ادالدىعىن ومىرىمەن ورنەكتەدى

ادالدىعىن ومىرىمەن ورنەكتەدى

− اۆتونوميالى رايوندىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى جاسارات ماقسۇت جولداس تۋرالى ەستەلىك

□ گازەتىمىزدىڭ جالپىلىق اقپارات قۇرالدارى ءتىلشىسى جاڭ يۇنمەي

  3 - ايدىڭ 26 - كۇنى شينجياڭداعى كوپتەگەن ءتارتىپ تەكسەرۋ، باقىلاۋ - تەكسەرۋ كادرلارى جونىنەن قايعىلى كۇن بولدى.

  وسى كۇنى ولاردىڭ قىزمەتتەگى جاقسى ۇستازى، ومىرلەرىندەگى جول باستاۋشىسى − اۆتونوميالى رايوندىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى جاسارات ماقسۇت جولداس كوپشىلىكپەن ماڭگى قوشتاسىپ، ءومىرى 57 جاسىندا توقتادى.

  ”كوكەيىنە قىزمەتتى عانا تۇيگەن ول ءوزىن مۇلدە ويلامايتىن“.

  ”كوپشىلىكتى كوڭىل تورىنە قويعان ول وزىمەن مۇلدە ساناسپايتىن“.

  كوپشىلىكتىڭ وعان جانى اشىدى. قىزمەتتى نەگە سونشا جانتالاسا ىستەيدى، جاسى دا ۇلعايىپ قالعان، تاعى بارلىق ىستە اعالاپ الدا جۇرەدى؛ باسقالارعا سونشاما كوڭىل ءبولۋشى ەدى، ءوزىن نەگە ويلامادى ەكەن!

  كوپشىلىك ونى جاقسى كورۋشى ەدى. سول ءبىر جاسقا تولعان جانارلاردان وعان دەگەن قۇرمەت پەن ساعىنىش توگىلۋدە − ءبىر كوممۋنيستىك پارتيا مۇشەسىنىڭ پارتيا ىستەرىنە ادالدىعىن ول ءوزىنىڭ ءىس جۇزىندىك ارەكەتىمەن جازدى؛ ول ءوزىنىڭ كىسىلىك قاسيەتى ارقىلى قاسىنداعى ءتارتىپ تەكسەرۋ، باقىلاۋ - تەكسەرۋ كادرلارىن كۇش سالا ادال، كىرشىكسىز، جاۋاپكەرشىلىك ارقالايتىن، كۇرەس جاساۋعا باتىل دا شەبەر جاۋىنگەر بولۋعا اسەر ەتتى.

ءومىر ۇزىلمەي، كۇرەس توقتامايدى

  اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ تەكسەرۋ - تەكتەۋ ورتالىعىندا بىرنەشە «ىزدەنۋ» جۋرنالى، «جۇڭگو كوممۋنيستىك پارتياسىنىڭ توقسان جىلدىعى» جەلىلەس كىتابى جانە قاراۋ كەرەك بولعان ءبىر توپ حۇجات جاسارات ماقسۇتتىڭ كوزى تىرىسىندە جاتقان جاتاعىنداعى ۇستەلگە رەپ - رەتتى قويىلعان، مۇنىڭ ىشىندەگى ءبىر حۇجاتتىڭ پاراعى اشىلىپ، بەكىتۋ جازۋعا دايىندالعان ەكەن.

  بۇل جەر ءارى ونىڭ كەڭسەسى، ءارى ونىڭ دەمالىس ءۇيى.

  ”ۇستەلدەگى مىنا حۇجاتتار ونىڭ ادەتتەگى وقىپ بەكىتۋ مولشەرىنىڭ از ءبولىمى عانا“. اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 8 - تەكسەرۋ - تەكتەۋ كەڭسەسىنىڭ ورىنباسار مەڭگەرۋشىسى يان بيڭجى بىلاي دەدى: كوپتەگەن حۇجاتتار دەرەۋ بەكىتىلىپ، جولدانۋ كەرەك، تاعى كوپتەگەن مازمۇندار ماڭىزدى ىستەر مەن قىزمەتتەرگە سايادى، كورە سالۋمەن بىتەتىن شارۋا ەمەس، تاعى قاتىستى قىزمەتكەرلەردەن جاعداي ۇعىسىپ، پىكىر اۋىسىپ، ىشكەرىلەي وي جۇگىرتۋ كەرەك.

  كۇندەلىكتى ىستەر قىزمەتىنەن تىس، جاسارات ماقسۇت اناعۇرلىم كوپ زەيىن - زەردەسىن دەلونى تەكسەرىپ بىتىرۋگە قويدى. ”ءار كۇنى كەشتە ول ءارقايسى ارناۋلى دەلو گرۋپپالارىنا بارىپ، كوپشىلىكپەن بىرگە دەلو جاعدايىنا تالداۋ جاساپ، كوپشىلىكتىڭ باسىمىن جەڭىلدەتىپ، جىگەرلەندىرىپ كەتەتىن“. اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 10 - تەكسەرۋ - تەكتەۋ كەڭسەسىنىڭ ورىنباسار مەڭگەرۋشىسى مو ۋيلي بىلاي دەدى: ”تەكسەرۋ - تەكتەۋ ورتالىعىنىڭ ءاربىر ارناۋلى دەلولارىن ول ءبىر - بىرلەپ جەتكىزىپ، ىلعي تاڭعى ساعات 3 − 4كە دەيىن ءجۇرىپ، ارەڭ دەمالۋشى ەدى“.

  مو ۋيلي ءتارتىپ تەكسەرۋ، باقىلاۋ - تەكسەرۋ ورگانىندا 15 جىل قىزمەت ىستەدى، مۇنداي كورىنىستى ول ۇنەمى كورەتىن. ”15 جىلدان بەرى جاسارات شۋجي دەرلىكتەي ءبىر كۇن دە دەمالىپ كورمەدى“. مو ۋيلي بىلاي دەدى: مۇنداي تاباندىلىقتى وسى قىزمەتكە شىنايى سۇيىسپەنشىلىك بولماسا، پارتياعا ادالدىق بولماسا، ىستەي الۋ مۇمكىن ەمەس“.

  بولشەكتەۋشىلىككە قارسى تۇرۋ، شىرىكتەسۋگە قارسى تۇرۋ كۇرەسى − ءتۇتىنسىز شايقاس.

  اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 7 - تەكسەرۋ - تەكتەۋ كەڭسەسىنىڭ كادرى جوۋ زىميننىڭ ەسىندە انىق ساقتالعان، 2018 - جىلى 6 - ايدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اۆتونوميالى رايونداعى تارتىپكە، زاڭعا قايشىلىق جاسادى دەپ كۇمان تاعىلعان مەڭگەرمە دارەجەلى ءبىر كادرعا تەكسەرۋ - تەكتەۋ جۇرگىزگەندە، ءبىر ايعا جەتپەيتىن ۋاقىت ىشىندە ارناۋلى دەلو گرۋپپاسى وسى وبيەكتىنىڭ باسقالاردىڭ مال - مۇلكىن الۋ، بەلگىلەمەگە قايشىلىق جاساپ، قىلمىس كۇماندىسىن قويا بەرۋ سياقتى ماسەلەلەرىن نەگىزىنەن تەكسەرىپ انىقتايدى.

  ارناۋلى دەلو گرۋپپاسىنداعىلار ەرەكشە قۋانىپ جاسارات ماقسۇتقا مالىمەت بەرگەندە ، ول اسا بايىپتىلىقپەن بىلاي دەپ سۇرايدى: ”ءسىرا، جالاڭ ’اقشا الىپ ءىس ءبىتىرۋ‘ سىندى ەكونوميكالىق ماسەلە مە، الدە وسىنى بۇركەنىش ەتكەن باسقالاي قاسكۇنەمدىك پە؟ ءبىز، ءسوزسىز، ماسەلەنىڭ استارىنداعى ماسەلەگە كوز جەتكىزۋىمىز كەرەك“.

  جاسارات ماقسۇت شينجياڭ ساياسي - زاڭ كادرلارى مەكتەبىنىڭ ساياسي - زاڭ ماماندىعىنان وقۋ بىتىرگەن، وقۋ بىتىرگەن سوڭ بيڭتۋاننىڭ قوعام حاۋىپسىزدىگى تاراۋلارىندا 3 جىلدان استام ۋاقىت قىزمەت ىستەگەن، مول دەلو ءبىتىرۋ تاجىريبەسى مەن قۇبىلىستاردى پارىقتاۋ قابىلەتى بار. ”جاسارات شۋجي بىزدەن ءاربىر دەرەكتى، ءسوزسىز، سوڭىنا دەيىن قاداعالاۋدى تالاپ ەتەتىن، ءدال ونىڭ وسىنداي پارتيانىڭ ىستەرىنە بولعان ادالدىعى مەن جاۋاپكەرشىلىگىنىڭ ارقاسىندا، اقىرى دەلونىڭ شىن سىرى اشىلىپ، ءبىز تالاي جىل جاسىرىنىپ جاتقان ’ەكىبەتكەيدى‘ تەكسەرىپ انىقتادىق“، - دەدى جوۋ زىمين تانىستىرىپ.

  ءومىر ۇزىلمەي، كۇرەس توقتامايدى. ءومىرىنىڭ ەڭ سوڭعى بىرنەشە كۇنىندە جاسارات ماقسۇت اۋەلگىدەي تاباندىلىقپەن 2 ايماق، وبلىستىڭ ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىندەگى قاتىستى جولداستارمەن سويلەستى. سويلەسۋدەن 3 كۇن بۇرىن ول تاعى ارنايى ”ءبىر ادامعا ءبىر جوبا، ءبىر ادامعا ءبىر مازمۇن“ قىزمەت تالابىن قويىپ، شاقىرىپ الىپ سويلەسۋ قىزمەت جوباسىن، حاۋىپسىزدىك جوباسىن، شاقىرىپ الىپ سويلەسۋ جەلىسىن ءبىر - بىرلەپ بەكىتىپ، وتكەلدى ۇستاپ، قايتا - قايتا تۇزەتۋ پىكىرىن ورتاعا قويدى.

  ءومىرىنىڭ ەڭ سوڭعى ساتىندە، جاسارات ماقسۇت اۋەلگىدەي ءتارتىپ تەكسەرۋ، باقىلاۋ - تەكسەرۋ قىزمەتىنىڭ ءبىرىنشى شەبىندە تاباندىلىقپەن تۇرىپ، پارتيا ىستەرىنە دەگەن شەكسىز ادالدىعىن ومىرىمەن جازدى.

ءبىرىنشى شەپتە اتويلاپ، ءبىلىمىن جالعاستىرا بەردى

  جاسارات ماقسۇت اۆتونوميالى رايوننىڭ ءتارتىپ تەكسەرۋ، باقىلاۋ - تەكسەرۋ جۇيەسىندەگى ”ساقا جاۋىنگەر“. 1988 - جىلى ءتارتىپ تەكسەرۋ، باقىلاۋ - تەكسەرۋ جۇيەسىنە كىرگەننەن بەرى، ول ءبىرىنشى شەپتە ابدەن شىنىعىپ - شىڭدالىپ، وسى جۇيەدەگى ”وتكىر قانجارعا“ اينالدى.

  بىرنەشە 10 جىلدان بەرى، ول ارناۋلى دەلو گرۋپپاسىن باستاپ، قىرۋار دەلونى تەكسەرىپ ءبىتىردى، شەشۋشى ساتتەردە جانە قامال الۋ كەزەڭدەرىندە، ول قاشاندا اتويلاپ العا شىعىپ، ىرىقتىلىقپەن جاۋاپكەرشىلىك ارقالاپ، ەڭ ماشاقاتتى تۇيىندەردەن تايسالماي، ەڭ قيىن قامالدى الىپ، قامالدى المايىنشا العان بەتىنەن قايتپادى، تولىق جەڭىسكە جەتپەيىنشە استە تىنبادى.

  كەلەلى، اۋىر دەلونى شەشۋ ءۇشىن، جاسارات ماقسۇت كەزىندە ارناۋلى دەلو گرۋپپاسىن باستاپ، بۇكىل رايونداعى 20 نەشە جىلدان بەرگى قاتىستى دەلولاردىڭ دەرەگىنە قايتا - قايتا تالداۋ جاساپ، تۇجىرىمداپ، ساتى - ساتى بويىنشا دەن قويا تالداۋ جاساپ، باس - اياعىن تولىق زەرتتەپ، شينجياڭنىڭ قوعام ورنىقتىلىعى مەن باياندى تىنىشتىعىنا ىقپال جاسايتىن ۋلى وسپە كومەسكى قاتەرىن قازىپ شىقتى.

  جاسارات ماقسۇت ءتارتىپ تەكسەرۋ، باقىلاۋ - تەكسەرۋ كادرلارىنىڭ جەتىلۋىنە دە ەرەكشە كوڭىل ءبولدى، ەكىنىڭ بىرىندە ىرىقتىلىقپەن كادرلارعا ساياسات نازاريالارىن، دەلونى ءبىتىرۋ اسەرىن جانە امالياتتىق تاجىريبەلەرىن ۇيرەتتى. ”بۇكىل رايونىمىزداعى ءار دارەجەلى ءتارتىپ تەكسەرۋ كوميتەتىندەگى، باقىلاۋ - تەكسەرۋ كوميتەتىندەگى دەلو ءبىتىرۋ تىرەكتىلەرىنىڭ ءبارى جاسارات شۋجيدەن تاربيە العان دەپ ايتساق تيتتەي دە ارتىق كەتپەيدى“، - دەدى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 9 - تەكسەرۋ - تەكتەۋ كەڭسەسى 1 - باسقارماسىنىڭ ورىنباسار باستىعى ۋاڭ ۋي.

  ۋاڭ ۋي يگىلىگىن كورۋشىلەردىڭ ءبىرى. 2005 - جىلى ۋاڭ ۋي ءتارتىپ تەكسەرۋ، باقىلاۋ - تەكسەرۋ جۇيەسىنە العاش كىرەدى. سول كەزدە سويلەسۋ مولشەرى ەداۋىر كوپ بولاتىن، ول سياقتى جاڭادان كەلگەندەر دە ەداۋىر كوپ ەدى. سويلەسەتىن وبيەكتىلەردىڭ دەنى ”ۇلكەن باسشىلار“، جاڭادان كەلگەندەردىڭ قاۋقارىنىڭ جەتكىلىكتى بولمايتىندىعى انىق ەدى. ”جاسارات شۋجي سول كەزدە 1 - ءتارتىپ تەكسەرۋ، باقىلاۋ - تەكسەرۋ كەڭسەسىنىڭ ورىنباسار مەڭگەرۋشىسى بولاتىن، ول ءبىز جاستاردى باستاپ، سويلەسەتىن وبيەكتىلەرىمەن ءبىر - بىردەن سويلەسەتىن. كەشتە ءبارىمىز بىرگە وتىرىپ تالقى جۇرگىزەمىز، ول ءوزىنىڭ باسىنان كەشكەندەرىن ايتىپ، بىزگە سويلەسۋدىڭ اياقسىز قالۋىنىڭ سەبەبىنە ءبىر - بىردەن تالداۋ جاساپ بەرەتىن ءارى سويلەسۋ شەبەرلىگى مەن ءتاسىلىن ۇيرەتەتىن“. بۇل ۋاڭ ۋيدىڭ ەسىندە كۇنى كەشەگىدەي سايراپ تۇر. سول كەزدە جاسارات ماقسۇت: ”ەستەرىڭدە بولسىن، سويلەسكەندە سەندەر پارتياعا، ۇيىمعا ۋاكىلدىك ەتەسىڭدەر“، - دەپ قايتا - قايتا دارىپتەيتىن. ”بۇل ءسوز ءبىزدىڭ كۇشتى سەنىم ورناتۋىمىزعا دەم بەردى ءارى ءبىزدىڭ بۇدان كەيىنگى دەلو بىتىرۋدەگى بەرىك سەنىمىمىزگە اينالدى“، - دەدى ۋاڭ ۋي.

  جاسارات ماقسۇت كوپشىلىككە دەلونى قالاي ءبىتىرۋدى ۇيرەتۋمەن قاتار، كوپشىلىككە وي ءورىسىن قالاي كەڭەيتۋدى دە ۇيرەتتى. ”دەلو ءبىتىرۋ بارىسىندا قيىنشىلىققا جولىققاندا قايتۋ كەرەك؟ جاسارات شۋجي امال تاپ دەپ قاراپ وتىرمايتىن، قايتا كوپشىلىكپەن بىرگە امال قاراستىراتىن. ول ۇنەمى كوپشىلىكپەن اڭگىمەلەسىپ تۇراتىن، اڭگىمەلەسۋ بارىسىندا يدەيامىزدان ۇشقىن قاۋلاپ، ناتيجەگە قول جەتكىزەتىن شابىت تاباتىنبىز“، - دەدى يان بيڭجى، - ”ول ۇيرەتكەن ۇستانىمدار يگىلىگىمىزگە ماڭگى جارايدى“.

قايتپاس قايسار، شىنايى ادال رۋح

  جاسارات ماقسۇتتىڭ ومىرىندە تەگى قانشا دەلو بىتىرگەندىگىن، قانشالاعان ءىرىپ - شىرىگەندەردى جانە ۇلتتىق بولشەكتەۋشى ەلەمەنتتى تەكسەرىپ ءبىر جايلى ەتكەندىگىن ەشكىم دە انىق بىلمەيدى. ايتسە دە ول ءوزىنىڭ كوپتەگەن ادامنىڭ ”كوزىنە قادالعان تىكەن“ ەكەندىگىن ابدەن بىلەدى، الايدا ول جاسقانعان ەمەس. ول ۇنەمى: ”مەن پارتيا مەن حالىقتى قانشالىقتى قىزۋ سۇيسەم، وسى ۇلتتىق بولشەكتەۋشى ەلەمەنتتەرگە سونشالىقتى كەكتەنەمىن! ۇلتتىق بولشەكتەۋشى ەلەمەنتتەردىڭ كوزى جوعالمايىنشا، وتانىمىزدىڭ شينجياڭىنا مۇلدە تىنىشتىق جوق!“، - دەيتىن.

  ءبىر جولى ايماق، وبلىستارعا بارىپ بولشەكتەۋشىلىككە قارسى تۇرۋ دەلولارىن العاشقى ادىمدا تەكسەرۋ قىزمەتىن ىستەگەندە، سويلەسەتىن وبيەكتى ەرەكشە ەلەۋرەدى، ول جاسارات ماقسۇتقا: ”سەندەردىڭ دە اكە - شەشە، بالا - شاعالارىڭ بار، ءوز ىستەرىڭدى دە ويلاڭدار، تىم شەكتەن اسىرىپ جىبەرمەڭدەر“، - دەپ ايعاي سالادى. سول كەزدە اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 10 - تەكسەرۋ - تەكتەۋ كەڭسەسى 2 - باسقارماسىنىڭ ورىنباسار باستىعى چىن حۇي سويلەسۋگە جاسارات ماقسۇتپەن بىرگە بارعان بولاتىن. چىن حۇي: ”وسى سوزدەردى ەستىگەندە، جاسارات شۋجي تيتتەي دە جاسقانبادى، ول بۇل ادامدى قاتاڭ جازعىرىپ، ەڭ سوڭىندا وسى ادامنىڭ ساعىن سىندىردى“، - دەدى. قايتپاس قايسارلىق چىن حۇيدى ءسۇيىندىردى.

  جاسارات ماقسۇتتىڭ قايتپاس قايسارلىعى قالاي شىڭدالعان؟ ونىڭ ەرتەدەگى كەشىرمەسىنەن جاۋاپ تابۋعا بولاتىن شىعار.

  جاسارات ماقسۇتتىڭ اكە - شەشەسى بىردەي كوممۋنيستىك پارتيا مۇشەسى، اكەسى كوزى تىرىسىندە اۆتونوميالى رايوندىق وقۋ - اعارتۋ شۋەيۋانى پارتكومىنىڭ شۋجيى، شەشەسى زەينەتكە شىعۋدان بۇرىن اۆتونوميالى رايوندىق پارتكوم پارتيا مەكتەبىنىڭ كادرى بولاتىن. ”جاسارات شۋجي كەزىندە بىزگە وتباسىنىڭ ەرەكشە مەيىرىمدى ەكەندىگىن، اكە - شەشەسىنىڭ پارتياعا دەگەن سۇيىسپەنشىلىگى وزىنە تەرەڭ ىقپال جاساعاندىعىن، ءتالىم بەرگەندىگىن ايتقان بولاتىن. وتكەن عاسىردىڭ 80 - جىلدارىندا قوعامدا پايدا بولعان كەيبىر قاتە وي اعىمىنا مەڭزەس، اكەسى وعان دۇرمەككە ىلەسپەۋدى، اداسپاۋدى ايقىن ايتىپتى. بۇل ونىڭ مۇرات - سەنىمىن اناعۇرلىم بەكەمدەپتى“، - دەدى يان بيڭجى.

  وسىنداي مۇرات - سەنىممەن جاسارات ماقسۇت پارتياعا كىرۋ وتىنىشىنە بىلاي دەپ جازادى: ادام ومىرىندە ارمان بولماسا بولمايدى. نىساناسى، العا ىلگەرىلەۋ بەتالىسى جوق ءومىردىڭ ءمانى جوق. ءتارتىپ تەكسەرۋ، باقىلاۋ - تەكسەرۋ كادرى رەتىندە، مەن جۇڭگو كوممۋنيستىك پارتياسىنا ەرتەرەك مۇشە بولىپ، حالىققا، وتانعا اناعۇرلىم پايدالى ادام بولۋدى اڭسايمىن...

  ءبىر - بىرلەگەن داڭقتار ونىڭ ادالدىعىنا جانە ۋادەسىنە كۋا بولدى − قىزمەتكە قاتىناسقاننان بەرى، ول ىلگەرىندى - كەيىندى تالاي رەت تاڭداۋلى كوممۋنيستىك پارتيا مۇشەسى، ۇزدىك كادر، وزات قىزمەتكەر بولىپ باعالاندى، ۇلكەن دەلولاردى، ماڭىزدى دەلولاردى تەكسەرىپ بىتىرگەندىكتەن داڭقپەن 1 - دارەجەلى، 2 - دارەجەلى ەڭبەك كورسەتتى...

  جاسارات ماقسۇتتىڭ كوزى تىرىسىندەگى ىستەردى ەسكە العاندا، كوپتەگەن ادام ونىڭ كوزى تىرىسىندە ەڭ ۇناتاتىن «قىزىل جۇلدىز مەنى كۇرەس جۇرگىزۋگە باستايدى» ءانىن ۋادەلەسىپ قويعانداي ەسكە الدى.

  بۇل ءبىر ءان عانا بولماستان، ونىڭ ءومىرىنىڭ ەڭ شىنايى بەينەسى.

  تىڭداڭىزشى، شاعىن عانا تىلشىلىك ىستەۋ بولمەسىندە: ”قىزىل جۇلدىز جارقىراپ، مەنى كۇرەس جۇرگىزۋگە باستايدى...“، - دەپ ءان داۋىسى كوتەرىلدى.

  بۇل ءان كوپتەگەن ءتارتىپ تەكسەرۋ، باقىلاۋ - تەكسەرۋ كادرلارىنىڭ جۇرەگىندەگى انگە اينالدى.

جاۋاپتى رەداكتور: ريزا حاميت