شينجياڭ تەمىر جولى ”3 جىلدىق جاسىل كاريدور قۇرىلىسىن“ ىلگەرىلەتتى

  گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ 3 - ايدىڭ 25 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋعا قاراعاندا، بيىل شينجياڭ تەمىر جولى مەرزىمى 3 جىلدىق جاسىل كاريدور قۇرىلىسىن ىشكەرىلەي ىلگەرىلەتىپ، تەمىر جول بويىندا جاسىلداندىرۋ ينجەنەرياسىن ورىستەتىپ، جاسىل كاريدور ارقىلى تەمىر جول حاۋىپسىزدىگىن قورعايدى ەكەن.

  جۋىق جىلداردان بەرى، شينجياڭ تەمىر جول قۇرىلىسىنىڭ تەز قارقىنمەن دامۋىنا ىلەسە، باسقارۋ اۋماعىنداعى لەنيا 6839 كيلومەترگە جەتتى، الايدا %80تەن استام لەنيا ءشول دالا، ءۇستىرت، سۋىق جانە سورتاڭ جەرلەردە. بوران، قۇم، سۋ اپاتى تەمىر جول تاسىمالىنىڭ ۇلكەن ارناسىنىڭ ىركىلسسىزدىگىنە اۋىر دارەجەدە ىقپال جاساۋدا.

  تەمىر جولدىڭ ەكى جاعالاۋىنا ىقتاسىن ورمانىن وتىرعىزۋ ارقىلى تەمىر جولدىڭ اپاتتان ساقتانۋ، اپاتقا توتەپ بەرۋ قۋاتىن ءونىمدى تۇردە جوعارىلاتۋعا بولادى. 2000 - جىلى شينجياڭ تەمىر جولى ”مىڭ شاقىرىمدىق جاسىل كاريدور“ قۇرىلىسىن ورىستەتكەن بولاتىن. بيىل شينجياڭ تەمىر جولى جاسىل كاريدور قۇرىلىسىن ىشكەرىلەي ىلگەرىلەتىپ، 3 جىل ۋاقىت جۇمساپ، تەمىر جول بويىن جاسىل ىقتاسىن ورمانعا اينالدىرۋدى جوسپارلادى.

  شينجياڭ تەمىر جولى 2000 - جىلدان بەرى وتىرعىزعان 1300 گەكتار، 483 كيلومەتر كەلەتىن جاسىلداندىرۋ ورمانىن تامشىلاتىپ سۋارۋ، تازارتۋ جابدىعىنىڭ پايدالانۋ جىل شەكتەمەسىنەن اسىپ كەتۋى، جاسىلداندىرۋ قۇدىعىنىڭ سۋ دەڭگەيى تومەن بولۋى، جاسىلداندىرۋ قۇبىر تورابىنىڭ، سۋ شىعارۋ جابدىعىنىڭ كونەرۋى سياقتى ماسەلەلەرگە قاراتا، بەلسەندىلىكپەن قارجى توپتاپ، قاتىستى تاراۋلاردى جۇمىس ءبولىسى بويىنشا رەمونتتاۋ، وڭاۋعا ۇيىمداستىرىپ، بۇرىن بار بولعان جاسىلداندىرۋ ورمانىن قايتادان قالپىنا كەلتىردى.

  جاڭادان سالىناتىن جاسىلداندىرۋ ورمانى نىسانىن توڭىرەكتەي وتىرىپ، شينجياڭ تەمىر جولى سىناق ءتۇيىنى قۇرىلىسىن ويداعىداي ىستەپ، قۇم اپاتى تۋىلاتىن جەر بولەگىندە سورتاڭ جەرگە ءتوزىمدى، شولگە ءتوزىمدى ىقتاسىن ورمان وتىرعىزىپ، سۋ قاينارىنىڭ تارالۋ جاعدايىنا نەگىزدەلە وتىرىپ، ءشوپ وسىرۋگە، ورمان وتىرعىزۋعا ۇيلەسىمدى بولۋ پرينسيبى بويىنشا سىناق ەتۋگە ۇيىمداستىردى؛ سۋ قاينارىنان پايدالانۋدى، سۋ قاينارى بار بەكەتتەردىڭ ەكى جاعالاۋىنا ىقتاسىن ورمان وتىرعىزۋدى ۇيىمداستىرۋدى بەلسەندى ىلگەرىلەتىپ، جاڭا سۋ قۇدىعى قۇرىلىسىن ويداعىداي يگەرىپ، سۋارۋ شارت - جاعدايى جەتكىلىكسىز جەر بولەگىندە وزىق تامشىلاتىپ سۋارۋ تەحنيكاسىن سىناق رەتىندە قولدانىپ، ورمان وتىرعىزۋ ساپاسىن جوعارىلاتتى.

  ”شينجياڭنىڭ تەمىر جول بويىنىڭ گەولوگيالىق شارت - جاعدايى كۇردەلى، ءبىز اۋماققا ءبولىپ سىناق جاساۋ ارقىلى بىرتىندەپ تاجىريبە توپتاپ، جاسىل كاريدوردىڭ ءشول دالادا تامىر تارتىپ وسۋىنە مۇمكىندىك جاراتتىق“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى جاسىلداندىرۋ كوميتەتى كەڭسەسىنىڭ ورىنباسار مەڭگەرۋشىسى ما يۇيلۇڭ.

جاۋاپتى رەداكتور: ريزا حاميت
  • 1
  • 2
  • 3
  • 4