بۇكىل ەلدە %70كە جۋىق ساياحات كورىنىس ءوڭىرى اشىلدى

  بۇكىل ەلدە %70كە جۋىق ساياحات كورىنىس ءوڭىرى اشىلدى

  %30تىك ەڭ جوعارى كوتەرىمدىلىك مولشەرى قاتاڭ ساقتالادى

  شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى (ءتىلشى يۇي جۇنجيە). 4 - ايدىڭ 30 - كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە مادەنيەت جانە ساياحات مينيسترلىگىنىڭ مينيسترى لو شۋگاڭ تانىستىرىپ بىلاي دەدى: قازىر بۇكىل ەلدەگى %70كە جۋىق ساياحات كورىنىس ءوڭىرى تارتىپپەن اشىلا باستادى، گۋگۇڭ مەن مەملەكەت مۇراجايى دا 5 - ايدىڭ 1 - كۇنىنەن باستاپ قايتا اشىلادى. ”1 - مامىر“ دەمالىسىندا جۇرتتىڭ سىرتقا شىعىپ ساياحاتتاۋ قىزعىندىلىعى ارتادى، ساياحات كورىنىس وڭىرلەرى ىندەتتەن ساقتانۋ - تىزگىندەۋدى ويداعىداي ىستەپ، قاۋىرت مەزگىلگە شوعىرلاندىرماي اشۋ، شەكتى مولشەردە اشۋ، الدىن الا كەلىسىپ اشۋ كەرەك.

  ”ساياحات كورىنىس وڭىرلەرى قابىلداعان ساياحاتشىلاردىڭ سانى ساياحات كورىنىس ءوڭىرىنىڭ ەڭ جوعارى كوتەرىمدىلىك مولشەرىنىڭ %30ىنەن اسىپ كەتپەۋى كەرەك“. لو شۋگاڭ بىلاي دەدى: ىندەتتەن ساقتانۋ - تىزگىندەۋدى ويلاستىرۋ نەگىزىندە، ساياحات بايلىعىن بۇكىلدەي اشىپ جىبەرۋگە ءالى بولمايدى، كورىنىس وڭىرلەرىنىڭ بولمە ىشىندەگى بولىكتەرىن قامتىعان جەرلەر ۋاقىتشا اشىلمايدى.

  تانىستىرۋعا قاراعاندا، مادەنيەت جانە ساياحات مينيسترلىگى جەر - جەردەگى ساياحات كورىنىس وڭىرلەرىن الدىن الا كەلىسىپ ساياحاتتاۋ ءتۇزىمىن اتقارىپ، الدىن الا كەلىسىپ اشۋدى ورىنداۋعا جەتەكشىلىك ەتكەن. ۋاقىتقا ءبولىپ الدىن الا كەلىسۋدى اتقارۋ، ساياحاتشىلاردى ارالىق ساقتاپ باقشاعا كىرۋگە، قاۋىرت مەزگىلگە شوعىرلانباي ساياحاتتاۋعا جەتەكتەۋ، اينالىم مولشەرىن باسقارۋ - تىزگىندەۋ وتكەلىن الدىعا قاراي ورنالاستىرۋ، ىرىقسىز كۇيدەگى سول جەردە بىتىراتۋدى ىرىقتى تۇردە ساپارعا شىعۋدان بۇرىنعى جوسپار جانە جەتەكتەۋگە وزگەرتۋ ارقىلى ساياحاتشىلاردىڭ جولعا شىعاتىن ۋاقىتىنىڭ وتە شوعىرلى بولۋىنان، ادامداردىڭ توپتالۋ حاۋپى تۋىلۋىنان ساقتانعان.

  لو شۋگاڭ مىنالاردى ءبىلدىردى: ساياحات كورىنىس وڭىرلەرى تازالىق ساقتاۋدى، قورعانۋدى ويداعىداي ىستەپ، تازالاۋدى، زارارسىزداندىرۋدى كۇشەيتىپ، جابىق قۇرىلىستار، ساۋىق - سايران جابدىقتارى، اس - سۋ ورىندارى سياقتىلاردىڭ اۋاسىن دەر كەزىندە الماستىرىپ، ساياحاتشىلاردى ”ماسكى تاعۋ، قولدى ءجيى جۋۋ، ارالىق ساقتاۋ“ سياقتى جەكەلىك قورعانۋدى ويداعىداي ىستەۋگە جەتەكتەۋ كەرەك. دەنە تەمپەراتۋراسىن سارالاپ تەكسەرۋ سياقتى ساقتانۋ - تىزگىندەۋ شارالارىن قاتاڭ تياناقتاندىرىپ، ”سالاماتتىق كودىنان“ سايكەستى پايدالانىپ تەكسەرۋ سياقتى تاسىلدەرمەن سارالاپ تەكسەرۋدى كۇشەيتۋ كەرەك.

  مادەنيەت جانە ساياحات مينيسترلىگى قالىڭ ساياحاتشىلارعا ىندەتتەن ساقتانۋ تانىمىن كۇشەيتىپ، الدىن الا كەلىسىپ ارالاۋ ادەتىن بەلسەنە جەتىلدىرۋدى ەسكەرتەدى. ساياحاتشىلار وزدەرىنىڭ ءىس جۇزىندىگىنە نەگىزدەلە وتىرىپ ساياحاتتاۋ لەنياسى مەن ساياحاتتاۋ ۋاقىتىن عىلمي جوسپارلاپ، حابارلاسۋ ءتاسىلى، بارىپ - كەلەتىن قاتىناس قۇرالى سياقتى ينفورماتسيالاردى الدىن الا تىزىمدەتۋى كەرەك. الدىن الا كەلىسە الماعان ساياحاتشىلار استە ءوز بەتىمەن جولعا شىقپاۋ كەرەك، بۇل ءبىر جاعىنان، ساياحات كورىنس ءوڭىرىنىڭ باسقارۋىنا قولايسىزدىق تۋدىرسا، ەندى ءبىر جاعىنان، ءوزىنىڭ ساياحاتتاۋىنا دا قولايسىزدىق اكەلەدى.

جاۋاپتى رەداكتور: نۇربولات قابىل
  • 1
  • 2
  • 3
  • 4