كەدەيلىكتەن ارىلۋدى اناعۇرلىم كوركەم جاڭا تۇرمىسقا تالپىنۋدىڭ جاڭا باستاماسى ەتىپ، كۇش ۇستىنە كۇش قوسىپ، ۇزدىكسىز كۇرەس جۇرگىزىپ، بارعان سايىن شالقىعان تۇرمىس كەشىرۋ كەرەك

شي جينپيڭ ماۋنان ۇلتىنىڭ تۇتاس ۇلت بويىنشا كەدەيلىكتەن ارىلعاندىعى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

كەدەيلىكتەن ارىلۋدى اناعۇرلىم كوركەم جاڭا تۇرمىسقا تالپىنۋدىڭ جاڭا باستاماسى ەتىپ، كۇش ۇستىنە كۇش قوسىپ، ۇزدىكسىز كۇرەس جۇرگىزىپ، بارعان سايىن شالقىعان تۇرمىس كەشىرۋ كەرەك

  شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ماۋنان ۇلتىنىڭ تۇتاس ۇلت بويىنشا كەدەيلىكتەن ارىلعاندىعى جونىندە ماڭىزدى نۇسقاۋ بەرىپ، مىنالاردى ءبىلدىردى: ماۋنان ۇلتىنىڭ تۇتاس ۇلت بويىنشا كەدەيلىكتەن ارىلعاندىعىن، اۋىلداستاردىڭ تۇرمىسىنىڭ كورنەكتى جاقسارعاندىعىن ەستىپ، ەرەكشە قۋاندىم. جاپپاي دوڭگەلەك داۋلەتتى قوعام ورناتۋدا بىردە - ءبىر ۇلتتىڭ قاتاردان قالۋىنا بولمايدى. سوڭعى جىلداردان بەرى كوپتەگەن از ۇلتتار ىلگەرىندى - كەيىندى تۇتاس ۇلت بويىنشا كەدەيلىكتەن ارىلدى، بۇل كەدەيلىكتەن ارىلتۋدان قامال الۋ قىزمەتىندە قول جەتكەن ماڭىزدى تابىس. اۋىلداستاردىڭ كەدەيلىكتەن ارىلۋدى اناعۇرلىم كوركەم جاڭا تۇرمىسقا تالپىنۋدىڭ جاڭا باستاماسى ەتىپ، كۇش ۇستىنە كۇش قوسىپ، ۇزدىكسىز كۇرەس جۇرگىزىپ، بارعان سايىن شالقىعان تۇرمىس كەشىرۋىن ءۇمىت ەتەمىن.

  شي جينپيڭ بىلاي دەپ باسا دارىپتەدى: قازىر كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنە قول جەتكىزۋدىڭ شەشۋشى مەزگىلىنە ءوتتى، شەشۋشى كەزەڭگە تاياعان سايىن، سەنىمدى اناعۇرلىم بەكەمدەۋ، شىنايى يگەرىپ، ناقتى ىستەۋ كەرەك. ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان ويداعىداي تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، كەدەيلىكتەن ارىلتۋداعى ماشاقاتتى تۇيىندەردى كۇشتى شوعىرلاندىرا وتىرىپ شەشىپ، كوپ شارانى قاتار قولدانا وتىرىپ تابىستاردى بەكەمدەپ، كەدەيلىكتەن ارىلتۋدان قامال الۋ نىسانالارىنىڭ، مىندەتتەرىنىڭ جوعارى ساپامەن ورىندالۋىنا شىنايى كەپىلدىك ەتىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قۇلشىنا قول جەتكىزۋ كەرەك.

  ماۋنان ۇلتى ەلىمىزدەگى حالىق سانى ءبىرشاما از 28 ۇلتتىڭ ءبىرى، گۋاڭشي جۋاڭزۋ اۆتونوميالى رايونىنىڭ حۋانجياڭ اۋدانى مەملەكەتتىڭ كەدەيلەردى سۇيەمەلدەۋ - وركەندەتۋ قىزمەتىندەگى ءتۇيىندى اۋدان ءارى بۇكىل ەلدەگى بىردەن - ءبىر ماۋنان اۆتونوميالى اۋدانى، اۋدان بويىنشا ماۋنان ۇلتىنىڭ حالىق سانى 64 مىڭ 500، بۇكىل ەلدەگى ماۋنان ۇلتى جالپى حالىق سانىنىڭ شامامەن %70ىن ۇستايدى. 2019 - جىلدىڭ اياعىندا حۋانجياڭ اۋدانىندا كەدەيلىكتىڭ تۋىلۋ شاماسى %1.48كە ءتۇستى. 2020 - جىلى 5 - ايدا حۋانجياڭ اۋدانى كەدەي اۋداندار قاتارىنان شىعارىلدى. بۇكىل ەلدەگى ماۋنان ۇلتىنىڭ كەدەيلىكتەن ارىلۋ جاعدايىن جيناقتاپ كەلگەندە، ماۋنان ۇلتى تۇتاس ۇلت بويىنشا كەدەيلىكتەن ارىلدى. تاياۋدا حۋانجياڭ اۋدانىنداعى ماۋنان جۇرتشىلىعىنىڭ ۋاكىلدەرى باس شۋجي شي جينپيڭگە حات جازىپ، سول جەردەگى ماۋنان ۇلتىنىڭ كەدەيلىكتەن ارىلعان قۋانىشتى كوڭىل كۇيىن مالىمدەپ، پارتياعا بۇلجىماي ىلەسۋ، كۇش ۇستىنە كۇش قوسىپ، مەكەندەرىن ويداعىداي گۇلدەندىرۋ بەكىمدەرىن ءبىلدىردى.

جاۋاپتى رەداكتور: ريزا حاميت