1 - توقساندا رايونىمىز كاسىپورىنداردىڭ ەلەكتردەن پايدالانۋ وزىندىك قۇنىن 100 ميلليون يۋاننان استام تومەندەتتى

  گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 4 - ايدىڭ 7 - كۇنى ۇرىمجىدەن حابارلايدى. ءتىلشىنىڭ مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنشا، كاسىپورىنداردىڭ وندىرىسكە پايدالاناتىن ەلەكترىنىڭ وزىندىك قۇنىن تومەندەتىپ، ىندەتتىڭ ىقپالىن ارىلتۋ ءۇشىن، مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى قولداۋ سيپاتتى جەلىلەس شارا شىعارىپ، كاسىپورىن ءوندىرىسىنىڭ ”اۋىرتپالىعىن“ شىنايى جەڭىلدەتكەن. وسى سەرىكتەستىكتىڭ ساناعىنا قاراعاندا، 1 - توقساندا تۇتاس شينجياڭداعى كاسىپورىنداردىڭ جالپى ەلەكتردەن پايدالانۋ وزىندىك قۇن شىعىنى جيىنى 106 ميلليون 700 مىڭ يۋان ازايعان.

  مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى شىعارعان قولداۋ ساياساتىنا ساي، بيىل 2 - ايدىڭ 1 - كۇنىنەن 6 - ايدىڭ 30 - كۇنىنە دەيىن، ەنەرگيانى كوپ سارىپ ەتەتىن كاسىپ سالالارىنان سىرت، ادەتتەگى ونەركاسىپ - ساۋدا كاسىبى، سونداي - اق باسقا دا ەلەكتر باعاسى مەن ءىرى ونەركاسىپ ەلەكتر باعاسى اتقارىلاتىن ەلەكتر پايدالانۋشىلاردىڭ ەلەكتر باعاسى ءبىر تۇتاس %95 بويىنشا ەسەپتەلەدى؛ قولداۋ سيپاتتى ەكى ءتۇرلى تۇزىمدەگى ەلەكتر باعا ساياساتى بيىل 2 - ايدىڭ 7 - كۇنىنەن 6 - ايدىڭ 30 - كۇنىنە دەيىن جالعاسادى، ىندەتتەن ساقتانۋ - تىزگىندەۋ كەزىندە قالىپتى جۇمىس باستاماعان، جۇمىستى قالپىنا كەلتىرمەگەن كاسىپورىندارعا قاراتا، نەگىزگى ەلەكتر اقىسىن ەسەپتەۋ تاسىلىندە پەريودىن وزگەرتۋ جانە سيىمدىلىعىن ازايتۋ (ۋاقىتشا توقتاتۋ) ۋاقىت شەكتەمەسى شەكتەۋى كەڭەيتىلەدى، ىندەتتەن ساقتانۋ - تىزگىندەۋ قاجەتىن قاناعاتتاندىرۋ ءۇشىن ءوندىرىس قۋاتىن كەڭەيتكەن كاسىپورىندارعا قاراتا، ءىس جۇزىندەگى ەڭ كوپ ەلەكتر پايدالانۋ مولشەرى توقتامداعى ەڭ كوپ قاجەت مولشەرىنىڭ شەكتەمەسىنە ۇشىرامايدى، اسىپ كەتكەن ءبولىمى ناقتى جاعداي بويىنشا ەسەپتەلەدى؛ ىندەت ىقپالىنا ۇشىراپ، ءوندىرىس تيجاراتىندا ۋاقىتشا قيىنشىلىق تۋىلىپ، ءوندىرىس تيجاراتىنا قاجەتتى ەلەكتر اقىسىن تولىق تاپسىرا المايتىن ورتا، شاعىن، ۇساق كاسىپورىنداردىڭ كەزەڭگە ءبولىپ كەشىكتىرىپ تاپسىرۋدى ءوتىنىش ەتۋىنە بولادى، كەشىكتىرىپ تاپسىرۋ كەزىندە ”اقى تاپسىرماعانىمەن قامداۋدى توقتاتپاۋ“ ساياساتى اتقارىلادى.

  1 - توقساندا تۇتاس شينجياڭدا ەنەرگيانى كوپ سارىپ ەتەتىن كاسىپ سالالارىنان سىرت، ادەتتەگى ونەركاسىپ - ساۋدا كاسىبى، سوندا - اق باسقا دا ەلەكتر باعاسى مەن ءىرى ونەركاسىپ ەلەكتر باعاسى تومەندەتىلەتىن ەلەكتر پايدالانۋشىلار 670 مىڭ بولىپ، تومەندەتىلگەن اقى سوماسى 96 ميلليون 265 مىڭ 900 يۋان بولدى؛ قولداۋ سيپاتتى ەكى ءتۇرلى تۇزىمدەگى ەلەكتر باعا ساياساتى بويىنشا ەلەكتر پايدالانۋشىلاردان تومەندەتكەن ەلەكتر اقى شىعىنى 10 ميلليون 501 مىڭ 900 يۋان بولدى. جالپى 114 ورتا، شاعىن، ۇساق كاسىپورىنعا بىتىرگەن ەلەكتر اقىسىن كەشىكتىرىپ تاپسىرۋ سوماسى 74 ميلليون 732 مىڭ 400 يۋان بولىپ، 114 كاسىپورىندى قىسقا مەرزىمدى ءوسىمسىز قارىز اقشامەن قامداۋمەن بارابار بولىپ، كاسىپورىننىڭ ناق اقشا اينالىمى كەمشىل بولۋ ماسەلەسىن جەڭىلدەتتى.

  قاتىستى قولداۋ ساياساتىن اتقارۋ 6 - ايدىڭ 30 - كۇنى اياقتايدى، ساياساتتىڭ پايداسىنان يگىلىكتەنەتىن قاريدارلار مەجەمەن 850 مىڭنان اسىپ، كاسىپورىنداردىڭ جالپى ەلەكتر اقى شىعىنىن 504 ميلليون يۋان تومەندەتەدى.

جاۋاپتى رەداكتور: ريزا حاميت
  • 1
  • 2
  • 3
  • 4