شينجياڭ رايونىنا قاراستى جوعارى مەكتەپتەر 2020 - جىلعى كوكتەمگى وقۋ ماۋسىمىندا 4 - ايدىڭ 8 - كۇنىنەن باستاپ ءبىر ۋاقىتقا شوعىرلانباي، كەزەك بويىنشا ىركەس − تىركەس وقۋ باستايدى

  ءوز حابارىمىز. 3 - ايدىڭ 25 - كۇنى اۆتونوميالى رايوندىق وقۋ - اعارتۋ مەڭگەرمەسى حابارلاندىرۋ شىعارىپ، اۆتونوميالى رايونعا قاراستى جوعارى مەكتەپتەردىڭ 2020 - جىلعى كوكتەمگى وقۋ ماۋسىمىندا 4 - ايدىڭ 8 - كۇنىنەن باستاپ ءبىر ۋاقىتقا شوعىرلانباي، كەزەك بويىنشا ىركەس - تىركەس وقۋ باستاۋىن ايقىن العا قويدى. ءارقايسى مەكتەپتەردىڭ ناقتى وقۋ باستاۋ ۋاقىتىن سول مەكتەپ ىندەتتەن ساقتانۋ - تىزگىندەۋ جانە وقىتۋ جۇمىسى، وقىتۋ دايىندىق جاعدايىنا نەگىزدەلە وتىرىپ تۇراقتاندىرادى، سونداي - اق وقىتۋشى - وقۋشىلارعا الدىن الا حابارلايدى.

  حابارلاندىرۋدا مىنالار تالاپ ەتىلدى: جەر - جەر، ءارقايسى مەكتەپتەر قاراستىلىعى بويىنشا باسقارۋ پرينسيبىنە تاباندى بولىپ، جوعارى مەكتەپتەردىڭ تۇلعالىق جاۋاپكەرشىلىگىن تياناقتاندىرىپ، ءبىر مەكتەپتە ءبىر جوبا بولۋدى ورىنداپ، مەكتەپتەردىڭ ىندەتتەن ساقتانۋ - تىزگىندەۋ جانە وقۋ باستاپ، ساباقتى قالپىنا كەلتىرۋ قىزمەتىن بار كۇشپەن ويداعىداي ىستەۋلەرى ءتيىس. ىشكى وڭىرلەردەگى وقىتۋشىلار مەن وقۋشىلارعا قاراتا جاعدايعا قاراي وقۋ باستاۋ، تىزىمدەلۋ ۋاقىتىن كەشەۋىلدەتۋگە بولادى.

جاۋاپتى رەداكتور: ريزا حاميت
  • 1
  • 2
  • 3
  • 4