جاڭا ورايدى يگەرىپ، جاڭا قوزعاۋشى كۇش جەتىلدىردى

  جاڭا ورايدى يگەرىپ، جاڭا قوزعاۋشى كۇش جەتىلدىردى

  − العاشقى توقسانداعى جۇڭگو ەكونوميكاسىنا نازار − قارجى قوسۋدى ورنىقتىرۋ

  □ شينحۋا اگەنتتىگىنىڭ تىلشىلەرى ان پەي، حى شينرۇڭ، حان جىن

  جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىندا، ەلىمىز ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتى. بيىل 1 - توقساندا بۇكىل ەلدىڭ تۇراقتى مۇلىككە قارجى قوسۋى سايكەس مەزگىلدەگىدەن %16.1 تومەندەپ، تومەندەۋ سالىستىرماسى 1 - ايدان 2 - ايعا دەيىن 8.4 پايىز ازايىپ، قارجى قوسۋدىڭ قايتا ارتۋ كۇيى كورنەكتىلەنە باستادى.

  ”جاڭا نەگىزدىك قۇرىلعى قۇرىلىستارىن“ تەزدەتتى، ولقىلىقتاردى كۇش سالا تولىقتادى، حالىقتىق قارجى قوسۋدىڭ بەلسەندىلىگىن كوتەردى... كوز الداعى داعدارىستان، كوز الداعى قيىنشىلىقتان وراي ۇستاۋعا جانە جاراتۋعا شەبەر بولىپ، ىشكى سۇرانىستى كەڭەيتۋ ستراتەگياسىن باتىل اتقارىپ، قارجى قوسۋدىڭ شەشۋشى رولىن ساۋلەلەندىرىپ، ەكونوميكانىڭ جوعارى ساپادا دامۋى ءۇشىن جاڭا دامۋ قوزعاۋشى كۇشىن جەتىلدىردى.

  ”جاڭا نەگىزدىك قۇرىلعى قۇرىلىستارى“ جاڭا وراي جەتىلدىردى

  جوسپارداعى پايدالاناتىن جەر شامامەن 236 مۋ، 25 مىڭنان استام ەلەكتروندى ىشكاپ سالىنادى... جاقىندا، قوسىلعان جالپى قارجىسى 15 ميلليارد يۋاننان اسقان تىڭشۇن چاڭجياڭ اتىراۋى جاساندى زەردەلى اسقىن ەسەپتەۋ ورتالىعى جانە كاسىپ سالاسى بازاسى شاڭحايدىڭ سۇڭجياڭ رايونىنا ىرگە تەپتى.

  4 - ايدىڭ 3 - كۇنى چۇڭچيڭنىڭ 28 ماڭىزدى نىسانى شوعىرلى قۇرىلىس باستادى، قوسىلعان جالپى قارجى شامامەن 105 ميلليارد 400 ميلليون يۋان بولدى. مۇنىڭ ىشىندە، جاڭا تۇردەگى نەگىزدىك قۇرىلعى نىسانى 22، جالپى قوسىلعان قارجى 81 ميلليارد 500 ميلليون يۋان، 5G ينتەرنەتى، ءىرى ساندى مالىمەت ورتالىعى، جاساندى زەردە سياقتى سالالاردى قامتيدى.

  نەگىزدىك قۇرىلعى ەكونوميكالىق، قوعامدىق دامۋدىڭ ماڭىزدى تىرەگى. ىندەتكە توتەپ بەرۋ جاڭا كاسىپتەردىڭ جانە جاڭا كاسىپ كۇيلەرىنىڭ جارىققا شىعۋىن، قارقىندى دامۋىن جەبەدى جانە ىلگەرىلەتتى، كاسىپ سالاسىن سيفرلاندىرۋ، سيفردى كاسىپ سالالاندىرۋ ”تەز پەرنەسىن“ باستى، جاڭا تۇردەگى نەگىزدىك قۇرىلعى قۇرىلىسى نازارعا بارىنشا ءىلىندى.

  گۋاڭدۇڭ ولكەسى وسى جىل ىشىندە جاڭادان 5G پۋنكتىنەن 48 مىڭىن سالۋدى جوسپارلادى؛ گۇيجوۋ ولكەسى بيىل 5G پۋنكتىنىڭ سانىن 10 مىڭعا جەتكىزىپ، قالا دارەجەلىدەن جوعارى قالالاردىڭ ورتالىق اۋماقتارىن جاپپاي قامتۋعا كۇش سالدى؛ جۇڭگو تەلەگراف جانە جۇڭگو بىرلەسكەن حابارلاسۋ سەرىكتەستىگى جىل سوڭىنان بۇرىن 300 مىڭ 5G پۋنكتى قۇرىلىسىن بىرگە سالىپ، تەڭ يگىلىكتەنۋ نىساناسىن جوسپارلادى...

  5G ينتەرنەتى، ساندى مالىمەت ورتالىعى سياقتى جاڭا تۇردەگى نەگىزدىك قۇرىلعى قۇرىلىستارىن جەدەلدەتۋ، سۇرانىس جاعىنان زور كولەمدى قارجى قوسۋدى جەبەپ، جوعارى تەحنيكالى كاسىپ سالالارىنىڭ دامۋىن ىلگەرىلەتتى؛ قامداۋ جاعىنان، ءوندىرىس، تۇتىنۋ، قوعامدىق جونگە سالۋ سياقتى كوپ سالاعا كۇش ۇستەپ، ورتا، جوعارى دەڭگەيلى قامداۋدى ارتتىرىپ، كاسىپ سالاسى مەن تۇتىنۋ ەكەۋىنىڭ دە دارەجەسىن ءوسىرۋدى دەمەيدى، مۇنى قامداۋ مەن سۇرانىستى بىردەي تيىمدىلىككە كەنەلتىپ، كوبەيتۋ اسەرىن الا كەلەدى دەۋگە بولادى.

  ولقىلىقتاردى تولىقتاپ، دالمە - ءدال قارجى قوسۋعا كۇش سالدى

  4 - ايدىڭ 14 - كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە بيىل جەر - جەردە قالا - قالاشىقتارداعى 39 مىڭ كونە شاعىن اۋماقتى وزگەرتىپ سالۋ جوسپارعا الىنعانى، بۇل 7 ميلليونعا تاياۋ تۇرعىندى قامتىپ، بىلتىرعىدان ءبىر ەسە ارتقانى، مۇندا باستى ءتۇيىن 2000 - جىلدىڭ سوڭىنان بۇرىن سالىنعان تۇرعىندار اۋماعى ەكەنى ايقىندالدى.

  ىندەت ىقپالى الدىندا، نازاردى ولقىلىقتاردى تولىقتاۋ سياقتى ءتۇيىندى سالالارعا شوعىرلاندىرۋ، قارجى قوسۋ نىساندارىن ءدال تاڭداۋ ارقىلى قارجى قوسۋدى ورنىقتىرۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ سياقتى بىرەۋى ارقىلى بىرنەشەۋىن تىندىراتىن ونىمدىلىكتى ساۋلەلەندىرۋگە بولادى.

  ”مەملەكەت جوباسىندا ايقىندالعان كەلەلى ينجەنەريالار مەن نەگىزدىك قۇرىلعى قۇرىلىستارىن جەدەل ىلگەرىلەتىپ، الەۋمەتتىك دەنساۋلىق ساقتاۋعا قىزمەت وتەۋ، شۇعىل جاعدايعا توتەپ بەرۋ زاتتىق ماتەريالى قامتاماسىزدىعى سالالارىنا باعىتتالعان ۇسىنىلىمدى ءتۇيىندى تۇردە ارتتىرۋ كەرەك؛ كەدەيلىكتەن ارىلتۋدان قامال الۋ، اۋىل شارۋاشىلىعى، اۋىل - قىستاق، ەكولوگيالىق ورتا، قالا - قالاشىقتارداعى كونە شاعىن اۋماقتاردى وزگەرتىپ سالۋ سياقتى ولقىلىقتاردى تولىقتاۋ سالالارى قۇرىلىسىن كۇشەيتۋ كەرەك؛ 5G ينتەرنەتى، ساندى مالىمەت ورتالىعى سياقتى جاڭا تۇردەگى نەگىزدىك قۇرىلعى قۇرىلىستارىنىڭ اياق الىسىن جەدەلدەتىپ، حالىقتىق قارجى قوسۋدىڭ بەلسەندىلىگىن جۇمىلدىرۋعا اناعۇرلىم ءمان بەرۋ كەرەك“، - دەدى مەملەكەتتىك دامۋ جانە رەفورما كوميتەتى قارجى قوسۋ مەكەمەسىنىڭ ورىنباسار باستىعى لۋ شىحۋ.

  مەملەكەتتىك ساناق مەكەمەسىنىڭ ساندى مالىمدەتىندە كورسەتىلۋىنشە، 3 - ايدا جاڭادان 11 مىڭ 998 نىسان جۇمىس باستاپ، الدىڭعى 2 ايداعىدان 9497 نىسان ارتقان. 4 - ايدىڭ 9 - كۇنى ساعات 12گە دەيىن، قۇرىلىس كاسىپورىندارى مەن قورا - جاي كاسىپورىندارىنىڭ جۇمىستى قالپىنا كەلتىرۋ سالىستىرماسى جەكە - جەكە %82.6 جانە %85.6 بولىپ، جەكە - جەكە 2 - ايدىڭ سوڭىنان 43.3 جانە 37 پايىز جوعارىلاعان.

  ”ءبىر قىدىرۋ كورسەتكىشتەر قارجى قوسۋدىڭ قايتا جوعارىلاۋ نەگىزى بەكەمدەلىپ جاتقاندىعىن، كەلەشەكتە قارجى قوسۋدىڭ بىرتىندەپ توقىرامالى كۇيدەن ارىلاتىندىعىن بىلدىرەدى“، - دەدى مەملەكەتتىك ساناق مەكەمەسى قارجى قوسۋ مەكەمەسىنىڭ باستىعى پىڭ يۇڭتاۋ.

  حالىقتىق قارجى قوسۋدىڭ بەلسەندىلىگىن جۇمىلدىردى

  4 - ايدىڭ 14 - كۇنگى مەملەكەتتىك كەڭەستىڭ ۇنەمىلىك ىستەر ءماجىلىسى كونە شاعىن اۋماقتاردى وزگەرتىپ سالۋ قارجىسىنىڭ كەلۋ قاينارىنا قاراتا ورنالاستىرۋ جاسادى −

  ۇكىمەت جانە تۇرعىندار، قوعامدىق كۇشتەر وزگەرتىپ سالۋ قارجىسىن ۇيلەسىمدى بىرگە كوتەرەتىن مەحانيزم ورناتىپ، ورتالىق قازىنا جاردەماقى بەرۋ، جەرگىلىكتى ۇكىمەت ارناۋلى زايوم جاعىندا بەيىمدەلۋ، قوعامدىق كاپيتالدى وزگەرتىپ سالۋ تيجاراتىنا قاتىناسۋعا شابىتتاندىرۋ.

  ينفورماتسيا ينتەرنەتى سياقتى جاڭا تۇردەگى نەگىزدىك قۇرىلعى قۇرىلىستارىنا قاراتا، 4 - ايدىڭ 28 - كۇنى اشىلعان مەملەكەتتىك كەڭەستىڭ ۇنەمىلىك ىستەر ءماجىلىسى مىنالاردى العا قويدى: قارجى قوسىپ، قۇرىلىس جۇرگىزۋ ۇلگىسىندە جاڭالىق اشىپ، بازار ۇسىنىلىمىن نەگىز ەتۋگە تاباندى بولىپ، كوپ نەگىزدى تۇلعالاردىڭ قۇرىلىسقا قاتىناسۋىنا قولداۋ كورسەتىپ، فينانس قۇرىلىمدارىن ونىمدە جاڭالىق اشىپ، قىزمەت وتەۋدى كۇشەيتۋگە شابىتتاندىرۋ كەرەك. ۇكىمەتتىڭ جەتەكشىلىگى مەن قولداۋىن كۇشەيتىپ، قارجى قوسىپ قۇرىلىس جۇرگىزۋگە ءتىپتى دە كوپ قولايلىلىق ازىرلەۋ كەرەك.

  شىڭ لەي بىلاي دەپ قارادى: جاڭا تۇردەگى نەگىزدىك قۇرىلعى قۇرىلىستارى باستاپقى مەزگىلدەگى ۇسىنىلىمى جوعارى، تەحنيكانىڭ جاڭالانۋى تەز، پايداسىنىڭ تۇراقسىزدىعى زور سياقتى ەرەكشەلىكتەرگە يە، باستاپقى مەزگىلدە ۇكىمەت قارجىسىنىڭ ۇسىنىلىمىن جەتەكشى ەتكەنىمەن، بازار مەن كاسىپورىن نەگىزگى رول اتقارۋى كەرەك. ۇكىمەت قارجى قوسۋ، قارجى قۇراۋ مەحانيزمىن جەدەل كەمەلدەندىرىپ، قوعامدىق كاپيتالدىڭ كىرۋىنە تۇساۋ بولاتىن كەدەرگىلەردى جويىپ، ساۋدا ۇلگىسىندە جاڭالىق اشۋدى، قولدانىم ورتالارىن جەتىلدىرۋدى جەتەكتەپ، ىلگەرىلەتىپ، ءتۇرلى بازار قارجىلارىنىڭ ومىرشەڭدىك كۇشىن قاۋلاتۋ كەرەك.

  4 - ايدىڭ 15 - كۇنىنە دەيىن، بيىل جاڭادان ارتقان جەرگىلىكتى ۇكىمەتتەردىڭ ارناۋلى زايومىنان ءبىر تريلليون 160 ميلليارد 700 ميلليون يۋان تاراتىلىپ، تۇگەلدەي قاتىناس قۇرىلعىلارى، ەكولوگيالىق ورتا، اۋىل شارۋاشىلىعى، ورمان شارۋاشىلىعى، سۋ يگىلىگى، قالا ىستەرى جانە كاسىپ باقشا رايونى سياقتى ەلەۋلى نەگىزدىك قۇرىلعى نىساندارى قۇرىلىسىنا پايدالانىلدى؛ سارالانىپ تاڭدالعان جالپى سوماسى 470 ميلليارد يۋانعا جۋىق حالىقتىق قارجى قوسۋ نىساندارىندا قارجى قوسۋدى، قارجى قۇراۋدى ۇشتاستىرۋ كۇشەيتىلدى... ۇكىمەت ۇسىنىلىمى ”شاعىن كۇشپەن مول ءىس تىندىرىپ“، حالىقتىق قارجى قوسۋدىڭ جوعارىلاۋىن جەبەدى.ساندى مالىمەتتە كورسەتىلۋىنشە، 1 - توقساندا حالىقتىق قارجى قوسۋ سايكەس مەزگىلدەگىدەن % 18.8 تومەندەپ، تومەندەۋ سالىستىرماسى 1 - ايدان 2 - ايعا دەيىن 7.6 پايىز ازايعان. مۇنىڭ ىشىندە، نەگىزدىك قۇرىلعىعا حالىقتىق قارجى قوسۋدىڭ تومەندەۋ سالىستىرماسى 13.5 پايىز، جاساۋ كاسىبىندەگى حالىقتىق قارجى قوسۋدىڭ تومەندەۋ سالىستىرماسى 5.8 پايىز ازايعان.

  (شينحۋا اگەنتتىگىنىڭ 4 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4