ىندەتتەن ساقتانۋ - تىزگىندەۋدىڭ ۇدايىلانعان شارالارىن تياناقتاندىرىپ، ساياحات بازارىنىڭ ورنىقتى، ءتارتىپتى بولۋىنا شىنايى كەپىلدىك ەتەيىك

  اۆتونوميالى رايون شينجياڭ ىشىندەگى ساياحات بازارىن جەدەل جانداندىرۋ تەلەۆيزور - تەلەفون ءماجىلىسىن اشتى

  ىندەتتەن ساقتانۋ - تىزگىندەۋدىڭ ۇدايىلانعان شارالارىن تياناقتاندىرىپ، ساياحات بازارىنىڭ ورنىقتى، ءتارتىپتى بولۋىنا شىنايى كەپىلدىك ەتەيىك

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 4 - ايدىڭ 29 - كۇنى ۇرىمجىدەن حابارلايدى. 4 - ايدىڭ 29 - كۇنى تۇستەن كەيىن اۆتونوميالى رايون شينجياڭ ىشىندەگى ساياحات بازارىن جەدەل جانداندىرۋ تەلەۆيزور - تەلەفون ءماجىلىسىن اشتى. ءماجىلىس باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالاپتارىنا ساي، ساياحات ارقىلى شينجياڭدى گۇلدەندىرۋ ستراتەگياسىن اتقارۋدى ارقاۋ ەتىپ، كەزەكتە ساياحات كاسىبى ءدوپ كەلگەن جاعدايعا تالداۋ جاساپ، ىندەتتەن ساقتانۋ - تىزگىندەۋدىڭ ۇدايىلانعان شارالارىن قاتاڭ تياناقتاندىرۋ، شينجياڭ سىرتىنداعى، شەكارا سىرتىنداعى ساياحاتشىلاردى ۋاقىتشا قابىلداماۋ جانە توپتالۋ سيپاتتى قيمىلداردى وتكىزبەۋ العى شارتىندا، شينجياڭ ىشىندەگى ساياحات بازارىن جەدەل جانداندىرۋدىڭ ءتۇرلى قىزمەتىن ورنالاستىردى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: جەر - جەر، تاراۋلار ساياسي دەڭگەيدى جوعارىلاتىپ، شينجياڭ ىشىندەگى ساياحات بازارىن جەدەل جانداندىرۋ سەنىمىن، بەكىمىن شىن مانىندە كۇشەيتۋ كەرەك. ىندەتتەن ساقتانۋ - تىزگىندەۋ ارقاۋىن قاي - قاشان دا مىقتاپ شيراتىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرىپ، ساياحات كورىنىس اۋماقتارىن شەكتى كولەمدە اشۋ، كۇنى بۇرىن كەلىسىپ اشۋ، تارتىپپەن اشۋ، ارالىق ساقتاپ باقشاعا كىرگىزۋ، قاۋىرت مەزگىلگە شوعىرلاندىرماي ساياحاتتاتۋ، ت. ب شارالارىن قاتاڭ تياناقتاندىرىپ، ءتۇيىندى وڭىرلەر مەن ماڭىزدى تۇيىندەردى باسقارۋدى كۇشەيتىپ، ادامداردىڭ ءاپ - ساتتە توپتالۋىنان قاتاڭ ساقتانۋ قاجەت. حاۋىپ - قاتەردى ءبىر - بىرلەي تەكسەرۋدى كۇشەيتىپ، شۇعىل جاعدايعا توتەپ بەرۋ دايىندىق جوباسىن ويداعىداي جاساپ، ساياحات بازارىنىڭ ورنىقتى، ءتارتىپتى بولۋىنا شىنايى كەپىلدىك ەتۋ ءتيىس. ”شينجياڭدى ءسۇيۋ. اۋىلعا ساياحاتتاۋ“ شينجياڭدىقتاردىڭ شينجياڭدى ساياحاتتاۋ ارەكەتىن ورىستەتىپ، شينجياڭ ىشىندەگى ساياحاتتىڭ تۇتىنۋ كومەسكى قۋاتىن بار كۇشپەن جانداندىرۋ كەرەك. كاسىپ سالاسىنا قارجى قوسۋدا، قارجى قۇراۋدا جاڭالىق اشۋدى مىقتى يگەرىپ، اۋىل - قىستاق ساياحات كاسىبى نىساندارىن جەدەل ورنالاستىرىپ، اتقارۋ قاجەت. ”شادىمان شينجياڭ“ ساياحات قىزمەت وتەۋ ارناۋلى ارەكەتىن اتقارىپ، حالىق بۇقاراسىنىڭ ساياحات قاجەتى جانە كورىنىس اۋماقتارىن باسقارۋ قىزمەتى جونىندەگى جاڭا ءۇمىت - تىلەكتەرىن ءتىپتى دە ويداعىداي قاناعاتتاندىرۋ كەرەك.

جاۋاپتى رەداكتور: نۇربولات قابىل
  • 1
  • 2
  • 3
  • 4