اۆتونوميالى رايوندىق 13 - كەزەكتى حالىق ۇكىمەتى 82 - رەتكى ۇنەمىلىك ىستەر ءماجىلىسىن اشتى

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 3 - ايدىڭ 25 - كۇنى ۇرىمجىدەن حابارلايدى. 3 - ايدىڭ 23 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 82 - رەتكى ۇنەمىلىك ىستەر ءماجىلىسىن باسقارىپ اشىپ، شينجياڭنىڭ اۋىل شارۋاشىلىق ونىمدەرىن سىرتقا ساتۋ تۇعىرى قۇرىلىسىن ىلگەرىلەتۋ، جوعارى ولشەمدى ەگىنجاي قۇرىلىسىن كۇشەيتۋ سياقتى قىزمەتتەردى اقىلداستى.

  ءماجىلىس مىنالاردى اتاپ كورسەتتى: سوڭعى جىلدارى اۋىل شارۋاشىلىعىندا قامداۋ جاعىنداعى قۇرىلىمدىق رەفورمانىڭ ىشكەرىلەي ىلگەرىلەتىلۋىنە ساي، شينجياڭنىڭ ەرەكشە اۋىل شارۋاشىلىق ونىمدەرىنىڭ ءونىم مولشەرى ۇزدىكسىز ارتىپ، ونىمدەردىڭ بازاردا جالپىلاسۋ كولەمى، رايون ءىشى - سىرتىنداعى تانىمالدىلىعى، ساتىلۋ مولشەرى ۇزدىكسىز جوعارىلاپ، شينجياڭنىڭ ەرەكشە اۋىل شارۋاشىلىق ونىمدەرىنىڭ بازارداعى باسەكەلىك قۋاتى تىنباي ارتتى. اۋىل شارۋاشىلىعىن كاسىپ سالالاندىرىپ شارۋاشىلىق جۇرگىزۋدى ىلگەرىلەتۋدى، اۋىل شارۋاشىلىق قوسىمشا ونىمدەرىن جىنتىكتەي مانەرلەۋدى دامىتۋدى نەگىزگى قامال الۋ باعدارى ەتۋگە تاباندى بولىپ، اۋىل شارۋاشىلىق ونىمدەرىن شينجياڭنىڭ ىشىندە ساتىپ الۋ جانە شينجياڭنىڭ سىرتىنا ساتۋ سىندى ”ەكى توردى“ قۇرۋدى اناعۇرلىم جەدەلدەتىپ، سىرتقا ساتۋ تۇعىرىن شىن مانىندە بەكەمدەپ، جوعارىلاتىپ، اۋىل شارۋاشىلىق ونىمدەرىنىڭ بازارعا ءورىس اشۋىن ىشكەرىلەتىپ، كاسىپ سالاسى تىزبەگىن تىنباي ۇزارتىپ، قۇن تىزبەگىن جوعارىلاتىپ، مۇددە تىزبەگىن كەمەلدەندىرىپ، اۋىل شارۋاشىلىعىنىڭ جالپىلىق ونىمدىلىگىن جوعارىلاتۋ كەرەك. اسىرەسە، وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردە، قاتىستى ورىندار مەن تاراۋلار نىسانا، مىندەتتەردى قاداعالاپ، نازاردى اۋىر كەدەيلىككە شوعىرلاندىرىپ، شينجياڭعا كومەكتەسۋ باسىمدىعىن ۇتىمدى پايدالانىپ، اۋىل شارۋاشىلىق ونىمدەرىن سىرتقا ساتۋ تۇعىرى قۇرىلىسىن زور كۇشپەن ىلگەرىلەتىپ، ءوندىرۋ مەن ساتۋدى ۇشتاستىرۋدى ويداعىداي ۇيىمداستىرىپ، شينجياڭ مەن ىشكى وڭىرلەر بازارىنىڭ باياندى سەلبەستىك مەحانيزمىن ورناتىپ، شينجياڭنىڭ اۋىل شارۋاشىلىق ونىمدەرىنىڭ ساتىلۋ ارناسىن ىركىلىسسىزدەندىرىپ، كەدەيلەردى سۇيەمەلدەۋدىڭ دالمە - دالدىگىن جوعارىلاتىپ، ەرەكشە اۋىل شارۋاشىلىق ونىمدەرىن ”ساتۋعا“، ”جاقسى ساتۋعا“ مۇمكىندىك جاساپ، كەدەي بۇقارانىڭ كەدەيلىكتەن ارىلىپ، كىرىسىن ارتتىرۋىن ءونىمدى تۇردە دەمەپ، كەدەيلىكتەن ارىلتۋ جەتىستىكتەرىن بەكەمدەپ، كەدەيلىكتەن ارىلتۋدان قامال الۋ شايقاسىندا دەر كەزىندە جوعارى ساپامەن جەڭىسكە جەتۋگە شىنايى كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: اۆتونوميالى رايونداعى قاتىستى ورىندار مەن تاراۋلار جوعارى ولشەمدى ەگىنجاي قۇرىلىسىنىڭ جاعدايىن تەكسەرۋ قىزمەتىن تىڭعىلىقتى ورىستەتىپ، ءبىر تۇتاس جوسپارلاپ، ورنالاستىرىپ، قۇرىلىس ولشەمىن بىرلىككە كەلتىرىپ، ءبىر تۇتاس ۇيىمداستىرىپ اتقارىپ، ءبىر تۇتاس تەكسەرىپ وتكىزىپ الىپ، ءبىر تۇتاس سحەماعا ءتۇسىرىپ، قامباعا ەنگىزىپ شوعىرلى ءبىر تۇتاس جوعارى ولشەمدى باسقارۋ جاڭا ءتۇزىلىسىن ورناتۋ كەرەك. قازىنالىق ۇسىنىلىممەن قامتاماسىز ەتۋدى كۇشەيتىپ، كوپ نەگىزدى ۇسىنىلىم مەحانيزمىن ورناتىپ، وڭتۇستىك شينجياڭداعى 4 ايماق - وبلىستىڭ اۋىل شارۋاشىلىعىندا جوعارى ءونىمدى سۋ ۇنەمدەۋ ينجەنەرياسى قۇرىلىسىن وسى زامانعى اۋىل شارۋاشىلىعى كاسىبىن دامىتۋمەن تىعىز ۇشتاستىرۋدى بەلسەنە ىلگەرىلەتىپ، جوعارى ءونىمدى سۋ ۇنەمدەۋ ءتۇزىلىسى مەحانيزمىن ورناتىپ جانە كەمەلدەندىرىپ، اۋىل شارۋاشىلىعى وندىرىسىندە نەگىزدى ۇنەمدەۋدى، ساپانى ءوسىرۋدى، ءتۇسىمدى ارتتىرۋدى، ونىمدىلىكتى ارتتىرۋدى جەبەۋ كەرەك.

  ءماجىلىس تاعى باسقا كەڭەستىك تاقىرىپتاردى اقىلداستى.

جاۋاپتى رەداكتور: ريزا حاميت
  • 1
  • 2
  • 3
  • 4