زەيىن - زەردەنى، كۇش - قۋاتتى شوعىرلاندىرىپ، جاپپاي دوڭگەلەك داۋلەتكە جەتۋدىڭ شەشۋشى جەڭىسىنە قول جەتكىزەيىك

  زەيىن - زەردەنى، كۇش - قۋاتتى شوعىرلاندىرىپ، جاپپاي دوڭگەلەك داۋلەتكە جەتۋدىڭ شەشۋشى جەڭىسىنە قول جەتكىزەيىك

−”1 - مامىر“ حالىقارالىق ەڭبەكشىلەر مەرەكەسى بايلانىسىمەن

  حالىق گازەتىنىڭ باسماقالاسى

  حالىق تاريحتى جاراتادى، ەڭبەك بولاشاقتى اشادى. ەڭبەكشىلەرگە تاۋەلدى ”1 - مامىر“ مەرەكەسىندە، ءبىز بۇكىل ەلدەگى جۇمىسشى تابى مەن قالىڭ ەڭبەكشى بۇقاراعا مەرەكەلىك سالەم جولدايمىز، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شايقاسىنا جانە ەكونوميكالىق، قوعامدىق دامۋدى ىلگەرىلەتۋگە ات سالىسقان قالىڭ ەڭبەكشىلەرگە وسكەلەڭ قۇرمەت بىلدىرەمىز!

  ىندەت سۇراپىل كەلىپ، بۇرىن بولماعان سايىس الا كەلدى. حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعايتىن وسى قاتاڭ شايقاس الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جۇدىرىقتاي جۇمىلىپ، قيىندىققا قارسى اتتانىپ، ەل بىرلىگىنەن بەرىك قامال تۇرعىزۋعا ىنتىماقتاستىرا باستاپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن باتىل جۇرگىزدى. ”قاھارماننىڭ قاسيەتى قۇبىلمالى زاماندا ايگىلەنەدى“. ىندەتكە قارسى اتتانۋدىڭ قاتاڭ شايقاسىندا، سانسىز ەڭبەكشى كەۋدە كەرە العا شىعىپ، وزدەرىن قالتقىسىز ارنادى، اتويلاپ الدا ءجۇرىپ، قايسارلىقپەن كۇرەس جۇرگىزگەن قالىڭ پارتيالى كادرلاردان اق حالاتتان ساۋىت كيىپ، قارسى اتتانىپ، جورىققا شىققان ەمدەۋ قىزمەتكەرلەرىنە دەيىن، بۇيرىقتى ەستي سالا ارەكەتكە كەلىپ، قيان - كەسكى شايقاس جۇرگىزۋگە باتىلدىق ەتكەن حالىق پەرزەنت اسكەرلەرىنەن كۇندى تۇنگە جالعاپ، سايكەسىپ قامال بۇزعان عىلىم - تەحنيكا قىزمەتكەرلەرىنە دەيىن، بوران - شاشىننان قورىقپاي، ءبىرىنشى شەپتى تاپجىلماي قورعاعان قالىڭ الەۋمەتتىك اۋماق قىزمەتكەرلەرىنەن، قوعام حاۋىپسىزدىگى كادر - ساقشىلارىنان، نەگىزگى ساتى كادرلارىنان، تومەنگە تۇسكەن كادرلاردان، اقپارات قىزمەتكەرلەرىنەن، ەرىكتىلەردەن ۇستەمەلەپ جۇمىس ىستەپ، جاپا - ماشاقاتقا قاراماي ەڭبەك ەتكەن جەدەل جەتكىزۋشى جىگىتتەرگە، قورشاعان ورتانى قورعاۋ جۇمىسشىلارىنا، ىندەتكە قارسى اتتانۋ زاتتىق ماتەريالدارىن تاسىمالداعان شوفەرلەرگە دەيىن، ءار سالا، ءار كاسىپتەگى، ءار جاقتاعى كۇرەسكەرلەر، قۇرىلىسشىلار، اشۋشىلار ءوز قىزمەت ورىندارىندا ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ادا ەتىپ، ءوز جاۋاپكەرشىلىگىن ارقالاپ، بۇكىل ەلدەگى ىندەتتەن ساقتانۋ - تىزگىندەۋ توسقاۋىل شايقاسىندا ەلەۋلى ستراتەگيالىق تابىسقا قول جەتكىزۋدى بىرگە ىلگەرىلەتىپ، ەكونوميكالىق، قوعامدىق ءتارتىپتىڭ جەدەل قالپىنا كەلۋىن ىلگەرىلەتىپ، قيىندىق پەن قاتەردەن تايسالمايتىن قاھارماندىق قاسيەتتى ايگىلەپ، جان تەبىرەنتەتىن ءداۋىر پاراعىن جازدى.

  بيىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبا اياقتالاتىن جىل، سونداي - اق كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتەتىن جىل، ىندەت ءبىزدىڭ بەلگىلەنگەن نىسانالاردى، مىندەتتەردى ورىنداۋىمىزعا سايىس الا كەلدى. نەعۇرلىم قيىندىق پەن سايىسقا ءدوپ كەلگەن سايىن، ەلىمىزدىڭ دامۋىنا سولعۇرلىم جالپى بەتتىك، ديالەكتيكالىق، بولاشاقتىق كوز ايامەن قاراپ، ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى اۋقىمدى تەرەڭ يگەرىپ، سىرتقى ورتانىڭ وزگەرىسىنە ءبىرشاما ۇزاق ۋاقىت توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي جاساپ، كوز الداعى داعدارىس پەن سايىستان وراي يگەرۋگە جانە وراي تۋدىرۋعا شەبەر بولىپ، قيىندىقتى جەڭەتىن، سايىستى جەڭەتىن سەنىمدى بەكەمدەپ، دامۋدىڭ ىرىقتىلىق ۇقىعىن مىقتاپ يگەرۋ كەرەك. ءبىز كوكەي تەستىلىك سەزىمدى، جاۋاپكەرشىلىك سەزىمدى، بورىشتىلىق سەزىمدى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، جۇمىستاندىرۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ، قارجى قوسۋدى ورنىقتىرۋ، مەجەنى ورنىقتىرۋ قىزمەتىن تىڭعىلىقتى تۇردە ويداعىداي ىستەپ، تۇرعىنداردىڭ جۇمىستانۋىن قامتاماسىز ەتۋ، حالىقتىڭ نەگىزگى تۇرمىسىن قامتاماسىز ەتۋ، بازار تۇلعالارىن قامتاماسىز ەتۋ، استىق، ەنەرگيا حاۋىپسىزدىگىن قامتاماسىز ەتۋ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتۋ، نەگىزگى ساتىنىڭ اينالىمىن قامتاماسىز ەتۋ مىندەتىن جاپپاي تياناقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتى الا كەلگەن ءتيىمسىز ىقپالدى جەڭۋگە قۇلشىنىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانالارىن، مىندەتتەرىن ورىنداپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.

  ”قيىن ءىس جوق جاھاندا، ىقىلاس قويعان ادامعا“. جاپپاي دوڭگەلەك داۋلەتكە جەتۋدىڭ شەشۋشى جەڭىسىنە قول جەتكىزۋ ءۇشىن، ءبىز ەڭبەك رۋحىن اسقاقتاتىپ، كۇرەس جۇرگىزۋدىڭ قۋاتتى كۇشىن توپتاۋىمىز كەرەك. ىندەتتەن ساقتانۋ - تىزگىندەۋدى ۇدايىلاندىرۋدى مىقتى، ناقتى، ەگجەي - تەگجەيلى يگەرىپ، ىندەتتىڭ ۇزدىكسىز جاقسارۋ جاعدايىن ۇزدىكسىز بەكەمدەۋ، جۇمىستى قالپىنا كەلتىرۋدى، ءوندىرىس قۋاتىنا جەتۋدى، ساۋدانى، بازاردى قالپىنا كەلتىرۋدى ويداعىداي ىستەۋ، كەدەيلىك ىشىندەگى كەدەيلىكتى، قيىندىق ىشىندەگى قيىندىقتى شەشىپ، ءۇش ءىرى قامال الۋ شايقاسىن باتىل ويداعىداي جۇرگىزۋ، جەڭىسكە جەتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ تۇگەلدەي باتىلدىقپەن قيىندىقتان قامال الۋدى، بەلسەندىلىكپەن جاۋاپكەرشىلىك ارقالاپ، ىسكەرلىك كورسەتۋدى، ماڭداي تەرمەن تابىسقا كەنەلىپ، ناقتى ىستەۋدىڭ ارقاسىندا ورنىقتى العا باسۋدى قاجەت ەتەدى. جاپپاي دوڭگەلەك داۋلەتتى قوعام ورناتۋدىڭ ۇلى تاريحي اياق الىسىندا، ءار سالا، ءار كاسىپتە ەرلىكپەن كۇرەسىپ العا ۇمتىلاتىن قىرۋار وزات تيپتەر مولىنان شىقتى، ولار ءارقايسى شەپتەگى قاراپايىم جۇمىس ورىندارىندا قاجىرلىلىقپەن قىزمەت ىستەپ، ەڭبەك وزاتى رۋحىن، ەڭبەك رۋحىن، ۇستالىق رۋحتى ءىس جۇزىندىك ارەكەتتەرى ارقىلى امالياتتا ايگىلەپ، وزگەشە كۇرەس ناتيجەلەرى جانە كۇرەس حيكايالارى ارقىلى ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم دەيتىن قۇن ۇستانىمىن جەتكىزىپ، ۇدەرە العا تارتاتىن رۋحاني كۇشتى قاۋلاتتى. ولاردى ۇلگى ەتىپ، قىزمەتتى ءسۇيىپ، كاسىپتى قادىرلەپ، قۇلشىنا قىزمەت ىستەپ، قاجىرلىلىقپەن كۇرەس جاساپ، ۇلەس قوسۋعا پەيىل بولىپ، جاڭا داۋىردەگى كۇرەسكەرلەر جىرىن شارىقتاتىپ، رەفورما جاساۋدىڭ، دامۋدىڭ قۋاتتى وڭ ەنەرگياسىن ۇيىستىرۋىمىز كەرەك.

  جاپپاي دوڭگەلەك داۋلەتكە جەتۋدىڭ شەشۋشى جەڭىسىنە قول جەتكىزۋدە ءبىز ەڭبەكشىلەردى اناعۇرلىم قامتاماسىز ەتۋىمىز، ءتىپتى دە مارتەبەلى ەتۋىمىز كەرەك. جاپپاي دوڭگەلەك داۋلەتتى قوعام ورناتۋدىڭ ۋاقىتى تىعىز، مىندەتى اۋىر، ءبىرىنشى شەپ − شايقاس مايدانى، جۇمىس باسى − شايقاس مايدانى. «نازاردى ءبىرىنشى شەپكە شوعىرلاندىرىپ، ەمدەۋ قىزمەتكەرلەرىن قورعاۋ، ولارعا كوڭىل ءبولۋ، ولاردى ايالاۋ شاراسىن دايەكتىلەندىرۋ، تياناقتاندىرۋ جونىندەگى حابارلاندىرۋدى» باتىل تياناقتاندىرىپ، قامتاماسىزداندىرۋ شارالارىن ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەرگە بەيىمدەپ، «نەگىزگى ساتىنى مازالاپ وتىرعان فورماشىلدىق ماسەلەسىن ۇزدىكسىز شەشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە پارمەندى ستيلدىك كەپىلدىك ازىرلەۋ جونىندەگى حابارلاندىرۋدى» باتىل تياناقتاندىرىپ، نەگىزگى ساتىعا ىرىق بەرىپ، اۋىرتپالىعىن جەڭىلدەتىپ، «جاڭا داۋىردەگى كاسىپ سالاسى جۇمىسشىلارى قوسىنى قۇرىلىسى رەفورما جوباسىن» باتىل تياناقتاندىرىپ، جوعارى ساپالى ەڭبەكشىلەر قوسىنىن تۇلعالاۋ كەرەك. ەڭبەكتى ارداقتاۋعا، ەڭبەكشىلەردى قۇرمەتتەۋگە تاباندى بولىپ، اناعۇرلىم جاقسى قىزمەت شارت - جاعدايىن ازىرلەپ، ەڭبەكشىلەردى ۋايىمنان ارىلتىپ، ەڭبەكشىلەردىڭ ساپاسىن ۇزدىكسىز جوعارىلاتقاندا عانا، ەڭبەك قىزعىندىلىعىن اناعۇرلىم قاۋلاتىپ، جاسامپازدىق كومەسكى قۋاتىن اشىپ، جۇمىسشى تابى مەن قالىڭ ەڭبەكشى بۇقارانىڭ نەگىزگى كۇش قوسىن رولىن اناعۇرلىم جاقسى ساۋلەلەندىرۋگە بولادى.

  سىلدىراعان بۇلاقتار وزەن بولىپ تەڭىزگە قۇيار، سانسىز بىلەك سىبانسا قورعان سالار. جۇڭحۋا ۇلتى تاريحتا تالاي تاۋقىمەتتى باستان كەشىرگەن، ءبىراق ەشقاشان ەڭسەسىن تۇسىرمەگەن، قايتا نەعۇرلىم ساتسىزدىككە ۇشىراعان سايىن سولعۇرلىم ەرجۇرەك بولىپ، تاۋقىمەت بارىسىندا ۇزدىكسىز تولىسىپ، تاۋقىمەت بارىسىندا قايراتى تاسقىنداعان. مەيلى قانداي حاۋىپ - قاتەر، سىن - سايىستار بولسا دا، ءبىزدىڭ ەرلىكپەن العا باسۋ اياق الىسىمىزدى بوگەي المايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن - زەردەنى، كۇش - قۋاتتى شوعىرلاندىرىپ، ۋاقىتتىق قيىندىقتى بىرگە جەڭىپ، شەشۋشى شايقاستىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزەيىك !

  (شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل