جاراسىمدى اپەكەلى - سىڭلىلەر، كوڭىلى ءبىر سىرلاستار

جاراسىمدى اپەكەلى - سىڭلىلەر، كوڭىلى ءبىر سىرلاستار

گازەتىمىزدىڭ جالپىلىق اقپارات قۇرالدارى ءتىلشىسى ميھىرگۇل عوپۇر، ەرىكتى ءتىلشى گۇليا كادىربەك

  ”اپەكەمنىڭ بولۋى ماعان تۋىستىڭ مەيىرىن سەزىندىردى ءارى ماعان ايەلدەر − جارتى الەم دەگەن قيسىندى ۇعىندىردى، تۇرمىسىم دا الۋان تۇرگە بولەندى“. 4 - ايدىڭ 27 - كۇنى ءوزىنىڭ جۇپ قۇراعان تۋىسىن اۋىزعا العاندا، قارامايلى قالاسى جايرانبۇلاق رايونىنىڭ (قارامايلى جوعارى جاڭا تەحنيكا رايونى) تۇرعىنى ايگۇل اسەننىڭ جۇزىنەن باقىت كۇلكىسى ەستى.

  2 جىلدىڭ الدىندا قارامايلى قالاسى جايرانبۇلاق رايوندىق (قارامايلى قالاسى جوعارى جاڭا تەحنيكا رايونى) ۇرپاقتارعا كوڭىل ءبولۋ قىزمەت كوميتەتى كەڭسەسىنىڭ ورىنباسار مەڭگەرۋشىسى شياۋ چين مەن ايگۇل جۇپ قۇراپ تۋىس بولادى، سول ۋاقىتتان باستاپ، ايگۇلدىڭ وتباسىنداعى ءىرىلى - ۇساقتى ىستەر شياۋ چيننىڭ وتباسى ىستەرىنە اينالادى.

  ايگۇل بۇرىن بالالار سال اۋرۋىنا شالدىعىپ، اياعى مۇگەدەك بولىپ قالعان ەدى، كۇيەۋىنىڭ دە دەنساۋلىعى جاقسى ەمەس بولاتىن، وتباسىندا تاعى 3 بالاسى بار بولىپ، ءبىر وتباسىنىڭ تۇرمىسى قيىنشىلىقتا ءوتىپ جاتقان ەدى. سول كەزدە ايگۇل ۇنەمى جابىرقاپ ءجۇرۋشى ەدى.

  ”مەن ۇنەمى شامامنىڭ كەلىسىنشە وعان كومەكتەسىپ تۇرمىسىنداعى ءبىراز قيىنشىلىقتاردى شەشكەن بولدىم. الايدا كەيىن كەلە مۇنىمەن ونىڭ ۇيىندەگى قيىنشىلىقتاردى تۇبىرىنەن شەشۋگە بولمايتىنىن تانىپ جەتتىم. شياۋ چين ايگۇلدىڭ ءار كۇنى قازان - وشاق باسىنان جانە بالا قاراۋدان اسا المايتىنىن، سىرتقا شىعىپ جۇمىس ىستەۋدى ويلاستىرىپ كورمەگەنىن، تۇبىرىنەن وزگەرىس جاساۋ ءۇشىن، الدىمەن، ءسوزسىز، ونىڭ يدەياسىن وزگەرتۋ كەرەك ەكەنىن بىلەدى.

  ەكەۋى كەزدەسكەن كەزدە شياۋ چين ۇنەمى ايگۇلمەن سىرلاساتىن، وعان ايەلدەردىڭ سىرتقا شىعىپ جۇمىس ىستەگەنى، شارۋاشىلىق قۇرعانى جايىنداعى اڭگىمەلەردى ايتىپ بەرەتىن، وعان ءوزىن ساندەۋدى ۇيرەتەتىن، جاڭا كيىم - كەشەك الىپ بەرەتىن. سونىمەن ايگۇل قاباعات قۋانىپ، جۇزىنەن كۇلكى كەتپەيتىن بولدى.

  ”اپەكە، ءسىز ايتقانداي، مەن سىرتقا شىعىپ جۇمىس ىستەگەن ايەلدەردىڭ بارعان سايىن كوبەيگەنىن بايقادىم، كوپتەگەن ادام ءۇيىنىڭ تىرەگىنە اينالىپ، اتى زاتىنا ساي ’جارتى الەمگە‘ اينالىپتى، مەنشە، مۇنى مەن دە ىستەي الامىن“، - دەپ ءبىر كۇنى ايگۇل شياۋ چينگە كوڭىلىندەگى ءسوزىن ايتادى.

  بۇل ءسوز شياۋ چيندى قاباعات قۋانىشقا بولەيدى. قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كومەگىندە، ايگۇل جەرگىلىكتى ورىنداعى ءبىر كاسىپورىننان لايىقتى جۇمىس ورنىن تابادى. ”مەن بۇرىن قيىنشىلىقتى اۋىر كورىپ، ودان الدىمەن قۇتىلۋدى ويلاسپاعان ەكەنمىن، اپەكەمنىڭ مەنى تىنباي جەتەكتەۋى بولماسا، ءوزىمنىڭ وسىلاي ىستەي الاتىنىمدى بىلمەيتىن ەدىم“. بۇل كۇندەرى ايگۇل مۇنى ماقتانىشپەن ايتاتىن بولدى. ونىڭ قازىر اي سايىن 3000 يۋانعا جۋىق تۇراقتى كىرىسى بار، جۇمىس ىستەگەندە جىگەرلەنە تۇسەتىن بولدى.

  الايدا تاعى ءبىر ءىس ايگۇلدىڭ باسىن قاتتى اۋىرتادى. ”اپەكە، جاقىننان بەرى بالامنىڭ ۇيرەنۋ ناتيجەسى تومەندەپ بارادى، مەنىڭ مادەنيەت ورەم تومەن، وعان پىسىقتاۋ جاساپ بەرۋگە قابىلەتىم جەتپەيدى، قايتسەم بولار؟“. قىزى ءاقيدام مامەتتۇرسىننىڭ ناتيجە قاعازىن العان ايگۇلدىڭ كوڭىلى جابىرقاپ سالا بەردى.

  شياۋ چين ىرىقتىلىقپەن بالانىڭ كلاس جەتەكشىسىمەن بايلانىس جاساپ، ناقتى جاعدايىن ۇعىسقاننان كەيىن، اقيدامگە پىسىقتاۋ جاساۋ جوسپارىن جاساپ بەرەدى، ءار اپتانىڭ سوڭىندا بالاعا بەتپە - بەت ساباق پىسىقتاتادى. ”مەكتەپتە مۇعالىم مەن ساباقتاستارىم ماعان ىرىقتىلىقپەن ساباق تولىقتاپ پىسىقتاپ بەرەدى، شياۋ چين شەشەيىم ماعان ۇنەمى پىسىقتاۋ جاساتادى، مەن ءوزىم دە قۇلشىنىپ جاتىرمىن“. ءاقيدام قۋانىشپەن قازىر ناتيجەسىنىڭ بارىنشا جاقسارعاندىعىن ايتتى.

  ايگۇل وتباسىنىڭ بارعان سايىن شاتتىققا شومعاندىعىن، تۇرمىستارىنىڭ بارعان سايىن جاقسارعاندىعىن كورگەن شياۋ چين شەكسىز قۋانىشقا بولەنىپ، ”ءار رەت ءسىڭلىمنىڭ جۇزىندەگى كۇلكىنى كورگەن سايىن، مەن ءوزىمنىڭ بارلىق قۇلشىنىسىمنىڭ تەككە كەتپەگەنىن سەزىنەمىن“، - دەيدى.

جاۋاپتى رەداكتور: ريزا حاميت