جەر - جەر كوپ ءتۇرلى شارامەن شينجياڭ ىشىندەگى ساياحاتقا كۇش سالدى

  ساقتانۋ - تىزگىندەۋدى قاتايتىپ، جاندانۋدى جەبەدى

  جەر - جەر كوپ ءتۇرلى شارامەن شينجياڭ ىشىندەگى ساياحاتقا كۇش سالدى

  گازەتىمىزدىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ، ەرىكتى ءتىلشى چى حۋا 4 - ايدىڭ 29 - كۇنى ۇرىمجىدەن حابارلايدى. جايلاۋدى تاماشالاپ، گۇل تەرىپ مارە - سارە بولدى... ”1 - مامىر“ دەمالىسىنىڭ كەلىپ جەتۋىنە بايلانىستى شينجياڭنىڭ جەر - جەرىندەگى ءارقايسى كورىنىس وڭىرلەرى ىندەتتەن ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ شارتىندا، ءوز اۆتوكولىگىمەن ساياحاتتاۋ، سەيىل - سەرۋەن ساياحاتى، اۋىل - قىستاق ساياحاتى سياقتى باي مازمۇندى ساياحات لەنياسىن جانە ءونىمىن شىعارىپ، شينجياڭ ىشىندەگى ساياحاتتى دامىتۋعا دەم بەردى.

  ءۇرىمجى قالاسى ءوز اۆتوكولىگىمەن ساياحاتتاۋدىڭ 4 لەنياسىن العا قويدى ءارى قار - مۇز شاعىن قالاشىعى باقشا سەيىلى، مادەنيەت، كوركەمونەر، اۋىل شارۋاشىلىعىن تاماشالاۋ سياقتى كوپ ءتۇرلى مادەنيەت - ساياحات قيمىلدارىن ۇيىمداستىردى؛ سانجى حۇيزۋ اۆتونوميالى وبلىسى تيانشان گۇل تەڭىزى سياقتى ءبىر توپ جاڭا لەنيانى، جاڭا ءونىمدى شىعاردى، مۇندا كوكتەمگى سەيىل گۇل تاماشالاۋ ساياحاتى، بالا - شاعاسىمەن ساياحاتتاۋ، مادەنيەت ساياحاتى، اۋىل - قىستاق ساياحاتى، ۇلتتىق سالت - سانا ساياحاتى، قىزىل ءتۇستى ساياحات سياقتىلار قامتىلدى. ءارقايسى ايماق، وبلىس، قالالار دا ءوز جەرلەرىنىڭ ەرەكشە جارقىن تۇيىندەرىن نەگىز ەتىپ، ءوز اۆتوكولىگىمەن ساياحاتتاۋ، اۋىل - قىستاق ساياحاتى سياقتى لەنيالار مەن ونىمدەردى شىعاردى.

  ”1 - مامىر“ كەزىندە تيانشان بوعدا كولى كورىنىس ءوڭىرى ولەڭ وقۋ قيمىلى، بەيزاتتىق مادەنيەت مۇرالار كورمەسىن كورىنىس وڭىرىنە كىرگىزۋ، كورىنىس وڭىرىنە تاڭداۋلى ساياحات جەتەكشىلەرىن ورنالاستىرۋ، سانجى وبلىستىق كوركەمونەر تەاترحاناسى بوعدا كولىندە سياقتى 12 ءتۇرلى تاقىرىپتىق قيمىلداردى ورىستەتەدى؛ نارات كورىنىس ءوڭىرى 2 - كەزەكتى ”ناراتتىقتار، ناراتتاعى ۆەلوسيپەد، نارات تاۋلارى“ سىندى ۆەلوسيپەد ءمىنىپ بيىككە شىعۋ جارىسى، ”تيانشانداعى تۇلپار ءدۇبىرى. جايلاۋعا سۇيىسپەنشىلىك“ بايگە مەرەكەسى، كەڭىستىكتەگى جايلاۋ باتپىراۋىق مەرەكەسى سياقتى قيمىلدار ۇيىمداستىرادى؛ يانجي حۇيزۋ اۆتونوميالى اۋدانىنىڭ قوراتاۋ تۇڭعىش كەزەكتى ساعىم شام ساۋلەسى مەرەكەسى دە 5 - ايدىڭ 1 - كۇنى شىمىلدىعىن اشىپ، قوزعالمالى شام ساۋلەسى گۇل تەڭىزى، شام ساۋلەسى، جۇلدىز ساۋلەسى تۋنەلى، مۋزيكا تۋنەلى سياقتى قيمىلداردى ۇيىمداستىرادى؛ بۇراتالا قالاسىنىڭ 2 - كەزەكتى تاس الما مادەنيەتى ساياحات مەرەكەسىنىڭ كوپ ءتۇرلى قيمىلدارى دا ”1 - مامىر“ دەمالىسىنا دەيىن ۇلاسادى.

  ”ءبىز ’التايدى ساياحاتتاۋشىلاردى قارسى الۋ‘ 10ۇلكەن تيىمدىلىك جاساۋ شاراسىن العا قويدىق، مۇندا كورىنىس ءوڭىرىنىڭ بەلەتىن زور مولشەردە ۇسىنۋ، 10 ميلليون ساياحات تۇتىنۋ بەلەتىن تاراتۋ، 10 ميلليون بەنزين بەلەتىن ۇسىنۋ، 10 مىڭ توسەك ورنىندا تەگىن تۇنەۋ، %30تىك كولىك اقىسىمەن كورىنىس وڭىرىنەن ءوتۋ، ءوز اۆتوكولىگىمەن 5A كورىنىس ءوڭىرىن ساياحاتتاۋ، ساياحات سەرىكتەستىكتەرىن شابىتتاندىرۋ، سيلاۋ، 99 يۋانمەن مەكەندى ساياحاتتاۋ سياقتى قيمىلدار قامتىلىپ، 5 - ايدىڭ 1 - كۇنىنەن باستاپ اتقارىلادى“، - دەدى 4 - ايدىڭ 29 - كۇنى ۇرىمجىگە تيىمدىلىك ساياساتىن جاريالاۋ جانە ۇگىتتەۋ، تانىستىرۋ ءماجىلىسىن وتكىزۋگە كەلگەن التاي ايماقتىق مادەنيەت، دەنە تاربيە، راديو، تەلەۆيزيا جانە ساياحات مەكەمەسىنىڭ باستىعى ليۋ كىچۋان تانىستىرا.

  شينجياڭنىڭ ءارقايسى ءىرى كورىنىس وڭىرلەرى كوپ ءتۇرلى تيىمدىلىك جاساۋ قيمىلدارىن اتقاردى: بيىل تۇتاس جىلدا نارات كورىنىس ءوڭىرى ىلە قازاق اۆتونوميالى وبلىسىنىڭ (8 اۋدان، 3 قالا، بيڭتۋان 4 - شىسىن قامتيدى) ساياحاتشىلارىنا ەسىك بەلەتىن تەگىن بەرىپ، بۇكىل شينجياڭداعى تۇرعىندارعا ەسىك بەلەتىن جارتى باعادا بەرىپ تيىمدىلىك جاسايدى. 5 - ايدىڭ 1 - كۇنىنەن 5 - ايدىڭ 5 - كۇنىنە دەيىن وسى كورىنىس ءوڭىرى بۇكىل شينجياڭداعى ساياحاتشىلارعا قاراتا ەسىك بەلەتىن كەشىرىم ەتۋ تيىمدىلىگىن جاسايدى.

  تيانشان بوعدا كولى كورىنىس ءوڭىرى ”1 - مامىر“ كەزىندە 6 ءتۇرلى تيىمدىلىك جاساۋ شاراسىن العا قويدى، مۇندا، ولكە دارەجەلى، سونداي - اق ودان جوعارى ەڭبەك وزاتتارى، قاھارمان ۇلگىلەر، ءمورال ۇلگىلەرى جانە مەملەكەتتىك كەڭەستىڭ ەرەكشە قوسىمشا قاراجاتىنان يگىلىكتەنەتىن ساياحاتشىلار كۇشكە يە كۋالىگىمەن ەسىك بەلەتىن كەشىرىم ەتۋ تيىمدىلىگىنەن يگىلىكتەنەدى؛ 5 - ايدىڭ 1 - كۇنىنەن 5 - ايدىڭ 5 - كۇنىنە دەيىنگى ارالىقتا، سول كۇنى تۋعان كۇنى بولعاندار (ازاماتتىق كۋالىگى نەگىز ەتىلەدى) ەسىك بەلەتىن كەشىرىم ەتۋ تيىمدىلىگىنەن يگىلىكتەنەدى.

  5 - ايدىڭ 1 - كۇنىنەن 12 - ايدىڭ 31 - كۇنىنە دەيىن سايرام كولى كورىنىس ءوڭىرى ساياحات بويىنشا حالىققا يگىلىك جەتكىزۋدىڭ 9 ۇلكەن شاراسىن العا قويادى، مۇندا، شينجياڭدىق ساياحاتشىلار كورىنىس ءوڭىرىنىڭ ەسىك بەلەتىن جارتى باعادا ساتىپ الۋداي تيىمدىلىكتەن يگىلىكتەنەدى.

جاۋاپتى رەداكتور: نۇربولات قابىل
  • 1
  • 2
  • 3
  • 4