اكپار عوپۇر تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان ايدالدى

اۆتونوميالى رايوندىق بۇرىنعى ەگىن شارۋاشىلىعى مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى

اكپار عوپۇر تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان ايدالدى

  ءوز حابارىمىز. تاياۋدا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇرىنعى اۆتونوميالى رايوندىق ەگىن شارۋاشىلىعى مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى اكپار عوپۇردىڭ تارتىپكە، زاڭعا اۋىر قايشىلىق جاساۋ ماسەلەسىن دەلو تۇرعىزىپ، تەكسەرۋ جانە تەكتەۋ جۇرگىزدى.

  تەكسەرۋگە قاراعاندا، اكپار عوپۇر مۇرات - سەنىمنەن ايرىلىپ، ساياسي تانىمنان، پارتيالىلىق پرينسيپتەن جۇرداي بولىپ، ۇيىمنىڭ تەكسەرۋىنە قارسى تۇرعان، ءتىل بىرىكتىرىپ، دالەل - سىپاتتاردى جىمىقتىرعان، جاسىرعان؛ ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جاساۋ مۇمكىندىگى بار تارتۋ - تارالعى، اقشا العان؛ جەكە باسىنىڭ قاتىستى ىستەرىن شىنايى مالىمدەمەگەن، كادرلاردى تاڭداۋ، ىستەتۋ بارىسىندا باسقالارعا پايدا جەتكىزگەن ءارى مال - مۇلىك العان؛ تۋىستارىنىڭ ناقتى قىزمەت ىستەمەسە دە ەڭبەكاقى الۋىن ءۇنسىز قۇپتاعان، باسقارۋ جانە قىزمەت وتەۋ وبيەكتىسىنىڭ تۇرعىن ءۇيىن پايدالانىپ، بەلگىلەمەگە قايشى پايدا تابۋ قيمىلىمەن اينالىسىپ پايدا تاپقان، قىزمەت ۇقىعىنان نەمەسە قىزمەتتەگى ىقپالىنان پايدالانىپ، تۋىستارىنا پايدا جەتكىزگەن، تۇرعىن ءۇي ءبولۋ، ساتىپ الۋ بارىسىندا مەملەكەت مۇددەسىنە سۇعاناقتىق جاساعان، ءوزىنىڭ نەمەسە تۋىستارىنىڭ ءوزى تولەۋگە ءتيىستى اقىلاردى وزگە ورىندارعا تولەتكەن؛ ارانى اشىلىپ، قىزمەت قولايلىلىعىنان پايدالانىپ، وزگەلەردەن قوماعايلىقپەن مال - مۇلىك العان.

  اكپار عوپۇر پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە اۋىر دارەجەدە قايشىلىق جاساپ، قىزمەت مىندەتى كولەمىندە زاڭعا اۋىر قايشىلىق جاساۋدى قالىپتاستىرعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، قولىن تارتپاعان، سيپاتى ناشار، قىلمىسى اۋىر، قاتاڭ ءبىر جايلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتى قاتىستى بەلگىلەمەلەر بويىنشا، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتتىڭ ماجىلىسىندە اقىلداسىپ ءارى اۆتونوميالى رايوندىق پارتكومعا جولداپ بەكىتتىرىپ، اكپار عوپۇرعا پارتيادان ايداۋ جازاسىن بەرۋدى؛ بەلگىلەمە بويىنشا ونىڭ يگىلىكتەنەتىن مامىلەلەرىن كۇشىنەن قالدىرۋدى؛ ونىڭ تارتىپكە، زاڭعا قايشىلىق جاساپ تاپقان كىرىستەرىن ءمۇسادىرالاۋدى؛ ونىڭ قىلمىسقا شاتىلعان ماسەلەلەرىن پروكۋراتۋرا ورگانىنىڭ زاڭ بويىنشا تەكسەرىپ، ايىپتاۋىنا تاپسىرۋدى، بۇعان ساياتىن مال - مۇلىكتى دەلومەن بىرگە وتكىزىپ بەرۋدى ۇيعاردى.

جاۋاپتى رەداكتور: ريزا حاميت