بۇكىل رايونىمىزدا كوكتەمگى ەگىس اياق الىسى بىلتىرعى سايكەس مەزگىلدەگىدەن تەز بولدى

بۇكىل رايونىمىزدا كوكتەمگى ەگىس اياق الىسى بىلتىرعى سايكەس مەزگىلدەگىدەن تەز بولدى

5 ميلليون 90 مىڭ 700 مۋ جەرگە تۇقىم ءسىڭىرىلدى، سايكەس مەزگىلدەگىدەن 700 مىڭ 200 مۋ ارتىق بولدى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ ي 4 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، 4 - ايدىڭ 3 - كۇنىنە دەيىن بۇكىل رايونىمىزدا ەگىس داقىلدارىنىڭ كوكتەمگى ەگىلۋ اۋماعى 5 ميلليون 90 مىڭ 700 مۋعا جەتىپ، بىلتىرعى سايكەس مەزگىلدەگىدەن 700 مىڭ 200 مۋ جەرگە ارتىق ەگىلگەن، جازدىق ءبيداي، جۇگەرى، ماقتا سياقتى كوكتەمدە ەگىلەتىن نەگىزگى داقىلداردىڭ تۇقىم ءسىڭىرىلۋ قارقىنى بىلتىرعى سايكەس مەزگىلدەگىدەن تەز بولدى، وڭتۇستىك شينجياڭنىڭ دۇمبە ءبيدايى جىلداعىدان ەرتە بوي تارتتى، سولتۇستىك شينجياڭنىڭ دۇمبە ءبيدايى تۇگەلدەي كوكتەدى، ءبىر ءبولىمى بوي تارتا باستادى.

  تانىستىرۋعا قاراعاندا، بيىل بۇكىل رايونىمىزدىڭ اۋىل شارۋاشىلىعى، اۋىل - قىستاق تاراۋلارى كوكتەمگى اۋىل شارۋاشىلىق ءوندىرىسىنىڭ ءتۇرلى قىزمەت ورنالاستىرۋلارىن كۇش سالا تياناقتاندىرعان، ىندەت تۋدىرعان ءتيىمسىز ىقپالدى جەڭۋدىڭ، ونىڭ ۇستىنە وڭتۇستىك شينجياڭ وڭىرىندە تاياۋ مەزگىلدە تەمپەراتۋرانىڭ ورلەۋى ءبىرشاما تەز بولۋدىڭ ارقاسىندا بۇكىل رايوننىڭ تۇتاس تۇلعالىق كوكتەمگى ەگىس اياق الىسى بىلتىرعى سايكەس مەزگىلدەگىدەن 3 تە 5 كۇن ەرتە بولعان. كەزەكتە وڭتۇستىك شينجياڭ وڭىرىندە جازدىق ءبيداي ەگىلىپ بولدى، جۇگەرى مەن ماقتا تۇقىم ءسىڭىرۋدىڭ قاۋىرت مەزگىلىنە وتەدى، سولتۇستىك شينجياڭدا كوكتەمگى ەگىس جۇمىسى بىرتىندەپ ورىستەتىلدى، مەجەمەن 4 - ايدىڭ ورتا شەنىندە قاۋىرت تۇقىم ءسىڭىرۋ مەزگىلىنە وتەدى.

  كەزەكتە بۇكىل رايونىمىزداعى اۋىل شارۋاشىلىق ءوندىرىس قۇرال - جابدىقتارىن ءوندىرۋ كاسىپورىندارى جۇمىستى، ءوندىرىستى تارتىپپەن قالپىنا كەلتىردى، اۋىل شارۋاشىلىق ءوندىرىس قۇرال - جابدىقتارىن تاسىمالداۋ ارناسى اناعۇرلىم ىركىلىسسىزدەندى، اۋىل شارۋاشىلىعى، اۋىل - قىستاق تاراۋلارى قاتىستى تاراۋلارمەن بىرگە ءبىر تۇتاس جوسپارلاپ ورنالاستىرۋ جاساپ، جەدەل اڭىس قايتارىپ، اۋىل شارۋاشىلىق دارىلەرى، حيميالىق تىڭايتقىش، سۋلياۋ جارعاق سياقتى اۋىل شارۋاشىلىعىنا پايدالاناتىن زاتتىق ماتەريالداردى جەتكىلىكتى دايىندادى. ەڭ جاڭا ورنالاستىرۋ ساندى مالىمەتىندە كورسەتىلۋىنشە، بۇكىل رايونىمىزدىڭ اۋىل شارۋاشىلىق دارىلەرى، حيميالىق تىڭايتقىش سياقتى نەگىزگى اۋىل شارۋاشىلىق زاتتىق ماتەريالدارى ونىمدەرى قورى مولشەرى مەجەدەگى پايدالانۋ مولشەرىنەن 5 پايىز اسىپ، كوكتەمگى ەگىس ءوندىرىسىنىڭ قاجەتىن تولىق قامتاماسىز ەتۋگە بولادى ەكەن.

  بۇكىل رايوندا دۇمبە ءبيداي سياقتى داقىلداردىڭ كوكتەۋى بىلتىرعىدان جاقسى بولدى. بۇكىل رايونداعى اۋىل شارۋاشىلىعى، اۋىل - قىستاق تاراۋلارى تۇرگە ايىرىپ جەتەكشىلىك ەتۋدى كۇشەيتتى، وڭتۇستىك شينجياڭ ءوڭىرى كوكتەمگى سۋارۋ جانە ءبيداي سياقتى قىستىق داقىلدار ەگىنجايىن باسقارۋدى ءتۇيىندى ۇيىمداستىرىپ ويداعىداي يگەرىپ، جارامدى مايسالاردى جەتىلدىرىپ، ءبىرىنشى، ەكىنشى تۇردەگى مايسانىڭ ارا سالماعىن جوعارىلاتتى. سولتۇستىك شينجياڭ ءوڭىرى اۋىل شارۋاشىلىق ءوندىرىس قۇرال - جابدىقتارىن ءوندىرۋدى، قامداۋدى جانە دايىنداۋدى ءتۇيىندى ۇيىمداستىرىپ، اۋىل شارۋاشىلىق جاعدايى ينفورماتسياسىن جايعاستىرۋ تەبىنىن ارتتىرىپ، كوكتەمگى اۋىل شارۋاشىلىق ءوندىرىسىنىڭ ءتارتىپتى جۇرگىزىلۋىنە شىنايى كەپىلدىك ەتتى.

  بيىل بۇكىل رايون اۋىل شارۋاشىلىعىنا تەحنيكالىق قىزمەت وتەۋ وي جەلىسىن ۇزدىكسىز جاڭالاپ، جەلىدە، جەلىدەن تىسقارىنى ءوزارا ۇشتاستىرۋ ءتاسىلىن قولدانىپ، اۋىل شارۋاشىلىق ءوندىرىس تەحنيكاسىن ەگىنشىلەرگە دەر كەزىندە جەتكىزىپ، كوكتەمگى ەگىس وندىرىسىنە تەحنيكالىق قولداۋ كورسەتەدى. سونىمەن بىرگە، ەگىنشىلىك ءىرى وتباسىلارى، ەگىنشىلەر سەلبەستىك كووپەراتيۆى، ماماندانعان قىزمەت وتەۋ ۇيىمى سياقتى جاڭاشا تيجارات نەگىزگى تۇلعالارىنىڭ ۇلگى كورسەتۋ، جەتەكتەۋ رولىن تولىق ساۋلەلەندىرىپ، مەزگىلگە، جەرگە، مايساعا قاراي ءتۇيىندى تەحنيكا شاراسىن تياناقتاندىرىپ، تۇتاس جىلدىق اۋىل شارۋاشىلىعىنان مول ءونىم الۋعا نەگىز قالايدى.

جاۋاپتى رەداكتور: ريزا حاميت
  • 1
  • 2
  • 3
  • 4