شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى

 

  شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 19 - كۇنى كەشتە ۇسىنىس بويىنشا رەسەيدىڭ زۇڭتۇڭى پۋتينمەن تەلەفوندا سويلەستى.

  شي جينپيڭ مىنانى اتاپ كورسەتتى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتى سۇراپىل بولدى، جۇڭگو، ءسوز جوق، قيىندىقتى ەڭسەرە ورگە ۇمتىلىپ، باتىلدىقپەن توتەپ بەرۋى قاجەت، ويتكەنى بۇل جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىنا قاتىستى بولىپ قانا قالماستان، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىمەن دە قاتىستى. قاجىرلىلىقپەن قۇلشىنۋدىڭ ارقاسىندا، كەزەكتە جۇڭگونىڭ ەل ىشىندە ىندەتتەن ساقتانۋ - تىزگىندەۋ جاعدايى ءۇرتىس جاقسارۋدا، ءوندىرىس، تۇرمىس ءتارتىبى جەدەل قالپىنا كەلدى. ءبىزدىڭ ىندەتتەن ساقتانۋ - تىزگىندەۋ شايقاسىنىڭ ەڭ سوڭعى جەڭىسىنە قول جەتكىزۋگە سەنىمىمىز، قابىلەتىمىز، قارىمىمىز بار. جۇڭگو جاق رەسەيدى قامتىعان ءار ەلمەن بىرگە ادامزاتتىڭ تاعدىرلاس ورتاق تۇلعاسى ۇستانىمى نەگىزىندە، حالىقارامەن ىندەتتەن ساقتانۋ سەلبەستىگىن كۇشەيتىپ، ساقتانۋ - تىزگىندەۋ جانە قۇتقارۋ - ەمدەۋ تاجىريبەلەرىن ورتاق پايدالانىپ، عىلمي زەرتتەۋدەن بىرلەسىپ قامال الۋدى ىلگەرىلەتىپ، ورتاق قاتەر مەن سىن - سايىسقا بىرگە توتەپ بەرىپ، الەمنىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋدى قالايدى.

  شي جينپيڭ مىنانى باسا دارىپتەدى: ىندەتكە قارسى اتتانۋدىڭ توتەنشە مەزگىلىندە، جۇڭگو مەن رەسەي ءوزارا قولداۋ كورسەتىپ، ءوزارا قارايلاسىپ، تىعىز سەلبەستىك ورىستەتىپ، جاڭا داۋىردەگى جۇڭگو مەن رەسەي قارىم - قاتىناسىنىڭ جوعارى دەڭگەيىن ايگىلەدى. جۇڭگو مەن رەسەيدىڭ سەلبەستىك نەگىزى بەرىك، ىشكى قوزعاۋشى كۇشى مىعىم. ەكى جاق جۇڭگو مەن رەسەيدىڭ عىلىم - تەحنيكادا جاڭالىق اشۋ جىلىن وراي ەتىپ، ەكى ەلدىڭ ءتۇرلى سالاداعى سەلبەستىكتە اناعۇرلىم كوپ جەتىستىككە قول جەتكىزۋىن جەبەۋى قاجەت. جۇڭگو جاق رەسەيدىڭ مەملەكەتتىڭ باياندى تىنىشتىعىن جۇزەگە اسىرۋ ءۇشىن قولدانعان ماڭىزدى شارالارىن تاباندى قولدايدى، پۋتين زۇڭتۇڭنىڭ باسشىلىعىندا، رەسەي حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرىپ ىنتىماقتاسا العا تارتىپ، ۇزدىكسىز تىڭ ناتيجەگە قول جەتكىزەتىندىگىنە كامىل سەنەدى.

  پۋتين مىنانى ءبىلدىردى: جۇڭگو ۇكىمەتى ىندەتكە قارسى اتتانۋدا اسا ءونىمدى شارالار قولدانىپ، ەل ىشىندە ىندەتتى تىزگىندەپ قانا قالماستان، دۇنيە ءجۇزى حالقىنىڭ دەنساۋلىق حاۋىپسىزدىگىن قورعاۋعا دا ماڭىزدى ۇلەس قوستى، رەسەي جاق جۇڭگونىڭ قۇلشىنىسىن ايرىقشا القايدى ءارى بۇعان ايرىقشا قۋانادى. جۇڭگو ىندەتكە ۇشىراعان مەملەكەتتەرگە دەر كەزىندە كومەك بەرىپ، حالىقارالىق قوعامعا تاماشا تيپتىك ۇلگى ورناتتى. جۇڭگونىڭ قيمىلى ءىشىنارا ەلدەردىڭ جۇڭگوعا سوقتىققاندىعىنا جانە جالا جاپقاندىعىنا بەرگەن جالىندى جاۋابى. رەسەي جاق جۇڭگو جاقپەن ىندەتكە قارسى اتتانۋدا ۇزدىكسىز تۇردە ءوزارا قولداۋ كورسەتىپ، تىعىز سەلبەسىپ، رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ءۇرتىس تەرەڭدەتۋدى ءۇمىت ەتەدى.

جاۋاپتى رەداكتور: سايراش تۇرارجان