جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋ شارالارىن ۇدايىلاندىرۋدىڭ تياناقتاندىرىلىپ ونىمدىلىك كورسەتۋىن ويداعىداي يگەرۋدى اقىلداستى، ورنالاستىردى، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جانە باسەكەلىك قۋاتىن جوعارىلاتۋدى اقىلداستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 5 - ايدىڭ 14 - كۇنى ءماجىلىس اشىپ، ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋ شارالارىن ۇدايىلاندىرۋدىڭ تياناقتاندىرىلىپ ونىمدىلىك كورسەتۋىن ويداعىداي يگەرۋدى اقىلداستى، ورنالاستىردى، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جانە باسەكەلىك قۋاتىن جوعارىلاتۋدى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: كەزەكتە بۇكىل ەلىمىزدەگى ىندەتتەن ساقتانۋ - تىزگىندەۋ جاعدايى جالپى جاقتان جاقسى، سونىمەن بىرگە شەكارا سىرتىنداعى ىندەت جاعدايى قاتاڭ دا كۇردەلى، ەل ىشىندەگى ىندەتتىڭ قايتا بەلەڭ بەرۋىنەن ساقتانۋ مىندەتى ءالى دە جاپالى دا اۋىر. سالعىرتسۋ يدەياسىن، شايقاستان جالىعۋ كوڭىل كۇيىن، تالەي سىناۋ ويىن، بوساڭسۋ پيعىلىن باتىل جويىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتىن ۇزدىكسىز مىقتى، ناقتى، ەگجەي - تەگجەيلى يگەرىپ، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋ جەتىستىگىن استە سەلگە كەتىرمەي، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ نىسانالارىن، مىندەتتەرىن ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: ءتۇيىندى وڭىرلەردە، ءتۇيىندى ورىنداردا ىشتە قايتا بەلەڭ بەرۋدەن ساقتانۋ قىزمەتىن كۇشەيتۋ كەرەك. حيلۇڭجياڭ، جيلين قاتارلى تاياۋدا توپتالۋ سيپاتتى ىندەت تۋىلعان وڭىرلەر ساقتانۋ - تىزگىندەۋ شارالارىن باعىتتامالى تۇردە كۇشەيتۋ كەرەك. حۋبەي ولكەسى مەن ۋحان قالاسى الەۋمەتتىك اۋماقتىڭ ساقتانۋ - تىزگىندەۋىن ۇزدىكسىز كۇشەيتىپ جانە كەمەلدەندىرىپ، نۋكلەين قىشقىلىن سارالاۋ - ولشەۋ، ءبىر - بىرلەپ تەكسەرۋ سياقتى قىزمەتتەردى ويداعىداي ىستەۋ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ۋحانداعى بايلانىس جاساۋ گرۋپپاسى جەتەكشىلىك ەتۋدى جانە قۋزاۋدى كۇشەيتۋ كەرەك. بەيجيڭ قالاسى مەملەكەتتىك ”ەكى ءماجىلىس“ كەزىندەگى ىندەتتەن ساقتانۋ - تىزگىندەۋ قىزمەتىن كۇشەيتۋ كەرەك. مەكتەپتەردىڭ ساباقتى قالپىنا كەلتىرۋدەگى ساقتانۋ - تىزگىندەۋ جوباسىن ەگجەي - تەگجەيلى جاساۋىنا جەتەكشىلىك ەتىپ، وقىتۋشى - وقۋشىلاردىڭ حاۋىپسىزدىگىن جانە دەنساۋلىعىن قامتاماسىز ەتۋ كەرەك. ەمدەۋ قۇرىلىمدارىنىڭ جۇعىمدالۋدان ساقتانۋ - تىزگىندەۋ شارالارىن باعىتتامالى تۇردە كۇشەيتىپ، ناۋقاستارعا قاراۋدى جانە ناۋقاستاردىڭ كوڭىلىن سۇراۋدى باسقارۋدى اقاۋسىزداندىرىپ، قالىپتى دياگنوز قويۋ، ەمدەۋ ءتارتىبىن تارتىپپەن قالپىنا كەلتىرىپ، شيپاحانا ىشىندە جۇعىمدالۋدان شىن مانىندە ساقتانۋ كەرەك.

  ءماجىلىس مىنالاردى تالاپ ەتتى: ىندەتتەن ساقتانۋ - تىزگىندەۋ شارالارىن ۇدايىلاندىرۋدىڭ تياناقتاندىرىلىپ ونىمدىلىك كورسەتۋىن ويداعىداي يگەرۋ كەرەك. جەر - جەر تاياۋدا توپتاسۋ سيپاتتى ىندەت تۋىلعان وڭىرلەردىڭ ساباقتارىن مۇقيات قابىلداپ، بىرەۋى ارقىلى وزگەسىن تۇسپالداپ، ءوز جەرىنىڭ ساقتانۋ - تىزگىندەۋدەگى ولقىلىقتارىن قايتا ءبىر - بىرلەپ تەكسەرىپ، ساقتانۋ - تىزگىندەۋدىڭ ماڭىزدى تۇيىندەرىن قايتا بەكەمدەپ، ساقتانۋ - تىزگىندەۋ تالاپتارىن قايتا تياناقتاندىرىپ، ىندەتتىڭ قايتا بەلەڭ بەرمەۋىنە شىنايى كەپىلدىك ەتۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن پارمەندى دايەكتىلەندىرمەگەندەردى، تياناقتاندىرماعانداردى قاتاڭ ءبىر جايلى ەتۋ كەرەك. جاز ماۋسىمىنداعى اۋا رايىنىڭ ەرەكشەلىگىنە مەڭزەس، ساقتانۋ - تىزگىندەۋ تالاپتارىن كەمەلدەندىرىپ، بۇقارانى عىلمي ساقتانۋعا، قورعانۋعا تاربيەلەۋ، جەتەكتەۋ كەرەك.

  ءماجىلىس مىنالاردى باسا دارىپتەدى: شەكارا سىرتىنداعى ىندەتتىڭ جاڭا جاعدايىنا، جاڭا اۋقىمىنا مەڭزەس، اناعۇرلىم يكەمدى، جارامدى شارالاردى قولدانىپ، سىرتتان كىرۋدەن ساقتانۋداعى ءتۇيىندى سالالار مەن ءالسىز بۋىنداردى كۇشەيتۋ كەرەك. شەكارا سىرتىنداعى ەلىمىز ازاماتتارىنا كوڭىل ءبولۋ، قامقورلىق جاساۋ قىزمەتىن ۇزدىكسىز ويداعىداي ىستەپ، شەكارا وڭىرلەردە، شەكارا وتكەلى قالالارىندا دەنساۋلىق ساقتاۋ، كارانتيندەۋ جانە اۋاشالاۋ، باقىلاۋ، قۇتقارۋ، ەمدەۋ قابىلەتى قۇرىلىسىن كۇشەيتۋ كەرەك. ىندەتتەن ساقتانۋ - تىزگىندەۋدەگى حالىقارالىق سەلبەستىكتى ۇزدىكسىز تەرەڭدەتۋ كەرەك.

  ءماجىلىس مىنالاردى اتاپ كورسەتتى: قامداۋ جاعىنداعى قۇرىلىمدىق رەفورمانى تەرەڭدەتىپ، ەلىمىزدىڭ اسا ءىرى كولەمدى بازار باسىمدىعى مەن ىشكى سۇرانىس كومەسكى كۇشىن تولىق ساۋلەلەندىرىپ، ەل ءىشى، حالىقارا قوس اينالىمعا تۇسەتىن ءبىرىن - ءبىرى جەبەيتىن جاڭا دامۋ جاعدايىن قالىپتاستىرۋ كەرەك. كاسىپ سالاسى نەگىزىن قايتا تۇلعالاۋ جانە كاسىپ سالاسى تىزبەگىنىڭ ورەسىن ءوسىرۋ ينجەنەرياسىن اتقارىپ، ءداستۇرلى كاسىپ سالاسىنىڭ ابزالدىلىعىن بەكەمدەپ، ابزال كاسىپ سالالارىنىڭ وزىق ورنىن كۇشەيتىپ، ستراتەگيالىق جاڭادان گۇلدەنگەن كاسىپ سالاسىن، بولاشاقتىق كاسىپ سالاسىن جەدەل ورنالاستىرىپ، كاسىپ سالاسى نەگىزىن جوعارى دارەجەلىلەندىرۋ، كاسىپ سالاسى تىزبەگىن وسىزامانداندىرۋ دەڭگەيىن جوعارىلاتۋ كەرەك. جاڭاشا بۇكىل ەلدىك ءتۇزىلىس ابزالدىلىعىن ساۋلەلەندىرىپ، عىلىم - تەحنيكالىق جاڭالىق اشۋ جانە تەحنيكالىق قامال الۋدى كۇشەيتىپ، شەشۋشى بۋىنداردى، شەشۋشى سالالاردى، شەشۋشى ونىمدەردى قامتاماسىز ەتۋ قابىلەتىن نىعايتۋ كەرەك.

  ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ العى شارتىندا، ءتۇيىندى كاسىپ سالاسى تىزبەگىن، جەتەكشى كاسىپورىنداردى، كەلەلى قارجى قوسۋ نىساندارىن ۇزدىكسىز ارقاۋ ەتىپ، بوگەتتەردى تالقانداپ، ۇزىلىستەردى جالعاپ، ماڭىزدى فاكتورلاردى قامتاماسىز ەتۋدى كۇشەيتىپ، جوعارى - تومەن بۋىننىڭ، ءوندىرۋ - قامداۋ - ساتۋدىڭ، ءىرى، ورتا، شاعىن كاسىپورىنداردىڭ سايكەستى تۇردە جۇمىستى قالپىنا كەلتىرىپ، ءوندىرىس قۋاتىنا جەتۋىن جەبەۋ كەرەك. ءتۇرلى ساۋدا سارايلارىنىڭ، بازارلاردىڭ جانە تۇرمىستىق قىزمەت وتەۋ سالالارىنىڭ قالىپتى دەڭگەيگە ورالۋىن جەدەل ىلگەرىلەتىپ، كاسىپ سالاسى اينالىمىن، بازار اينالىمىن، ەكونوميكالىق، قوعامدىق اينالىمدى ىركىلىسسىزدەندىرۋ كەرەك. حالىقارالىق سايكەستىكتى، سەلبەستىكتى كۇشەيتىپ، حالىقارالىق كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن بىرگە قورعاۋ كەرەك.

  ءماجىلىس باسقا ىستەردى دە اقىلداستى.

جاۋاپتى رەداكتور: ريزا حاميت