سۇيىسپەنشىلىك ءبىر وتباسىنىڭ ادامدارىنداي جاقىنداتتى

سۇيىسپەنشىلىك ءبىر وتباسىنىڭ ادامدارىنداي جاقىنداتتى

گازەتىمىزدىڭ جالپىلىق اقپارات قۇرالدارى ءتىلشىسى ميھىرگۇل عۇپۇر، ەرىكتى ءتىلشى مين چىڭ

  5 - ايدىڭ 1 - كۇنى تاڭ سارىدە قارامايلى قالاسى باتىس بولىك بۇرعىلاپ بارلاۋ ينجەنەرياسى شەكتى سەرىكتەستىگىنىڭ جايرانبۇلاق رايونى (قارامايلى جوعارى - جاڭا تەحنيكا رايونى) سانپيڭ كوشەسى ءمالىسى ۋشين الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى ما جىيۇڭ تاڭعى اسىن ىشە سالا الەۋمەتتىك اۋماقتىڭ تۇرعىنى ابىلەت سۇلەيمەننىڭ ۇيىنە كەلدى. ما جىيۇڭ 70 جاسقا كەلگەن، جالعىز تۇراتىن وسى ساڭىراۋ - مىلقاۋ قارتقا 2 − 3 كۇندە ءبىر رەت امانداسا بارىپ، قارتقا كەيبىر تۇرمىستىق بۇيىمداردى اپارىپ بەرەدى.

  ەكەۋىنىڭ تانىسقانىنا ءبىر جىلعا تاياپ قالدى، ۋاقىت ۇزاق بولماسا دا، ما جىيۇڭنىڭ دەن قويا قارايلاسۋى قارتقا وتباسىنىڭ مەيىرىن سەزىندىردى.

  قارتقا العاش كەزدەسكەن ءسات ما جىيۇڭنىڭ قازىر دە ەسىندە. ”بىلتىر 8 - ايدىڭ 17 - كۇنى تاڭەرتەڭ، مەن الەۋمەتتىك اۋماقتىڭ كەڭسە عيماراتى الدىندا قارتقا جولىعىپ قالدىم، ونىڭ ابىرجىپ تۇرعانىن كورىپ نە بولدى دەپ سۇراستىردىم. قارت’ ءا، ءا، ءا‘ دەپ ماعان قولىمەن بىردەمەلەردى كورسەتتى، ول كەزدە مەن ونىڭ نە ايتىپ تۇرعانىن تۇسىنبەدىم“. تەگى نە ءىس بولعانىن ءبىلۋ ءۇشىن، ما جىيۇڭ قارتقا ىلەسىپ ونىڭ ۇيىنە كەلەدى. ەسىكتەن كىرە سالا، قارت ما جىيۇڭدى اسحانا ۇيگە جەتەكتەپ كىرىپ، گاز وشاعىن كورسەتەدى، ءاسىلى ونىڭ ۇيىندە كومىر گازى تاۋسىلىپ قالعان ەكەن. ما جىيۇڭ دەرەۋ گاز سەرىكتەستىگىنە حابارلاسىپ قارتتىڭ گاز تۇڭىن الماستىرادى.

  ما جىيۇڭنىڭ كوڭىلى كوپكە دەيىن جاي تاپپادى: ”ءبىز قول يشاراتىن تۇسىنبەيمىز، ەگەر بۇدان كەيىن وسىنداي تالاپ - تىلەك ايتىلسا قايتىپ ۇعىنامىز؟ قارت ەگدەلەپ قالىپتى، ۇيدە جالعىز تۇرسا قيىن ەمەس پە؟“. ول ينتەرنەتتەن قول يشاراتىن ۇيرەتۋگە قاتىستى كەسكىندەردى كورىپ، ۋاقىت شىعارىپ ۇيرەنەدى، تاعى قاسىنداعى قىزمەتكەرلەردى دە ۇيرەنۋگە ۇندەيدى. ما جىيۇڭ 2 − 3 كۇندە قارتقا ءبىر رەت امانداسا بارىپ، كەيدە كومەكتەسىپ ءۇيىن تازالاسا، كەيدە كىرىن جۋىپ، تاماق جاساپ بەرەدى. ”مەنى ءوز ۇلىڭىز دەپ ءبىلىڭىز، قانداي جۇمىس بولسا دا مەنى ىزدەڭىز، مەن سىزگە جاقسىلاپ قارايلاسامىن“. ءار رەت قول يشاراتىمەن ما جىيۇڭ وسى سۇيىسپەنشىلىگىن جەتكىزۋدى ۇمىتپايدى.

  ابىلەتتىڭ ءۇيىنىڭ توك سىمدارى ابدەن كونەرىپ كەتكەن، ۇنەمى توك توقتاپ قالاتىن، ونىڭ ۇستىنە كومەسكى حاۋىپ - قاتەر دە بار ەدى. ما جىيۇڭ كاسىپتىك قىزمەتكەرلەردى ەرتىپ كەلىپ جالپى بەتتىك رەمونت جۇرگىزىپ، ەنەرگيا ۇنەمدەيتىن شىراق الماستىرىپ، ءۇيىن شىراداي جايناتىپ قويدى.

  قارتقا امانداسا بارعاندا، ما جىيۇڭ قارتتىڭ ەسىك قاققان دىبىستى ەستي المايتىنىن، جاعداي ۇعىسا كەلگەن ادامنىڭ ەسىكتە ۇنەمى كوپ توسىپ قالاتىنىن بايقايدى. ”قايتكەندە قارتقا سىرتتان ادام كەلگەنىن بىلدىرۋگە بولادى؟“ ما جىيۇڭ دەرەۋ ءبىر امال ويلاپ، ”كورۋگە بولاتىن“ ەسىك قوڭىراۋىن جوبالايدى.

  تەسىك تەسىپ، ەلەكتر سىمىن جالعاپ، ورناتادى... ما جىيۇڭ ”ارناۋلى جاساعان“ ەسىك قوڭىراۋىن قارتتىڭ ەسىگىنە ورناتادى. تەك ەسىكتەن كىرەر جەردەگى ايىرىپ - قوسقىشتى باسسا بولدى، جاتىن بولمەدەگى ەسكەرتۋ شىراعى جانادى. ما جىيۇڭ ”ەسىك قوڭىراۋىن“ ىستەتۋ ءادىسىن قۋانا كورسەتەدى، جانىندا تۇرعان قارت مۇنى كورىپ قاباعات قۋاندى.

  سۇيىسپەنشىلىكتەرى ارالاسقان سايىن تەرەڭدەيدى. ءار رەت كەزدەسكەن سايىن، قارت ما جىيۇڭنىڭ قولىنان مىقتاپ ۇستاپ، جانارىنان مەيىرگە تولى سۇيىسپەنشىلىگىن توگەدى. ”ۇلتتار ىنتىماعىندا، ءسوز جوق، دۇنيەنى دۇر سىلكىندىرەتىن ىستەردى ىستەۋ كەرەك ەمەس، تەك سۇيىسپەنشىلىك بار بولسا بولدى ءبىر ءۇيلى جانداي بولامىز“، - دەدى ما جىيۇڭ.

جاۋاپتى رەداكتور: ريزا حاميت