وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردىڭ كەدەيلىكتەن ارىلتۋدان قامال الۋىن جۇمىس باسىندا ىلگەرىلەتۋ ءماجىلىسى حوتاندا اشىلدى

وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردىڭ كەدەيلىكتەن ارىلتۋدان قامال الۋىن جۇمىس باسىندا ىلگەرىلەتۋ ءماجىلىسى حوتاندا اشىلدى

ليۋ يۇڭفۋ، شوكىرات زاكىر قاتىناستى ءارى ءسوز سويلەدى

  گازەتىمىزدىڭ جالپىلىق اقپارات قۇرالدارى ءتىلشىسى جاڭ يۇنمەي 5 - ايدىڭ 17 - كۇنى حوتاننان حابارلايدى. 5 - ايدىڭ 16 - كۇنى وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردىڭ كەدەيلىكتەن ارىلتۋدان قامال الۋىن جۇمىس باسىندا ىلگەرىلەتۋ ءماجىلىسى حوتاندا اشىلدى، مەملەكەتتىك كەڭەس كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشىسى ليۋ يۇڭفۋ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءماجىلىستى باسقاردى.

  ليۋ يۇڭفۋ بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋ قىزمەتىنە وسكەلەڭ ءمان بەردى، بيىل جىل باسىنان بەرى، باس شۋجي شي جينپيڭ ىندەتتەن ساقتانۋ - تىزگىندەۋدى جانە كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدى ءبىر تۇتاس جوسپارلاپ ىلگەرىلەتۋ جونىندە كوپ رەت ماڭىزدى ءسوز سويلەپ، ءبىر قىدىرۋ ماڭىزدى نۇسقاۋلار بەرىپ، ءبىزدىڭ ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا كەدەيلىكتەن ارىلتۋدان قامال الۋدى اياقتاتۋ قىزمەتىن ويداعىداي ىستەۋىمىزگە ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. اۆتونوميالى رايوندىق پارتكوم مەن حالىق ۇكىمەتى باس شۋجي شي جينپيڭنىڭ ماڭىزدى نۇسقاۋلارىن، تالاپتارىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، بۇكىل شينجياڭداعى ءار ۇلت كادر، بۇقاراسىن باستاپ قۇلشىنا كۇرەس جاساپ، قامال الىپ، قيىنشىلىقتاردى جەڭىپ، ءارقايسى جاقتىڭ كۇش سالا قولداۋىندا، كومەك كورسەتۋىندە كەدەيلىكتەن ارىلتۋدان قامال الۋ شەشۋشى سيپاتتى تابىسقا قول جەتكىزىپ، وڭتۇستىك شينجياڭداعى 4 ايماق - وبلىستىڭ كەدەيلىكتى ازايتۋ تاريحىنداعى ەڭ تاماشا ناتيجەنى جاراتتى. ليۋ يۇڭفۋ بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ جونىندەگى ماڭىزدى نۇسقاۋلارىنىڭ رۋحىن مۇقيات ۇيرەنىپ، ۇعىنىپ، اناعۇرلىم سەنىم ورناتىپ، ءتىپتى دە زور بەكىممەن، ءتىپتى دە كۇشتى تەبىنمەن تياناقتاندىرۋدى مىقتاپ يگەرۋ كەرەك. شايقاستى باسى - قاسىندا قاداعالاپ، اۋىر كەدەيلىكتىڭ قامالىن باتىل الىپ، كوپ شارانى قاتار اتقارىپ كەدەي ەڭبەككۇشتەردىڭ ورنىقتى جۇمىستانۋىنا كومەكتەسۋ، تۇتىنۋ ارقىلى كەدەيلەردى سۇيەمەلدەۋدى تەرەڭدەتىپ، ەرەكشە كاسىپ سالاسىن دامىتۋدى جەبەپ، تابىستى بەكەمدەپ، قايتا كەدەيلەسۋدەن، جاڭادان كەدەيلەسۋدەن شىنايى ساقتانىپ، بىرىككەن كۇش ۇيىستىرىپ، باعىتتامالى كومەكتەسۋ، سۇيەمەلدەۋ قىزمەتىن ۇزدىكسىز تەرەڭدەتىپ، كەدەيلىكتەن ارىلتۋدان قامال الۋدى قورىتىندىلاۋ ۇگىتىن ويداعىداي ىستەپ، وڭتۇستىك شينجياڭداعى 4 ايماق - وبلىستىڭ اۋىر كەدەيلىكتى جويۋ شايقاسىنىڭ جەڭىسىنە باتىل قول جەتكىزۋ كەرەك.

  شوكىرات زاكىر مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا مەملەكەتتىڭ مينيسترلىكتەرى، كوميتەتتەرى، شينجياڭعا كومەكتەسەتىن ولكە، قالالار جانە قوعامنىڭ ءار سالاسى قالتقىسىز كومەكتەسىپ جانە پارمەندى قولداپ، وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋىنا پارمەندى تىرەك جانە قوزعاۋشى كۇش ازىرلەدى. كەزەكتە كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنە جەتۋدىڭ، قامال الىپ، كەدەرگىلەردى جويۋدىڭ شەشۋشى تۇيىنىنە ءوتتى، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ بەرىك ورناتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ىندەتتىڭ ءتيىمسىز ىقپالىن بەلسەندى جەڭىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز ۇشتاستىرىپ، نازاردى وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەرگە شوعىرلاندىرىپ، ءار جاقتىڭ كۇشىن ءونىمدى ۇيىستىرىپ، كەدەيلەردى سۇيەمەلدەۋدىڭ ۇلكەن جۇلگەسىن قالىپتاستىرىپ، كۇش - قۋاتتى شوعىرلاندىرا وتىرىپ اۋىر كەدەيلىكتى جويۋ شايقاسىن ويداعىداي جۇرگىزىپ، بيىل تۇتاس رايونداعى قالعان 10 كەدەي اۋداننىڭ تۇگەلدەي كەدەيلىك قالپاعىن الىپ، بۇكىل ەلمەن بىرگە جاپپاي دوڭگەلەك داۋلەتتى قوعامعا وتۋىنە شىنايى كەپىلدىك ەتۋ كەرەك.

  ماجىلىستە شينجياڭعا باعىتتامالى كومەكتەسەتىن 10 ولكە، قالا كومەك قابىلداعان ايماق، وبلىستارمەن 2020 - جىلعى شينجياڭعا باعىتتامالى كومەكتەسۋ - سۇيەمەلدەۋ كەلىسىمىنە قول قويدى. مەملەكەتتىك سۋ يگىلىگى مينيسترلىگىنىڭ، مەملەكەتتىك اۋىل شارۋاشىلىعى، اۋىل - قىستاق مينيسترلىگىنىڭ قاتىستى جاۋاپتى جولداستارى قاتىستى جاعدايلاردى تانىستىردى. جىجياڭ ولكەسىنىڭ، تيانجين قالاسىنىڭ، گۋاڭدۇڭ ولكەسىنىڭ قاتىستى جاۋاپتى جولداستارى، جۇڭگو وڭتۇستىك اۆياتسيا توبى شەكتى سەرىكتەستىگىنىڭ، جۇڭگو استىق توبىنىڭ، شينجياڭ - جىجياڭ كاسىپورىندار بىرلەستىگىنىڭ (ساۋدا قوعامى)، شينجياڭ مەيفان حۋاىر ءبىز توقىماشىلىق شەكتى سەرىكتەستىگىنىڭ ۋاكىلدەرى پىكىر الماستىرىپ لەبىز ءبىلدىردى.

  ورتالىقتىڭ تۇيىندەردە تۇرىپ شينجياڭعا كومەكتەسەتىن، سۇيەمەلدەيتىن ورىندارىنىڭ، شينجياڭعا باعىتتامالى كومەكتەسەتىن ولكە، قالالاردىڭ جانە اۆتونوميالى رايون باسشىلارىنان ۋي شانجۇڭ، فىڭ فەي، لي شۋچي، ەركىن تۇنياز، باداي، جاڭ بو، ما شيۇڭچىڭ ماجىلىسكە قاتىناستى.

  ءماجىلىس كەزىندە ماجىلىسكە قاتىناسقاندار تاعى حوتان اۋدانىنا، قاراقاش اۋدانىنا بارىپ، كوزدەن كەشىرىپ پىكىر الماستىردى.

جاۋاپتى رەداكتور: ريزا حاميت