رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتەيىك

رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتەيىك

□ حالىق گازەتىنىڭ شولۋشىسى

  رەفورما جاساۋ توقتامايدى، ەسىك اشۋ كىدىرمەيدى. جاعداي نەعۇرلىم كۇردەلى بولعان سايىن، اناعۇرلىم بەرىك سەنىم، اناعۇرلىم پارمەندى شارالار ارقىلى رەفورما جاساۋدى، ەسىك اشۋدى سولعۇرلىم ۇزدىكسىز ىشكەرىلەي ىلگەرىلەتۋ كەرەك.

  4 - ايدىڭ 17 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتۋدى باسا دارىپتەپ، ورايدى قولدان بەرمەي رەفورمانى ىلگەرىلەتىپ، رەفورما ادىستەرى ارقىلى دامۋ بارىسىنداعى ماسەلەلەردى شەشۋگە شەبەر بولىپ، ماڭىزدى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن كەمەلدەندىرىپ، سىرتقا ەسىك اشۋدى كەڭەيتۋدەن بۇلجىماي، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ كەرەك دەپ ايقىن اتاپ كورسەتتى.

  رەفورما جاساۋ، ەسىك اشۋ − ەلىمىزدىڭ نەگىزگى مەملەكەت ساياساتى ءارى ەلىمىزدىڭ دامۋىن ىلگەرىلەتەتىن ءتۇبىرلى قوزعاۋشى كۇش. كەزەكتە، ەلىمىزدىڭ دامۋى بۇرىن بولماعان سىن - سايىسقا ءدوپ كەلىپ وتىر، رەفورما جاساۋ، ەسىك اشۋ ارقىلى ىشكى سۇرانىستىڭ كومەسكى كۇشىن اشۋدى، بازاردىڭ ومىرشەڭدىك كۇشىن قاۋلاتۋدى، ىشكى قوزعاۋشى كۇشتى ارتتىرۋدى شۇعىل قاجەت ەتەدى. ەلىمىزدىڭ ەكونوميكاسى جوعارى قارقىندى ارتۋ كەزەڭىنەن جوعارى ساپالى دامۋ كەزەڭىنە قاراي بۇرىلىس جاسادى، قازىر دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ارتۋ قوزعاۋشى كۇشىن جاڭالاۋدىڭ قامال الۋ مەزگىلىندە تۇر، ءسوز جوق، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، ەلىمىز ەكونوميكاسىنىڭ جاڭالىق اشۋ قۋاتىن، باسەكەلىك قۋاتىن جانە حاۋىپ - قاتەرگە توتەپ بەرۋ قابىلەتىن كۇشەيتۋ كەرەك. تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا اۋىر سوققى الىپ كەلدى، ءدال وسىنداي كەزدە، قىسىمدى سولعۇرلىم قوزعاۋشى كۇشكە اينالدىرىپ، رەفورما جاساۋدى، ەسىك اشۋدى بۇلجىتپاي تەرەڭدەتۋ كەرەك. تەك اناعۇرلىم جوعارى باستامادا، اناعۇرلىم جوعارى دەڭگەيدە، اناعۇرلىم جوعارى نىسانادا رەفورما جاساۋدى، ەسىك اشۋدى ىلگەرىلەتىپ، ەلىمىزدىڭ دامۋىنا تۇساۋ بولىپ وتىرعان كورنەكتى قايشىلىقتار مەن ماسەلەلەردى كۇش سالا شەشەتىن بولساق، ەلىمىزدىڭ دامۋداعى زور كومەسكى كۇشى مەن قۋاتتى قوزعالىس قۋاتتارىن تولىق شىعارىپ، ىندەتتىڭ تۋدىرعان ىقپالىن ەڭ تومەنگى شەككە ءتۇسىرىپ، دامۋدىڭ ىرىقتىلىق ۇقىعىن مىقتاپ يگەرىپ، اناعۇرلىم جاقسى دامۋدى قارسى الۋعا بولادى.

  دامۋداعى ماسەلەلەر، رەفورما جاساۋ ارقىلى شەشىلەدى. حاۋىپ - قاتەرگە، سىن - سايىسقا توتەپ بەرۋدە، ءسوز جوق، رەفورما ادىستەرى ارقىلى دامۋ بارىسىنداعى ماسەلەلەردى شەشۋگە شەبەر بولۋ كەرەك. قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە باستان - اياق تاباندى بولىپ، قامداۋ قۇرىلىمىن جاقسارتۋدى نەگىزگى ۇمتىلىس بەتالىسى ەتىپ، ناقتى ەكونوميكاعا كۇش سالىپ، جاڭا سۇرانىسقا ۇيلەسەتىن ءونىمدى قامداۋدى جارىققا شىعارىپ، تۇتاس قامداۋ جۇيەسىنىڭ ساپاسىن كۇش سالا جوعارىلاتىپ، قامداۋ مەن قاجەتسىنۋدىڭ قوزعالىستىق تەپە - تەڭدىگىن جۇزەگە اسىرۋ كەرەك. ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى تەزدەتىپ، وزىق جاساۋ كاسىبىن كۇش سالا دامىتىپ، ورتا، جوعارى دەڭگەيدە تۇتىنۋ، جاڭالىق اشۋ ارقىلى جەتەكتەۋ، جاسىل، تومەن كومىرتەكتى، ورتاق يگىلىكتەنەتىن ەكونوميكا، وسى زامانعى قامداۋ تىزبەگى، ادام كۇشى كاپيتالىنا قىزمەت وتەۋ سياقتى سالالاردا جاڭا ارتۋ ءتۇيىنىن جەتىلدىرۋ كەرەك. كاسىپ سالاسىن سيفرلاندىرۋدان، سيفرلى كاسىپ سالالاندىرۋدان تۋعان جاڭا ورايدى مىقتاپ يگەرىپ، ينتەرنەتتىڭ، ۇلكەن ساندى مالىمەتتىڭ، جاساندى زەردەنىڭ جانە ناقتى ەكونوميكانىڭ تەرەڭدەي توعىسۋىن ىلگەرىلەتىپ، 5G ينتەرنەت جەلىسى، ساندى مالىمەت ورتالىعى سياقتى جاڭاشا نەگىزدىك قۇرىلعىلار قۇرىلىسىن تەزدەتىپ، سيفرلى ەكونوميكا، تىرشىلىك - سالاماتتىعى، جاڭا ماتەريال سياقتى ستراتەگيالىق جاڭادان گۇلدەنگەن كاسپ سالاسىن، بولاشاق كاسىپ سالاسىن جىلدام ورنالاستىرىپ، ىندەتكە توتەپ بەرۋدە جارىققا شىققان كوپتەگەن جاڭا كاسىپ سالاسىنىڭ، كاسىپ كۇيىنىڭ جىلدام دامۋىنا مۇمكىندىك جاساپ، جاڭا قوزعالىس قۋاتتارىن قالىپتاستىرۋ كەرەك. «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اناعۇرلىم كەمەلدەنگەن ماڭىزدى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن ورناتۋ جونىندەگى پىكىرىن» مۇقيات تياناقتاندىرىپ، بازاردى بىرلىككە كەلتىرۋگە جانە ءادىل باسەكەگە كەدەرگى بولىپ وتىرعان ءتۇرلى بەلگىلەمەلەردى جانە امالداردى اداقتاپ، كۇشىنەن قالدىرىپ، حالىقتىق كاسىپورىنداردىڭ دامۋىن قولداپ، ءتۇرلى بازار نەگىزگى تۇلعاسىنىڭ ومىرشەڭدىك كۇشىن قاۋلاتىپ، مال - مۇلىك ۇقىعىن ۇتىمدى ىنتالاندىرۋدى، ماڭىزدى فاكتورلاردىڭ ەركىن اينالىمىن، باعا اسەرىنىڭ يكەمدىلىگىن، باسەكەنىڭ ءادىل، ءتارتىپتى بولۋىن، كاسىپورىنداردىڭ ۇزدىكتەرىنىڭ جەڭۋىن، ناشارلارىنىڭ قاتاردان قالۋىن جۇزەگە اسىرۋ كەرەك.

  ەسىك اشۋ العا باستىرادى، تۇيىقتالۋ تابيعي مەشەۋ قالدىرادى. دۇنيە ءجۇزىنىڭ اۋمالى - توكپەلى وزگەرىسى الدىندا، جۇڭگونىڭ اشقان ەسىگى جابىلمايدى، تەك بارعان سايىن ايقارا اشىلاتىن بولادى. ءبىز سىرتقا ەسىك اشۋدى باتىل كەڭەيتىپ، بازارعا كىرۋ شارتىن كەڭەيتىپ، شارۋاشىلىق - ساۋدا ورتاسىن ءۇرتىس ساپالىلاندىرىپ، يمپورتتى بەلسەنە كەڭەيتىپ، سىرتقا قارجى قوسۋدى ۇلعايتىپ، ەلى ءىشى - سىرتىنداعى كاسىپورىنشىلاردىڭ قارجى قوسىپ، شارۋاشىلىق قۇرۋىنا اناعۇرلىم ءادىل، ءتارتىپتى ورتا جاراتىپ، ەسىك اشۋ ارقىلى رەفورمانى جەبەۋىمىز، دامۋدى جەبەۋىمىز، جاڭالىق اشۋدى جەبەۋىمىز كەرەك. حالىقارالىق ەكونوميكالىق جاعدايعا تۇجىرىم جاساۋدى، تالداۋ جاساۋدى كۇشەيتىپ، باعىتتامالىلىعى بار ساياسات - شارالاردى دەر كەزىندە جاساپ، الەمدىك قامداۋ تىزبەگىنىڭ ورنىقتىلىعىن قۇلشىنا قورعاپ، ءتۇرلى ەكونوميكا - ساۋدا قيمىلدارىنىڭ قالىپتى ورىستەتىلۋىن قامتاماسىز ەتۋىمىز كەرەك. ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنەن جازباي، جوعارى ولشەم، حالىق تۇرمىسىنا تيىمدىلىك جاساۋ، باياندىلىق نىساناسىن قۇلشىنا جۇزەگە اسىرىپ، دۇنيە ءجۇزىنىڭ ورتاق دامۋىنا قوزعاۋشى كۇش ۇستەۋىمىز، دۇنيە ءجۇزى ەكونوميكاسىنىڭ ورنىقتى بولۋىنا ۇلەس قوسۋىمىز كەرەك.

  جۇڭگونىڭ ەكونوميكالىق دامۋى ەجەلدەن ءساتتى بولىپ كورگەن ەمەس، قايتا سىن - سايىسقا توتەپ بەرۋ، قيىنشىلىقتى جەڭۋ بارىسىندا ۇزدىكسىز دامىپ، زورايىپ كەلدى. ءبىز پارتيا ورتالىق كوميتەتىنىڭ كەزەكتەگى ەكونوميكالىق، قوعامدىق دامۋ قىزمەتى جونىندەگى باس تالابىن باتىل دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتە وتىرىپ جوعارى ساپالى دامۋدى ىلگەرىلەتۋگە تاباندى بولىپ، ورايدى يگەرۋگە جانە جاراتۋعا شەبەر بولىپ، قامال الىپ، قيىندىقتى جەڭۋگە باتىل بولاتىن بولساق، ءتۇرلى قيىنشىلىقتاردى، سىن - سايىستاردى، ءسوزسىز، جەڭىپ، پارتيا ورتالىق كوميتەتى تۇراقتاندىرعان دامۋ مىندەتتەرى مەن نىسانالارىن جۇزەگە اسىرا الامىز.

(شينحۋا اگەنتتىگىنىڭ 4 - ايدىڭ 22 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت