رايونىمىزدىڭ اۋىل - قىستاق ەلەكتر تورىنىڭ دارەجەسىن جوعارىلاتۋ، جاڭالاۋ ينجەنەرياسى مەملەكەتتىڭ 7 ميلليارد 563 ميلليون يۋان قارجىلاي قولداۋىنا يە بولدى

  گازەتىمىزدىڭ جالپىلىق اقپارات قۇرالدارى ءتىلشىسى شى شين 4 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق دامۋ - رەفورما كوميتەتىنەن ۇعىسۋعا قاراعاندا، جۋىقتا مەملەكەتتىك دامۋ - رەفورما كوميتەتى، مەملەكەتتىك ەنەرگيا مەكەمەسى رايونىمىزدىڭ 2020 - جىلعى اۋىل - قىستاق ەلەكتر تورىنىڭ دارەجەسىن جوعارىلاتۋ، جاڭالاۋ ينجەنەرياسىنا 7 ميلليارد 563 ميلليون يۋان قارجى قوسۋ جوسپارىن تۇسىرگەن، بۇل 2019 - جىلعىدان %36.8 ارتقان، مۇندا ورتالىقتىڭ مەجە ەسەبى ىشىندە 3 ميلليارد 200 ميلليون يۋان قارجى ورنالاستىرىلىپ، 2019 - جىلعىدان %23 ارتىپ، ”13 - بەسجىلدىق“ جوبانىڭ العاشقى مەزگىلىندەگىدەن 4 ەسەگە جۋىقتاعان، بۇل بۇرىنعى جىلداردان بەرى ورنالاستىرعان قارجى قوسۋ كولەمى ەڭ ۇلكەن ءبىر جىل بولىپ، قارجىلاي قولداۋ سەرپىنى تاريحتان بەرگى ەڭ جوعارى دەڭگەيگە جەتكەن.

  بيىل رايونىمىزدىڭ اۋىل - قىستاق ەلەكتر تورىنىڭ دارەجەسىن جوعارىلاتۋ، جاڭالاۋ ينجەنەرياسى ىلە قازاق اۆتونوميالى وبلىسى، ءۇرىمجى قالاسى، تارباعاتاي ايماعى، التاي ايماعى، بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، قۇمىل قالاسى، تۇرپان قالاسى، بايىنعولين موڭعۇل اۆتونوميالى وبلىسى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعى سياقتى 13 ايماقتاعى (وبلىس، قالا) 87 اۋدانعا (قالا، رايون)، 3067 نىسانعا سايادى. ينجەنەريادا 110 كيلوۆولتتىق 25 كەرنەۋ اۋىستىرۋ پۋنكتى، 748 كيلومەتر جەلى جاڭادان سالىنادى جانە جاڭالانادى، 35 كيلوۆولتتىق 54 كەرنەۋ اۋىستىرۋ پۋنكتى، 737 كيلومەتر جەلى، 10 كيلوۆولتتىق 7651 كيلومەتر جەلى، 9092 كيلومەتر تومەن كەرنەۋلى جەلى، 5845 ەلەكتر ۇلەستىرۋ كەرنەۋ وزگەرتكىشى جاڭادان سالىنادى جانە جاڭالانادى.

  نىسان سالىنعاننان كەيىن، رايونىمىزدىڭ اۋىل - قىستاق ەلەكتر تورىنىڭ ەلەكترمەن قامداۋ قۋاتى جانە ەلەكترمەن قامداۋ ساپاسى بارىنشا جوعارىلاپ، مەملەكەتتىڭ جاڭا كەزەكتى اۋىل - قىستاق ەلەكتر تورىن جاڭالاۋ، دارەجەسىن جوعارىلاتۋ ينجەنەرياسىنىڭ ”اۋىل - قىستاق ەلەكتر تورىنىڭ ەلەكترمەن قامداۋ سەنىمدىلىك مولشەرى %99.8كە، جالپىلىق ەلەكتر كەرنەۋىنىڭ تولىمدىلىق مولشەرى %97.9كە جەتۋ، وتباسىلارىنىڭ ورتاشا ەلەكتر ۇلەستىرۋ كەرنەۋ وزگەرتكىشىنىڭ سيىمدىلىعى 2 كيلوۆولت - امپەردەن تومەن بولماۋ“ سىندى باعالاۋ نىساناسىن، تالابىن اسىرا ورىندايدى.

  اۆتونوميالى رايوندىق دامۋ جانە رەفورما كوميتەتى نىسان ورىندارىن تۇسىرىلگەن قارجى قوسۋ جوسپارىنا ساي بيىلعى اۋىل - قىستاق ەلەكتر تورىن جاڭالاۋ، دارەجەسىن جوعارىلاتۋ ينجەنەرياسىن قاۋىرت اتقارىپ، وسى جىلدىڭ ىشىندە سالىنىپ، وندىرىسكە قوسىلۋىنا شىنايى كەپىلدىك ەتۋگە، اۋىل - قىستاق ەلەكتر تورى، ەلەكتر كەرنەۋى ولشەمگە جەتپەۋ، قۇرىلىمى ۇيلەسىمسىز، ءۇش فازالى ەلەكترى جالعانباۋ سياقتى ماسەلەلەردى شىن مانىندە شەشىپ، قالىڭ ەگىنشى - مالشى بۇقاراسىنىڭ ەلەكتر پايدالانا الۋدان ەلەكتردەن ويداعىداي پايدالانۋىنا مۇمكىندىك جاساپ، حالىق تۇرمىسىن ءونىمدى قامتاماسىز ەتۋگە جانە جاقسارتۋعا بار كۇشپەن قۋزايدى.

جاۋاپتى رەداكتور: ريزا حاميت
  • 1
  • 2
  • 3
  • 4