شارۋالار سەلبەستىك كووپەراتيۆتەرى كىرىس ارتتىراتىن تۇراقتى ارناعا اينالدى

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 5 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، جۋىقتا رايونىمىز اۆتونوميالى رايونداعى شارۋالار كاسىپتىك سەلبەستىك كووپەراتيۆى ۇلگىلەرىنىڭ 5 - توپتاعى ەسىمدىگىن جاريادى، 122 سەلبەستىك كووپەراتيۆ قاتاردان ورىن الدى. وسىعان دەيىن اۆتونوميالى رايونىمىزداعى شارۋالار كاسىپتىك سەلبەستىك كووپەراتيۆتەرىنىڭ ۇلگىلەرى 1534كە جەتتى.

  سوڭعى جىلداردان بەرى، اۆتونوميالى رايونداعى شارۋالار كاسىپتىك سەلبەسىك كووپەراتيۆتەرىنىڭ دامۋ قارقىنى كۇشتى بولىپ، سەلبەستىك سالاسى كەڭەيۋ، تىزبەگى ۇزارۋ، كولەمى ۇلعايۋ، قىزمەت وتەۋ فۋنكتسيالارى كۇشەيۋ سىندى تاماشا كۇي جارىققا شىقتى.

  قازىنا، سالىق، امانات - قارىز، جەردەن پايدالانۋ، ەلەكتر تۇتىنۋ جانە اۋىل شارۋاشىلىعى ونىمدەرىن تاسىمالداۋ سياقتى ءتيىمدى ساياساتتاردىڭ قولداۋىندا، رايونىمىزداعى شارۋالار كاسىپتىك سەلبەستىك كووپەراتيۆتەرى جەدەل دامىدى. اۋىل - قىستاق ەكونوميكاسىن، تيجاراتىن باسقارۋ تاراۋلارىنىڭ ساناعىندا كورسەتىلۋىنشە، 2019 - جىلدىڭ سوڭىنا دەيىن بۇكىل رايونداعى شارۋالار كاسىپتىك سەلبەستىك كووپەراتيۆىنىڭ جالپى سانى 26 مىڭ 424كە جەتكەن، مۇنىڭ ىشىندە مەملەكەت دارەجەلى ۇلگى كووپەراتيۆ 176، شارۋالار كاسىپتىك سەلبەستىك كووپەراتيۆتەرىندە ناقتى 456 مىڭ مۇشە بار، بۇلاردىڭ ىشىندە شارۋا مۇشە 447 مىڭ ادام ەكەن.

  تيجارات سالاسىنان الىپ قاراعاندا، رايونىمىزداعى شارۋالار كاسىپتىك سەلبەستىك كووپەراتيۆتەرىنىڭ تيجارات سالاسى استىق، ماقتا، ازىقتىق ماي، ەت، جۇمىرتقا، ءسۇت، جەمىس - جيدەك، كوكونىس سياقتى باستى اۋىل شارۋاشىلىعى ونىمدەرىن وندىرۋدەن اۋىل شارۋاشىلىعى ماشينالارى، جاسىل جامىلعىنى قورعاۋ، حالىقتىق قولونەر، ساياحات جانە سەيىل - سەرۋەن اۋىل شارۋاشىلىعى، ەلەكتروندىق ساۋدا سياقتى كوپتەگەن سالاعا، كوپتەگەن كاسىپ كۇيلەرىنە قاراي كەڭەيۋ جاعدايى جارىققا شىققان. ءداستۇرلى سالالاردان سىرت، وڭدەۋشى تۇلعالار قۇرعان، ەلەكتروندىق ساۋدامەن شۇعىلدانعان، سەيىل - سەرۋەن، ساياحاتپەن جانە حالىقتىق قولونەر بۇيىمدارىن جاساۋمەن اينالىساتىن سەلبەستىك كووپەراتيۆ 949عا جەتىپ، شارۋالار كاسىپتىك سەلبەستىك كووپەراتيۆتەرى اۋىل - قىستاقتاعى ءار سالاعا كەڭەيۋدە.

  قىزمەت وتەۋ تاسىلىنەن الىپ قاراعاندا، رايونىمىزداعى شارۋالار كاسىپتىك سەلبەستىك كووپەراتيۆتەرىنىڭ جالپىلىق قىزمەت وتەۋ فۋنكتسيالارى ونان ارى كەڭەيگەن. ءوندىرۋدى، وڭدەۋدى، ساتۋدى ءبىر تۇلعالاندىرىپ قىزمەت وتەيتىن سەلبەستىك كووپەراتيۆ 7978گە وندىرىستىك قىزمەت وتەۋدى نەگىز ەتەتىندەرى 4263كە، قويمادا ساقتاۋدى جانە تاسىمالداۋ - ساتۋدى نەگىز ەتەتىندەرى 1050گە، وڭدەۋدەن قىزمەت وتەۋدى نەگىز ەتەتىندەرى 1512گە جەتكەن.

  دامۋ تاسىلىنەن الىپ قاراعاندا، كەزەكتە بۇكىل رايونداعى شارۋالار كاسىپتىك سەلبەستىك كووپەراتيۆتەرىنىڭ بىرلەسكەن كووپەراتيۆى 185كە جەتىپ، دامۋ بەتالىسى ”جەكە - دارا كۇرەسۋدەن“ ”ۇجىمداسىپ دامۋعا“ ويىسقان. 2019 - جىلى بۇكىل رايونداعى شارۋالار كاسىپتىك سەلبەستىك كووپەراتيۆتەرى تيجارات كىرىسىن 4 ميلليارد 750 ميلليون يۋانعا جەتكىزىپ، 71 ميلليون 460 مىڭ يۋان سالىق تاپسىرعان، سەلبەستىك كووپەراتيۆتەرىنىڭ پايدا قالدىعىنىڭ جالپى سوماسى 830 ميلليون يۋان بولىپ، اۆتونوميالى رايوننىڭ وسى زامانعى اۋىل شارۋاشىلىعىن دامىتۋدى جانە شارۋالاردىڭ كىرىسىن ارتتىرۋدى ىلگەرىلەتۋدىڭ ماڭىزدى دانەكەرىنە اينالعان.

  ”شارۋالار كاسىپتىك سەلبەستىك كووپەراتيۆتەرى باستاۋشى كاسىپورىندارمەن، جاي شارۋالارمەن جانە وتباسىلىق ەگىس الاڭدارىمەن جالعاسادى، ستەرەولدى، قۇراما تيپتەگى وسى زامانعى اۋىل شارۋاشىلىعى تيجارات جۇيەسىن ورناتۋدىڭ ۇيىمدىق نەگىزى سانالادى، ول وسى زامانعى اۋىل شارۋاشىلىعى تيجارات جۇيەسىنىڭ بەرىك تەتىگى، لايىقتى كولەمدەگى تيجاراتتى ىلگەرىلەتۋدىڭ ءونىمدى دانەكەرى، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋدىڭ ماڭىزدى كۇشى جانە شارۋالاردى كىرىستى ارتتىرۋعا، بايۋعا باستايتىن تۇراقتى ارنا بولىپ قالىپتاستى“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى اۋىل - قىستاق سەلبەستىك ەكونوميكاسىن دامىتۋ جانە جەتەكشىلىك ەتۋ ورتالىعىنىڭ مەڭگەرۋشىسى شيان ۋىنشين: ”جالپىلاي ايتقاندا، شارۋالار كاسىپتىك سەلبەستىك كووپەراتيۆتەرى قازىر بۇرىن بولماعان تەرەڭدىكتە جانە كەڭدىكتە اۋىل شارۋاشىلىعىنىڭ ءوندىرىس تاسىلىنە تۇبەگەيلى وزگەرىس تۋدىرۋدا“ دەدى.

جاۋاپتى رەداكتور: نۇربولات قابىل
  • 1
  • 2
  • 3
  • 4