3 - كاسىپ سالاسى رايونىمىزدىڭ حالىق شارۋاشىلىعىنداعى ءبىرىنشى ءىرى كاسىپ سالاسىنا اينالدى

اۆتونوميالى رايون 4 - رەتكى مەملەكەت بويىنشا ەكونوميكانى جاپپاي تەكسەرۋدە ماڭىزدى جەتىستىككە قول جەتكىزدى

3 - كاسىپ سالاسى رايونىمىزدىڭ حالىق شارۋاشىلىعىنداعى ءبىرىنشى ءىرى كاسىپ سالاسىنا اينالدى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ شياڭ 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 25 - كۇنى اشىلعان اۆتونوميالى رايوننىڭ 4 - رەتكى مەملەكەت بويىنشا ەكونوميكانى جاپپاي تەكسەرۋ ماڭىزدى جەتىستىكتەرى جونىندەگى اقپار جاريالاۋ ماجىلىسىنەن ۇعىسۋعا قاراعاندا، تۇتاس رايونىمىزداعى 23 مىڭ جاپپاي تەكسەرۋشى قىزمەتكەردىڭ جاپالى قۇلشىنىسىنىڭ ارقاسىندا، اۆتونوميالى رايون 4 - رەتكى مەملەكەت بويىنشا ەكونوميكانى جاپپاي تەكسەرۋدە مول، شىنايى ءارى تولىق ماتەريالدارعا جانە ماڭىزدى جەتىستىكتەرگە قول جەتكىزگەن. بۇل جولعى جاپپاي تەكسەرۋ ساندى مالىمەتىندە كورسەتىلۋىنشە، 2018 - جىلدىڭ سوڭىندا رايونىمىزدىڭ 3 - كاسىپ سالاسىنىڭ كاسىپتىك قيمىلى بىرلىك ساننىڭ 2 -، 3 - كاسىپ سالاسى جالپى سانىندا ۇستاعان سالىستىرماسى %85.4كە، 3 - كاسىپ سالاسى زاڭدىق يە ورنىنىڭ مال - مۇلىك جالپى سانى سالىستىرماسى %74.7كە، كاسىپپەن شۇعىلدانعانداردىڭ سالىستىرماسى %70.8كە جەتكەن، 3 -كاسىپ سالاسى رايونىمىزدىڭ حالىق شارۋاشىلىعىنداعى ءبىرىنشى ءىرى كاسىپ سالاسىنا اينالعان.

  تانىستىرۋعا قاراعاندا، وسى جولعى جاپپاي تەكسەرۋ − رايونىمىزدىڭ 2 - كاسىپ سالاسىنىڭ جانە 3 - كاسىپ سالاسىنىڭ دامۋ كولەمىن، ورنالاستىرىلۋىن جانە ونىمدىلىگىن اداقتاپ، كاسىپ سالاسى ۇيىمىنىڭ، كاسىپ سالاسى قۇرىلىمىنىڭ، كاسىپ سالاسى تەحنيكاسىنىڭ، كاسىپ سالاسى كۇيىنىڭ قازىرگى جاعدايىن، سونداي - اق ءتۇرلى ءوندىرىس فاكتورلارىنىڭ قالىپتاسۋىن ۇعىسىپ، رەفورمانىڭ، دامۋدىڭ تىڭ ىلگەرىلەۋشىلىكتەرىن جالپى بەتتىك، ءدال بەينەلەپ، ماكرولىق رەتتەۋ - مەڭگەرۋدى كۇشەيتىپ جانە جاقسارتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ورتاشا، ۇزاق مەرزىمدىك دامۋ جوباسىن عىلمي جاساپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە عىلمي دا دۇرىس سان ازىرلەۋ ارقىلى قولداۋ كورسەتۋدى ماقسات ەتكەن.

  وسى جولى جاپپاي تەكسەرۋ وبيەكتىلەرى تۇتاس رايونىمىزداعى 2 - كاسىپ سالاسى مەن 3 - كاسىپ سالاسىنداعى بارلىق زاڭدىق يە ورىندار، كاسىپ سالاسى قيمىلىمەن اينالىساتىن ورىندار جانە جەكە تيجاراتشىلار. جاپپاي تەكسەرۋدەگى ولشەمدى ۋاقىت ءتۇيىنى 2018 - جىلى 12 - ايدىڭ 31 - كۇنى، جاپپاي تەكسەرۋ مەرزىمىندەگى ماتەريالدار 2018 - جىلعى ماتەريالدار.

جاۋاپتى رەداكتور: ريزا حاميت