اۋىل - قىستاق كاسىپ سالاسىن گۇلدەندىرۋدى جەبەپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتەيىك

اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسىنىڭ ءماجىلىسى اشىلدى

اۋىل - قىستاق كاسىپ سالاسىن گۇلدەندىرۋدى جەبەپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتەيىك

  گازەتىمىزدىڭ جالپىلىق اقپارات قۇرالدارى ءتىلشىسى جاۋ جىيۇن 5 - ايدىڭ 7 - كۇنى ۇرىمجىدەن حابارلايدى. 5 - ايدىڭ 6 - كۇنى تۇستەن كەيىن اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ ءماجىلىسى اشىلدى. ءماجىلىس باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، 2019 - جىلعى اۋىل شارۋاشىلىعى، اۋىل - قىستاق، شارۋالار قىزمەتىن قورىتىندىلاپ، جاپپاي دوڭگەلەك داۋلەتتى قوعام ورناتۋدى جانە كەدەيلىكتەن ارىلتۋدان قامال الۋ شايقاسىندا جەڭىسكە جەتۋدى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ باستىعى لي پىڭشين ءماجىلىستى باسقاردى.

  ءماجىلىس 2019 - جىلعى قىزمەتتەردى تولىق تۇراقتاندىردى، 2020 - جىلى كەدەيلىكتەن ارىلتۋدان قامال الۋ شايقاسىندا جەڭىسكە جەتۋ جانە جاپپاي دوڭگەلەك داۋلەتتىلىككە جەتۋدە اۋىل شارۋاشىلىعى، اۋىل - قىستاق، شارۋالار جاعىنداعى ولقىلىقتاردى تولىقتاۋ سىندى 2 ءتۇيىندى مىندەتتى ارقاۋ ەتىپ، كەدەيلىكتەن ارىلتۋدان قامال الۋ مىندەتتەرىن جاپپاي ورىنداۋ، اۋىل - قىستاق نەگىزدىك قۇرىلعىلار قۇرىلىسى مەن الەۋمەتتىك قىزمەت وتەۋدەگى ولقىلىقتاردى تولىقتاۋ، اۋىل - قىستاق كاسىپ سالاسىن گۇلدەندىرۋدى جەبەۋ، اۋىل - قىستاقتىڭ قونىس ورتاسىن رەتتەۋ - جونگە سالۋدى ىلگەرىلەتۋ، اۋىل شارۋاشىلىعى عىلىم - تەحنيكالىق قىزمەت وتەۋ جۇيەسىن كەمەلدەندىرۋ، اۋىل - قىستاقتاعى ەڭبەككۇشتەردى باسقا كاسىپ سالاسىنا ويىستىرىپ جۇمىستاندىرۋدى ىلگەرىلەتۋ، اۋىل - قىستاقتىڭ جاراسىمدىلىعىن، ورنىقتىلىعىن باتىل قورعاۋ سياقتى ءتۇيىندى قىزمەتتەردى ويداعىداي يگەرۋدى باسا دارىپتەدى.

  ءماجىلىس مىنالاردى باسا دارىپتەدى: اۋىل - قىستاق كاسىپ سالاسىن دامىتۋ − اۋىل - قىستاقتىڭ گۇلدەنۋىن جەبەۋدىڭ ءتۇبىرلى تياناعى. شينجياڭنىڭ باسىمدىققا يە اۋىل شارۋاشىلىق ونىمدەرىنىڭ وڭىرلىك ورنالاسۋىن ىلگەرىلەتۋ − اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋدىڭ، اۋىل شارۋاشىلىعىنىڭ جالپى ساندى مولايتۋدان ساپانى وسىرۋگە بۇرىلىس جاساۋىن جۇزەگە اسىرۋدىڭ قاجەتتى تالابى. بۇكىل رايونىمىزداعى استىق، ماقتا، مال، جەمىس جانە ەرەكشە ەگىس داقىلدارى سياقتى باسىمدىققا يە ونىمدەر ءوندىرىسىنىڭ ورنالاسۋىن دەن قويا جوسپارلاپ، اۆتونوميالى رايوننىڭ اۋىل - قىستاقتى گۇلدەندىرۋ ستراتەگيالىق جوباسى مەن ”14 - بەسجىلدىق“ اۋىل شارۋاشىلىعىن دامىتۋ جوباسىن ويداعىداي ۇشتاستىرىپ، بۇكىل رايونىمىزداعى باسىمدىققا يە اۋىل شارۋاشىلىق ونىمدەرىن عىلمي، ۇيلەسىمدى ورنالاستىرۋدى جۇزەگە اسىرۋعا جەتەكشىلىك ەتۋ كەرەك. اۆتونوميالى رايوننىڭ شوشقا شارۋاشىلىعىن دامىتۋ 3 جىلدىق ارەكەتىن اتقارۋدى مىقتى يگەرىپ، شوشقا ءوندىرىسىن جەدەل قالپىنا كەلتىرۋ؛ ەگىنشىلىك رايوندا مال شارۋاشىلىعىن گۇلدەندىرۋ ارەكەتىن اتقارۋدى مىقتى يگەرىپ، سولتۇستىك شينجياڭداعى ەگىنشىلىك رايونداردىڭ جۇگەرى ساباعى سياقتى جەم - ءشوپ ابزالدىلىعىنان تولىق پايدالانىپ، ەگىنشىلىك رايوندا باعىمشىلىقتى كولەمدەندىرۋدى، ولشەمدەندىرۋدى ويداعىداي يگەرىپ، سويىس قوي، ساۋىن سيىر، سويىس سيىر باعىمشىلىعىن كەڭەيتىپ، شوشقا، سيىر، قوي ەتى جانە ءسۇت سياقتى مال شارۋاشىلىق ونىمدەرىنىڭ ءونىم مولشەرىن ورنىقتىرۋدى، قامداۋدى قامتاماسىز ەتۋدى ىلگەرىلەتىپ، ەگىنشى - مالشىلاردىڭ كىرىسىن ۇزدىكسىز ارتتىرۋدى جەبەۋ كەرەك. وڭتۇستىك شينجياڭنىڭ قۇرىلعىلى كوكونىس شارۋاشىلىعىن دامىتۋدىڭ 3 جىلدىق ارەكەتىن زور كۇشپەن اتقارىپ، شينجياڭدى كوكونىسپەن قامداۋدى قامتاماسىز ەتۋ قابىلەتىن جان - جاقتى ءوسىرۋ كەرەك. قامداۋ - ساۋدا كووپەراتيۆى جالپىلىق رەفورماسىن تەرەڭدەتىپ، رەفورماعا تۇساۋ بولاتىن بوگەتتىك ماسەلەلەردى شەشۋدى زەرتتەپ، جىل سوڭىندا رەفورمانىڭ كەزەڭدىك نىسانالارىن دەر كەزىندە ورىنداۋعا شىنايى كەپىلدىك ەتۋ كەرەك. اۋىل شارۋاشىلىق ونىمدەرىن ساتىپ الۋ - ساتۋ ”ەكى تور“ قۇرىلىسىن جەدەلدەتىپ، نەگىزگى جاۋاپكەرشىلىكتى، نەگىزگى كاسىپتى كورنەكتىلەندىرىپ، عىلىم - تەحنيكالىق قىزمەت وتەۋدى مىقتى يگەرىپ، جىنتىكتەپ مانەرلەۋدى دامىتىپ، كاسىپ تىزبەگىن ۇزارتىپ، جەمىس ورمان شارۋاشىلىعىنىڭ ساپاسى مەن ونىمدىلىگىن جوعارىلاتىپ، بازارداعى باسەكەلىك قۋاتىن كۇشەيتىپ، شينجياڭ جەمىس ورمانىنىڭ داڭقىن اسپانداتۋ كەرەك. ءشول شەگىرتكەسىن جانە شينجياڭ ىشىندەگى شەگىرتكەنى باقىلاۋ - تەكسەرۋدى، الدىن الا ساقتاندىرۋدى كۇشەيتىپ، شەگىرتكە اپاتىنىڭ كومەسكى قاتەرىن جان - جاقتى تەكسەرىپ، وڭىرلىك جونگە سالۋ مەن عىلمي ساقتانۋ - تىزگىندەۋدى كورنەكتىلەندىرۋ كەرەك. اۋىل - قىستاق ۇسىنىلىمىن قامتاماسىز ەتۋ، اۋىل شارۋاشىلىعىنا عىلىم - تەحنيكالىق قىزمەت وتەۋ، اۋىل - قىستاقتى دارىندىلارمەن سۇيەمەلدەۋ، اپاتتان ساقتانۋ - تىزگىندەۋ جانە اۋىل - قىستاقتى جونگە سالۋ ”بەس ۇلكەن“ جۇيە قۇرىلىسىن ىشكەرىلەي زەرتتەپ، 1 - كاسىپتىڭ دەڭگەيىن ءوسىرۋ، اۋىل - قىستاق كاسىپ سالاسىن گۇلدەندىرۋ ءۇشىن پارمەندى تىرەك جانە كەپىلدىك ازىرلەۋ كەرەك. كەدەيلىكتەن جاپپاي ارىلتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ۇزدىكسىز ىلگەرىلەتىپ، سىناق تۇيىندەرىنىڭ قاتىستى قىزمەتتەرىن ويداعىداي يگەرۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى.

جاۋاپتى رەداكتور: ريزا حاميت