ورتاق تانىمدى كەڭ كولەمدە ۇيىستىرىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزەيىك

ورتاق تانىمدى كەڭ كولەمدە ۇيىستىرىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزەيىك

− مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ اشىلعاندىعىن قىزۋ قۇتتىقتايمىز

حالىق گازەتى باسماقالاسى

  جاز باسى، تۇتاس تىرشىلىك اتاۋلى تۇلەگەن شاق. بۇگىن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى بەيجيڭدە اشىلدى، 34 سالادان كەلگەن 2000نان استام مەملەكەتتىك ساياسي كەڭەس مۇشەسى جاۋاپكەرشىلىك پەن بورىش ارقالاپ، ءبىر اراعا باس قوسىپ، شىنايى پىكىر ءبىلدىرىپ، تاماشا شارا قاراستىرادى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

  جىلىنا ءبىر رەت اشىلاتىن مەملەكەتتىك ەكى ءماجىلىس − ەلىمىزدىڭ ساياسي ومىرىندەگى ءىرى ءىس. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، جالپى جاعدايدى ءبىر تۇتاس جوسپارلاپ، بايسالدىلىقپەن توتەپ بەرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرا باستاپ، جۇدىرىقتاي جۇمىلدىرىپ، ەل بىرلىگىنەن قامال تۇرعىزىپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزدى. بۇكىل ەلدە ىندەتتەن ساقتانۋ - تىزگىندەۋ توسقاۋىل شايقاسى ەلەۋلى ستراتەگيالىق تابىسقا قول جەتكىزىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ بەلسەندى ونىمدىلىككە قول جەتكىزگەن ماڭىزدى ساتتە، ەكى ءماجىلىس ىندەتتەن ساقتانۋ - تىزگىندەۋ ۇدايىلاندىرىلعان ەرەكشە جاعدايدا اشىلدى، بيىلعى ەكونوميكالىق، قوعامدىق دامۋ نىسانالارىن، مىندەتتەرىن جوسپارلاۋ، ورنالاستىرۋ ماڭىزدى بورىشىن ارقالادى، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋى جەڭىسىن، جاپپاي دوڭگەلەك داۋلەتتى قوعام ورناتۋدى جۇزەگە اسىرۋعا شىنايى كەپىلدىك ەتۋ جونىنەن ايرىقشا كەلەلى مانگە يە.

  وتكەن ءبىر جىلدان استام ۋاقىتتان بەرى، حالىق ساياسي كەڭەسى جاڭا جۇڭگو قۇرىلعاندىعىنىڭ 70 جىلدىعى مەن حالىق ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋدى ءتۇيىن ەتىپ، نازاردى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، ءۇش ءىرى قامال الۋ شايقاسىن ويداعىداي جۇرگىزۋ سياقتى مىندەتتەرگە شوعىرلاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، مىندەتتەرىن مۇقيات اتقارىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى مەن حالىق ساياسي كەڭەس قىزمەتىنە قويعان تالاپتارىن تياناقتاندىرۋ، مەملەكەت ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىگىن شىن مانىندە ارقالاپ، پارتيا مەن مەملەكەت ىستەرىنىڭ دامۋىنا جاڭا ۇلەس قوستى. ىندەتتەن ساقتانۋ - تىزگىندەۋ سىندى قاتاڭ كۇرەستە حالىق ساياسي كەڭەسى باس شۋجي شي جينپيڭنىڭ ماڭىزدى سوزدەرىنىڭ رۋحىن جانە پارتيا ورتالىق كوميتەتىنىڭ ورنالاستىرۋلارىن، تالاپتارىن مۇقيات دايەكتىلەندىرىپ، مەملەكەتتىڭ جونگە سالۋ جۇيەسىنىڭ ماڭىزدى قۇرامداس بولىگى رولىن تولىق ساۋلەلەندىرىپ، ىندەتكە قارسى اتتانۋ كۇرەسىنە ات سالىسۋدى ماڭىزدى مىندەت ەتىپ، ۇكىمەت ىستەرىنە اقىل - كەڭەس بەرۋ مەن ورتاق تانىم ۇيىستىرۋ قوس باعىتىنا كۇش سالۋدان جازباي، حالىق ساياسي كەڭەسىنە قاتىناسقان پارتيا - توپتار، ۇيىمدار مەن ءار ۇلت، ءار سالا قايراتكەرلەرىن ۇيىمداستىرىپ، ىندەتتى جەڭۋگە اقىل - پاراساتى مەن كۇش - قۋاتىن ارنادى؛ قالىڭ ساياسي كەڭەس مۇشەلەرى ءوز ورىندارىن تياناق ەتىپ، مەديتسينالىق دياگنوز قويۋ - ەمدەۋ، عىلمي زەرتتەۋدەن قامال الۋ، الەۋمەتتىك اۋماقتا ىندەتتەن ساقتانۋ، جۇمىستى، ءوندىرىستى قالپىنا كەلتىرۋ سياقتى قىزمەتتەردە ءارقايسىسى ءوز ارتىقشىلىقتارىن ايگىلەپ، ءارقايسىسى ءوز قابىلەتتەرىن ساۋلەلەندىرىپ، سۇيىسپەنشىلىكتەرىن ارناپ، ۇلەس قوسىپ، ”حالىق ساياسي كەڭەسى حالىق ءۇشىن“ تالابىن امالياتتا ايگىلەدى.

  ”قيىندىق بولسا عانا قايسارلىق ايگىلەنەدى؛ تاباندىلىقپەن ىستەگەندە عانا بارىنشا قاستەرلى بولادى“. 2020 - جىل − جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبا اياقتالاتىن جىل، سونداي - اق كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتەتىن جىل، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى ءبىزدىڭ بەلگىلەنگەن نىسانالاردى، مىندەتتەردى ورىنداۋىمىزعا سايىس الا كەلدى. نىساناعا تاياعان سايىن، جاعداي كۇردەلىلەسە تۇسكەن سايىن، مىندەت اۋىرلاسقان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ءتۇزىم ابزالدىلىعىن سولعۇرلىم ساۋلەلەندىرە ءتۇسىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، مەملەكەت ءىشى - سىرتىنداعى جۇڭحۋا ۇلاندارىنىڭ ويدى ءبىر جەرگە شوعىرلاندىراتىن، كۇشتى ءبىر جەرگە جۇمسايتىن قۋاتتى بىرىككەن كۇشىن قالىپتاستىرۋ كەرەك. بىرلىكساپ ۇيىمى، كوپ پارتيا سەلبەستىگى مەن ساياسي كەڭەس قۇرىلىمى، حالىق دەموكراتياسىنىڭ ماڭىزدى جۇزەگە اسۋ فورماسى بولعان حالىق ساياسي كەڭەسى − ارناۋلى كەڭەس قۇرىلىمى، جۇڭگوشا ەرەكشەلىككە يە تۇزىمدىك ورنالاستىرۋ، جۇڭگوشا سوتسياليستىك تۇزىمگە تاباندى بولۋ مەن دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى وزەگى ەتىپ، ”قوس 100 جىلدىق“ كۇرەس نىساناسىن جۇزەگە اسىرۋعا قىزمەت ەتۋدى قىزمەتتىڭ نەگىزگى جەلىسى ەتىپ، يدەيا - ساياسي جاقتان جەتەكشىلىك ەتۋدى كۇشەيتۋدى، ورتاق تانىمدى كەڭ كولەمدە ۇيىستىرۋدى وزەكتى بۋىن ەتىپ، حالىق ساياسي كەڭەسى ءتۇزىم ارتىقشىلىعىن مەملەكەتتى جونگە سالۋ ونىمدىلىگىنە اينالدىرىپ، جاپپاي دوڭگەلەك داۋلەتتى قوعام ورناتۋ نىسانالارىن، مىندەتتەرىن جۇزەگە اسىرۋ، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن جۇزەگە اسىرۋ ءۇشىن زەيىن - زەردەنى، كۇش - قۋاتتى شوعىرلاندىرۋ كەرەك.

  كەڭەسۋ ارقىلى ورتاقتىق تابۋعا، سەلبەسۋ ارقىلى ءىس بىتىرۋگە بولادى. كەزەكتە ەلىمىز ەكونوميكاسىنىڭ دامۋى ءدوپ كەلگەن سايىس بۇرىن بولىپ كورىلمەگەن، ءسوزسىز، قيىنشىلىقتى، حاۋىپ - قاتەردى جانە تۇراقسىزدىقتى تولىق مەجەلەپ، كوكەي تەستىلىك سەزىمدى شىن مانىندە كۇشەيتىپ، ەكونوميكالىق، قوعامدىق دامۋداعى قىزمەتتەردى ناقتى يگەرۋ كەرەك. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى شەشىمدەرىن، ورنالاستىرۋلارىن مىندەت وتەپ، جاۋاپكەرشىلىكتى ادا ەتۋدەگى ناقتى ىسكەرلىككە اينالدىرىپ، حالىق ساياسي كەڭەسىنىڭ ساياسي ۇيىم جانە دەموكراتيالىق فورما رەتىندەگى ونىمدىلىگىن ساۋلەلەندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ ورەسىن جوعارىلاتىپ، ورتاق تانىمدى اناعۇرلىم ويداعىداي ۇيىستىرىپ، ىندەتتەن ساقتانۋ، دامۋدى جەبەۋ ءۇشىن ۇزدىكسىز زەيىن - زەردە مەن كۇش - قۋات توپتاپ، ”التىنى ورنىقتىرۋ“ قىزمەتىن ويداعىداي ىستەۋدى، ”التىنى قامتاماسىز ەتۋ“ مىندەتىن تياناقتاندىرۋدى ىلگەرىلەتۋ كەرەك. حالىق ساياسي كەڭەسى پارتيانىڭ ءتۇرلى قىزمەتكە باسشىلىعىنا تاباندى بولۋداعى جانە ونى كۇشەيتۋدەگى ماڭىزدى شەپ، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، باستايتىن ماڭىزدى تۇعىر، ورتاق يدەيالىق - ساياسي نەگىزدە قايشىلىقتاردى جويۋدىڭ جانە ورتاق تانىم ۇيىستىرۋدىڭ ماڭىزدى ارناسى، فۋنكتسياسىن، رولىن تولىق ساۋلەلەندىرىپ، ۇلى ىنتىماققا، ۇلى بىرلىككە تاباندى بولىپ، بىردەيلىك پەن الۋان تۇرلىلىكتىڭ بىرلىگىنە تاباندى بولىپ، ورتاق يدەيالىق - ساياسي نەگىزدى ۇزدىكسىز بەكەمدەپ، ەڭ ۇلكەن ورتاق بولگىشگە ۇمتىلۋعا، ەڭ ۇلكەن سەنترلەس شەڭبەر سىزۋعا قۇلشىنىپ، ۇلتتىڭ گۇلدەنۋى ۇلى ءىسىن جۇزەگە اسىرۋعا بىرگە سەپتىگىن تيگىزۋى كەرەك.

  ”كوپتىڭ كۇشىمەن ىستەلگەن ءىس جەڭىسكە جەتپەي قويمايدى؛ كوپتىڭ پاراساتىمەن ىستەلگەن جۇمىس ورىندالماي قويمايدى“. ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ تۇيىنىندە تۇرعان حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. مۇشەلەردىڭ ەل ءۇشىن مىندەت اتقارۋدان، حالىق ءۇشىن جاۋاپكەرشىلىگىن ادا ەتۋدەن جازبايتىن ىنتا - ىقىلاسپەن جانە جاۋاپكەرشىلىكپەن ءىستى كوكەيدە ساقتاپ، جاۋاپكەرشىلىكتى مىقتاپ ارقالاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ جاڭا تاراۋىن جازۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋىن كۇتەمىز!

  ءماجىلىستىڭ تولىق تابىستى بولۋىن تىلەيمىز!

(شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور: سايراش تۇرارجان