جوعارىدان تومەنگە دەيىن ءبىر نيەتتە بولىپ، ءوزارا قارايلاستى

جوعارىدان تومەنگە دەيىن ءبىر نيەتتە بولىپ، ءوزارا قارايلاستى

− جۇڭگونىڭ ىندەتكە قارسى اتتانۋدا ەل بىرلىگىنەن بەرىك قامال تۇرعىزعاندىعىنىڭ جاندى امالياتى

□ شينحۋا اگەنتتىگىنىڭ تىلشىلەرى چي جۇڭشي، لين حۇي، ان بەي، لي چاڭجىڭ

  4 - ايدىڭ 24 - كۇنى ەڭ سوڭعى سالماقتى ناۋقاستىڭ نۋكلەين قىشقىلىن تەكسەرۋ ناتيجەسىنىڭ بولىمسىزعا اينالۋىنا ىلەسە، حۋبەي ولكەسىندەگى، سونداي - اق ۋحان قالاسىنداعى بارلىق جاڭا تيپتى ايدارشا ۆيرۋس وكپە قابىنۋىنىڭ سالماقتى ناۋقاسىن نولگە ءتۇسىرۋ جۇزەگە استى.

  ءبىر مەزەت جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ نەگىزگى شايقاس مايدانى بولۋدان، ەڭ جوعارى بولعاندا ءبىر كۇندە جاڭادان 13 مىڭنان استام ناۋقاس مولايۋدان جاڭادان مولايعان ناۋقاس بولماۋعا، سالماقتى ناۋقاس نولگە تۇسۋگە دەيىن، ەمدەۋ، قۇتقارۋ قىزمەتى ەلەۋلى جەڭىسكە قول جەتكىزىپ، ۋحان حالقى مەن بۇكىل ەل حالقى قول ۇستاسىپ، قىستان كوكتەمگە جەتتى.

  جوعارىدان تومەنگە دەيىن ءبىر نيەتتە بولسا جەڭىسكە جەتەدى، ەل بىرلىگىنەن بەرىك قامال تۇرعىزسا جەڭەدى.

  جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جاڭا جۇڭگو قۇرىلعاننان بەرى ەلىمىزدە تۋىلعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ ۇلكەن ءبىر رەتكى ەلەۋلى، توسىن تۋىلعان الەۋمەتتىك دەنساۋلىق ساقتاۋ وقيعاسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىر ميلليارد 400 ميلليون ادام ءوزارا قارايلاسىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە تۇبەگەيلى قول جەتكىزۋ ءۇشىن، جۇڭحۋا ۇلتىنىڭ تولاسسىز جالعاسقان جويقىن كۇشىن ۇيىستىردى.

ءبىر جاقتا قيىنشىلىق بولعاندا، شار تاراپ كومەك قولىن سوزدى

  4 - ايدىڭ 18 - كۇنى ۋحاننىڭ ”اشىلعانىنا“ 10 كۇن بولدى. كەشكى ساعات 7دە كەزەكشى پويەزدىڭ باستىعى شين جيالى ۋحاننان لوحىعا باراتىن G554 - رەتكى كەزەكشى جوعارى قارقىندى پويەزىنا شىقتى. 1 - ايدىڭ 23 - كۇنى ۋحان سىرتقا شىعاتىن جولدى بەكىتكەن كەزدە، ول وسى پويەزدا كەزەكشى بولعان ەدى.

  شين جيالى پويەزدا 7 جىل قىزمەت ىستەگەن، ءار جىلى كوكتەم مەرەكەسىندەگى تاسىمالدا ول ۆاگون تولى جولاۋشىلاردى كورىپ، ولاردىڭ اۋىلىنا قايتۋ ساپارىنداعى قۋانىشىن سەزىنەتىن. ال بيىل ول تۇڭعىش رەت قاڭىراپ بوس قالعان ۆوكزالدى كوردى.

  ”70 نەشە كۇن جاي جولاۋشىلار بولماعانىمەن، ۋحان ۆوكزالىنىڭ اينالىمى توقتامادى، بۇكىل ەلدىڭ جەر - جەرىنەن كەلگەن قىزمەتكەرلەر، زاتتىق ماتەريال ۋحانعا تولاسسىز جينالىپ، بۇكىل ەل حالقى حۋبەيدىڭ، ۋحاننىڭ حالقىمەن بىرگە ىندەتتەن ساقتانۋ - تىزگىندەۋ توسقاۋىل شايقاسىنىڭ دابىلىن قاقتى“، - دەدى شين جيالى.

  ىندەت توسىن تۋىلدى، حۋبەيدىڭ كوپ جەرىندەگى اۋرۋى تۇراقتاندىرىلعان ادامداردىڭ سانى ۇزدىكسىز ارتىپ، ەمدەۋ بايلىعى جەتىسپەي، قۇتقارۋ - كومەكتەسۋ زاتتىق ماتەريالى شۇعىل جاعدايدا قالدى!

  قىسلتاياڭ كەزدە، پارتيا ورتالىق كوميتەتى شۇعىل ورنالاستىرۋ جاساپ، ىندەتتىڭ قازىرگى جاعدايى، ادام كۇشى بايلىعى زاپاس قورى جانە كومەك قابىلداعان ايماق، قالالاردىڭ ەمدەۋ بايلىعى تاپشىلىعى سياقتى جاعدايلاردى تولىق ويلاستىرىپ، 19 ولكەنى حۋبەي ولكەسىنىڭ ۋحان قالاسىنان سىرت، 16 قالا، وبلىسىنا جانە اۋدان دارەجەلى قالاسىنا باعىتتامالى كومەكتەسۋگە ءبىر تۇتاس جوسپارلاپ ورنالاستىردى.

  1 - ايدىڭ اياق شەنىنەن باستاپ، مەملەكەتتىك ەمدەۋ اترەتى ۋحانعا كومەككە كەلدى. سونىمەن بىرگە، قۇرلىق، اۋە جولدارى دا جوعارى قارقىنمەن اينالىس جاساپ، ەل بىرلىگىنەن بەرىك قامال تۇرعىزىپ، ىندەتپەن شايقاسۋ ەستەلىگىنىڭ جاندى كارتيناسىنا اينالدى.

  كوكتەم مەرەكەسىنىڭ ءبىرىنشى كۇنى جىجياڭ، جياڭسۋ ولكەلەرىنىڭ تۇڭعىش توپتاعى حۋبەيعا كومەكتەسۋ ەمدەۋ اترەتتەرىندەگى 300گە جۋىق ادام جوعارى قارقىندى پويەزعا وتىرىپ ۋحانعا كومەككە اتتاندى، جۇڭگو مەملەكەتتىك تەمىر جول توبى شەكتى سەرىكتەستىگى ەمدەۋ اترەتتەرىن حاڭجوۋدان، نانجيڭنەن ءبولىنىپ جوعارى قارقىندى پويەزعا وتىرىپ، حىفيدە جينالىپ، ونان پويەز اۋىستىرىپ ۋحانعا بارۋعا دەرەۋ ورنالاستىردى. حىفي وڭتۇستىك ۆوكزالىنان پويەز اۋىستىرعاندا، 52 تەمىر جول كادر - قىزمەتكەرى قارسى الۋ گرۋپپاسى بولىپ ۇيىمداسىپ، ەمدەۋ اترەتتەرىنىڭ بىرگە الا جۇرگەن 12 توننالىق ەمدەۋ بۇيىمدارىن دەر كەزىندە وتكەرمەلەپ تاسىپ، وتكەرمەلەپ تاسۋ قىزمەتىن نەبارى 40 مينۋتتا ورىندادى.

  جوعارى قارقىندى تەمىر جول ۋحان ۆوكزالى ەمدەۋ قىزمەتكەرلەرى، ەمدەۋ زاتتىق ماتەريالدارى شوعىرلى تۇردە ەڭ كوپ جەتكىزىلەتىن جەر، بۇكىل ەلدىڭ جەر - جەرىنەن كەلگەن ەمدەۋ قىزمەتكەرلەرىنىڭ، ەمدەۋ زاتتىق ماتەريالدارىنىڭ ۇشتەن بىرىنەن استامى جوعارى قارقىندى پويەز ارقىلى ۋحان ۆوكزالىنا جەتىپ، ونان اۋىسىپ ءارقايسى ءىرى شيپاحانالارعا جەتكىزىلەدى.

  كوممۋنيستىك پارتيا مۇشەسى، كەزەكشى ۆوكزال باستىعى جيا چيڭچيڭ ۋاكىل بولعان جوعارى قارقىندى پويەز جولاۋشىلار تاسىمالىنىڭ 33 قىزمەتكەرىنەن قۇرالعان ”باستاۋشى قاز“ پارتيا مۇشەلەرى اتويشى اترەتى ورتا ەسەپپەن كۇنىنە 10 كەزەكتەن استام پويەزبەن جەتكەن 500 جاشىكتەن استام وتكەرمەلەپ جەتكىزىلەتىن ەمدەۋ زاتتىق ماتەريالىن قابىلدادى، ەڭ كوپ بولعاندا، ءبىر كۇندە 22 كەزەك پويەز قابىلدادى.

  1 - ايدىڭ 23 - كۇنى ۋحاننان شىعاتىن جولدى ۋاقىتتىق جاپقاننان 3 - ايدىڭ اياق شەنىنە دەيىن، بۇكىل ەلدەگى تەمىر جول حۋبەيعا كومەكتەسەتىن ەمدەۋ جانە قۇتقارۋ - كومەكتەسۋ قىزمەتكەرلەرىنەن شامامەن جيىنى 400 توپتا 12 مىڭ ادام جەتكىزدى؛ حۋبەي جانە ۋحان وڭىرىنە جيىنى 300 مىڭ توننادان اساتىن ساقتانۋ - تىزگىندەۋ قامتاماسىزدىعى زاتتىق ماتەريالىن جەتكىزدى.

  4 - ايدىڭ 15 - كۇنى تۇستە ۋحان تيانحى اۋەجايىنىڭ اتتانۋ زالىندا «وتاندى جىرلايمىز» ءانى تاعى دا اسقاقتادى.

  ەڭ سوڭعى توپتا قايتقان مەملەكەتتىك حۋبەيدىڭ ىندەتكە قارسى اتتانۋىنا كومەكتەسۋ ەمدەۋ اترەتى − بەيجيڭ شيەحى شيپاحاناسىنىڭ ەمدەۋ اترەتىندەگى 180دەي ادام 80 كۇننەن استام قۇتقارۋ - كومەكتەسۋ مىندەتىن اياقتاتىپ، وسى ارادان بەيجيڭگە قايتتى.

  1 - ايدىڭ 26 - كۇنىنەن باستاپ، بەيجيڭ شيەحى شيپاحاناسىنىڭ ەمدەۋ اترەتتەرى ىركەس - تىركەس ۋحانعا كەلىپ، تۇڭجي شيپاحاناسى جۇڭفا جاڭا قالا شيپاحانا اۋماعىنا ورنالاستى. 4 - ايدىڭ 12 - كۇنى تۇستەن كەيىن، جۇڭفا جاڭا قالا شيپاحانا اۋماعى C9 ناۋقاستار اۋماعى رەسمي جابىلدى. 109 سالماقتى ناۋقاس، قاتەرلى ناۋقاس قايتادان تىرشىلىك ۇمىتىنە يە بولدى.

  ىندەت ورشىگەن كەزدە، اۋە جولدارى ءبىر ءسات تە تىنىم الماي، ۋاقىتپەن جارىسىپ، كۇنى - ءتۇنى توقتاۋسىز جۇمىس ىستەدى.

  1 - ايدىڭ 23 - كۇنىنەن 4 - ايدىڭ 8 - كۇنىنە دەيىن، ۋحاننان شىعاتىن جولدار 70 كۇننەن استام جابىلعاندا، جيىنى 4400 رەتتەن استام ۇشاق وسى ارادا شۇعىل ۇشىپ - قونىپ، ۋحانعا كومەكتەسەتىن 36 مىڭ ەمدەۋ قىزمەتكەرى جاردەمگە كەلىپ، 2008 - جىلعى ۋىنچۋاندا تۋىلعان ەرەكشە جويقىن جەر سىلكىنىسىندەگى ەمدەۋ - قۇتقارۋ كومەگىنىڭ جۇمىلدىرۋ كولەمى مەن قارقىنىنان اسىپ ءتۇستى.

  تيانحى اۋەجايىنىڭ ۇشۋ كۇندەلىگىنە مىنا بىرنەشە ءسات ەستەلىككە الىندى:

  − 2 - ايدىڭ 9 - كۇنى 41 جالداما ۇشاق 6000عا جۋىق ۋحانعا كومەكتەسەتىن ەمدەۋ قىزمەتكەرىن تاسىپ جەتكىزدى، بۇل قامتاماسىزدىق ەمدەۋ اترەتىندەگىلەردى ەڭ كوپ قابىلداپ - جەتكىزگەن ءبىر كۇن بولدى؛

  − 2 - ايدىڭ 13 - كۇنى گوچانيۇن - 20 قاتارلى 3 تۇرپاتتاعى 11 اسكەري تاسىمال ۇشاعى قىزمەتكەرلەر مەن زاتتىق ماتەريالدى تولتىرا الىپ جەتتى، بۇل اۋە ارمياسىنىڭ تۇڭعىش رەت جۇيە قالىپتاستىرىپ، زور كولەمدە قازىر مىندەت وتەپ تۇرعان ءىرى، ورتا تۇرپاتتى تاسىمال ۇشاعىن شۇعىل دا كولەمدى اۋە تاسىمالى مىندەتىنە شىعارۋى؛

  − 3 - ايدىڭ 31 - كۇنى 51 جالداما ۇشاق وسى ارادان ۇشىپ، ۋحانعا كومەككە كەلگەن ەمدەۋ اترەتتەرىنىڭ 7000نان استام ەمدەۋ قىزمەتكەرىن مەكەندەرىنە قايتۋعا اتتاندىرىپ، حالىقتىق اۆياتسيانىڭ ەڭ زور كولەمدى ەمدەۋ اترەتتەرىن شەگىندىرۋ مىندەتىن اتقارۋ رەكوردىن جاراتتى؛

  ءارقايسى ەمدەۋ اترەتتەرى ۇقتىرۋدى تاپسىرىپ العاننان ۇيىمداسىپ قۇرىلعانعا دەيىنگى ۋاقىتى ادەتتە 2 ساعاتتان اسپادى، جينالىپ جولعا شىعۋدان ۋحانعا، حۋبەيعا جەتكەنگە دەيىن ادەتتە 24 ساعاتتان اسپادى.

  ”جۇڭگو جاقتىڭ ارەكەت قارقىنىنىڭ تەزدىگى، كولەمىنىڭ ۇلكەندىگى دۇنيە جۇزىندە سيرەك كەزدەسەدى. بۇل جۇڭگو ءتۇزىمىنىڭ ابزالدىلىعى، قاتىستى تاجىريبەلەرى باسقا ەلدەردىڭ ۇلگى الۋىنا تاتيدى، جۇڭگونىڭ جولعا قويعان شارالارىنىڭ ىندەتتى ءونىمدى تىزگىندەي الاتىندىعىنا ءارى ەڭ سوڭىندا ىندەتتى جەڭىپ شىعا الاتىندىعىنا سەنەمىن“، - دەدى دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى تان دىساي شىنايى القاپ.

تىلەك پەن بىلەكتى بىرىكتىرىپ، ءوزارا قارايلاستى

  تۇنگى ۋحاندا شام - شىراقتار سامالاداي جارقىرايدى. ىندەتكە قارسى شايقاستى نەگىزگى تاقىرىپ ەتكەن ”شىراق سالتاناتى“ تۇنگى قالانى جارقىراتىپ، ۋحاننىڭ ”ءتۇنسىز كۇنىن“ كوز الدىڭا اكەلەدى. بۇكىل ەلدەگى ءاربىر ولكە، رايون، قالانىڭ اتتارىمەن بىرگە تاعى ”قيىنشىلىقتى بىرگە جەڭۋدە سەنىڭ بولعانىڭا راقىمەت“ دەگەن ءسوز جارقىرايدى.

  قىسىلتاياڭ ساتتە، ۋحان ”وقشاۋ ارال“ بولعان جوق، تىپتەن شايقاسقا جالعىز اتتانبادى. بۇكىل ەل حالقى ۋحان حالقىمەن بىرگە وسى مەكەندى قورعادى.

  1 - ايدىڭ 24 - كۇنى كوكتەم مەرەكەسىنە قاراعان كۇنى چۇڭچيڭ قۇرلىق ارميا مەديتسينا داشۋەسىنە قاراستى 2 - شيپاحاناداعى سۇڭ سايپيڭ سەسترالاردى ۇيىمداستىرىپ بالنيتسانى ارالاپ تەكسەرىپ جۇرگەندە، ۋحانعا اتتانۋ بۇيرىعىن تاپسىرىپ الدى.

  ”ىندەت كۇتىپ تۇرمايدى، اسكەريلەر مايداندا اتويلاپ الدا ءجۇرۋ كەرەك!“. قىسىلتاياڭ ساتتە بۇيرىق تاپسىرىپ الىپ اتتانۋعا ساقاداي ساي بولعانعا دەيىن دايىندالۋ ۋاقىتى نەبارى ءتورت - اق ساعات بولدى. ءوزى جاۋاپتى بولعان ناۋقاستاردى ورنالاستىرىپ بولعان سوڭ، سۇڭ سايپيڭ اسىعىس - ۇسىگىس ۇيىنە قايتىپ، جول دايىندىعىن كوردى.

  ۋاقىتتىڭ شۇعىلدىعى سونداي، داستارقانعا قويىلعان جاڭا جىل مەرەكەسىنە قاراعان تۇنگە ارنالعان تاعامنان دا اۋىز تيە المادى. قوشتاساردا 16 جاستاعى ۇلى سۇڭ سايپيڭدى قاتتى قىسىپ قۇشاقتادى. ول شەشەسىنىڭ وتان ەڭ قاجەت ەتكەن ساتتەردە شايقاس مايدانىنا شۇعىل اتتاناتىنىن بىلەتىن.

  سول كۇنى كەشتە 450 اق حالاتتى جاۋىنگەر ۋحان تيانحى اۋەجايىنا تۇندەلەتە جەتىپ، قاربالاس ەمدەۋ، قۇتقارۋ قىزمەتىنە كىرىسىپ كەتتى.

  شيپاگەرلىك كەرەك - جاراعىن الىپ حۋبەيعا كەلىپ، اق حالاتتارىن ساۋىت ەتە وتىرىپ شايقاس جۇرگىزدى.

  ءسويتىپ، جاڭا جۇڭگو قۇرىلعاننان بەرگى ەڭ كولەمدى ءبىر رەتكى ەمدەۋ كۇشتەرىن جۇمىلدىرۋ باستالدى. ىلگەرىندى - كەيىندى ارميا مەن بۇكىل ەلدىڭ جەر - جەرىنەن 340تان استام ەمدەۋ اترەتى، 42 مىڭنان استام ەمدەۋ قىزمەتكەرى حۋبەيداعى ىندەتكە قارسى شايقاستىڭ الدىڭعى شەبىنە اتتانىپ، حۋبەيداعى 500 مىڭنان استام ەمدەۋ قىزمەتكەرلەرىمەن تىزە قوسا شايقاس جۇرگىزىپ، ىندەتتى بىرگە جەڭدى.

  ۇشاقتان توپ - توبىمەن كەلىپ تۇسكەن ەمدەۋ اترەتىندەگى مۇشەلەردىڭ باتىلدىق نۇرى ۇشقىنداعان كوز جانارلارىنا قاراپ تۇرىپ، تيانحى اۋەجايى ءىس جۇرگىزۋ قولباسشىلىق ورتالىعى شۇعىل جاعدايعا توتەپ بەرۋ كەڭسەسىنىڭ ورىنباسار مەڭگەرۋشىسى لي جۇن: ”ۋحان، قۇتقارۋشىلار كەلدى!“ دەپ كوزىنە جاس الدى.

  اق حالاتتى پەرىشتەلەر حۋبەيعا كومەككە جەتۋمەن قاتار، قالىڭ قۇرىلىسشىلار دا جان - جاقتان كەلىپ، ۋحاننىڭ ىندەتپەن شايقاسىنا وزدەرىنىڭ قوس قولدارىمەن، ماڭداي تەرلەرىمەن ۇلەس قوستى.

  كوكتەم مەرەكەسىنە قاراعان ءتۇنى ۋحان قالاسى جياڭشيا رايونىنداعى 43 جاستاعى شارۋا جۇمىسكەر حۋ شياۋحۇڭ وتباسىنداعىلارمەن بىرگە مەرەكەلىك داستارقاندا وتىرعان ەدى. حوشىنشان شيپاحاناسىنىڭ قۇرىلىس ورنىنان شۇعىل جۇمىسشى قاجەت بولعاندىعى تۋرالى تەلەفون كەلىسىمەن، ول قولىنداعى ساقپىسىن قويا سالىپ، قۇرىلىس ورنىنا جونەلدى.

  ءدال وسى حۋ شياۋحۇڭ سياقتى قاراپايىم قۇرىلىس جۇمىسشىلارىنىڭ تالماي قۇلشىنۋىنىڭ ارقاسىندا، تەك جاڭا جىلعا قاراعان ءتۇننىڭ وزىندە شامگۇل كولشىگى باسقان، توپىراق ۇيىلگەن 50 مىڭ شارشى مەتردەن استام جەردى تۇگەل تەگىستەپ، 57 ولشەمدى ءجۇزۋ كولشىگىن تولتىرۋعا جەتەتىن 150 مىڭ تەكشە مەتر توپىراق قازدى.

  − مولشەرمەن 10 تاۋلىكتە حوشىنشان، لەيشىنشان شيپاحانالارى ىركەس - تىركەس سالىندى.

  − 29 ساعاتتا العاشقى توپتاعى 4000 توسەكتىك فاڭساڭ ەمحانا وزگەرتىلىپ سالىنىپ بولىپ، ناۋقاستاردى ەمدەۋگە قابىلدادى؛

  − ءبىر ايدا ۋحان قالاسىندا 16 فاڭساڭ ەمحانا وزگەرتىلىپ سالىندى، 86 ءتۇيىندى شيپاحانا وزگەرتىلدى، جاڭادان 60 مىڭنان استام توسەك قوسىلدى، بۇل 60 نەشە 3 - دارەجەلى شيپاحانادا جاڭادان قوسىلعان توسەك سانىنا بارابار كەلەدى...

  ”ادام توسەك توسۋدان“ ”توسەك ادام توسۋعا“ دەيىنگى كەلەلى بۇرىلىستى 70 مىڭنان استام قۇرىلىسشىنىڭ كۇن - ءتۇن دەمەي ىندەتتەن ساقتانۋ - تىزگىندەۋ ءۇشىن تىرشىلىك قالتقىسىن تۇرعىزۋىنان بولە قاراۋعا بولمايدى.

  تىلەك پەن بىلەكتى بىرىكتىرىپ، ءوزارا قارايلاستى، ۋحانداعى ءاربىر قاراپايىم جان قاھارماننىڭ بەينەسىن كورسەتتى.

  ۋاڭ يۇڭ، ۋحانداعى 80 - جىلداردان كەيىن ءومىر ەسىگىن اشقان قاراپايىم جەدەل جەتكىزۋشى. ىندەت كەزىندە ول كەزدەيسوق جەردەن ەمدەۋ قىزمەتكەرلەرىنىڭ كولىك قاجەت ەتۋ ۋيچات توبىنا كىرىپ قالادى. توپتاعى جينيىنتان شيپاحاناسى سەستراسىنىڭ ”ۇيگە قايتا المادىم“ دەپ كومەك سۇراعان ءوتىنىشىن كورگەن سوڭ، ۋاڭ يۇڭ تۇنىمەن ۇيىقتاي المايدى.

  ەكىنشى كۇنى تاڭەرتەڭ ساعات 6دا ول ۇيدەگىلەرىنە ايتپاستان ءدال ۋاعىندا شيپاحانانىڭ قاقپاسىنىڭ الدىنا بارادى.

  ”مەنىڭ بۇلاي ىستەۋدەگى اۋەلگى ماقساتىم وتە قاراپايىم، ءبىر كۇندە ءبىر ەمدەۋ قىزمەتكەرىن تاسىپ تۇرسام، ولاردىڭ 4 ساعات ۋاقىتىن ۇنەمدەيمىن، 100 ادامدى تاسىسام، 400 ساعات ۇنەمدەلەدى. 400 ساعات ىشىندە ولار قانشاما ادامدى قۇتقارادى دەسەڭىزشى!“

  جالعىز ءوزى تاسۋدان ۋاڭ يۇڭ ەرىكتىلەر ۇجىمىن قۇرىپ، قىزمەت وتەۋ مازمۇنى بارعان سايىن كوبەيە ءتۇستى −

  اقىسىز تاسىدى، قورعانۋ زاتتىق ماتەريالدارىن سايكەستىردى، تۇرمىستىق بۇيىمدار ساتىپ الدى، ەمدەۋ قىزمەتكەرلەرىنىڭ تاماقتانۋ، سونداي - اق كوزىلدىرىك، قول تەلەفون جوندەۋ سياقتى قول بايلايتىن ۇساق ىستەرىن شەشتى...

  ۇساق ساۋلەلەر كوز ۇيالتار قۇس جولى بولىپ جينالدى.

  − ۋحان قالاسى جياڭ - ان رايونى حۇيمينيۋان الەۋمەتتىك اۋماعىنىڭ تور قىزمەتكەرى فىڭ فىڭ ءار كۇنى نەشە ونداعان ءدارى دورباسىن كوتەرىپ، الەۋمەتتىك اۋماقتاعى بۇقاراعا ءدارى ساتىپ اپارىپ بەرىپ تۇردى.

  − ۋحان قالالىق قوعام حاۋىپسىزدىگى مەكەمەسى شىنلۇڭ ساقشى بولىمشەسىنىڭ حالىق ساقشىسى شياۋ ليجۇن الەۋمەتتىك اۋماقتاعى جالعىز تۇراتىن 64 قارتقا دەن قويا قارادى، ءار كۇنى كەشتە جالعىز تۇراتىن قارتتاردىڭ ۇيلەرىن ارالادى؛

  − ۋحان ەكونوميكالىق - تەحنيكالىق اشۋ رايونىنداعى 46 جاستاعى ايەل تازالىقشى جۋ ليانفاڭ جاڭا تيپتى ايدارشا ۆيرۋس وكپە قابىنۋدى ەمدەيتىن ءتۇيىندى شيپاحانا − شيەحى باتىس شيپاحاناسىنا بارىپ تازالاۋ، دەزينفەكسيالاۋ جۇمىسىن ىستەۋگە ىرىقتىلىقپەن ءوتىنىش بەردى...

  تالايلاعان قوس قولدار اۋىر جۇك ارقالادى، تالايلاعان سۇيىسپەنشىلىك جالعاپ جەتكىزىلدى، ىندەتكە قارسى اتتانۋدىڭ جەڭىمپاز كۇشى توپتالدى.

قيىندىقتى بىلەك بىرىكتىرە جەڭىپ، قايسارلىقپەن اتويلاپ الدا ءجۇردى

  1 - ايدىڭ 26 - كۇنى كوكتەم مەرەكەسىنىڭ 2 - كۇنى. جياڭسۋداعى اۋىلىندا كوكتەم مەرەكەسىن وتكىزىپ جاتقان يۋان چۋانۋي ءتۇن جامىلىپ زاۆودقا ورالىپ، جالعىز ءوزى ءبىر ءوندىرىس جەلىسىن ”كوتەرىپ“ الدى.

  يۋان چۋانۋي سۋجوۋ يىڭما نازىك ماشينالار سەرىكتەستىگىنىڭ ءوندىرىس جاۋاپتىسى. سەرىكتەستىك ەندى عانا حۋبەي شيپاحانالارىنىڭ زارارسىزداندىرۋ جابدىعىنا پايدالانىلاتىن ءبىر توپ ”الدىڭعى شەپ تاپسىرىسىن“ قابىلداعان، الايدا جۇمىسشىلار اۋىلدارىنا قايتىپ كەتكەندىكتەن قايتا ورالۋعا شاراسىز ەدى. ءاسىلى 5 قىزمەتكەر سەلبەسكەندە عانا، ورىندالاتىن جۇمىس ءتارتىبىن يۋان چۋانۋي جالعىز ءوزى ۇستىنە الدى.

  وسىدان كەيىنگى 10 كۇندە، وسى ”ءبىر ادامدىق ءوندىرىس جەلىسى“ دامىلسىز جۇمىس ىستەپ، 100دەن استام ءونىم ءوندىرىپ شىعاردى.

  ىندەت تۇتقيىل كەلگەن كەز، ءدال كوكتەم مەرەكەسىنىڭ دەمالىسى. ىندەتكە قارسى اتتانۋدىڭ شايقاس مايدانىندا ماسكى جەتىسپەي قالدى! مەديتسينالىق قورعانۋ كيىمى كەمشىل بولدى! قىرۋار ەمدەۋگە پايدالانىلاتىن زاتتىق ماتەريالداردىڭ قامدالۋى جەتكىلىكسىز بولدى!

  ىندەت − بۇيرىق. پارتيا ورتالىق كوميتەتى، مەملەكەتتىك كەڭەس ايرىقشا ءمان بەرىپ، شۇعىل ورنالاستىرۋ جاسادى، جەر - جەر، تاراۋلار بارلىق كۇشتى جۇمىلدىردى، ءتۇيىندى سالالار، كاسىپورىندار ۇستەمەلەپ جۇمىس ىستەپ، ءونىم مولشەرىن ارتتىردى، ءوندىرىس كولەمىن كەڭەيتتى.

  جوعارىدان تومەنگە دەيىن ءبىر نيەتتە بولعان ارتقى شەپتىك قامتاماسىزداندىرۋ شايقاسى جاپپاي باستالدى!

  بۇل ۋاقىتپەن باسەكەلەسەتىن، ۆيرۋسپەن جارىساتىن جۇڭگو ونىمدىلىگى −

  ءتۇيىندى كاسىپورىندار ءوندىرىسىن ۋاقىتتىق رەتتەۋ ءتۇزىمىن جەدەل ورناتىپ، كاسىپورىندارعا ارنايى قىزمەتكەرلەر جىبەرىپ، ەل ىشىندەگى ءوندىرىستى بار كۇشپەن زورايتتى؛

  مەملەكەتتىڭ ۋاقىتشا ساتىپ الىپ ساقتاۋ ءتۇزىمىن ورناتىپ، كوپتەگەن كاسىپورىنداردى تەحنيكالىق جاڭالاۋ ارقىلى ءوندىرىس قۋاتىن كەڭەيتۋگە، ءونىمدى ارتتىرۋعا، ءوندىرىس ءتۇرىن جاڭالاۋعا ۇيىمداستىرىپ، ىندەتتەن ساقتانۋ - تىزگىندەۋدەگى ءتۇيىندى قامتاماسىزداندىرۋ كاسىپورىندارىنا سالىقتىق، فينانستىق قولداۋ كورسەتىپ، تۇتاس كاسىپ تىزبەگىنىڭ سايكەستى جۇمىس جۇرگىزۋىن پارمەندى قامتاماسىز ەتتى؛

  زات اينالىمىنداعى ”بوگەتتى تۇيىندەردى“ جەدەل اشىپ، وندىرىسكە قاجەتتى شيكىزات تاسىمالىنىڭ ىركىلىسسىزدىگىن قامتاماسىز ەتىپ، ىندەتتەن ساقتانۋ - تىزگىندەۋ زاتتىق ماتەريالدارىنىڭ شەكارادان كىرگىزىلۋىنە جاسىل ارنا اشتى...

  2 - ايدىڭ 29 - كۇنى بۇكىل ەلدەگى كۇندىك ماسكى ءوندىرۋ قۋاتى، ءوندىرىس مولشەرى تۇگەلدەي 100 ميلليوننان استى، ءبىر ايعا جەتپەي ءوندىرىس مولشەرى 10 نەشە ەسە ارتتى. مەديتسينالىق N95 ماسكىنىڭ كۇندىك ءوندىرۋ قۋاتى، ءونىم مولشەرى جەكە - جەكە ءبىر ميلليون 960 مىڭعا، ءبىر ميلليون 660 مىڭعا جەتتى، مەديتسينالىق قورعانۋ كيىمىنىڭ كۇندىك ءوندىرىلۋ مولشەرى 8700 دەن 300 مىڭنان استامعا ءبىراق ورلەدى، ءبىرىنشى شەپتەگى ەمدەۋ قىزمەتكەرلەرىنىڭ قورعانۋ قاجەتى ءونىمدى شەشىلدى.

  بۇل قيىندىقتى بىلەك بىرىكتىرە جەڭەتىن، جاپپاي اتتانىسقا كەلتىرىلگەن جۇڭگو كۇش - قۋاتى −

  ىندەتتەن ساقتانۋ - تىزگىندەۋدىڭ قاتاڭ شاراسى استىندا، حالىق بۇقاراسىنىڭ تۇرمىستىق زاتتىق ماتەريالدارىن، ءسوز جوق، بار كۇشپەن قامتاماسىز ەتۋ كەرەك!

  كوپتەگەن تاراۋلار جىلدام بىرلەسىپ ارەكەتتەنۋ قىزمەت مەحانيزمىن ورناتىپ، سان ءتۇرلى شارا قولدانىپ، تۇرمىستىق قاجەتتى بۇيىمدارمەن قامداۋدى ارتتىردى؛ ءتۇيىندى قامتاماسىزداندىرۋ كاسىپورىندارى جۇمىستى، ءوندىرىستى جاپپاي قالپىنا كەلتىردى؛ ازىق - تۇلىك، كوكونىس، ەمدەۋ زاتتىق ماتەريالدارى سياقتى قاجەتتى بۇيىمداردىڭ جاسىل ارناسىن اشىپ، قاتىناستىڭ ”جان تامىرىن“ يگەردى؛ وڭىرلەر، ءارقايسى قاتىستى كاسىپورىندار حۋبەي ولكەسىن، ۋحان قالاسىن تۇرمىستىق زاتتىق ماتەريالدارمەن قامتاماسىز ەتۋگە بار كۇشپەن قولداۋ كورسەتتى...

  ىندەتتىڭ ۇلكەن سىناعىندا، ەلىمىزدىڭ تۇرمىستىق قاجەتتى بۇيىمدارى، ەمدەۋ زاتتىق ماتەريالدارى، ەلەكتر، گاز، سۋ، جىلۋ سياقتى نەگىزگى قامداۋى جالپى تۇلعالىق جاقتان ورنىقتى بولدى، ازىق - تۇلىك، ءدارى - دارمەك، نەگىزگى ونەركاسىپ ونىمدەرى، نەگىزگى الەۋمەتتىك قىزمەت وتەۋ سياقتى مەملەكەتتىڭ جوسپارىنا، حالىق تۇرمىسىنا ساياتىن ماڭىزدى سالالار ءتارتىپتى جۇمىس جۇرگىزدى، ءبىر ميلليارد 400 ميلليون ادامنىڭ نەگىزگى حالىق تۇرمىسى ءونىمدى قامتاماسىز ەتىلدى، ەكونوميكالىق، قوعامدىق دامۋدىڭ كەلەلى جاعدايى ورنىقتىلىقتى ساقتادى.

  بايتاق دالاعا كوكتەم كەلدى، جان - جانۋار قايتا جانداندى.

  ”قايتادان اشىلعان“ ۋحان، جاڭا ءۇمىتتى قارسى الۋدا.

  قالانىڭ قاتىناسى جۇمىس جۇرگىزە باستادى، باقشالار، كورىنىس وڭىرلەرى ىلگەرىندى - كەيىندى اشىلدى؛ جۇڭگو - ەۆروپا كەزەكشى پويەزىنىڭ (ۋحان) ۇدايىلانعان قاتىناۋى قالپىنا كەلتىرىلدى، كاسىپورىنداردىڭ جۇمىستى، ءوندىرىستى قالپىنا كەلتىرۋى جەدەل ىلگەرىلەتىلۋدە... توعىز جولدىڭ تورابى، ورتا بولىكتەگى ونەركاسىپ ءىرى قالاسى جىلدام سەرپىلىپ، جوعارعى، تومەنگى بۋىنداعى كاسىپ سالاسى تىزبەگىن بىرلەسىپ ارەكەتتەندىرىپ جانداندىرۋعا باستادى.

  4 - ايدىڭ 8 - كۇنى ۋحان ”اشىلعان“ كۇنى، 2020 - جىلعى العاشقى ”بۇلتتىق ساۋداگەر شاقىرۋدى“ قارسى الدى.

  سول كۇنى 69 نىساننىڭ كەلىسىمى جاسالدى، ول زەردەلى جاساۋ، بيولوگيالىق ەمدەۋ - ءدارى - دارمەكتەرى، فينانستىق قامسىزداندىرۋ، جاڭا ەنەرگيالى اۆتوكولىك سياقتى سالالاردى شارپىدى، جالپى سوماسى 245 ميلليارد 100 ميلليون يۋانعا جەتتى. مۇنىڭ ىشىندە، 11 باس شتاپتىڭ نىسانى ۋحانعا ىرگە تەپتى.

  چيانجياڭنىڭ ۇساق تەڭىز شايانى، زىگۇي اپەلسينى، يىڭشان يۇن - ۋ شايى... سول جەردەگى اۋىل شارۋاشىلىق ونىمدەرىنىڭ ساتىلماي قالۋى ماسەلەسىن شەشۋ ءۇشىن، بۇكىل ەلدەگى كوپ جەرلەردىڭ ۇكىمەتى حۋبەيدىڭ اۋىل شارۋاشىلىق ونىمدەرىن الدىمەن ساتىپ الۋعا شابىتتاندىردى، ءارقايسى ءىرى ورتالىق اقپارات قۇرالدارى ينتەرنەت جەلىسىندە تانىستىردى، بۇكىل ەل حالقى تۇس - تۇستان ”قولعابىس ەتىپ“، ”حۋبەي ونىمدەرىنە“ تاپسىرىس بەرۋدىڭ ورلەۋىن كوتەردى.

  بۇكىل ەل ۋحاندى جىگەرلەندىردى، ۋحان دا بۇكىل ەلگە دەم بەردى.

  4 - ايدىڭ 22 - كۇنى شاڭچيۋ - حىفي - حاڭجوۋ جوعارى قارقىندى تەمىر جولىنىڭ حىفيدان حۋجوۋعا دەيىنگى بولىگىندە ەڭ جوعارعى جىلدامدىق سىناعى جۇرگىزىلدى.

  جىلدامدىق كورسەتكىش ءتىلى ساعاتتىق جىلدامدىعى 385 كيلومەترلىك سىناق نىسانا ولشەمىنە جەتكەنگە دەيىن ۇزدىكسىز جوعارىلادى، جىلدامدىعىن تومەندەتپەگەن جاعدايدا يۇيشيحى ەرەكشە ۇلكەن كوپىرىنەن ءوتىپ، دۇنيە ءجۇزى بويىنشا 300 مەتردەن بيىك ۇلكەن اتتامالى جوعارى قارقىندى تەمىر جول كوپىرىندەگى ەڭ جوعارى جىلدامدىقتى جاراتتى.

  وسى كەزدە، سوناۋ 400 نەشە كيلومەتر الىستاعى ۋحاندا، جۇڭگو تەمىر جول قۇرىلىسى سەرىكتەستىگى تەمىر جول 4 - بارلاۋ، جوبالاۋ ينستيتۋتى لەنيا - ۆوكزال باسقارماسىنىڭ ورىنباسار باس ينجەنەرى لي چيۋ - ي كومپيۋتەر ەكرانىنداعى ناقتىلى ۋاقىتتا جەتكىزىلگەن، رەليستىڭ ءتۇرلى سان كورسەتكىشتەرىنە تەسىلە قاراپ وتىرعان ەدى.

  ”سول ورىنعا بارۋ قولايسىز بولعانىمەن، ءبىز يۇيشيحى ەرەكشە ۇلكەن كوپىرىنىڭ وزىنە لايىقتى رەليس كۇيىن باقىلاۋ - ولشەۋ جۇيەسىن جاسادىق، وسى ”قىران كوز“ بولعاندىقتان، جوبالاۋشىلار ۋحانداعى باس شتاپتا دەر كەزىندە باقىلايدى، مەڭگەرەدى“، - دەدى ول.

  قيىندىقتى بىلەك بىرىكتىرە جەڭىپ، قايسارلىقپەن اتويلاپ الدا ءجۇردى.

  4 - ايدىڭ 17 - كۇنىنە جەتكەندە، تۇتاس حۋبەي ولكەسىندە كولەمدەنگەن ونەركاسىپ كاسىپورىندارىنىڭ جۇمىستى قالپىنا كەلتىرۋ سالىستىرماسى، جۇمىس ورنىنا ورالۋ سالىستىرماسى جەكە - جەكە %98.2كە، %93كە جەتتى. تۇتاس تۇلعالىق جاقتان بۇكىل ەلدىڭ ورتاشا دەڭگەيىنە جاقىنداپ، نەگىزىنەن قالىپتى دەڭگەيگە جەتتى.

  قىسىمعا ءتوزىپ العا ىلگەرىلەگەن حۋبەي ءدال بۇگىنگى جۇڭگونىڭ ىقشام كورىنىسى بولدى.

  پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقى ەل بىرلىگىنەن بەرىك قامال تۇرعىزىپ، قايسارلىقپەن ايانباي شايقاسىپ، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ەكونوميكالىق، قوعامدىق اينالىم بىرتىندەپ قالىپقا تۇسە باستادى، ءوندىرىس، تۇرمىس ءتارتىبى جەدەل قالپىنا كەلدى، ”ىندەت“ شايقاسىنىڭ ەڭ سوڭعى جەڭىسىنە، ءسوز جوق، قول جەتكىزە الامىز.

  (شينحۋا اگەنتتىگىنىڭ 4 - ايدىڭ 25 - كۇنى ۋحاننان بەرگەن حابارى)

جاۋاپتى رەداكتور: ريزا حاميت