تاماشا تازالىق ادەتىن سانالى ارەكەتكە اينالدىرايىق

تاماشا تازالىق ادەتىن سانالى ارەكەتكە اينالدىرايىق

□ شۇي چيڭگۋاڭ

  ”قولدى ءجيى جۋۋ، ماسكى تارتۋ، اۋا الماستىرىپ تۇرۋدان“ ”كەز كەلگەن جەرگە تۇكىرمەۋ، الباتى قوقسىق تاستاماۋعا“، ودان ”جوتەلگەندە، تۇشكىرگەندە قاعازبەن نەمەسە جەڭىمەن اۋىز - مۇرىندى باسۋعا“ دەيىن، تاياۋدا اۆتونوميالى رايوننىڭ وتانشىلدىق تازالىق قيمىلى كوميتەتى كەڭسەسى شىعارعان «32 - رەتكى وتانشىلدىق تازالىق ايى قيمىلىن ورىستەتۋ جونىندەگى ۇندەۋ حاتىنىڭ» ماڭىزدى ءبىر مازمۇنى جامان ادەتتەردەن تيىلىپ، تاماشا تازالىق ادەتىن جەتىلدىرۋ بولدى.

  جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بارىسىندا، ءبىزدىڭ ماڭىزدى ءبىر تاجىريبەمىز بارلىق ادام ءوز اقاۋسىزدىعىنىڭ ءبىرىنشى جاۋاپكەرى بولۋ، عىلىمعا قۇرمەت ەتۋ، قاراپايىم ساۋاتتاردى قادىرلەۋ، تۇرمىستاعى ۇساق - تۇيەك ىستەردەن باستاپ، قورعانۋعا ءمان بەرىپ، تازالىقتى دارىپتەۋ. ءار ۇلت كادرلار مەن بۇقاراسىنىڭ ورتاق قۇلشىنۋىندا، قازىر رايونىمىزدىڭ ىندەتتەن ساقتانۋ - تىزگىندەۋ جاعدايى ءۇرتىس جاقساردى، دەسەدە، حاۋىپ - قاتەر ءالى ساقتالۋدا. ەگەر سالعىرتتىق، بەيعامدىق ىستەپ، باق سىناپ، ساقتانۋ، قورعانۋدى بۇكىلدەي توقتاتىپ، بويدى كەڭگە سالاتىن قاتە كوزقاراستا بولساق، وندا ءوزىمىزدىڭ قورعانىس شەبىمىزدى بوساڭسىتىپ، ۆيرۋستىڭ ”شابۋىلداۋىنا ”وراي ازىرلەپ بەرگەنمەن تەڭ بولامىز. ءوزىمىزدىڭ، وتباسىمىزداعىلاردىڭ، وزگەلەردىڭ سالاماتتىعى ءۇشىن، ءسوز جوق، باستان - اياق اباي بولىپ، كەيبىر نەگىزگى تازالىق، ساقتانۋ - قورعانۋ شارالارىن، ءسوز، جوق، بۇلجىتپاي تياناقتاندىرۋىمىز كەرەك.

  ءىس جۇزىندە، اقاۋسىز تۇرمىس ءتاسىلىن جەتىلدىرۋ، تاماشا تازالىق ادەتىن قالىپتاستىرۋ ءارقانداي ۋاقىتتا دا سالاماتتىقتى ساقتاۋدىڭ، اۋرۋدان ساقتانۋدىڭ ءونىمدى ءتاسىلى. زەرتتەۋدەن ادام دەنەسىنىڭ اقاۋسىزدىعىنا ىقپال جاسايتىن فاكتورلاردىڭ ىشىندە ءىس - ارەكەت پەن تۇرمىس ءتاسىلى %60تى ۇستايتىندىعى بايقالعان. سوندىقتان ىندەتتەن ساقتانۋ - تىزگىندەۋ كەزىندە ءبىز قالىپتاستىرعان كەيبىر تاماشا تازالىق ادەتتەرىمىزدى ۇزدىكسىز ساقتاۋىمىز اسا قاجەتتى، ونى تۇتاس قوعامنىڭ سانالى ارەكەتىنە اينالدىرىپ، سالاماتتى شينجياڭ قۇرۋعا بەرىك نەگىز قالاۋىمىز كەرەك.

(”لەپتى لەبىز“ ماقالا قابىلداۋ حات ساندىعى: xjrbplb@126.com)

جاۋاپتى رەداكتور: ريزا حاميت
  • 1
  • 2
  • 3
  • 4