ەلىمىز 2022 - جىلدىڭ الدى - ارتىندا ادام الىپ ۇشاتىن 4 عارىش كەمەسىن ۇشىرادى

  شينحۋا اگەنتتىگىنىڭ 5 - ايدىڭ 5 - كۇنى حايناننىڭ ۋىنچاڭىنان بەرگەن حابارى (لي گولي، دىڭ مىڭ). 5 - ايدىڭ 5 - كۇنى كەشتە اشىلعان ۇزاق جورىق 5 - ءنومىرلى B تاسىمال راكەتاسىن العاشقى ۇشىرۋ مىندەتىنەن اقپار جاريالاۋ ماجىلىسىندە، جۇڭگو عارىشقا ادام الىپ ۇشۋ ينجەنەرياسى كەڭسەسى مەڭگەرۋشىسىنىڭ كومەكشىسى جي چيميڭ مىنالاردى جاريالادى: ەلىمىز 2022 - جىلدىڭ الدى - ارتىندا عارىش پۋنكتىن قۇرۋدى، وسى ارالىقتا 4 شىنجوۋ ادام الىپ ۇشاتىن عارىش كەمەسىن ۇشىرۋدى جوسپارلادى. كەزەكتە، ۇشىرۋ مىندەتىن اتقاراتىن عارىشكەرلەر گرۋپپاسى تاڭداپ تۇراقتاندىرىلدى، قازىر مىندەت جاتتىعۋىن جاساۋدا.

  جوسپار بويىنشا، ەلىمىزدىڭ عارىش پۋنكتى 2022 - جىلدىڭ الدى - ارتىندا سالىنىپ بىتەدى، جوباداعى جالپى ۇشۋ مىندەتى 12 رەت. جي چيميڭ بىلاي دەپ تانىستىردى: وسى رەتكى مىندەتتەن كەيىن، تيانحى وزەكتى بولمەسى، ۋىنتيان تاجىريبە بولمەسى جانە مىڭتيان تاجىريبە بولمەسى ىلگەرىندى - كەيىندى ۇشىرىلىپ، عارىش پۋنكتى نەگىزگى قاڭقاسى وربيتادا قۇراستىرىلىپ سالىنادى؛ مۇنىڭ ىشىندە شىنجوۋ ادام الىپ ۇشاتىن 4 عارىش كەمەسىن جانە 4 تيانجوۋ جۇك تاسىمال عارىش كەمەسىن ۇشىرىپ، عارىشكەرلەر گرۋپپاسىن كەزەكپەن اۋىستىرۋ جانە زات تولىقتاپ بەرۋ جوبالانعان.

  كەزەكتە ەلىمىزدىڭ عارىش پۋنكتى وزەكتى بولمەسى تولىق نۇسقالى ءونىمدى جالپى قۇراستىرۋدى ورىندادى، ۋىنتيان تاجىريبە بولمەسى مەن مىڭتيان تاجىريبە بولمەسى العاشقى نۇسقالى زەرتتەپ جاساۋدى ورىستەتۋدە، عارىش عىلىم - تەحنيكاسىنىڭ قولدانىلمالى كوتەرىمدىلىگى ىركەس - تىركەس تولىق نۇسقالى زەرتتەپ جاساۋعا كوشتى. جي چيميڭ بىلاي دەدى: ”عارىش پۋنكتىن سالۋ كەزەڭىندەگى 4 رەتكى ۇشۋ مىندەتىن اتقاراتىن عارىشكەرلەر گرۋپپاسى تاڭدالىپ تۇراقتاندىرىلدى، قازىر مىندەت جاتتىعۋىن جاساۋدا“. جي چيميڭ ەلىمىزدىڭ 3 - توپتاعى زاپاس عارىشكەرلەرىن تاڭداۋ قىزمەتى دە بيىل جىل ورتاسىندا ورىندالاتىندىعىن تانىستىردى.

جاۋاپتى رەداكتور: ريزا حاميت