ىندەتتەن ساقتانۋ - تىزگىندەۋگە ۇيلەسەتىن وقۋ - وقىتۋ ءتارتىبىن جانە ادام تاربيەلەۋ ورتاسىن قالىپتاستىرۋ كەرەك

لي پىڭشين ءۇرىمجى قالاسىنىڭ ءىشىنارا ورتا، باستاۋىش مەكتەپتەرىندە تەكسەرۋ - زەرتتەۋ جۇرگىزدى

ىندەتتەن ساقتانۋ - تىزگىندەۋگە ۇيلەسەتىن وقۋ - وقىتۋ ءتارتىبىن جانە ادام تاربيەلەۋ ورتاسىن قالىپتاستىرۋ كەرەك

  گازەتىمىزدىڭ جالپىلىق اقپارات قۇرالدارى ءتىلشىسى جاۋ جىيۇن 3 - ايدىڭ 23 - كۇنى ۇرىمجىدەن حابارلايدى. 3 - ايدىڭ 23 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءۇرىمجى قالالىق 1 - ورتا مەكتەپتە، 35 - باستاۋىش مەكتەپتە وقۋ باستاۋ، ساباقتى قالپىنا كەلتىرۋ قىزمەتىن تەكسەرىپ - زەرتتەدى. ول بىلاي دەپ باسا دارىپتەدى: پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، بۇكىل رايونداعى ورتا، باستاۋىش مەكتەپتەردىڭ ساباقتى جاپپاي قالپىنا كەلتىرۋ قىزمەتىن ساياسي مىندەت رەتىندە شىنايى، ويداعىداي يگەرىپ، ىندەتتەن ساقتانۋ - تىزگىندەۋگە ۇيلەسەتىن وقۋ - وقىتۋ ءتارتىبىن جانە ورتاسىن قالىپتاستىرىپ، مەكتەپتەردىڭ وقىتۋ ءتارتىبىنىڭ قالىپتى، وقىتۋشى - وقۋشىلاردىڭ دەندەرىنىڭ ساۋ بولۋىنا شىنايى كەپىلدىك ەتىپ، حاۋىپسىز، ءتارتىپتى، جاراسىمدى، ورنىقتى ادام تاربيەلەۋ ورتاسىن ازىرلەۋ كەرەك.

  لي پىڭشين ىرىقتى تۇردە دەنە تەمپەراتۋراسىن تەكسەرتىپ - ولشەتكەننەن كەيىن كلاس، جاتاق، اسحانا سياقتى ورىندارعا كىرىپ، مەكتەپتىڭ ىندەتتەن ساقتانۋ - تىزگىندەۋ جاعدايىن جانە وقۋ - وقىتۋدى ورىستەتۋ جاعدايىن ىشكەرىلەي ۇعىستى. ول ءار ۇلت وقۋشىلارىمەن اڭگىمەلەسكەندە مىنالاردى اتاپ كورسەتتى: جاقىندا بۇكىل رايوننىڭ ىندەتتەن ساقتانۋ - تىزگىندەۋ جاعدايىنىڭ ءۇرتىس جاقسارۋى، ءوندىرىس، تۇرمىس ءتارتىبىنىڭ جاپپاي قالپىنا كەلۋى، ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ ساباقتى جاپپاي قالپىنا كەلتىرۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل رايوندا جوعارى تومەن بولىپ بىرگە قۇلشىنۋىنىڭ ناتيجەسى. ول كوپشىلىكتى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، جان ۇيا − وتان سۇيىسپەنشىلىگىن جانە قوجايىندىق تانىمدى كۇشەيتىپ، ۋاقىتتى قاستەرلەپ، قۇلشىنا ۇيرەنىپ، دارىندى بولىپ ەسەيىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارى بولۋعا ىنتالاندىردى.

  لي پىڭشين مىنالاردى باسا دارىپتەدى: تومەنگى شەكتە ويلاۋ مەن حاۋىپ - قاتەر تانىمىن كۇشەيتىپ، مەكتەپتەردىڭ ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي، مىزعىماستان ويداعىداي يگەرۋ كەرەك. ىندەتتەن ساقتانۋ - تىزگىندەۋ ءتۇزىمىن ءۇرتىس كەمەلدەندىرىپ، ساقتانۋ - تىزگىندەۋ شارالارىن جاپپاي تياناقتاندىرىپ، مەكتەپتەردىڭ ىندەتتەن ساقتانۋ - تىزگىندەۋ قىزمەتىن جوعارى ولشەمدە ورىستەتىپ، دايىندىق جوبا ءتۇزىمىن تياناقتاندىرۋدى، سالاماتتىق باسقارۋدى تياناقتاندىرۋدى، ىندەتتەن ساقتانۋ قامتاماسىزدىعىن تياناقتاندىرۋدى، قورشاعان ورتانى وڭاۋدى تياناقتاندىرۋدى باتىل ورىنداپ، مەكتەپتەردىڭ ىندەتتى يكەمدى باقىلاۋ - ولشەۋ، ءتۇيىندى اۋماقتاردى، ورىنداردى زارارسىزاندىرۋ، ۆيرۋستى قۇرتۋ، اۋا الماستىرۋ، ىندەتتەن ساقتانۋ زاتتىق ماتەريالدارىن ۇلەستىرۋ، پايدالانۋ سياقتى قىزمەتتەردى ناقتاپ تياناقتاندىرۋ قاجەت. مەكتەپ اۋلاسىن باسقارۋدىڭ ءتۇرلى شارالارىن قاتاڭ اتقارىپ، ءتۇرلى حاۋىپسىزدىك حاۋىپ - قاتەرلەرىن، كومەسكى اقاۋلارىن جاپپاي الاستاپ، مەكتەپ اۋلاسى ماڭىنىڭ قورشاعان ورتاسىن وڭاۋدى كۇشەيتۋ ءتيىس.

  لي پىڭشين مىنالاردى باسا دارىپتەدى: وقۋ - وقىتۋدى عىلمي ۇيىمداستىرىپ ورىستەتىپ، ىندەت ىقپالىن ەڭ تومەنگى شەككە تۇسىرۋگە قۇلشىنۋ كەرەك. جەلىدە وقىتۋ مەن ساباقحانادا وقىتۋدى ءبىر تۇتاس جوسپارلاپ ۇشتاستىرىپ، وقىتۋ جوسپارىن رەتتەپ، ساپالىلاندىرىپ، وقىتۋ اياق الىسىن ۇيلەسىمدى يگەرىپ، وقىتۋ ۋاقىتىن عىلمي ورنالاستىرىپ، وقىتۋ ساپاسىنا كەپىلدىك ەتۋ قاجەت. وقىتۋشى بايلىعىن ۇيلەسىمدى سەپتەپ، وقىتۋ كۇشتەرىن ءبىر تۇتاس جوسپارلاپ ورنالاستىرىپ، وقۋ - وقىتۋدىڭ ءتارتىپتى جۇرىلۋىنە شىنايى كەپىلدىك ەتۋ ءتيىس. وقىتۋشى - وقۋشىلاردىڭ قاجەتتى قورعانۋىن ويداعىداي ىستەپ، شوعىرلى تاماقتانۋدان جانە توپتاسقان قيمىلداردان ساقتانۋ كەرەك. ىندەتتەن ساقتانۋ - تىزگىندەۋ بىلىمدەرىن، تاربيەسىن كۇشەيتىپ، عىلمي ساقتانۋ بىلىمدەرىن جالپىلاستىرىپ، وقۋشىلاردى تاماشا تازالىق ادەتىن قالىپتاستىرۋعا جەتەكتەۋ كەرەك.

  لي پىڭشين مىنالاردى باسا دارىپتەدى: ءار دارەجەلى پارتكومدار ساياسي دەڭگەيدى اناعۇرلىم جوعارىلاتىپ، ۇيىمدىق باسشىلىقتى كۇشەيتىپ، قاراستى ورىن جاۋاپكەرشىلىگىن بۇلجىماي ارقالاپ، اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ادا ەتۋدى ورىنداۋ كەرەك. ءار دارەجەلى وقۋ - اعارتۋ، اكىمشىلىك تاراۋلارى باسقارۋ جاۋاپكەرشىلىگىن تياناقتاندىرىپ، ءتۇرلى قىزمەت شارالارىنىڭ دالمە - ءدال، ناقتى تياناقتانۋىن ىلگەرىلەتۋگە جەتەكشىلىك ەتۋ كەرەك. ءارقايسى قاتىستى تاراۋلار تىعىز سايكەسىپ، ءوز جاۋاپكەرشىلىكتەرىن ارقالاپ، سايكەسە بىرگە ارەكەتتەنۋ قاجەت. ءار دارەجەلى، ءار تۇردەگى مەكتەپتەر ىندەتتەن ساقتانۋ - تىزگىندەۋدىڭ جانە وقۋ باستاۋ، ساباقتى قالپىنا كەلتىرۋدىڭ ءتۇرلى قىزمەتتەرىن ناقتى ويداعىداي ىستەپ، مەكتەپ اۋلاسىنىڭ حاۋىپسىز، وقىتۋدىڭ ءتارتىپتى، ىندەتتەن ساقتانۋدىڭ تياناقتى بولۋىنا شىنايى كەپىلدىك ەتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ بازاسىن باتىل ويداعىداي قورعاۋ كەرەك.

  اۆتونوميالى رايوننىڭ ورىنباسار ءتوراعاسى رىن حۋا تەكسەرۋ - زەرتتەۋدە بىرگە بولدى.

جاۋاپتى رەداكتور: ريزا حاميت