100 ميلليوننان استام بازار تۇلعاسى جانە جوعارى تاربيە العان نەمەسە ءتۇرلى ماماندىق - شەبەرلىككە يە 170 ميلليوننان استام دارىندى، سونداي - اق 400 ميلليوننان استام ورتا كىرىستىلەر قاۋىمىن قامتىعان ءبىر ميلليارد 400 ميلليون حالىقتان قۇرالعان اسا ۇلكەن كولەمدەگى ىشكى بازار بار، جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ جەدەل دامۋ كەزەڭىندە تۇر، قارجى قوسۋ سۇرانىسىنىڭ كومەسكى كۇشى وراسان زور. جالپىلىق مەنشىكتى نەگىزگى تۇلعا ەتۋ، كوپ ءتۇرلى مەنشىكتەگى ەكونوميكا قاتار دامۋ، ەڭبەگىنە قاراي ءبولۋدى نەگىزگى تۇلعا ەتۋ، كوپ ءتۇرلى ءبولىس ءتاسىلى تەڭ ءومىر ءسۇرۋ، سوتسياليستىك بازار شارۋاشىلىعى ءتۇزىلىسى سياقتى سوتسياليستىك نەگىزگى ەكونوميكالىق تۇزىمدەر ءتۇرلى بازار تۇلعالارىنىڭ ومىرشەڭدىگىن قاۋلاتۋعا، قوعامدىق وندىرگىش كۇشتى ازات ەتۋگە جانە دامىتۋعا ءتيىمدى بولۋمەن بىرگە، ونىمدىلىك پەن ادىلدىكتىڭ ورگانيكالى بىرلىگىن جەبەۋگە، بىرگە بايۋدى ۇزدىكسىز جۇزەگە اسىرۋعا دا ءتيىمدى. بولاشاققا بەت العاندا، ءبىز ەل ءىشىنىڭ سۇرانىسىن قاناعاتتاندىرۋدى دامۋدىڭ شىعار ءتۇيىنى جانە تياناعى ەتىپ، كەمەلدى ىشكى سۇرانىس جۇيەسىن جەدەل ورناتىپ، عىلىم - تەحنيكادا جاڭالىق اشۋدى جانە باسقا جاقتاردا جاڭالىق اشۋدى زور كۇشپەن ىلگەرىلەتىپ، سيفرلى ەكونوميكا، زەردەلى جاساۋ، ءومىر سالاماتتىعى، جاڭا ماتەريالدار سياقتى ستراتەگيالىق جاڭا وركەندەگەن كاسىپتەردى جەدەل ىلگەرىلەتىپ، اناعۇرلىم كوپ، جاڭا ارتۋ تۇيىندەرىن، ارتۋ ۇيەكتەرىن قالىپتاستىرىپ، ءوندىرىس، ءبولىس، اينالىم، تۇتىنۋ ءتۇرلى بۋىنداردى كۇش سالا ىركىلىسسىزدەندىرىپ، ەل ءىشىنىڭ ءىرى اينالىمىن نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن بىرتىندەپ قالىپتاستىرىپ، جاڭا جاعدايدا ەلىمىزدىڭ حالىقارالىق سەلبەستىك پەن باسەكەگە ارالاسۋىنىڭ تىڭ باسىمدىقتارىن جەتىلدىرۋىمىز كەرەك.

  شي جينپيڭ بىلاي دەپ باسا دارىپتەدى: قازىر حالىقارادا قورعامپازدىق يدەيالىق اۋقىمى كوتەرىلۋدە، دەگەنمەن، ءبىز تاريحتىڭ دۇرىس جاعىندا تۇرۋىمىز، كوپ جاقتىلىققا جانە حالىقارالىق قارىم - قاتىناستىڭ دەموكراتيالانۋىنا تاباندى بولىپ، اشىق، سەلبەسەتىن، تەڭ يگىلىككە كەنەلەتىن پەيىلمەن دامۋدى جوسپارلاپ، ەكونوميكانىڭ جاھاندانۋىنىڭ اشىق، سيىسىمدى، جالپىعا ءتيىمدى، تەڭگەرىمدى، تەڭ يگىلىككە كەنەلەتىن بەتالىسپەن دامۋىن تاباندىلىقپەن ىلگەرىلەتىپ، اشىق تيپتەگى دۇنيە ءجۇزى ەكونوميكاسىن قۇرۋدى جەبەۋىمىز كەرەك. سونىمەن بىرگە، حاۋىپسىز دامۋ ۇستانىمىن بەرىك ورناتىپ، حاۋىپسىز دامۋدىڭ ءتۇزىلىس، مەحانيزمدەرىن جەدەل كەمەلدەندىرىپ، قاتىستى ولقىلىقتاردى تولىقتاپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قورعاپ، ەلەۋلى حاۋىپ - قاتەرلەردىڭ الدىن الۋ جانە ونى جەڭۋ قىزمەتىن بەلسەنە، ويداعىداي ىستەۋىمىز كەرەك.

  شي جينپيڭ بىلاي دەپ اتاپ كورسەتتى: 2020 - جىلى ەلىمىزدىڭ قازىر اتقارىلىپ وتىرعان ولشەمدەگى اۋىل - قىستاق كەدەي حالقىنىڭ كەدەيلىكتەن ارىلۋىنا، كەدەي اۋدانداردىڭ كەدەيلىك قالپاعىن تۇگەل الىپ تاستاۋىنا، وڭىرلىك تۇتاس كەدەيلىك ماسەلەسىن شەشۋگە شىنايى كەپىلدىك ەتۋ − پارتيامىزدىڭ حالىققا، تاريحقا بەرگەن ايبىندى ۋادەسى. قازىر بۇكىل ەل بويىنشا ءالى 52 كەدەي اۋداننىڭ كەدەيلىك قالپاعى الىنعان جوق، 2707 كەدەي قىستاق كەدەيلىك تىزىمىنەن شىعارىلعان جوق، ارحيۆ تۇرعىزىلىپ، كارتچكالاندىرىلعان كەدەي حالىق كەدەيلىكتەن تولىق ارىلىپ بولعان جوق. بۇرىنعىمەن سالىستىرعاندا جالپى مولشەر كوپ بولماسا دا، قالعانداردىڭ بارلىعى كەدەيدىڭ كەدەيى، قيىنشىلىقتىڭ ىشىندەگى قيىنشىلىق، ەڭ ماشاقاتتى ءتۇيىن. ءبىز جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن قۇلشىنا جەڭىپ، اناعۇرلىم قاجىرلىلىقپەن قۇلشىنىس جاساپ، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە باتىل قول جەتكىزۋىمىز كەرەك.

  شي جينپيڭ بىلاي دەپ باسا دارىپتەدى: ”التىنى ورنىقتىرۋ“ قىزمەتىن ويداعىداي ىستەۋ، ”التىنى قامتاماسىز ەتۋ“ مىندەتىن تياناقتاندىرۋ ايرىقشا ماڭىزدى. ”التىنى قامتاماسىز ەتۋ“ ءبىزدىڭ ءتۇرلى حاۋىپ - قاتەرگە، سىن - سايىسقا توتەپ بەرۋىمىزدىڭ ماڭىزدى كەپىلى. جۇمىستاندىرۋدى ورنىقتىرۋ شارالارىن جالپى بەتتىك نىعايتىپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋدى كۇشەيتىپ، ورتا، شاعىن، ۇساق كاسىپورىنداردىڭ قيىن وتكەلدەن وتۋىنە كومەكتەسىپ - سۇيەمەلدەپ، استىق ءوندىرىسىن ورنىقتىرۋدى ماڭداي الدى ورىنعا قويۋدى، كومىرمەن، ەلەكترمەن، جانار مايمەن، جانار گازبەن حاۋىپسىز، ورنىقتى قامداپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن ساقتاپ، نەگىزگى ساتىنىڭ الەۋمەتتىك قىزمەت وتەۋىن قامتاماسىز ەتۋ كەرەك. سونىمەن بىرگە، ”ورنىقتىرۋ“ مەن ”قامتاماسىز ەتۋ“ نەگىزىندە بەلسەنە العا ىلگەرىلەۋ كەرەك.

  شي جينپيڭ بىلاي دەپ اتاپ كورسەتتى: ءبىر ميلليارد 400 ميلليون حالقى بار بىزدەي ءىرى ەل ءۇشىن العاندا، اۋىل شارۋاشىلىعىنىڭ نەگىزدىك ورنىنا ءارقانداي كەزدە دە ەلەۋسىز قاراۋعا جانە ونى السىرەتۋگە بولمايدى، قولىڭدا استىق بولسا، كوڭىلىڭ الاڭ بولمايدى، بۇل قاشاندا اقيقات. بۇل رەتكى جاڭا تيپتى ايدارشا ۆيرۋس وكپە قابىنۋ ىندەتى سونشالىق اۋىر بولسا دا، ەلىمىز قوعامى باستان - اياق ورنىقتىلىقتى ساقتادى، بۇندا استىقپەن جانە ماڭىزدى اۋىل شارۋاشىلىعى قوسىمشا ونىمدەرىمەن تۇراقتى قامداۋ وراسان زور رول كورسەتتى. جالپىلاي ايتقاندا، ەلىمىز اۋىل شارۋاشىلىعىندا جىل سايىن مول ءونىم الىپ، استىق قورىن جەتكىلىكتى دايىنداپ، استىقپەن جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋگە قابىلەتى تولىق جەتتى. جاڭا جاعدايدا اۋىل شارۋاشىلىعىنىڭ دامۋىندا ورىن تەپكەن تەرەڭ قاتپارلى قايشىلىقتار مەن ماسەلەلەردى كۇش سالا شەشىپ، اۋىل شارۋاشىلىعى ونىمدەرىنىڭ قۇرىلىمى، حاۋىپ - قاتەرگە توتەپ بەرۋ قابىلەتى، اۋىل شارۋاشىلىعىن وسىزامانداندىرۋ دەڭگەيى جاعىندا ءتۇيىندى تۇردە كۇش سالۋ كەرەك. استىق سياقتى باستى اۋىل شارۋاشىلىعى ونىمدەرىن ءوندىرۋدى، قامداۋدى قامتاماسىز ەتىپ، استىققا ولكە باستىعى جاۋاپتى بولۋ ءتۇزىمىن باعالاۋدى كۇشەيتىپ، استىق بازارىنىڭ باعاسىن قاداعالاۋدى جانە باقىلاۋ - باسقارۋدى كۇشەيتىپ، ”استىقتى جەرمەن بايلانىستىرۋ، استىقتى تەحنيكامەن بايلانىستىرۋ“ ستراتەگياسىنىڭ بەرىك تياناقتانۋىن جەدەل ىلگەرىلەتۋ كەرەك. شوشقا ەتى سياقتى اۋىل شارۋاشىلىعى قوسىمشا ونىمدەرىنىڭ باعاسىن ورنىقتىرىپ، شوشقا وندىرىسىنە ولكە جالپى جاقتان جاۋاپتى بولۋ تالابىن تياناقتاندىرىپ، افريكا شوشقا وباسى سياقتى ەلەۋلى حايۋاناتتار ىندەتىنەن ساقتانۋ - تىزگىندەۋدى ۇزدىكسىز تۇردە ويداعىداي يگەرىپ، ”كوجە - قاتىق“ ونىمدەرىنىڭ ءوندىرىسىن ورنىقتىرۋدى، قامداۋعا كەپىلدىك ەتۋدى ويداعىداي ىستەۋ كەرەك.

  شي جينپيڭ بىلاي دەپ باسا دارىپتەدى: ءىس ءبىر ۇلەس ورنالاستىرۋمەن، توعىز ۇلەس تياناقتاندىرۋمەن بىتەدى. تۇرلىشە وڭىرلەردە، تۇرلىشە تاراۋلاردا، تۇرلىشە جاقتاردا مەملەكەتتىڭ ءىرى ءىسى جونىندە ىشتەي ەسەپ بولۋ، جاۋاپكەرشىلىك ارقالاۋدى كۇشەيتۋ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ساياسات - شارالارىن تياناقتاندىرۋدى قاز - قالپىندا ويداعىداي يگەرۋ كەرەك. سايكەسۋدى، سەلبەسۋدى كۇشەيتىپ، ساياسات - شارالاردىڭ يكەمدىلىگىن، ۇيلەسىمدىلىگىن، سايكەسىمدىلىگىن كۇشەيتىپ، ەڭ ۇلكەن ساياساتتىق اسەرگە قول جەتكىزۋگە قۇلشىنۋ كەرەك. قىزمەت ستيلىنە بۇرىلىس جاساپ، شىندىقتى ءىس جۇزىنەن ىزدەۋگە تاباندى بولىپ، وبيەكتيۆ زاڭدىلىقتارعا قۇرمەت ەتىپ، اناعۇرلىم كوپ كۇش پەن بايلىقتى نەگىزگى ساتىعا بەيىمدەپ، ناقتى ناتيجەگە، ناقتى ونىمدىلىككە تالپىنۋ جاعىنا كۇش سالۋ، فورماشىلدىقتى، تورەشىلدىكتى باتىل تيۋ كەرەك.

  ديڭ شۋەشياڭ، ليۋ حى، جاڭ چيڭلي، لي بين، حى ليفىڭ، گاۋ يۇنلۇڭ قاتارلىلار بىرىككەن گرۋپپا جيىنىنا قاتىناستى.

جاۋاپتى رەداكتور: سايراش تۇرارجان