مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى بەيجيڭدە اشىلدى

مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى بەيجيڭدە اشىلدى

شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى

ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى   جاڭ چيڭلي باسقاردى   جىڭ جيانباڭ ۇسىنىس جوبا قىزمەتى جاعدايىنان بايانداما جاسادى

5 - ايدىڭ 21 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭ حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ءتوراعالار مىنبەسىنەن ورىن الدى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

5 - ايدىڭ 21 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭ حالىق سارايىندا اشىلدى. ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.

□ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

  شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. اۋەلگى ماقساتتى ۇمىتپاي، گۇلدەنۋدىڭ ۇلى كۇشىن ۇيىستىرىپ، قول ۇستاسا العا باسىپ، دامۋ ۇلى جوباسىن بىرگە اقىلداسايىق. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى 5 - ايدىڭ 21 - كۇنى تۇستەن كەيىن حالىق سارايىندا اشىلدى. بۇل رەتكى ءماجىلىس جاپپاي دوڭگەلەك داۋلەتتى قوعام ورناتۋ نىسانالارىمەن، مىندەتتەرىمەن تىعىز بايلانىستىرا وتىرىپ، مەملەكەتتىك ساياسي كەڭەس مۇشەلەرىن بەلسەندى تۇردە بورىشىن اتقارۋعا، جاۋاپكەرشىلىگىن ادا ەتۋگە ۇيىمداستىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە، جاپپاي دوڭگەلەك داۋلەتتى قوعام ورناتۋعا اقىل - پاراسات جانە كۇش توپتايدى.

  حالىق سارايىنىڭ 10 مىڭ ادامدىق زالىندا شامدار جاقۇتتاي جارقىراپ، زال سالتاناتتى مەرەيگە شومدى. ءتوراعالار مىنبەسى ءتورىنىڭ ورتاسىنا ىلىنگەن جۇڭگو حالىق ساياسي ءماسليحات كەڭەسىنىڭ گەربى جارقىراپ نۇرعا بولەنىپ، ەكى جاعىنا بەستەن نارت قىزىل تۋ قويىلدى.

  مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

  پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

  مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسۋعا ءتيىستى مۇشە 2151 ادام، ناقتى قاتىناسقانى 2057 ادام، بۇل بەلگىلەمەدەگى ادام سانىنا ۇيلەسەدى.

  تۇستەن كەيىن ساعات 3تە جاڭ چيڭلي ءماجىلىستىڭ اشىلعاندىعىن جاريالادى، زالداعىلار تۇگەلدەي ورىندارىنان تۇرىپ، مەملەكەت ءانىن شىرقادى. وسىدان سوڭ، ماجىلىسكە قاتىناسقان بارلىق ادام ءبىر مينۋت ءۇنسىز تۇرىپ، جاڭا تيپتى ايدارشا ۆيرۋس وكپە قابىنۋ ىندەتىندە قازا بولعان قۇرباندارعا جانە قايتىس بولعان باۋىرلاستارعا قايعىلى ازا ءبىلدىردى.

  ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ كەڭەستىك ءتارتىبىن قاراپ ماقۇلدادى.

  ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

  ۋاڭ ياڭ بىلاي دەپ باسا دارىپتەدى: 2019 - جىل − جاڭا جۇڭگو قۇرىلعاندىعىنىڭ 70 جىلدىعى ءارى حالىق ساياسي كەڭەسى قۇرىلعاندىعىنىڭ 70 جىلدىعى. جۇڭگو كوممۋنيستىك پارتياسى ورتالىق كوميتەتى ورتالىقتىڭ ساياسي كەڭەس قىزمەتى ءماجىلىسىن اشىپ، باس شۋجي شي جينپيڭ ماڭىزدى ءسوز سويلەپ، جاڭا داۋىردەگى حالىق ساياسي كەڭەس قىزمەتىنىڭ بورىشى مەن مىندەتىن، ءتۇبىرلى تالابىن، كۇش سالۋ ماڭىزدى ءتۇيىنىن ەگجەي - تەگجەيلى بايىمداپ، حالىق ساياسي كەڭەسى مەن مەملەكەتتى جونگە سالۋ جۇيەسىنىڭ ىشكى بايلانىسىن تەرەڭدەي اشىپ كورسەتىپ، جاڭا داۋىردەگى حالىق ساياسي كەڭەسى ىستەرىنىڭ دامۋىنا العا باسۋ بەتالىسىن ايقىن كورسەتتى.

  ۋاڭ ياڭ حالىق ساياسي كەڭەسىنىڭ وتكەن ءبىر جىلدان استام ۋاقىتتان بەرگى قىزمەتىن قورىتىندىلادى. ول بىلاي دەدى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، ءۇش ءىرى قامال الۋ شايقاسىن ويداعىداي جۇرگىزۋ قاتارلى مىندەتتەرگە نازاردى شوعىرلاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، ءتۇرلى فۋنكتسيالاردى مۇقيات اتقارىپ، پارتيا مەن مەملەكەت ىستەرىنىڭ دامۋىنا تىڭ ۇلەستەر قوستى. تاياۋداعى جاڭا تيپتى ايدارشا ۆيرۋس وكپە قابىنۋ ىندەتىنە قارسى كۇرەس بارىسىندا، حالىق ساياسي كەڭەسى باس شۋجي شي جينپيڭنىڭ ماڭىزدى ءسوزىنىڭ رۋحىن جانە جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، ساياسي كەڭەستىڭ ءار دارەجەلى ۇيىمدارىن، ءارقايسى قاتىناسۋشى ورىندار مەن قالىڭ مۇشەلەردى ىندەتتەن ساقتانۋ - تىزگىندەۋ كۇرەسىنە ات سالىسۋعا جۇمىلدىردى. قالىڭ ساياسي كەڭەس مۇشەلەرى ءوز قىزمەت ورىندارىندا جاۋاپكەرشىلىك ارقالاۋدى ءىس جۇزىندىك ارەكەتتەرى ارقىلى ايگىلەدى.

  ۋاڭ ياڭ بىلاي دەپ اتاپ كورسەتتى: 2020 - جىل جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانى ورىنداۋدىڭ اياقتالار جىلى. حالىق ساياسي كەڭەسى قىزمەتىنىڭ جالپى تۇلعالىق تالابى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، دەموكراتيانى ساۋلەلەندىرۋ مەن ىنتىماقتى جەبەۋدى ءوزارا توعىستىرۋعا، ۇكىمەت ىسىنە اقىل - كەڭەس بەرۋدە جانە ورتاق تانىمدى قالىپتاستىرۋدا قوس باعىتتا كۇش سالۋعا تاباندى بولىپ، ارناۋلى كەڭەس قۇرىلىمىنىڭ رولىن ساۋلەلەندىرىپ، حالىق ساياسي كەڭەسىنە قاتىناسقان ۇيىمدار مەن ءار ۇلت، ءار سالا قايراتكەرلەرىن كەڭ كولەمدە ىنتىماقتاستىرىپ جانە جۇمىلدىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋمەن تىعىز بايلانىستىرا وتىرىپ مىندەت اتقارىپ، جاۋاپكەرشىلىكتى ادا ەتىپ، زەيىن - زەردە، كۇش - قۋاتتى ۇيىستىرىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدىڭ نىسانالارىن، مىندەتتەرىن ورىنداۋ، جاپپاي دوڭگەلەك داۋلەتتى قوعام ورناتۋ ءۇشىن ۇلەس قوسۋ.

  ۋاڭ ياڭ بىلاي دەپ باسا دارىپتەدى: باس شۋجي شي جينپيڭنىڭ ورتالىقتىڭ ساياسي كەڭەس قىزمەتى ماجىلىسىندە سويلەگەن ماڭىزدى ءسوزى مەن «جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردە حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى پىكىرى» قازىرگى جانە بۇدان بىلايعى ءبىر مەزگىلدەگى حالىق ساياسي كەڭەسىنىڭ ءتۇيىندى قىزمەتتەرى جونىندە ورنالاستىرۋ جاسادى. ءسوزسىز دايەكتى تياناقتاندىرۋدى ۇزدىكسىز مىقتى يگەرىپ، نەگىزدى بەكەمدەپ، تاعاندى كۇشەيتۋگە باسا ءمان بەرىپ، جۇڭگو كوممۋنيستىك پارتياسىنىڭ حالىق ساياسي كەڭەسى قىزمەتىنە جاپپاي باسشىلىعىنا بۇلجىماي تاباندى بولىپ، ارناۋلى كەڭەس قۇرىلىمى ءتۇزىم قۇرىلىسىن ءتارتىپتى، ۇتىمدى ىلگەرىلەتىپ، ورتاق تانىم ۇيىستىرۋ قىزمەتىن ىشكەرىلەي ويداعىداي ىستەپ، مۇشەلەردىڭ جاۋاپكەرشىلىك ارقالاۋىن كۇشەيتىپ، حالىق ساياسي كەڭەس تۇزىمىنە ويداعىداي تاباندى بولىپ، حالىق ساياسي كەڭەس ىستەرىن ويداعىداي دامىتۋىمىز كەرەك.

  مەملەكەتتىك ساياسي كەڭەستىڭ ورىنباسار ءتوراعاسى جىڭ جيانباڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە ساياسي كەڭەس 13 - كەزەكتى كوميتەتى 2 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. مەملەكەتتىك ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ارناۋلى كوميتەتتەر 2 - ماجىلىستە 5488 ۇسىنىس جوبا ۇسىندى، قاراۋ - تەكسەرۋ ارقىلى 4089ى ەستەلىككە الىنىپ، 175 مىندەتكە الۋشى ورىننىڭ ءبىر جاقتى ەتۋىنە تاپسىرىلدى، بارلىعى تۇگەلدەي ۋاعىندا ءبىر جاقتى ەتىلدى. تۇراقتى كوميتەت ۇسىنىس جوبا قىزمەتىنىڭ ساپاسىن جوعارىلاتۋدى ۇزدىكسىز ىلگەرىلەتىپ، قىزمەتتىڭ ءتۇزىم جۇيەسى قۇرىلىسىن كۇشەيتىپ، ۇسىنىس جوبانى ءبىر جاقتى ەتۋدى كەڭەسۋ ارقىلى ارناۋلى كەڭەس قۇرىلىمى رولىن ساۋلەلەندىرىپ، جاڭا داۋىردەگى حالىق ساياسي كەڭەس ۇسىنىس جوبا قىزمەتىنىڭ تاباندى بولۋ بارىسىندا دامۋىن، بەكەمدەۋ بارىسىندا كەمەلدەنۋىن ىلگەرىلەتتى.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا ءتوراعالار مىنبەسىنەن ورىن الدى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ جينالىسىنا سىرتتاي قاتىناستى. ءار ەلدىڭ جۇڭگوداعى ەلشىلەرى، ت.ب ۇسىنىس بويىنشا اشىلۋ جينالىسىنا قاتىناستى.

جاۋاپتى رەداكتور: ريزا حاميت