شي جينپيڭ حات جولداپ، تۇڭعىش رەتكى ”حالىقارالىق شاي كۇنىن“ قۇتتىقتادى

  شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. بيىل 5 - ايدىڭ 21 - كۇنى − بىرلەسكەن مەملەكەتتەر ۇيىمى بەلگىلەگەن تۇڭعىش رەتكى ”حالىقارالىق شاي كۇنى“. مەملەكەت ءتوراعاسى شي جينپيڭ حات جولداپ، ”حالىقارالىق شاي كۇنى“ جەلىلەس قيمىلدارىن قىزۋ قۇتتىقتايتىندىعىن ءبىلدىردى.

  شي جينپيڭ مىنالاردى اتاپ كورسەتتى: شاي جۇڭگودان باستالىپ، دۇنيە جۇزىنە كەڭىنەن تارالعان. بىرلەسكەن مەملەكەتتەر ۇيىمىنىڭ ”حالىقارالىق شاي كۇنىن“ بەلگىلەۋى حالىقارالىق قوعامنىڭ شايدىڭ قۇنىن تۇراقتاندىرعاندىعىن جانە وعان ءمان بەرگەندىگىن بەينەلەيدى، بۇل شاي كاسىبىن گۇلدەندىرۋدە، شاي مادەنيەتىن ساۋلەلەندىرۋدە زور ماڭىز الادى. شاي وندىرەتىن جانە تۇتىناتىن ءىرى ەل رەتىندە، جۇڭگو ءار جاقپەن بىرگە، الەمدىك شاي كاسىبىنىڭ ۇزدىكسىز اقاۋسىز دامۋىن ىلگەرىلەتىپ، شاي مادەنيەتىنىڭ توعىسۋىن، ءوزارا ۇلگى الۋىن تەرەڭدەتىپ، اناعۇرلىم كوپ ادامنىڭ شايدى بىلۋىنە، شايدى ۇناتۋىنا، شايدىڭ حوش ءيىستى جاعىمدى دامىنەن بىرگە ءلاززاتتانىپ، كورىكتى تۇرمىستان بىرگە يگىلىكتەنۋىنە مۇمكىندىك جاساۋدى قالايدى.

  شاي دۇنيە جۇزىندەگى ءۇش ۇلكەن سۋسىننىڭ ءبىرى، الەمدە شاي وندىرەتىن مەملەكەت پەن رايون 60 نەشەگە جەتەدى، شاي تۇتىنۋشىلار 2 ميلليارد ادامنان اسادى. 2019 - جىلى 12 - ايدا بىرلەسكەن مەملەكەتتەر ۇيىمى جينالىسى ءار جىلعى 5 - ايدىڭ 21 - كۇنىن ”حالىقارالىق شاي كۇنى“ ەتىپ بەلگىلەپ، شايدىڭ ەكونوميكالىق، قوعامدىق جانە مادەنيەتتىك قۇنىن ماداقتاۋ ارقىلى الەمدىك اۋىل شارۋاشىلىعىنىڭ باياندى دامۋىن جەبەۋدى جاريالادى. بيىل ”حالىقارالىق شاي كۇنى“ مەزگىلىندە ەلىمىزدىڭ اۋىل شارۋاشىلىعى، اۋىل - قىستاق مينيسترلىگى جانە بىرلەسكەن مەملەكەتتەر ۇيىمىنىڭ استىق، اۋىل شارۋاشىلىعى ۇيىمى، جىجياڭ ولكەلىك ۇكىمەت ”شاي جانە دۇنيە ءجۇزى، بىرگە ءلاززاتتانۋدى، بىرگە يگىلىكتەنۋدى“ نەگىزگى تاقىرىپ ەتىپ، ينتەرنەت ارقىلى جەلىلەس ۇگىتتەۋ - جالپىلاستىرۋ قيمىلدارىن وتكىزەدى.

جاۋاپتى رەداكتور: ريزا حاميت