”شادىمان شينجياڭ“ ارەكەتى باستالدى

  ”شادىمان شينجياڭ“ ارەكەتى باستالدى

  ساياحات قىزمەت وتەۋدىڭ ساپاسىن جالپى بەتتىك جوعارىلاتتى

  گازەتىمىزدىڭ جالپىلىق اقپارات قۇرالدارى تىلشىلەرى رىن جياڭ، لي ياڭ 4 - ايدىڭ 30 - كۇنى ۇرىمجىدەن حابارلايدى. شادىمان قىزمەت وتەۋ ورگانعا، كورىنىس وڭىرىنە، كاسىپورىنعا، بەكەتكە، اۋەجايعا، ساۋدا سارايلارىنا، ەرەن بازارعا، الاڭعا، الەۋمەتتىك ورىنعا كىردى... 5 - ايدان باستاپ، ”شادىمان شينجياڭ“ ساياحات قىزمەت وتەۋىنىڭ دەڭگەيىن جوعارىلاتۋ ارناۋلى ارەكەتى بۇكىل شينجياڭنىڭ جەر - جەرىندە جالپى بەتتىك باستالادى. مۇنى ءتىلشى 4 - ايدىڭ 29 - كۇنى اۆتونوميالى رايون اشقان شينجياڭنىڭ ىشىندەگى ساياحات بازارىن جەدەل جانداندىرۋ تەلەۆيزور - تەلەفون ماجىلىسىنەن ۇعىستى.

  بۇل ارەكەتتىڭ ماقساتى شينجياڭ ساياحات قىزمەت وتەۋىنىڭ ساپاسىن جالپى بەتتىك جوعارىلاتىپ، قىزمەت وتەۋ ولشەمىن ارناعا ءتۇسىرىپ جانە جاقسارتىپ، ساياحاتتى باسقارۋ ورەسىن جوعارىلاتۋ. تۇتاس كاسىپ كولەمىندە شادىمان قىزمەت وتەۋدى ورىستەتىپ، شينجياڭ ساياحاتىنىڭ وبرازىن، ساپاسىن جالپى بەتتىك جوعارىلاتىپ، جالپى بەتتىك كەڭ كولەمدە ات سالىسۋدى ىلگەرىلەتىپ، ”ىقىلاستى، قوناعۋار“ قويۋ راي جاراتىپ، ساياحاتشىلاردى وركەنيەتتى، ولشەمدى، ساپالى، جوعارى ءونىمدى ساياحات قىزمەت وتەۋىمەن قامداۋ.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين تانىستىرىپ بىلاي دەدى: ”شادىمان شينجياڭ“ ارەكەتىن ورىستەتىپ، ساياحات قىزمەت وتەۋىنىڭ دەڭگەيىن جوعارىلاتۋ بيىلعى شينجياڭ ساياحاتى قىزمەتىنىڭ ماڭىزدى ءتۇيىنى. بيىل 5 - ايدان جىل اياعىنا دەيىن اتقارۋ كەزەڭى، 2020 - جىلدان كەيىن ۇزاق ۋاقىت تاباندى بولىپ، شينجياڭ ساياحاتىنىڭ وبرازى، ساپاسى جالپى بەتتىك جوعارىلاتىلىپ، ساياحات قىزمەت وتەۋىنىڭ ساپاسى، ساياحات جانە قاتىستى سالالارداعى قىزمەتكەرلەردىڭ وركەنيەت ساپاسى جوعارىلاتىلادى.

  ورنالاستىرۋعا، جايعاستىرۋعا ساي، بۇكىل شينجياڭداعى ساياحات كورىنىس وڭىرلەرى (ءتۇيىن)، ساياحاتشىلاردى جيناۋ - جونەلتۋ ورتالىقتارى، قوناق ءۇي (حالىقتىق تۇسەلحانا)، ەرەكشە زات ساتىپ الۋ كوشە اۋماقتارى، ساياحات كاسىپ قوعامدارى سياقتى ساياحاتپەن شۇعىلداناتىن ورىندار مەن ادامدار، قوعام حاۋىپسىزدىگى، قاتىناس - تاسىمال، تەمىر جول، اۆياتسيا سياقتى تاراۋلار جاۋاپتى بولعان تەكسەرۋ پۋنكتتەرى، قاتىناس زاڭ اتقارۋ (كەزەكشىلىك) تۇيىندەرى، ۆوكزال، اۆتوبۋز بەكەتى، اۋەجاي، اقى الۋ پۋنكتى، قىزمەت وتەۋ اۋماعى، الاڭ، سونداي - اق تاكسي، جەلى اۆتوكولىكتەرى سياقتىلاردى تيجارات ەتەتىن سەرىكتەستىكتەردىڭ قىزمەتكەرلەرى، ساۋدا سارايلارى، ەرەن بازار، زات ساتىپ الۋ كوشە اۋماعى سياقتى ورىندار جانە كاسىپپەن اينالىساتىن قىزمەتكەرلەر تۇگەلدەي ارەكەتكە قاتىناسادى.

  قاتىستى جاقتار ”شادىمان شينجياڭ“ قىزمەت وتەۋ ولشەمىن كەمەلدەندىرىپ، ”شادىمان شينجياڭ“ الەۋمەتتىك قىزمەت وتەۋ ورەسىن جوعارىلاتىپ، ”شادىمان شينجياڭ“ كاسىپ باستاماسىن كۇشەيتىپ، بۇكىل شينجياڭ كولەمىندە ساياحات كاسىبىندەگى شادىمان قىزمەت وتەۋدى جەدەل ورىستەتەدى ءارى ورەسىن جالپى بەتتىك جوعارىلاتۋدىڭ تاماشا رايىن جاراتادى.

  يان نايمين تاعى تانىستىرىپ بىلاي دەدى: شينجياڭ ساياحاتشىلاردىڭ باعالاۋىن نەگىز ەتكەن ”شادىمان شينجياڭ“ باعالاۋ جۇيەسىن ورناتىپ، قىزمەت ورنىندا قىزمەت وتەۋ جۇمىسىنىڭ ەگجەي - تەگجەيلى ەرەجەسىن جانە قىزمەت وتەۋ ولشەمىن جاساپ، ءبىر توپ ساپالى قىزمەت وتەۋ ماركاسىن شىعارىپ، ”شادىمان جۇلدىز“، ”شادىمان شينجياڭ وبراز ەلشىسى“ سياقتى ۇلگىلى تيپتەر ورناتىپ، دارالىققا يە، ىڭعايلى، ەرەكشە، ەگجەي - تەگجەيلى قىزمەت وتەۋدىڭ دەڭگەيىن ۇزدىكسىز جوعارىلاتىپ، ساياحات قىزمەت وتەۋىنىڭ ساپاسىن، ساياحاتشىلاردىڭ جايلىلىق شاماسىن جانە رازى بولۋ مولشەرىن ارتتىرىپ، ونان ارى ”شادىمان شينجياڭ“ قىزمەت وتەۋ ساپاسىن جوعارىلاتۋدىڭ باياندى مەحانيزمىن قالىپتاستىرادى.

جاۋاپتى رەداكتور: نۇربولات قابىل
  • 1
  • 2
  • 3
  • 4