ءتۇزىم ارتىقشىلىعىنان شەبەرلىكپەن پايدالانىپ، حاۋىپ - قاتەرگە، سىن - سايىسقا توتەپ بەرەيىك

ءتۇزىم ارتىقشىلىعىنان شەبەرلىكپەن پايدالانىپ، حاۋىپ - قاتەرگە، سىن - سايىسقا توتەپ بەرەيىك

□ حالىق گازەتىنىڭ شولۋشىسى

  جاز كەلدى، بۇكىل مەملەكەتتىك ەكى ءماجىلىس اشىلۋ قارساڭىندا تۇر، ەگىنجايلاردا ەگىس جۇمىسى قاۋىرت جۇرگىزىلىپ، زاۆود سەحتارىندا ماشينالار گۇرىلدەپ، 9 ميلليون 600 مىڭ شارشى كيلومەتردەن استام بايتاق دالادا تىرشىلىك لەبى ەسىپ، ومىرشەڭدىك كۇش جالىندادى. وسى كورىنىستەر ادامدى قانداي كۇش جۇڭگو حالقىنىڭ قىسقا ۋاقىت ىشىندە جاڭا تيپتى ايدارشا ۆيرۋس وكپە قابىنۋ ىندەتىنىڭ تۇمانىن سەيىلتىپ، ەكونوميكالىق، قوعامدىق دامۋدىڭ قالىپتى ءتارتىبىن تەز قالپىنا كەلتىرۋىنە مۇمكىندىك بەردى؟ دەگەن تەرەڭ تەبىرەنىسكە سالادى.

  ”جۇڭگو ۆيرۋستىڭ تارالۋىن توسۋدا ادامدى قايران قالدىرارلىق جۇمىلدىرۋ قۋاتىن ايگىلەدى. مۇنداي جۇمىلدىرۋدىڭ ءساتتى بولۋى جۇڭگونىڭ ساياسي پارتيا تۇزىمىمەن قاتىستى“. حالىقارالىق بىلىكتى قايراتكەرلەر شولۋلارىندا وسى شەشۋشى ءتۇيىندى ءداپ باسىپ ايتتى. باس شۋجي شي جينپيڭ: ”ەلىمىزدەگى ىندەتتەن ساقتانۋ - تىزگىندەۋ مەن جۇمىستى، ءوندىرىستى قالپىنا كەلتىرۋدىڭ پارمەندى تۇردە ىلگەرىلەي الۋىنىڭ ءتۇبىرلى سەبەبى پارتيانىڭ باسشىلىعى مەن ەلىمىزدىڭ سوتسياليزم ءتۇزىمىنىڭ ارتىقشىلىعى تەڭدەسسىز ماڭىزدى رول اتقارعاندىقتان بولدى“ دەپ تەرەڭ اتاپ كورسەتتى. سۇراپىل كەلگەن ىندەت الدىندا، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءبىز 340تان استام ەمدەۋ اترەتىن، 42 مىڭنان استام ەمدەۋ قىزمەتكەرىن جەدەل جيناپ، ءتۇن قاتا كومەككە اتتاندىرىپ، ءبىرىنشى شەپكە جىبەردىك، ءبىز 19 ولكەنى ىندەت اۋىر وڭىرگە باعىتتامالى كومەكتەسۋگە جەدەل ۇيىمداستىرىپ، بار كۇشتى سالىپ، جەڭىسكە جەتپەيىنشە شەگىنبەدىك. ءبىز ءبىر ميلليارد 400 ميلليون حالىقتى بىرلەسىپ ساقتانىپ، بىرلەسىپ تىزگىندەۋگە، بۇقارالىق ساقتانىپ، بۇقارالىق تىزگىندەۋگە جەدەل جۇمىلدىرىپ، بەرىك ساقتىق شەبىن قۇردىق... دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى تان دىساي شىنايى تەبىرەنىپ، ”جۇڭگو جاقتىڭ ارەكەت قارقىنىنىڭ تەزدىگى، كولەمىنىڭ كەڭدىگى دۇنيە جۇزىندە سيرەك كەزدەسەدى. بۇل جۇڭگو ءتۇزىمىنىڭ ارتىقشىلىعى“، - دەدى.

  ءبىر مەملەكەتتىڭ ءتۇزىمىنىڭ ءساتتى - ساتسىزدىگىن، جاقسى - جاماندىعىن ولشەۋدەگى ءبىر ماڭىزدى جاق ونىڭ ەلەۋلى حاۋىپ - قاتەرگە قالاي توتەپ بەرگەندىگىنە قاراۋدا. وسى رەتكى الەمدىك الەۋمەتتىك دەنساۋلىق ساقتاۋداعى تۇتقيىل وقيعا الدىندا، جۇڭگو ءتۇزىمى ”قىسىم سىناعىنان“ ءوتىپ، تولىمدى جاۋاپناما تاپسىرىپ، حاۋىپ - قاتەرگە توتەپ بەرۋ بارىسىندا ەرەكشە باسشىلىق قابىلەتتى، توتەپ بەرۋ قابىلەتىن، ۇيىمداستىرۋ، جۇمىلدىرۋ قابىلەتىن، دايەكتىلەندىرۋ، اتقارۋ قابىلەتىن ايگىلەدى. ۋحاننان حۋبەيعا، حۋبەيدان بۇكىل ەلگە دەيىن، پارتيا ورتالىق كوميتەتىنىڭ ءبىر تۇتاس قولباسشىلىعىندا، ءبىر تۇتاس سايكەستىرۋىندە، ءبىر تۇتاس ىڭعايلاستىرۋىندا، پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالا جانە بارلىق جەر ءبىر تۇلعالى ارەكەتتەنىپ، بۇكىل ەل جوعارى مەن تومەن ءبىر ارقاۋ بولىپ شيراپ، ءبىر تۇتاس جۇيەنى جاقسى جوسپارلاپ، بۇكىل قوعام كۇشى شۇعىل اتتانىسقا كەلىپ، ءار جاقتاردىڭ بايلىعى تارتىپپەن جونەلتىلىپ، ىندەتكە قارسى اتتانۋدىڭ قۋاتتى بىرىككەن كۇشىن جەدەل قالىپتاستىردى. وسى رەتكى ىندەتكە قارسى اتتانۋ كۇرەسىنەن حالىقاراداعى قايراتكەرلەر جۇڭگونىڭ ”قۋاتتى جۇمىلدىرۋ جانە اتقارۋ قابىلەتىنىڭ ماڭىزدى ساتتە تولىق ايگىلەنگەندىگىن“ كوردى، حالىقارالىق قوعام ”جۇڭگونىڭ ءادىس - امالىن ۇلگى رەتىندە دۇنيە ءجۇزىنىڭ تارالمالى اۋرۋعا قارسى اتتانۋ تاريحىنا كىرگىزۋگە بولادى“ دەپ القادى، ەل ءىشى - سىرتىنداعى قايراتكەرلەر جۇڭگو كوممۋنيستىك پارتياسىنىڭ كۇردەلى جاعدايدى مەڭگەرۋدەگى، حاۋىپ - قاتەرگە، سىن - سايىسقا توتەپ بەرۋدەگى قۋاتتى قابىلەتىن تەرەڭ تانىدى. جۋىردا اشىلعان پارتيا سىرتىنداعى قايراتكەرلەر اڭگىمە ماجىلىسىندە باس شۋجي شي جينپيڭ ”ىندەتتەن ساقتانۋ - تىزگىندەۋ كۇرەسىنىڭ امالياتى جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ، ەلىمىزدىڭ مەملەكەتتى جونگە سالۋ جۇيەسىنىڭ قۋاتتى ومىرشەڭدىك كۇشكە جانە ايقىن ابزالدىلىققا يە ەكەندىگىن، ءارقانداي قيىنشىلىقتى، بوگەتتى جەڭە الاتىندىعىن، ادامزات وركەنيەتىنىڭ العا باسۋى ءۇشىن ەلەۋلى ۇلەس قوسا الاتىندىعىن تاعى ءبىر رەت دالەلدەدى“ دەپ وسكەلەڭ جيناقتادى.

  وسى رەتكى قاتاڭ كۇرەس بىزگە مىنانى تەرەڭ ءتۇسىندىردى: دامۋ ورتاسى قاتاڭ، كۇردەلى بولعان سايىن رەفورمانى سونشالىق مىزعىماستان تەرەڭدەتىپ، ءار جاقتارداعى ءتۇزىمدى اقاۋسىزداندىرىپ، جونگە سالۋ جۇيەسىن كەمەلدەندىرىپ، ءتۇزىم قۇرىلىسى مەن جونگە سالۋ ونىمدىلىگىنىڭ اناعۇرلىم جاقسى اينالۋىن، توعىسۋىن جەبەپ، ءتۇزىم ارتىقشىلىعىنان شەبەرلىكپەن پايدالانىپ حاۋىپ - قاتەردىڭ، سىن - سايىستىڭ سوققىسىنا توتەپ بەرۋ كەرەك. وسى رەتكى ىندەتتە بايقالعان ولقىلىقتار مەن جەتەرسىزدىكتەرگە قاراتا، ءبىز ولقىلىقتاردى جەدەل يگەرىپ تولىقتاپ، ساڭلاۋلاردى بىتەپ، ءالسىز تۇستاردى كۇشەيتىپ، تاباندى بولۋعا تيىستىلەرىنە تاباندى بولىپ، كەمەلدەندىرۋگە تيىستىلەرىن كەمەلدەندىرىپ، قۇرۋعا تيىستىلەرىن قۇرىپ، تياناقتاندىرۋعا تيىستىلەرىن تياناقتاندىرۋىمىز كەرەك. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحى مەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، اۋرۋدان ساقتانۋ - تىزگىندەۋ جۇيەسىنە رەفورما جاساپ، كەمەلدەندىرىپ، ەلەۋلى ىندەتتەن ساقتانۋ - تىزگىندەۋدىڭ، قۇتقارۋ - ەمدەۋدىڭ بەيبىت كەزدەگى مەن شايقاس كەزىندەگىنى ۇشتاستىرۋ جۇيەسىن قۇرىپ، شۇعىل جاعدايعا توتەپ بەرۋ زاتتىق ماتەريالى قامتاماسىزدىق جۇيەسىن اقاۋسىزداندىرىپ، شەشۋشى، وزەكتى تەحنيكالاردان قامال الۋدىڭ جاڭا تيپتى بۇكىل مەملەكەتتىك ءتۇزىلىسىن جەدەل قۇرىپ، وتانشىلدىق تازالىق قيمىلىن ىشكەرىلەي ورىستەتىپ، ەلىمىزدىڭ الەۋمەتتىك دەنساۋلىق ساقتاۋ جۇيەسىن ۇزدىكسىز كەمەلدەندىرىپ، تۇتقيىل تۋىلاتىن ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن ورەسىن شىن مانىندە جوعارىلاتۋ كەرەك. العا ىلگەرىلەۋ ساپارىندا ءبىز رەفورما جاساۋعا، جاڭالىق اشۋعا، داۋىرمەن بىرگە ىلگەرىلەۋگە تاباندى بولىپ، ءوزىمىزدى كەمەلدەندىرۋگە، ءوزىمىزدى دامىتۋعا شەبەر بولىپ، قوعامنىڭ قاي - قاشان دا جاندى ومىرشەڭدىككە تولى بولۋىنا، جۇڭگوشا سوتسياليزم ءتۇزىمىنىڭ اناعۇرلىم بەكەمدەلىپ، ابزالدىلىعىن تولىق ايگىلەۋىنە مۇمكىندىك جاساۋىمىز كەرەك.

  ”مەملەكەتتى جونگە سالۋدا، حالىقتى تارتىپكە شاقىرۋدا ءتۇزىم باستى ورىندا تۇرادى“. تاريح مىنانى تولىق ايگىلەدى: جۇڭگوشا سوتسياليزم ءتۇزىمى زامانىمىزداعى جۇڭگونىڭ دامۋىنىڭ، العا باسۋىنىڭ ءتۇبىرلى كەپىلى، پارتيانىڭ باسشىلىعى جۇڭگوشا سوتسياليزم ءتۇزىمىنىڭ ەڭ زور ارتىقشىلىعى. كەلەشەكتى بەتكە العاندا، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ بەرىك تىرەكتىك رولىن ساۋلەلەندىرىپ، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەلىمىزدىڭ ءتۇزىم ارتىقشىلىعىن مەملەكەتتى جونگە سالۋ ونىمدىلىگىنە ونان ارى جاقسى اينالدىرىپ، سان ميلليونداعان حالىقتىڭ ويىن ءبىر اراعا توعىستىرىپ، كۇشىن بىرگە جۇمسايتىن قۋاتتى بىرىككەن كۇش ۇيىستىرساق، ءبىز، ءسوز جوق، العا ىلگەرىلەۋ جولىنداعى حاۋىپ - قاتەر، سىن - سايىس اتاۋلىنى جەڭىپ، تىڭ دا اناعۇرلىم زور كەرەمەتتەردى ۇزدىكسىز جاراتا الاتىن بولامىز.

  (شينحۋا اگەنتتىگىنىڭ 5 - ايدىڭ 19 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت