ءوز كولىگىمەن ساياحاتتاپ تىنىقتى، اۋىل - قىستاقتا ساياحاتتاپ دەنساۋلىعىن كۇتىمدەدى

   گازەتىمىزدىڭ جالپىلىق اقپارات قۇرالدارى ءتىلشىسى رىن جياڭ

  ورتەڭ جۇرتىن ساياحاتتاۋ، تيانرۇن ورتەڭ جۇرتى جىبەك جولى بۇلت قۇشاعىنداعى مال فەرماسىن ەكسكۋرسيالاۋ، 1000 مۋلىق شاپتول باعىندا شاپتول گۇلىنىڭ قۇلپىرا اشىلعانىن تاماشالاۋ، ورگانيكالى كوكونىس بازاسىنا بارىپ كوكونىس ءۇزۋ، 8 كيلومەترلىك جاياۋلار جولىندا سەيىلدەۋ، ورتەڭ شاعىن قالاشىعىنداعى 4 جۇلدىزدى شارۋالار شاتتىعى تاعامجايىنان ءدام تاتۋ... ”1 - مامىر“ كەزىندە ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرۋ العى شارتىندا بۇكىل ەل بويىنشا ەرەكشە كورىنىستىك ساياحاتىنداعى ايگىلى قالاشىق ورتەڭ شاعىن قالاشىعى ءۇرىمجىنىڭ جانە توڭىرەڭىندەگى قالا تۇرعىندارىن توپ - توبىمەن وزىنە باۋرادى.

  5 - ايدىڭ 3 - كۇنى ساعات 10نان ەندى عانا وتكەن شاق، ورتەڭ شاعىن قالاشىعىنداعى شارۋالار شاتتىعى ساياجايىندا دىر - دۋمان باستالىپ كەتتى.

  جاقىنعى جىلداردان بەرى، ءۇرىمجى قالاسى نانشان تاۋى ەتەگىندەگى ورتەڭ شاعىن قالاشىعى ءۇرىمجى قالاسىنا ءبىرشاما جاقىن بولۋداي ورىن ابزالدىلىعىنا سۇيەنىپ، تىنىعۋ، سەيىل - سەرۋەن اۋىل شارۋاشىلىعىن جانە اۋىل - قىستاق ساياحاتىن كۇش سالا دامىتىپ، بىرتە - بىرتە ءۇرىمجىنىڭ جانە توڭىرەگىندەگى قالا تۇرعىندارىنىڭ اپتا سوڭىنداعى، دەمالىس كەزىندە تىنىعاتىن جاڭا تالعامىنا اينالدى.

  ءۇرىمجى قالاسىنىڭ تۇرعىنى ۋي يۇيچۋان ءوز كولىگىمەن وتباسىنداعى ۇلكەندى - كىشىلى بارلىق ادامدى ورتەڭ شاعىن قالاشىعىنا باستاپ كەلدى، قارتتار سان اۋمالى - توكپەلى زاماندى باستان وتكىزگەن ورتەڭدى ەستەرىنەن شىعارمادى، 5 جاستاعى ۇلى جاڭا عانا ساتىپ العان باتپىراۋىقتى الىپ، اكەسىنە بىرگە ۇشىرايىق دەپ ەركەلەپ سوڭىنان قالمادى.

  ”ءبىر ءۇيلى جاننىڭ بىرگە ساياحاتقا شىقپاعانىنا تالاي بولدى، دەمالىس ورايىندا كوككە شىعىپ، گۇلدەردى تاماشالاپ، تازا اۋا جۇتىپ، بوي جازىپ الدىق“. ۋي يۇيچۋان بىلاي دەدى: قازىر ورتەڭ شاعىن قالاشىعىنا كەلگەن ساياحاتشىلاردىڭ باسىم كوبى مەن سياقتى ءوز كولىگىمەن ساياحاتتاپ كەلەتىندەر.

  بۇل اراداعى ”چىڭ اعايدىڭ ءبۇتىن قاقتالعان قويى“ اسحاناسىنىڭ جاۋاپتىسى حۋ ياليڭ بىلاي دەدى: ساياحاتشىلاردىڭ كوبى تاڭەرتەڭ ەرتە كەلىپ قۋىرماش بۇيىرتىپ، ونان سوڭ كورىنىس رايونىنا بارىپ سەرۋەندەپ، ءتۇس الەتىندە ورالىپ تاماقتانادى.

  ورتەڭ شاعىن قالاشىعى قاراستى جەر بيڭتۋان 12 - شى شيشان ەگىن - مال فەرماسى، سوڭعى جىلدارى ساپالى قورشاعان ورتا بايلىعىنان اناعۇرلىم تولىق پايدالانىپ، قۇرىلعىلى اۋىل شارۋاشىلىعى سەيىل - سەرۋەنى، جەمىس - كوكونىس ءۇزۋ، اۋىل - قىستاقتىڭ ەرەكشە تاۋىق باعىمشىلىعى، 1000 مۋلىق شاپتول باعىن سەرۋەندەۋ، جەمىس ءۇزۋ، جوعارى، جاڭا تەحنيكالى سۋ ۇنەمدەيتىن اۋىل شارۋاشىلىعى كورىنىس ساياحاتى، ەگىستىكتى ورمانعا، جايلىمعا قايتارۋ ەكولوگيالىق تىنىعۋ ءوڭىرى سياقتىلاردى ءتۇيىندى تۇردە قۇرىپ، تىنىعۋ، سەيىل - سەرۋەن اۋىل شارۋاشىلىعىنىڭ دامۋ اياق الىسىن تەزدەتىپ، ەكولوگيالىق اۋىل شارۋاشىلىعىنىڭ كاسىپ سالالانعان تيجاراتى سىندى دامۋ جولىن اشتى.

  شيشان ەگىن - مال فەرماسىنىڭ يىڭگىر قورجاسىنداعى شاپتول باعىندا شەت - شەگىنە كوز جەتپەيتىن شاپتول گۇلدەرى قۇلپىرا اشىلىپ، سۋرەتكە تۇسكەن، بەينەەكرانعا العان ساياحاتشىلار تۇس - تۇستان كوزگە شالىنادى. ساياحاتشى فۋ تيڭتيڭ قىزىن ەرتىپ شاپتول ورمانى اراسىندا سۋرەتكە ءتۇسىپ ءجۇر، ”كوكتەم كەلىپ گۇلدەر اشىلعان شاقتا، بۇل ارادا بوي جازىپ سەرۋەندەۋ شىنىندا راحات ەكەن“، - دەدى فۋ تيڭتيڭ.بۇل ارانىڭ كوركەم كورىنىسى ادامدى باۋراپ قالماستان، ورگانيكالى كوكونىستەر ادامدى وزىنە تارتادى. لان چۇنميننىڭ جىلىجاي قالتقىسىندا قىشىنىڭ، بالدىركوكتىڭ، ت. ب جايقالا وسكەن كەزى ەكەن، تۇستەن بۇرىن كوكونىس ۇزۋگە كەلگەن ساياحاتشىلاردىڭ اياعى ۇزىلمەدى، ءبىر كيلوگرامى 10 يۋاندىق قىشىدان تەز ارادا 20 − 30 كيلوگرام ساتىلىپ كەتتى. ”قازىر كوپشىلىك دەنساۋلىققا كوبىرەك كوڭىل بولەدى، ورگانيكالى كوكونىس ەرەكشە قارسى الىنىپ تۇر“، - دەدى لان چۇنمين.

  ”قازىر ادامدار تىنىعۋعا، دەنساۋلىققا اناعۇرلىم كوبىرەك ءمان بەرىپ ساياحاتقا شىعادى، ءبىز شاپتول باعىندا شاپتول گۇلىن تاماشالاۋ، جىلىجايدا كوكونىس ءۇزۋ، سونداي - اق ۇساق كارتوپ قورجاسىنداعى ەگىس جۇمىستارىن سەزىنۋ، ت. ب نىساندارىن بىرلەستىرىپ، ورتەڭ شاعىن قالاشىعىنىڭ ءبىر كۇندىك ساياحاتى سىندى ساياحات ءونىمىن قالىپتاستىرىپ، ساياحاتشىلارعا ’ساياحات + مادەنيەت + سەزىنۋ + ەگىن شارۋاشىلىعى‘نىڭ باۋراۋ كۇشىن اناعۇرلىم سەزىندىرە تۇستىك“، - دەپ تانىستىردى شيشان ەگىن - مال فەرماسى پارتكومىنىڭ تۇراقتى مۇشەسى، ورىنباسار جىڭۋيى جين يۇيسۇڭ.

  ءىس جۇزىندە، بۇل شيشيان ەگىن - مال فەرماسىنىڭ عانا دامۋ جوباسى ەمەس ەدى. قازىر ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا شينجياڭنىڭ جەر - جەرى شينجياڭنىڭ ىشكى ساياحاتىن جەدەل جانداندىرىپ، اۋىل - قىستاق ساياحاتىن كۇش سالا دامىتىپ، تىعىزدىعى تومەن، جەكە ساياحاتتاۋ سىندى اۋىل - قىستاق ساياحات ونىمدەرىندە جاڭالىق اشۋ جوسپارىن اتقارىپ، اۋىل - قىستاق كورىنىستىك ساياحاتى، جەمىس - كوكونىس ءۇزۋ، حالىق سالت - ساناسىن سەزىنۋ، اۋىل - قىستاقتاردا كۇتىمدەلۋ - تىنىعۋ، حالىقتىق تۇسەلحانادا دەمالۋ سياقتى ساياحات كاسىپ كۇيلەرىن دامىتۋدى قولدادى.

جاۋاپتى رەداكتور: نۇربولات قابىل
  • 1
  • 2
  • 3
  • 4