رايونىمىزداعى ەڭبەك شوعىرلانعان كاسىپ سالالارى حالىقتى اۋقاتتاندىرۋعا مىعىم تىرەك بولدى

كاسىپ سالاسىن شوعىرلاندىردى، جۇمىستانۋدى جەبەدى، كەدەيلىكتەن ارىلۋعا دەم بەردى

رايونىمىزداعى ەڭبەك شوعىرلانعان كاسىپ سالالارى حالىقتى اۋقاتتاندىرۋعا مىعىم تىرەك بولدى

□ گازەتىمىزدىڭ جالپىلىق اقپارات قۇرالدارى تىلشىلەرى

  كاسىپ سالاسىنىڭ دامۋى − كەدەي بۇقارانى كەدەيلىكتەن ارىلتۋعا شىنايى كەپىلدىك ەتۋدىڭ ءونىمدى جولدارىنىڭ ءبىرى. تاياۋ جىلداردان بەرى رايونىمىزدىڭ جەر - جەرى جەرگىلىكتى جاعدايعا قاراي ىستەپ، ەڭبەك شوعىرلانعان كاسىپ سالالارىن زور كۇشپەن دامىتىپ، كاسىپ سالاسى ارقىلى كەدەيلەردى سۇيەمەلدەۋدىڭ جاڭا ۇلگىسىن بەلسەنە قاراستىرىپ، جۇمىستاندىرۋ ارناسىن كەڭەيتىپ، نىسان ارقىلى كاسىپ سالاسىن جەتەكتەپ، كاسىپ سالاسى ارقىلى جۇمىستانۋدى ىلگەرىلەتىپ، جۇمىستانۋ ارقىلى حالىق تۇرمىسىن جاقسارتىپ، جەرگىلىكتى ورىنداعى كەدەي حالىقتىڭ كەدەيلىكتەن ارىلىپ، اۋقاتتانۋىن پارمەندى جەبەدى.

”تاماشا ورتا جاراتىپ قارجى قوسۋشىلاردى باۋراۋ“ كاسىپ سالاسىن شوعىرلاندىردى

  3 - ايدىڭ باسىندا، قاراقاش اۋدانى اياق كيىم كاسىپ سالاسى باقشاسىندا، رۇيشين اياق كيىمدەرى شەكتى سەرىكتەستىگىنىڭ سەحىندا ماشينالاردىڭ گۇرىلىنە اياق كيىمنىڭ تابانىن بالعامەن ۇرعىلاعان داۋىس قوسىلىپ، قىزمەتكەر روزىمامەت ءمامتىمىن جاتىق قيمىلمەن اياق كيىمنىڭ بەتىن تىگىپ جاتتى.

  بيىل 32 جاستاعى روزىمامەتتىڭ ءۇيى قاراقاش اۋدانى قويشى اۋىلى شىلان قىستاعىندا، 2019 - جىلى 6 - ايدا رۇيشين اياق كيىمدەرى شەكتى سەرىكتەستىگىنە جۇمىسقا تۇرعاننان بەرى، تۇرمىسى بارعان سايىن تولىسا ءتۇستى. ”باۋلۋدان كەيىن، مەن اياق كيىمنىڭ بەتىن تىگۋ تەحنيكاسىن ۇيرەنىپ الدىم. قازىر ايىنا 2000 يۋان ەڭبەكاقى الامىن، تۇرمىسىم بارعان سايىن جاقسارىپ كەلەدى“، - دەيدى روزىمامەت.

  ”تاماشا ورتا جاراتىپ قارجى قوسۋشىلاردى باۋراۋ“ ارقىلى ەڭبەك شوعىرلانعان كاسىپورىنداردىڭ ىرگە تەبۋىن جەدەلدەتىپ، كەدەيلەردى ۇيلەرىنىڭ ماڭىندا جۇمىستاندىرۋ − حوتان ايماعىنىڭ كەدەيلىكتەن ارىلتۋدان قامال الۋدى اتقارۋداعى ماڭىزدى شاراسى. جاقىنعى جىلداردان بەرى اتالعان ايماق سۋ، ەلەكتر اقىسىنا، زاۆود ۇيلەرى مەن جابدىقتارىنا، ەڭبەككۇشتەردى باۋلۋعا جاردەماقى بەرۋ سياقتى كوپ ءتۇرلى ءتيىمدى ساياسات شىعارىپ، كاسىپورىندار ءۇشىن جاقىننان قىزمەت وتەپ، كاسىپ سالاسىنىڭ كولەمدەنۋىن، شوعىرلانۋىن، جالپى كاسىپ تىزبەگىنىڭ دامۋىن ىلگەرىلەتتى. 2017 - جىلى اياق كيىم سياقتى ەڭبەك شوعىرلانعان كاسىپ سالالارىن ەنگىزگەننەن بەرى، حوتان ايماعىنىڭ توقىماشىلىق، كيىم - كەشەك، اياق كيىم كاسىبى، ەلەكتروندىق ونىمدەردى قۇراستىرۋ سياقتى ەڭبەك شوعىرلانعان كاسىپ سالالارى جوقتان بار بولىپ، كىشكەنەدەن زورايىپ، كوكتەمنەن كەيىنگى جاۋقازىنداي قاۋلاي دامىدى.

  كاسىپ سالاسى ارقىلى كەدەيلەردى سۇيەمەلدەۋ − كەدەيلىكتەن ارىلتۋداعى ەڭ ءونىمدى، ەڭ تەز جانە قايتا كەدەيلەسۋدەن ساقتانۋداعى ماڭىزدى ءتاسىل. قازىر وڭتۇستىك شينجياڭداعى 4 ايماق - وبلىستا حوتان ايماعى سياقتى ”تاماشا ورتا جاراتىپ قارجى قوسۋشىلاردى باۋراۋ“ ارقىلى ەنگىزىلگەن ەڭبەككۇش شوعىرلانعان كاسىپ سالالارى وتە كوپ.

زورايىپ، الۋەتتەنىپ، جۇمىستانۋعا دەم بەردى

  3 - ايدىڭ 13 - كۇنى قاراقاش اۋدانىنداعى شينجياڭ جينحۋارۇي حالىقارالىق ساۋدا شەكتى سەرىكتەستىگىنىڭ القا - مونشاق مانەرلەۋ سەحىندا قىزمەتكەرلەر قاربالاس جۇمىس ۇستىندە.

  ”سەرىكتەستىك سارى التىن ونىمدەرىنەن جىلىنا 1500 كيلوگرام ساتادى، ولار، باستىسى، حوتان، قاشقار، اقسۋ، ىلە سياقتى جەرلەرگە ساتىلادى“. شينجياڭ جينحۋارۇي حالىقارالىق ساۋدا شەكتى سەرىكتەستىگىنىڭ باس ديرەكتورى سادىردين روزىمامەتتىڭ تانىستىرۋىنشا، قازىر سەرىكتەستىكتىڭ جان باسىندىق ورتاشا ەڭبەكاقىسى 2300 يۋان اينالاسىندا ەكەن.

  3 - ايدىڭ 16 - كۇنى ياركەن شيۇڭيىڭ توقىماشىلىق شەكتى جاۋاپكەرشىلىك سەرىكتەستىگىنىڭ زاۆود ۇيىندە تىگىن ماشينالارى توقتاماي سىرتىلداپ، قىزمەتكەرلەر سىرتقى ساۋداداعى بيىلعى العاشقى تاپسىرىستىق ونىمدەرىن دايىنداپ، سەح ءىشى قىزۋ قاربالاستىققا شومىپتى.

  جاقىنعى جىلداردان بەرى، ياركەن اۋدانى ەڭبەك شوعىرلانعان كاسىپ سالالارىن زور كۇشپەن دامىتىپ، 30 مىڭ ادامدى جۇمىستانۋعا تارتقان 4 كاسىپ باقشا رايونىن، ون مىڭنان استام ادام ءۇشىن جۇمىس ورنىن ۇسىنا الاتىن اۋىل - قىستاق سەحتارىن قۇرىپ، كەمەلدەندىرىپ، 200دەن استام كاسىپورىندى ياركەنگە ىرگە تەبۋگە تارتىپ، كەدەي ەڭبەككۇشتەردىڭ جۇمىستانۋى ءۇشىن تۇعىر ازىرلەدى.

  ياركەن شيۇڭيىڭ توقىماشىلىق شەكتى جاۋاپكەرشىلىك سەرىكتەستىگىنىڭ باس جوراسى حۇڭ لۇڭجۋ بىلاي دەيدى: ”ءبىز ءوندىرىس كولەمىن ءالى كەڭەيتۋدەمىز، مەجەمەن 4 - ايدا جاڭا سەح وندىرىسكە قوسىلادى، ول كەزدە تاعى 1500 جۇمىس ورنىن ازىرلەيتىن بولامىز“.

ارنانى كەڭەيتىپ، كەدەيلىكتەن ارىلۋدى جەبەدى

  3 - ايدىڭ 16 - كۇنى ۋىنسۋ مەملەكەتتىك اۋىل شارۋاشىلىعى عىلىم - تەحنيكا باقشا رايونىنداعى اقسۋ حىڭتۇڭ جەمىس شىرىنى شەكتى سەرىكتەستىگىندە، قىزمەتكەر الماس توحتى بىلاي دەدى: ”ايىنا 4000 يۋاننان اسا ەڭبەكاقى الامىن. ءار كۇنى سەحتا جۇمىس ىستەۋدى باقىت سەزىنەمىن“. ونىڭ ءۇيى بۇرىن كەدەي ەكەن، بىلتىر ءۇيىنىڭ جانىنان قىزمەت تاپقان سوڭ، ول كوپ وتپەي كەدەيلىكتەن ارىلعان.

  2012 - جىلى ۋىنسۋ اۋدانى ساۋداگەر شاقىرىپ، قارجى ەنگىزۋ ارقىلى اقسۋ حىڭتۇڭ جەمىس شىرىنى شەكتى سەرىكتەستىگىن ەنگىزىپ، اۋىل شارۋاشىلىعىن، ورمان شارۋاشىلىعىن كاسىپ سالالاندىرا دامىتۋ جاعىندا ءوسىمى قازىنادان تولەنەتىن سۇيەمەلدەۋ ساياساتىن ۇسىندى، سونىمەن بىرگە سەرىكتەستىك ونىمدەرىنىڭ جۇڭگو - ەۆروپا كەزەكشى پويەزدارىمەن ەكسپورت ەتىلۋىنە شارت - جاعداي ازىرلەدى. سەرىكتەستىكتىڭ دامۋىنا، زورايۋىنا ىلەسە، ىستەتكەن جۇمىسشىلار سانى دا ۇزدىكسىز كوبەيدى. قازىر ءوندىرىس سەحىندا 80نەن استام قىزمەتكەر بار، ءار جىلى كۇزدە الما ساتىپ الاتىن ماۋسىمدا ىستەتەتىن جۇمىسشى سانى مۇنان دا كوپ بولادى.

  جەرگىلىكتى ورىندا قارجى قوسىپ، زاۆود سالعان كاسىپورىنداردىڭ بارعان سايىن كوبەيۋىنە ىلەسە، سول جەردەگى شارۋالاردىڭ جۇمىستانۋدى جۇزەگە اسىرۋ ارنالارى كوبەيىپ، كىرىستەرى دە ۇزدىكسىز ارتىپ كەلەدى.

(ءتىلشى ءرايىدا، قاتىناسقان تىلشىلەر جاڭ جىلي، ءپاريزات ابدۇل، ەرىكتى ءتىلشى جۋ حۇڭجيە، جاڭ جيانجۇن)

جاۋاپتى رەداكتور: ريزا حاميت