كورىنىس وڭىرلەرى دەن قويا قامتاماسىز ەتتى، ساياحاتشىلار الاڭسىز ەمىن - ەركىن سەرۋەندەدى

  كورىنىس وڭىرلەرى دەن قويا قامتاماسىز ەتتى، ساياحاتشىلار الاڭسىز ەمىن - ەركىن سەرۋەندەدى

  □ گازەتىمىزدىڭ جالپىلىق اقپارات قۇرالدارى تىلشىلەرى جيڭ بو، رىن جياڭ، ياۋ گاڭ، دۇڭ لياڭ

  بيىلعى ”1 - مامىر“ دەمالىسى 5 كۇن، دەمالىس ۋاقىتى ۇزاق، كوپشىلىكتىڭ ساياحاتتاۋ ىنتاسى جوعارى. قايتكەندە ساياحاتشىلاردى ساياحاتقا شىعۋ ىستەرىن ۇيلەسىمدى ورنالاستىرۋعا جەتەكتەپ، ۇيمەلەپ قالۋدان، ءيىن تىرەسىپ قالۋدان ساقتانۋعا بولادى؟ تىلشىلىك ىستەۋ بارىسىندا، ءتىلشى شينجياڭداعى ءارقايسى كورىنىس وڭىرلەرىنىڭ ساقتانۋ - تىزگىندەۋدى ۇدايىلاندىرۋ شارالارىنىڭ تياناقتى ەكەنىن، ساياحاتشىلاردىڭ جايلى دا الاڭسىز سەرۋەندەپ جۇرگەنىن كوردى.

  الاڭسىز سەرۋەندەپ، كوڭىلدى ساياحاتتادى

  ماسكى، قولتەرمومەتر، قورعانۋ كيىمى، الاڭ - ورىنداردى زارارسىزداندىرۋ، اۋا الماستىرۋ، سالاماتتىق كودىن تەكسەرۋ، جىلجىمالى شارلاۋ... ”1 - مامىر“ دەمالىسى كەزىندە شينجياڭداعى ءارقايسى كورىنىس وڭىرلەرى ساقتانۋ - تىزگىندەۋدى ۇدايىلاندىرۋ قىزمەتىن بار كۇشپەن ويداعىداي ىستەپ، كورىنىس وڭىرىنە قادام تاستاعان ءاربىر ساياحاتشىنىڭ الاڭسىز سەرۋەندەپ، كوڭىلدى ساياحاتتاۋىنا مۇمكىندىك جاساۋعا كۇش سالدى.

     1.5 مەتر ارالىق بەلگىسى، ەرىكتىلەردىڭ جول نۇسقاۋى، اۋماق ارالىق كولىكتەردە ارالىق تاستاپ وتىرۋ، سەرۋەن جولدارىن ساپالىلاندىرۋ، ءارقايسى كورىنىس وڭىرلەرى ساياحاتشىلاردىڭ حاۋىپسىز سەرۋەندەۋىنە ەڭ جوعارى دەڭگەيدە شىنايى كەپىلدىك ەتتى. ءۇرىمجى تيانشان ۇلكەن اڭعارى كورىنىس ءوڭىرى ساياحاتشىلارعا قىزمەت وتەۋ ورتالىعىنىڭ بەلەت ساتۋ تەرەزەلەرى تارتىپپەن ءبولىنىپ، جەرگە قىزىل ءتۇستى ارالىق سىزىعى سالىنىپتى، ءبىر جاعىندا تاعى ەرىكتىلەر ساياحاتشىلارعا ارالىق ساقتاۋدى اۋىق - اۋىق ەسكەرتىپ تۇر.

  بەلەت ساتىپ الۋعا كەلگەن ساياحاتشىلاردىڭ كوبەيۋىنە ىلەسە، ساياحاتشىلارعا قىزمەت وتەۋ ورتالىعى دەرەۋ ۇلكەن زالداعى ادام سانىن مەڭگەردى، ەرىكتىلەر بەلەت ساتىپ الاتىن ساياحاتشىلاردى ەسىكتىڭ سىرتىندا كۇتىپ، تارتىپپەن رەتكە تۇرىپ كەزەكپەن كىرۋگە باستادى. نارات ساياحاتتىق كورىنىس ءوڭىرىنىڭ ساياحاتشىلارعا قىزمەت وتەۋ ورتالىعىنىڭ كىرەر اۋىزىندا، كورنەكى ەسكەرتۋ تاقتاسى ساياحاتشىلارعا ءوزارا 1.5 مەتر ارالىق تاستاپ، ماسكىنى جاقسىلاپ تارتىپ، تارتىپپەن رەتكە تۇرىپ كەزەكپەن كىرۋدى ەسكەرتىپ تۇر. ءۇرىمجى قالاسىنداعى حالىق باقشاسىنىڭ ىشىندە قىزمەتكەرلەر باتەريالى كولىككە وتىرىپ، باقشاداعى ساياحاتشىلارعا ارالىق ساقتاۋدى ەسكەرتىپ ءجۇر.

  5 - ايدىڭ 1 - كۇنى گۇلدەرى قۇلپىرا اشىلعان قاناس كورىنىس ءوڭىرى توپ - توپ ساياحاتشىلاردى قارسى الدى. قاناس كورىنىس ءوڭىرىنىڭ كادر - قىزمەتشىلەرى ەرىكتى قىزمەت وتەۋ اترەتىن قۇرىپ، ادام كوپ كورىنىس وڭىرلەرىندە الشاق ءجۇرۋ جونىندە ەسكەرتۋ جاساپ، ساياحاتشىلارعا ءتىپتى دە جاقسى قىزمەت وتەدى.

  ءتىلشى ءۇرىمجى تيانشان ۇلكەن اڭعارى كورىنىس ءوڭىرىنىڭ تەكسەرۋ - ولشەۋ پۋنكتىنەن وزدەرى كولىك ايداپ ساياحاتقا شىققان ساياحاتشىلاردىڭ ىرىقتىلىقپەن كولىكتىڭ تەرەزەسىن ءتۇسىرىپ، بوگەتسىز ءجۇرۋ كودىن كورسەتىپ، قولدارىن سوزىپ دەنە تەمپەراتۋرالارىن ولشەتىپ جاتقانىن كوردى. قىزمەتكەرلەردىڭ كەيبىرەۋى كولىكتەردى زارارسىزداندىرسا، كەيبىرەۋلەرى دەنە تەمپەراتۋراسىن ولشەپ، كەيبىرەۋلەرى كولىكتەگى ادام سانىن ەستەلىككە الىپ ءجۇر. 30 سەكۋندقا جەتپەيتىن ۋاقىتتا كولىكتەر تەكسەرۋ - ولشەۋ پۋنكتىنەن ءوتىپ اۆتوتۇراققا توقتادى.

  الدىن الا كەلىسىپ، تارتىپپەن سەرۋەندەدى

  ”1 - مامىر“ كەزىندە، ساياحاتشىلار رەسمي ۆەب - سايت، الەۋمەتتىك ءنومىر، ءۇشىنشى جاق تۇعىر سياقتىلار ارقىلى بەلەت ساتىپ الۋعا الدىن الا كەلىسە الادى، شينجياڭداعى ءارقايسى كورىنىس وڭىرلەرى ساياحاتشىلاردى ءبىر ۋاقىتقا شوعىرلانباي ساياحاتتاۋعا جەتەكتەپ، قالىڭ ادامدى باسقارۋ - مەڭگەرۋ وتكەلىن العا جىلجىتىپ، سول جەردىڭ وزىندە بىتىراتۋداي ىرىقسىز كۇيدى ساپاردان بۇرىنعى جوسپارلاۋ مەن جەتەكتەۋ سىندى ىرىقتى كۇيگە وزگەرتىپ، ساياحاتشىلاردىڭ ساپار ۋاقىتىنىڭ قالىپتان تىس شوعىرلانۋىنان ساقتاندى.

  قاناس زەردەلى ساياحات شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى يە يۇيچيڭ تانىستىرىپ بىلاي دەدى: ”1 - مامىر“ كەزىندە، قاناس كورىنىس ءوڭىرى جەلىدە شىن اتى - ءجونى تۇزىمىندە ۋاقىتقا ءبولىپ الدىن الا كەلىسۋدى ۇزدىكسىز اتقارىپ، كورىنىس ءوڭىرى كوتەرىمدىلىگىن %30تەن اسىرماۋ تالابىن قاتاڭ اتقاردى، سونىمەن بىرگە ساياحاتشىلاردى كورىنىس وڭىرىنە كىرۋ جانە سەرۋەندەۋ كەزىندە بىتىراتۋدى، ءبولىپ سەرۋەندەتۋدى ويداعىداي ىستەپ، كورىنىس وڭىرىندە سەرۋەندەۋدىڭ حاۋىپسىز، ءتارتىپتى بولۋىنا شىنايى كەپىلدىك ەتتى.

  ”ۋاقىتقا ءبولىپ، شىن اتى - جونىمەن الدىن الا كەلىسۋ ساياحاتشىلاردىڭ ساياحات ساپارىن ۇيلەسىمدى ورنالاستىرۋعا ءونىمدى تۇردە جەتەكتەپ، قاتارعا تۇرىپ كۇتۋ ۋاقىتىن ازايتىپ، كورىنىس ءوڭىرىنىڭ جۇمىس جۇرگىزۋ حاۋىپسىزدىگىنە شىنايى كەپىلدىك ەتتى“، - دەدى يە يۇيچيڭ.

  نارات ساياحات كورىنىس ءوڭىرى زاڭ اتقارۋ ۇلكەن اترەتىنىڭ باستىعى دىڭ حۇڭجۇڭ تىلشىگە بىلاي دەدى: كورىنىس ءوڭىرى ساياحاتشىلاردىڭ جەلىدە جانە جەلىدەن تىس الدىن الا كەلىسۋ تاسىلىمەن كورىنىس وڭىرىنە كىرۋىن اتقاردى ءارى كورىنىس وڭىرىنە كىرەتىن ادام سانىن بىردەي تىزگىندەدى. ساياحاتشى سانى ولشەمنەن اسىپ كەتكەندە، كورىنىس ءوڭىرى بەلەت ساتۋدى توقتاتتى ءارى الدىن الا ەسكەرتۋ ينفورماتسياسىن جاريالادى. سونىمەن بىرگە، كورىنىس ءوڭىرى ءبىر ۋاقىتقا شوعىرلاندىرماي ساياحاتشى قابىلدادى.

  ءۇرىمجى تيانشان ۇلكەن اڭعارى كورىنىس ءوڭىرىنىڭ جاۋاپتىسى تىلشىگە بىلاي دەدى: كورىنىس ءوڭىرى ءار كۇنگى ساياحاتشىلاردى 6000 اداممەن شەكتەدى، جوعارى شەككە جەتكەندە، بىرەۋى كىرگەندە بىرەۋىن شىعارۋ ءادىسىن دەرەۋ اتقارىپ، ساياحاتشى سانىن قاتاڭ تىزگىندەدى.

  5 - ايدىڭ 2 - كۇنى كەزەكتە تۇرىپ تيانشان بوعدا كولى كورىنىس وڭىرىنە كىرۋدى كۇتىپ تۇرعان ءۇرىمجى قالاسىنىڭ تۇرعىنى لي ران كورىنىس ءوڭىرىنىڭ ساقتانۋ - تىزگىندەۋ شاراسىنا وتە ريزا بولدى. ءۇرىمجى اۋدانى شيانلاي شاعىن قالاشىعىندا سەرۋەندەپ جۇرگەن ءۇرىمجى قالاسىنىڭ تۇرعىنى ۋاڭ جۋان تىلشىگە بىلاي دەدى: ”قازىر كورىنىس ءوڭىرى قىزمەتكەرلەرىنىڭ ىندەتتەن ساقتانۋ - تىزگىندەۋ قىزمەتىنە سايكەسۋ وزىمىزگە دە، وزگەگە دە جاۋاپتى بولۋ سانالادى“.

جاۋاپتى رەداكتور: نۇربولات قابىل
  • 1
  • 2
  • 3
  • 4