جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «اناعۇرلىم كەمەلدەنگەن ماڭىزدى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن ورناتۋ جونىندەگى پىكىردى» جاريالادى

  شينحۋا اگەنتتىگىنىڭ 4 - ايدىڭ 9 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «اناعۇرلىم كەمەلدەنگەن ماڭىزدى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن ورناتۋ جونىندەگى پىكىردى» جاريالادى.

  «پىكىردە» مىنالار باسا دارىپتەلدى: ماڭىزدى فاكتورلاردى بازارلاندىرا جايعاستىرۋ − ءبىر تۇتاس اشىق ۇستالعان، باسەكەسى ءتارتىپتى بازار جۇيەسىن ورناتۋدىڭ ىشكى تالابى، سوتسياليستىك نەگىزگى شارۋاشىلىق تۇزىمىنە تاباندى بولۋدىڭ جانە ونى كەمەلدەندىرۋدىڭ، سوتسياليستىك بازار شارۋاشىلىعى ءتۇزىلىسىن جىلدام كەمەلدەندىرۋدىڭ ماڭىزدى مازمۇنى. ماڭىزدى فاكتورلاردى بازارلاندىرا جايعاستىرۋ رەفورماسىن تەرەڭدەتىپ، ماڭىزدى فاكتورلاردىڭ دەربەس، ءتارتىپتى اينالىمىن جەبەپ، ماڭىزدى فاكتورلاردى جايعاستىرۋ ونىمدىلىگىن جوعارىلاتىپ، تۇتاس قوعامنىڭ جاسامپازدىق قۋاتى مەن بازاردىڭ ومىرشەڭدىك قۋاتىن اناعۇرلىم قاۋلاتىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ ءۇشىن، قازىر اناعۇرلىم كەمەلدەنگەن ماڭىزدى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن ورناتۋ جونىندە پىكىر العا قويىلدى.

  «پىكىردىڭ» جەتەكشى يدەياسى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، جاڭا دامۋ ۇستانىمىنا تاباندى بولىپ، بازارلاندىرۋ رەفورماسىن تەرەڭدەتۋگە، جوعارى دەڭگەيدە ەسىك اشۋدى كەڭەيتۋگە تاباندى بولىپ، ماڭىزدى فاكتورلاردىڭ ەركىن اينالىمىنا كەدەرگى بولاتىن تۇزىلىستىك، مەحانيزمدىك بوگەتتەردى تالقانداپ، ماڭىزدى فاكتورلاردى بازارلاندىرا جايعاستىرۋ اۋماعىن كەڭەيتىپ، ماڭىزدى فاكتورلار بازارى جۇيەسىن كەمەلدەندىرىپ، ماڭىزدى فاكتورلار بازارى ءتۇزىمى قۇرىلىسىن ىلگەرىلەتىپ، ماڭىزدى فاكتورلار باعاسىن بازار بەلگىلەۋدى، اينالىمنىڭ دەربەس، ءتارتىپتى بولۋىن، جايعاسۋدىڭ جوعارى ءونىمدى، ءادىل بولۋىن جۇزەگە اسىرىپ، جوعارى ولشەمدى بازار جۇيەسىن قۇرۋ، جوعارى ساپالى دامۋدى ىلگەرىلەتۋ، وسىزاماندانعان شارۋاشىلىق جۇيەسىن قۇرۋ ءۇشىن بەرىك تۇزىمدىك نەگىز قالاۋ كەرەك.

  «پىكىردە» العا قويىلعان نەگىزگى پرينسيپ: ءبىرىنشى، بازار بەلگىلەۋ، ءتارتىپتى اينالىمعا سالۋ. بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ماڭىزدى فاكتورلاردىڭ اينالىم ارناسىن ىركىلىسسىزدەندىرىپ، تۇرلىشە بازار تۇلعالارىنىڭ تەڭ تۇرعىدا ءوندىرىس ماڭىزدى فاكتورلارىنا يە بولۋىن قامتاماسىز ەتىپ، ماڭىزدى فاكتورلار جايعاسۋىنىڭ بازار ەرەجەسىنە، بازار باعاسىنا، بازار باسەكەسىنە نەگىزدەلىپ، ەڭ زور تابىسقا جانە ەڭ جاقسى ونىمدىلىككە جەتۋىن ىلگەرىلەتۋ كەرەك. ەكىنشى، ءتۇزىمدى كەمەلدەندىرىپ، باقىلاۋ - باسقارۋدا جاڭالىق اشۋ. ۇكىمەتتىڭ رولىن اناعۇرلىم جاقسى ساۋلەلەندىرىپ، ماڭىزدى فاكتورلار بازارى اينالىم مەحانيزمىن اقاۋسىزداندىرىپ، ۇكىمەتتىڭ رەتتەۋى مەن باقىلاۋ - باسقارۋىن كەمەلدەندىرىپ، كەڭ ۇستاۋ مەن ويداعىداي باسقارۋدى ورگانيكالى ۇشتاستىرىپ، باقىلاۋ - باسقارۋ جانە قىزمەت وتەۋ قابىلەتىن جوعارىلاتىپ، ءتۇرلى ماڭىزدى فاكتورلاردى وزىق وندىرگىش كۇشكە سايكەسە توپتالۋعا جەتەكتەۋ. ءۇشىنشى، ماسەلەنى باعدار ەتىپ، تۇرگە ايىرىپ شارا قولدانۋ. ماڭىزدى فاكتورلاردى جايعاستىرۋدى بازار بەلگىلەۋدىڭ كولەمى شەكتى بولۋ، ماڭىزدى فاكتورلار اينالىمىندا تۇزىلىستىك، مەحانيزمدىك كەدەرگى ورىن تەبۋ سياقتى ماسەلەلەرگە مەڭزەس، تۇرلىشە ماڭىزدى فاكتورلار سيپاتىنا، بازارلانۋ دەڭگەيىندەگى پارىقتارعا جانە ەكونوميكالىق، قوعامدىق دامۋ قاجەتىنە نەگىزدەلىپ، ماڭىزدى فاكتورلاردى بازارلاندىرا جايعاستىرۋ ءتۇزىلىسىن، مەحانيزمىن تۇرلەر بويىنشا كەمەلدەندىرۋ. ءتورتىنشى، ورنىقتىلىق بارىسىندا ىلگەرىلەۋ، ءتارتىپ بويىنشا بىرتىندەي ىلگەرىلەۋ. حاۋىپسىز، مەڭگەرىلمەلى بولۋعا تاباندى بولىپ، ءىس جۇزىندىكتى تياناق ەتىپ، وبيەكتيۆتىك زاڭدىلىققا قۇرمەت ەتىپ، دامۋدىڭ جاڭاشا ماڭىزدى فاكتورلار فورماتسياسىن جەتىلدىرىپ، ماڭىزدى فاكتورلار ساپاسىن بىرتىندەپ جوعارىلاتىپ، جەرگىلىكتى ورىننىڭ جاعدايىنا قاراي ماڭىزدى فاكتورلاردى بازارلاندىرا جايعاستىرۋ رەفورماسىن بايىپتى ىلگەرىلەتۋ كەرەك.

  «پىكىردە» جەر ماڭىزدى فاكتورلارىن بازارلاندىرا جايعاستىرۋدى ىلگەرىلەتۋ، ەڭبەككۇش ماڭىزدى فاكتورىن ۇيلەسىمدى، ىركىلىسسىز، ءتارتىپتى اينالىمعا تۇسۋگە جەتەكتەۋ، كاپيتال ماڭىزدى فاكتورىن بازارلاندىرا جايعاستىرۋدى ىلگەرىلەتۋ، تەحنيكا ماڭىزدى فاكتورى بازارىن جىلدام دامىتۋ، ساندى مالىمەت ماڭىزدى فاكتورى بازارىن جىلدام جەتىلدىرۋ، ماڭىزدى فاكتور باعاسىن بازارلاندىرۋ رەفورماسىن تەزدەتۋ، ماڭىزدى فاكتور بازارى اينالىم مەحانيزمىن كەمەلدەندىرۋ، ۇيىمدىق قامتاماسىزدىق سياقتىلارعا باعىتتاي وتىرىپ ناقتى تالاپتار قويىلدى.

جاۋاپتى رەداكتور: ريزا حاميت