شينجياڭ ساياحاتى ساپانى جوعارىلاتىپ، قوزعاۋشى كۇش ۇستەدى

  نەگىزدى بەكەمدەدى، وزىندىك قۋاتتى شىڭدادى، قىزمەت وتەۋدە جاڭالىق اشتى

  شينجياڭ ساياحاتى ساپانى جوعارىلاتىپ، قوزعاۋشى كۇش ۇستەدى

  □ گازەتىمىزدىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ

  ”قار - مۇز ەرىپ، تاۋ گۇلى اشىلدى، قاناس كورىنىس ءوڭىرى توپ - توپ ساياحاتشىلاردى قارسى الدى“، ”التايلىقتار پويەزعا وتىرىپ بۋرىلتوعايعا ساياحاتتاي باردى“، ”’كوكتوعايداعى ءبىر كۇندىك ساياحاتپەن‘ دۇنيە گەولوگيا باقشاسىن“ ارالادى... 5 - ايدىڭ 1 - كۇنى التاي ايماعىنىڭ ساياحاتى جونىندە ءتۇرلى حابار تارادى.

  ”1 - مامىر“ كەزىندە، بۇكىل شينجياڭنىڭ جەر - جەرىندەگى ءارقايسى كورىنىس وڭىرلەرى ىندەتتەن ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ العى شارتى استىندا، ورايدى قاپى جىبەرمەي، ولقىلىقتاردى تولىقتىرىپ، كاسىپ كۇيىندە جاڭالىق اشىپ، قوزعاۋشى كۇش ۇستەدى، قازىر شينجياڭ ىشىندەگى ساياحات ”ىسكە قوسىلدى“، ”اينالدى“، ”جانداندى“. قازىرگە دەيىن بۇكىل شينجياڭدا A440 دارەجەلى ساياحات كورىنىس وڭىرلەرىنىڭ قايتا اشىلۋ مولشەرى %83.9كە جەتتى، بۇكىل شينجياڭدا 585 ساياحات سەرىكتەستىگىنىڭ جۇمىستى، ءوندىرىستى قالپىنا كەلتىرۋ مولشەرى %89.91كە جەتتى، بۇكىل شينجياڭدا 368 جۇلدىزدى قوناق ءۇيدىڭ جۇمىس باستاۋ مولشەرى %94.80كە جەتتى.

  تەزدەتكەننىڭ ۇستىنە تەزدەتىپ، نەگىزدى بەكەمدەدى

  قازىر بۋىرشىن اۋدانىنداعى اققايىڭ جەكە كولىكپەن ساياحاتتاۋ لاگەرى نىسان قۇرىلىسىنىڭ جۇمىس ورنىندا قاربالاس جۇمىس جۇرىلۋدە − شاتىر قوناق ءۇيدىڭ بولمەلەرى اشەكەيلەنۋدە، بازانىڭ سۋ جەتكىزۋ، سۋ ىعىستىرۋ قۇبىرى جۇمىسى اياقتادى، الەۋمەتتىك قىزمەت وتەۋ قۇرىلعىسىنىڭ نەگىزگى تۇلعاسىنىڭ ءىشىن اشەكەيلەۋ جۇمىستارى ءجۇرىلدى. ”ءبىز سولتۇستىك شينجياڭ تەڭىز قايراڭى كورىنىس ءوڭىرىن، اققايىڭ جەكە كولىكپەن ساياحاتتاۋ بازاسىن، جاسىل تابيعاتتان الدىمەن يگىلىكتەنۋ جەكە كولىكپەن ساياحاتتاۋ لاگەرىن قاۋىرت قۇرۋدامىز، بۋىرشىن اۋدانىنىڭ جەكە كولىكپەن ساياحاتتاۋعا قىزمەت وتەۋ جۇيەسىن اناعۇرلىم كەمەلدەندىرەمىز“، - دەدى بۋىرشىن اۋداندىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ۋ لەي.

  قيىنشىلىق الدىندا، شينجياڭنىڭ ساياحات كاسىبى ءالىپتىڭ ارتىن باعىپ قول قۋسىرىپ كۇتىپ وتىرعانى جوق، قايتا ورايدى قاپى جىبەرمەي، نەگىزگى قۇرىلىس سەرپىنىن كۇشەيتىپ، ساياحاتتىق قىزمەت وتەۋ جۇيەسىن اناعۇرلىم كەمەلدەندىرىپ، كۇتىپ الۋ، قىزمەت وتەۋ قۇرىلعىلارىنىڭ شارت - جاعدايىن جاقسارتتى.

  بيىل التاي ايماعى ”ءۇش قيىنشىلىق، ءبىر ىركىلىسسىز بولماۋدى“ ساياحات نىسانى قۇرىلىسىنداعى كۇش سالۋ ءتۇيىنى ەتىپ، ساياحاتشىلارعا ارنالعان 35 دارەتحانا، 6 جانارماي پۋنكتى، 14 اۆتوتۇراق، 1013 حابارلاسۋ بازالىق پۋنكتى نىسان قۇرىلىسىن كۇش سالا اتقاردى، بۇراتالا موڭعۇل اۆتونوميالى وبلىسى 52 ساياحاتشىلارعا ارنالعان دارەتحانانى، 5 اۆتوتۇراق، 40 حابارلاسۋ بازالىق پۋنكتى، 5 ساياحات اقىل - كەڭەس قىزمەت وتەۋ ورتالىعى، 4 زەردەلى ساياحات نىسانى قاتارلىلاردى جاڭادان سالادى. ۇعىسۋعا قاراعاندا، بۇكىل شينجياڭ بويىنشا جالعاستى سالىناتىن ساياحات نىسانى ينجەنەريالارىنان 189ى، جاڭادان سالىناتىن ينجەنەريالاردان 205ى، زاپاس نىسانداردان 1071ى بار ەكەن، ساۋداگەر شاقىرۋ، قارجى ەنگىزۋ نىسانىنان 282سى بەلگىلەنىپتى.

  باۋلۋدى ورىستەتىپ، وزىندىك قۋاتتى شىڭدادى

  4 - ايدىڭ 28 - كۇنى شينجياڭ ساياحات سەرىكتەستىكتەرى قوعامىنىڭ ۇنەمىلىك ىستەرگە جاۋاپتى ورىنباسار باس حاتشىسى، قوعام باستىعىنىڭ كومەكشىسى جوۋ لەي ”شينجياڭ مادەنيەت ساياحات ۇيرەنۋ كۋرسىنىڭ“ توبىندا مىناداي حابارلاندىرۋ تاراتتى: 4 - ايدىڭ 29 - كۇنى اۆتونوميالى رايوندىق مادەنيەت جانە ساياحات مەڭگەرمەسى جاۋاپتى بولىپ وتكىزگەن 2020 - جىلعى 2 - كەزەكتى ساياحات ارقىلى شينجياڭدى گۇلدەندىرۋ ۇلكەن ساباقحاناسى ساباق باستايدى، نەگىزگى تاقىرىبى − مادەنيەت ساياحاتتىڭ دارەجەسىن ءوسىرىپ، اۋىل - قىستاقتىڭ دامۋىنا دەم بەرۋ. 2 - ايدان باستاپ مادەنيەت ساياحات بۇلت ساباقحاناسى جەلىدە نەشە ون رەت ساباق وتكىزدى، وسى قوعامعا مۇشە 300دەن استام ورىن، سونداي - اق ساياحات كاسىبى سالاسىنداعى 5000نان استام ادام، كاسىپپەن اينالىسۋشىلار ساباققا قاتىناستى.

  ”بۇرىن بولماعان جاڭا جاعدايعا مەڭزەس، ءبىز قىسىمدى سەزىندىك، ۇيرەنۋ تىلەگىمىز اناعۇرلىم كۇشەيە ءتۇستى، ءوزىمىزدى كەمەلدەندىرىپ، تولىقتاپ، وزىندىك قۋاتتى شىڭاۋعا ەرەكشە ءزارۋمىز، - دەپ ەسەپتەدى سانجى حۇيزۋ اۆتونوميالى وبلىستىق ساياحاتتى بىرلەسىپ جالپىلاستىرۋ ورتالىعىنىڭ مەڭگەرۋشىسى جوۋ جيڭ. سانجى وبلىسىنىڭ مادەنيەت، ساياحات كاسىبى سالاسى 3 - ايدا ”جەلىدەگى بۇلت ساباقحاناسى“ قيمىلىن باستاپ، جەلىدە ءبىر اي ۋاقىتپەن ساباق ءوتتى، ەل ىشىندەگى مادەنيەت، ساياحات كاسىبى سالاسىنداعى ايگىلى مامانداردى سانجى وبلىسىنىڭ مادەنيەت ساياحات كاسىبى سالاسىنداعىلارعا جەلىدە ساباق وتۋگە ۇسىنىس ەتتى. بۇكىل شينجياڭنىڭ جەر - جەرىندەگى ءارقايسى كورىنىس وڭىرلەرى دە ءتۇرلى باۋلۋ جۇمىستارىن جۇرگىزدى.

  اۆتونوميالى رايوندىق مادەنيەت جانە ساياحات مەڭگەرمەسى ساياحات ۇگىتىن، باۋلۋىن جاپپاي باستاپ، ”ىندەتتەن كەيىنگى ساياحاتتى قالپىنا كەلتىرۋ بويىنشا كاسىپتىك باۋلۋدى“ ورىستەتۋگە جەتەكشىلىك ەتتى، قازىر 200دەن استام رەت ءتۇرلى كۋرس وتكىزىپ، باۋلىنعان ادام سانى 100 مىڭنان استام ادام - رەتكە جەتتى.

  قىزمەت وتەۋدە جاڭالىق اشىپ،”بۇلتتىق“ تەرمينالدى ىسكە قوستى

  ”ءبىر قول تەلەفونمەن شينجياڭدى ساياحاتتاۋ“ تۇعىرىنىڭ ينەرنەت جەلىسىنە قوسىلۋى شينجياڭعا ساياحاتتاۋداعى ىشەر اس، جاتار ورىن، ءجۇرىس - تۇرىس، ساياحاتتاۋ، زات ساتىپ الۋ، ويىن - تاماشا سياقتى جاقتاردا جەلىدە قىزمەت وتەۋدى ىسكە اسىرىپ، وسى دەمالىس ساياحاتىنا تىڭ تالعام جانە قىزمەت وتەۋ ازىرلەدى. تۇعىردىڭ ينەرنەت جەلىسىنە قوسىلىپ جۇمىس باستاۋى شينجياڭنىڭ ساياحات كاسىبىنىڭ سيفرلى شارۋاشىلىق داۋىرىنە قادام تاستاعان كەزەڭدىك ىستەرىنىڭ ءبىرى سانالادى، مۇنىڭ استارىندا شينجياڭ ساياحاتىنىڭ ورايدى يگەرىپ، ”بۇلتتىق ساياحاتتى“ دامىتۋدىڭ ەسىگىن اشقاندىعى جاتىر.

  ”كورىنىس وڭىرلەرىنىڭ ساياحاتشىلار مولشەرىن شەكتەۋىنەن كوپتەگەن ساياحاتشىلار كورىنىس وڭىرلەرىنە كەلە المادى، تىكە تاراتۋدان پايدالانىپ كورىنىس وڭىرلەرىنىڭ كوركەم كورىنىسىنەن ءلاززاتتانۋعا بولادى“، - دەدى تيانشان بوعدا كولى كورىنىس ءوڭىرىن باسقارۋ كوميتەتى ۇگىت - تاربيە، زاڭ - ەرەجە باسقارماسىنىڭ باستىعى ليۋ ۋىن - ي.

  ىندەتتەن ساقتانۋ - تىزگىندەۋمەن بىرگە، ادامدار ۆيرتۋالدى ساياحات، VR كورىنىس تاماشالاۋ، ينتەرنەتتە كورمە تاماشالاۋ سياقتىلاردىڭ ءبىر تۇندە - اق شينجياڭنىڭ ساياحات كاسىبىمەن بىتە قايناسىپ كەتكەندىگى ءتارىزدى بولعاندىعىن بايقادى − ءتىپتى دە كوپ مادەنيەت، ساياحات ونىمدەرى، قيمىلدارى، سونداي - اق قىزمەت وتەۋلەر ”بۇلتتىق تەرمينالعا“ ىركەس - تىركەس شىعارىلدى.

  شاراسىزدىقتان ”بۇلتتىق ساياحاتتى“ ناقتى جەرلەرگە ساياحاتتاۋدىڭ ورنىنا ۋاقىتشا باستىرا تۇرۋدان ساياحات كاسىبىنىڭ ەڭ جاڭا، ەڭ جارقىراعان ۇگىتتەۋ، تانىستىرۋ تاسىلىنە اينالعانعا دەيىن شينجياڭنىڭ ساياحات كاسىبى ”بۇلتتىق“ تەرمينالعا شىعارىلۋمەن بىرگە، جاڭا دامۋ قوزعاۋشى قۋاتتاردى دا ۇستەدى: تيانشان سايتى شينجياڭ ساياحاتىن ۇگىتتەۋ، تانىستىرۋ ورتالىعىمەن، اۆتونوميالى رايوندىق مۇراجايمەن بىرلەسىپ، تيانشان سايتىنىڭ كليەنتى، ورتالىق تەلەۆيزياسى اقپاراتتىق جىلجىمالى ينەرنەت سايتى، حالىق سايتى، دوۋيىن، كۋايشوۋ سياقتى بۇكىل ەلدەگى 20دان استام اقپارات قۇرالدارى تۇعىرى ارقىلى جۇرتتى اۆتونوميالى رايوندىق مۇراجايدى ”بۇلتتىق ساياحاتتاۋعا“ باستاپ، ءبىر ساعاتتان استام توتە تاراتۋ 5 ميلليون 400 مىڭ ادامدى جەلىدە كورۋگە باۋرادى؛ تيانشان بوعدا كولى كورىنىس اۋماعى وتكىزگەن دەنە شىنىقتىرۋ، جاياۋ ءجۇرۋ ساياحاتى توتە تاراتىلىمى 46 مىڭ ادامدى جەلىدە كورۋگە باۋرادى.

جاۋاپتى رەداكتور: نۇربولات قابىل
  • 1
  • 2
  • 3
  • 4