رايونىمىزدا ورتاق ساقپى - قاسىق ىستەتۋ ارەكەتى قىزۋ ورلەۋگە كوتەرىلدى

3 - ايدىڭ 26 - كۇنى ءۇرىمجى قالاسى ميڭيۋان شياۋگازى اسحاناسىندا قىزمەتكەرلەر ورتاق ساقپى - قاسىق ىستەتۋ ۇگىت قۇلاقتاندىرۋىن جاپسىرۋدا. □ سۋرەتتى جالپىلىق اقپارات قۇرالدارى ءتىلشىسى زوۋ ي تۇسىرگەن

  گازەتىمىزدىڭ جالپىلىق اقپارات قۇرالدارى تىلشىلەرى جاۋ يۋە، يۇي شي 3 - ايدىڭ 28 - كۇنى ۇرىمجىدەن حابارلايدى. تاياۋدا ورتالىق وركەنيەت كەڭسەسىنىڭ ءبىر تۇتاس ورنالاستىرۋىنا ساي، بۇقارانىڭ مادەنيەت ورەسىن جوعارىلاتۋىنا جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا جەتەكشىلىك ەتىپ، ورتاق ساقپى ىستەتۋدى دارىپتەپ، مادەنيەتتى، اقاۋسىز تاماقتانىپ، الەۋمەتتىك دەنساۋلىق ساقتاۋ دەڭگەيىن جوعارىلاتۋ ءۇشىن، اۆتونوميالى رايوندىق وركەنيەت كەڭسەسى «ورتاق ساقپى ىستەتۋدى دارىپتەۋ الەۋمەتتىك يگىلىك جارناماسىن ۇگىتتەۋدى ورىستەتۋ جونىندەگى حابارلاندىرۋدى» جاريالاپ، ورتاق ساقپى اس - سۋ مادەنيەتى دارىپتەمەسىن جاپپاي العا قويدى.

  «حابارلاندىرۋدىڭ» نەگىزگى تاقىرىبى − ”ورتاق ساقپى ىستەتۋ، مادەنيەتتى اس - سۋ، اقاۋسىز تۇرمىس“. 3 - ايدىڭ 26 - كۇنىنەن باستاپ، بۇكىل شينجياڭداعى ءارقايسى ءىرى اقپارات قۇرالدارى ىلگەرىندى - كەيىندى ورتاق ساقپى ىستەتۋ ارەكەتى نەگىزگى تاقىرىپتىق الەۋمەتتىك يگىلىك جارناماسىن شىعاردى. گازەت، ينتەرنەت، جاڭا اقپارات قۇرالدارى سياقتىلار تۇس - تۇستان ”ورتاق ساقپى ارەكەتى، اس ۇستەلىندەگى مادەنيەت“، ”ورتاق ساقپى - قاسىق، ءسىز ات سالىسۋشىسىز، سونداي - اق يگىلىكتەنۋشىسىز“ سياقتى الەۋمەتتىك يگىلىك ۇگىتتەرىن شىعارىپ، قوعامدا ورتاق ساقپى - قاسىق ىستەتۋ اس - سۋ مادەنيەتى ارەكەتىنىڭ قىزۋ ورلەۋىن كوتەردى.

  قازىر ورتاق ساقپى - قاسىقتى اس ۇستەلىنىڭ ولشەمدى بولشەگى ەتۋدە، شينجياڭ اس - سۋ كاسىپورىندارىنىڭ ”ساقپى“ ارەكەتى ەرەكشە جىلدام بولدى.

  ”ازىق - تۇلىك قاينارىندىق اۋرۋدىڭ تارالۋىنان ساقتانۋ ءۇشىن، ءبىز ورتاق ساقپى - قاسىق ىستەتۋدى جانە ءبولىنىپ تاماقتانۋ ءتۇزىمىن كۇندەلىكتى اس - سۋ قىزمەت وتەۋىنە، باسقارۋىنا ەنگىزىپ، اس دايىنداۋ، قۋىرماشتاردى ۇستەلگە شىعارۋ، جۋۋ - زارارسىزداندىرۋ سياقتى ءارقايسى بۋىندارداعى قىزمەت وتەۋ تارتىبىندە تياناقتاندىردىق، سونداي - اق ەلەكتروندىق ەكران، اس ۇستەلىنىڭ كورسەتكىش تاقتاسى، ەلەكتروندىق اس بۇيىرۋ جۇيەسى سياقتى تاسىلدەر ارقىلى ۇگىت سەرپىنىن ارتتىردىق“، - دەدى 3 - ايدىڭ 27 - كۇنى ءۇرىمجى چاڭفۋگۇڭ مەيمانحاناسىنىڭ جاۋاپتىسى چۋە فىڭشيا تىلشىگە.

  ۇعىسۋعا قاراعاندا، كولەمدى اس - سۋ كاسىپورىندارى تۇرعىنداردى ورتاق ساقپى - قاسىق ىستەتۋدەي تاماشا تاماقتانۋ داعدىسىن جەتىلدىرۋگە بەلسەنە جەتەكشىلىك ەتىپ قويماي، ءىشىنارا شاعىن اسحانالاردىڭ، شاراپحانالاردىڭ، اسپۇزىلداردىڭ، اۋەلى، قالا ماڭىنداعى شارۋالار شاتتىعى ساياجايىنىڭ قوجايىندارى دا ”ساقپى“ ارەكەتىنە بەلسەنە، ىرىقتىلىقپەن قاتىناسقان.

  ”حاۋىپسىز تاماقتانۋ شاراسى كىشى - گىرىم ءىس ەمەس، جايشىلىقتا ’كىشكەنتاي داعدى‘ بولعاندا عانا ’ۇلكەن مادەنيەتتى‘ ىلگەرىلەتۋگە بولادى“. يۋانشان ياڭشىڭ رەستورانىنىڭ ورىنباسار باس ديرەكتورى دۋ جينفىڭ مىنالاردى ءبىلدىردى: ءداستۇرلى بىرىگىپ تاماقتانۋ، ورتاق تاماقتانۋ تاسىلىندە بەلگىلى قاتەر بار. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مادەنيەتتى تاماقتانۋ داعدىسىن قايتا قالىپتاستىرۋداي قوعامدىق ورتاق تانىم ۇيىستىردى، قالىڭ اس - سۋ كاسىبىمەن شۇعىلدانۋشىلاردى قوعامدىق جاۋاپكەرشىلىكتى ىرىقتىلىقپەن اتقارىپ، اۋقىمعا قاراي ءىس ىستەپ، ىرىقتىلىقپەن ىسكەرلىك كورسەتىپ، مادەنيەتتى اس ۇستەلىنىڭ جاڭا سالتىن ورناتۋدى ىلگەرىلەتۋدى دارىپتەيمىز.

جاۋاپتى رەداكتور: ريزا حاميت