ورتا مەكتەپ ەمتيحانىنا، جوعارى مەكتەپ ەمتيحانىنا دايىنبىز، سەنىمىمىز كامىل

  گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا، ەرىكتى ءتىلشى يە سۇي

  3 - ايدىڭ 18 - كۇنى تۇستەن كەيىن، ءۇرىمجى قالالىق 1 - تامىز ورتا مەكتەبىنىڭ فيزيكا وقىتۋشىسى ۋاڭ ۋي ورتا مەكتەپ 3 - جىلدىق (5) كلاسىنىڭ ساباقحاناسىنا كىرىپ، ساباقحانانىڭ تازالىعىن، زارارسىزدانۋ جاعدايىن تەكسەرىپ، وقۋشىلارعا ماسكى تاعۋدى قاداعالادى، 15 مينۋتتان كەيىن، ۋاڭ ۋي وقۋشىلاردى قالىپتى وقىتۋعا، پسىقتاۋ جاساۋعا باستادى. كلاستاعى ۋاقىتتى شەگەرىپ ساناۋ تاقتاسىندا جوعارى مەكتەپ ەمتيحانىنا 81 كۇن قالعانى كورسەتىلىپ تۇر.

  ”وقۋشىلاردىڭ تەز ارادا كلاستاعى ۇيرەنۋ كۇيىنە وتۋىنە كومەكتەسىپ، جەلىدە ۇيرەنگەن كەيبىر قيىن تۇيىندەرگە قايتا پسىقتاۋ جاسايمىز“. ۋاڭ ۋي ورتا مەكتەپ 3 - جىلدىعىنىڭ وقىتۋ مەڭگەرۋشىسى، ساباق باستاۋدان بۇرىن ول ورتا مەكتەپ 3 - جىلدىعىنىڭ ساباق وقىتۋشىلارىنا ارناۋلى تاقىرىپتا وقىتۋدى زەرتتەۋ - تالقىلاۋ جيىنىن اشىپ، جەلىدە وقىتۋعا قايىرىلا قاراپ، قورىتىندى جاسادى. ”ءبىز جاعداي يەلەۋ ەمتيحانىن الۋدى جوسپارلاۋ ارقىلى وتكەن 2 ايداعى وقۋشىلاردىڭ ۇيرەنۋ جاعدايىن دالمە - ءدال يگەرىپ، وقىتۋدى ءتىپتى دە باعىتتامالى جانە ءونىمدى جۇرگىزەمىز“، - دەدى ۋاڭ ۋي.

  ”ساباقحاناعا قايتا ورالعاننان كەيىن، كوڭىل كۇيىمىز بارىنشا ورنىقتى، مەن ۋاقىتتى مىقتى ۇستاپ، ويداعىداي پىسىقتاۋ جاساپ، جوعارى مەكتەپ ەمتيحانىنا ۇمتىلىس جاسايمىن“، - دەدى 3 - ايدىڭ 17 - كۇنى مەكتەپ باسشىلارىنىڭ جوعارى مەكتەپ ەمتحانىنا دايىندالۋعا اتتانىسقا كەلتىرۋدە سويلەگەن ءسوزىن تىڭداعاننان كەيىن، كەريا اۋداندىق 1 - جوعارى دارەجەلى ورتا مەكتەبى 3 - جىلدىق (22) كلاسىنىڭ وقۋشىسى نيازحان ماتسىدىق كوكىرەك تولى سەنىممەن.

  جۋىقتان بەرى، كەريا اۋداندىق 1 - جوعارى دارەجەلى ورتا مەكتەپتىڭ باسشىلارى مەن وقىتۋشىلارى كلاستارعا، جاتاقحاناعا، اسحاناعا كىرىپ ىندەتتەن ساقتانۋ - تىزگىندەۋ بىلىمدەرىنەن ۇگىت - لەكسيا جاساپ، وقۋشىلاردىڭ ۇيرەنۋ، تۇرمىس جاعدايلارىن ۇعىسىپ، وقۋشىلاردىڭ ىندەتتىڭ ىقپالىنا ۇشىراعان پسيحيكالىق قىسىمنان ارىلۋعا ءجون كورسەتىپ، وقۋشىلاردى جىگەرلەندىردى، قايراتتاندىردى.

  كەريا اۋداندىق 1 - جوعارى دارەجەلى ورتا مەكتەبىندە 1601 ورتا مەكتەپ 3 - جىلدىق وقۋشىسى بار، %95 وقۋشى اۋىل - قالاشىق، الاڭداردان كەلگەن. ”ءبىر بالا ءبىر وتباسىنىڭ ءۇمىتىن ارقالاعان، ورتا مەكتەپتىڭ 3 - جىلدىعى شەشۋشى كەزەڭ، ءبىز ىندەتتەن ساقتانۋ - تىزگىندەۋدى جانە وقىتۋدى قامتاماسىز ەتۋدى ويداعىداي ىستەپ، بالالارعا تىلەكتەس بولىپ جوعارى مەكتەپ ەمتيحانىنا دايىندىق كورەمىز“. مەكتەپ پارتيا باس ياچەيكاسىنىڭ شۋجيى جۋ شياۋيىڭ بىلاي دەدى: قازىر وقۋشىلار 2 - ەلىكتەمەلى ەمتيحاننىڭ پىسىقتاۋ مەزگىلىنە كىردى، الدىڭعى مەزگىلدە جەلىدە ۇيرەنۋ شارت - جاعدايى بولماعان وقۋشىلارعا قاراتا، مەكتەپ ”ءبىر وقۋشىعا ءبىر شارا“ تالابى بويىنشا پىسىقتاۋ جوسپارىن جاساپ، ءاربىر وقۋشىنىڭ وقىتۋ مەن پىسىقتاۋ جاساۋ قارقىنىنا ىلەسۋىنە شىنايى كەپىلدىك ەتەمىز.

  ورتا مەكتەپ، جوعارى مەكتەپ ەمتيحانىنا ۇمتىلىس جاساۋ قىسىمى مەن ىندەتتىڭ ىقپالىن ەسكەرە وتىرىپ، باركول قازاق اۆتونوميالى اۋداندىق 1 - ورتا مەكتەپ ورتالاۋ 3 - جىلدىعىنىڭ وقۋشىلارى ءۇشىن پسيحيكالىق سالاماتتىق ساباعىن اشىپ، وقۋشىلاردىڭ كوڭىل كۇيلەرىن رەتتەپ، ورتا مەكتەپ ەمتيحانىنا دايىندالۋىنا كومەكتەستى. قارقىندى ساقتاۋ العى شارتى استىندا، مەكتەپتەگى ءارقايسى ساباق وقىتۋشىلارى وقۋشىلارعا جاردەمدەسىپ جەتەرسىزدىكتەرىن اداقتاپ، كەمشىلىكتەرىن تولىقتاپ، وقۋشىلاردىڭ جەكەلىك پارقىنا قاراي، ساتىلارعا ءبولىپ وقۋشىلارعا كۇشەيتپەلى جاتتىعۋ جاساتىپ، وقۋشىلاردى تەز ارادا ورتا مەكتەپ ەمتيحانى كۇيىنە وتۋگە باستادى. مۇنان سىرت، وقىتۋشىلار نەگىزگى تاقىرىپتىق كلاس جيىنى، ارمان كارتچكاسىن جاساۋ سياقتىلاردى ورىستەتۋ ارقىلى وقۋشىلاردىڭ سەنىم ورناتۋىنا كومەكتەستى.

  ”الدىڭعى مەزگىلدە ءبىز جەلىدە ساباق ءوتۋدى ۇيلەسىمدى ورنالاستىردىق، سوندىقتان جەلىدەن ءتۇسىپ، ساباقحاناعا قايتا ورالعاننان كەيىن، 2 - ەلىكتەمەلى ەمتيحاندى پىسىقتاۋعا ءساتتى كىردى“. قۇمىل قالالىق 2 - ورتا مەكتەپ 3 - جىلدىعىنىڭ ماتەماتيكا وقىتۋشىسى يۋە گاڭجۇن جاعداي يەلەۋ ارقىلى كلاستاعى بىرنەشە وقۋشىنىڭ تريگونومەتريالىق فۋنكتسيا سۇراۋلارىنان وڭاي ءنومىر تارتتىراتىنىن بايقاعانىن، ساباق باستاعان ءبىرىنشى كۇنى، ءوزىنىڭ وسى وقۋشىلارعا بىردەن - بىردەن ”ولىقىلىقتارىن تولىقتاۋ“ ارناۋلى جاتتىعۋىن جاساتقانىن ايتتى.

جاۋاپتى رەداكتور: سايراش تۇرارجان
  • 1
  • 2
  • 3
  • 4