29 جوعارى كاسىپتىك مەكتەپ 18 مىڭ وقۋشى قابىلداۋدى جوسپارلادى

  اۆتونوميالى رايونداعى جوعارى كاسىپتىك مەكتەپتەردىڭ جەكە - دارا وقۋشى قابىلداۋ قىزمەتى باستالدى

  29 جوعارى كاسىپتىك مەكتەپ 18 مىڭ وقۋشى قابىلداۋدى جوسپارلادى

  گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا 5 - ايدىڭ 3 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ، ەمتيحان مەكەمەسىنەن ۇعىسۋىمىزشا، تاياۋدا اۆتونوميالى رايوننىڭ 2020 - جىلعى ادەتتەگى جوعارى كاسىپتىك مەكتەپتەردىڭ جەكە - دارا وقۋشى قابىلداۋ قىزمەتى باستالعان، بيىل بۇكىل رايون بويىنشا جالپى 29 جوعارى كاسىپتىك مەكتەپ (ارناۋلى تەحنيكۋم) 18 مىڭ وقۋشى قابىلداۋدى جوسپارعا العان.

  قىزمەت ورنالاستىرۋىنا ساي، 4 - ايدىڭ 30 - كۇنى ساعات 10نان 5 - ايدىڭ 8 - كۇنى ساعات 18گە دەيىن 2020 - جىلعى ادەتتەگى جوعارى مەكتەپتەرگە ەمتيحان بەرۋگە تىزىمدەلۋ شارتىنا ۇيلەسەتىن ءارى ەمتيحان تاپسىرۋ كۋالىگىنە يە بولعان وقۋشىلار شينجياڭ وقۋ - اعارتۋ ەمتيحان مەكەمەسىنىڭ رەسمي ۆەب - سايتى (www.xjzk.gov.cn) ”شينجياڭ جوعارى كاسىپتىك مەكتەپتەردىڭ جەكە - دارا وقۋشى قابىلداۋ ەمتيحانىنا قىزمەت وتەۋ تۇعىرىنا“ شىعىپ، جەلىدە تىزىمدەلەدى جانە تالاپ كەستەسىن تولتىرادى.

  اۆتونوميالى رايوننىڭ ىندەتتەن ساقتانۋ - تىزگىندەۋ جاعدايى قىزمەتىنىڭ تالابىنا ساي، بيىل جوعارى كاسىپتىك مەكتەپتەردىڭ جەكە - دارا وقۋشى قابىلداۋ قىزمەتىندە وقۋشى قابىلداۋ ءتاسىلى رەتتەلدى، وقۋشى قابىلدايتىن مەكتەپتەر ەمتيحان تاپسىرۋشىلاردان سىناۋ الۋدى ەندىگارى ۇيىمداستىرمايدى، ادەتتەگى ورتا مەكتەپتەردىڭ وقۋ دەڭگەيىنە قاتىستى ساباقتاردىڭ ناتيجەلەرىن قابىلداۋدىڭ نەگىزى ەتەدى. اسەمونەر، مۋزيكا ماماندىقتارىنا ەمتيحان تاپسىرۋعا تىزىمدەلگەن وقۋشىلار اۆتونوميالى رايوننىڭ 2020 - جىلعى ادەتتەگى جوعارى مەكتەپتەردىڭ اسەمونەر، مۋزيكا ماماندىقتارىنىڭ ءبىر تۇتاس ەمتيحانىنىڭ تولىمدىلىق شەگىنە جەتكەندە عانا، جەكە - دارا قابىلدايتىن قاتىستى ماماندىقتارعا تالاپ كەستەسىن تولتىرۋىنا بولادى.

  اۆتونوميالى رايوندىق وقۋ - اعارتۋ ەمتيحان مەكەمەسى قالىڭ ەمتيحان تاپسىرۋشىلارعا مىنانى ەسكەرتەدى: بيىل تالاپ كەستەسىن تولتىرۋدا ءبىر عانا مەكتەپ تاڭدالاتىندىقتان، ءۇستى - ۇستىنە توپتاپ تىزىمدەلۋگە بولمايدى، مەكتەپكە قابىلدانۋ مۇمكىندىگىن جوعارىلاتۋ ءۇشىن، ورتا مەكتەپتەگى ۇيرەنۋ دەڭگەيىنە قاتىستى ساباقتاردىڭ ناتيجەسىنە جانە مەكتەپتەردىڭ وقۋشى قابىلداۋ جوسپارىنا ساي، ەمتيحانعا تىزىمدەلگەندە مەكتەپتەردىڭ ەمتيحانعا تىزىمدەۋىنىڭ ءار ۋاققى جاعدايىن نەگىزگە الىپ، ۇستامدىلىقپەن تىزىمدەلۋ كەرەك.

جاۋاپتى رەداكتور: نۇربولات قابىل
  • 1
  • 2
  • 3
  • 4