ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكا جاعدايىنا تالداۋ جاسادى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ ءتۇيىندى قىزمەتتەرىن ءبىر تۇتاس جوسپارلاپ ويداعىداي يگەرۋدى اقىلداسىپ، ورنالاستىرۋ جاسادى

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

  ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكا جاعدايىنا تالداۋ جاسادى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ ءتۇيىندى قىزمەتتەرىن ءبىر تۇتاس جوسپارلاپ ويداعىداي يگەرۋدى اقىلداسىپ، ورنالاستىرۋ جاسادى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 3 - ايدىڭ 18 - كۇنى ءماجىلىس اشىپ، ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكا جاعدايىنا تالداۋ جاساپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ ءتۇيىندى قىزمەتتەرىن ءبىر تۇتاس جوسپارلاپ ويداعىداي يگەرۋدى اقىلداسىپ، ورنالاستىرۋ جاسادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: بۇكىل ەل بويىنشا جوعارىدان تومەنگە دەيىن جانە بارشا حالىق بۇقاراسىنىڭ بىرگە قۇلشىنۋىندا، بۇكىل ەلدەگى ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋعا بەت الدى، ءوندىرىس، تۇرمىس ءتارتىبى جەدەل قالپىنا كەلگەن اۋقىم ۇزدىكسىز بەكەمدەلىپ جانە كەڭەيىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە بەلسەندى ناتيجەگە قول جەتتى. سونىمەن بىرگە، ءبىز ءبىرسىپىرا جاڭا جاعدايلارعا، جاڭا ماسەلەلەرگە ءدوپ كەلىپ وتىرمىز، اسىرەسە، شەكارا سىرتىنداعى ىندەتتىڭ تارالۋى، ءورشۋى جانە ونىڭ دۇنيە ءجۇزى ەكونوميكاسىنا ءتيىمسىز ىقپالى ەلىمىزدىڭ ىندەتتەن ساقتانۋ - تىزگىندەۋىنە جانە ەكونوميكالىق دامۋىنا تىڭ سىن - سايىس اكەلدى، ەل ءىشى - سىرتىنداعى ىندەتتەن ساقتانۋ - تىزگىندەۋ جانە ەكونوميكا جاعدايىنىڭ كەزەڭدىك وزگەرىسىن ءدال يگەرىپ، ۋاقىتقا، اۋقىمعا قاراي قىزمەتتىڭ كۇش سالۋ ءتۇيىنى مەن توتەپ بەرۋ شارالارىن رەتتەپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋگە شىنايى كەپىلدىك ەتۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن جۇزەگە اسىرۋعا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: ەلىمىزدىڭ ىندەتتەن ساقتانۋ - تىزگىندەۋ قىزمەتىنىڭ ناتيجەسىن تولىق تۇراقتاندىرۋمەن بىرگە، ەل ءىشى - سىرتىنداعى ىندەت جاعدايىنىڭ كۇردەلىلىگى مەن اۋىرلىعىن سەرگەكتىكپەن كورە ءبىلۋ كەرەك. حۋبەي مەن ۋحانداعى مەديتسينالىق قۇتقارۋ - ەمدەۋ، الەۋمەتتىك اۋماقتاعى ساقتانۋ - تىزگىندەۋ جانە كەيىنگى قىزمەت مىندەتتەرى ءالى ماشاقاتتى دا اۋىر، باسقا وڭىرلەردەگى ادامداردىڭ اعىلۋى مەن توپتالىپ كوبەيۋىنىڭ ىندەتتىڭ قايتالاۋىنا اپارىپ سوعۋ حاۋىپ - قاتەرى ءالى بار، اسىرەسە، حالىقارالىق ورتاداعى ىندەتتىڭ جەدەل ءورشۋى اكەلگەن سىرتتان كىرۋ سيپاتىنداعى حاۋىپ - قاتەر كوبەيدى. ءتۇرلى ساقتانۋ - تىزگىندەۋ قىزمەتىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋدە وڭاي - وسپاق قولعا كەلمەگەن ۇزدىكسىز جاقسارۋ جاعدايىنىڭ كەرى كەتۋىنە استە جول بەرمەۋ كەرەك. ىندەتتەن ساقتانۋ - تىزگىندەۋ بويىنشا حالىقارالىق سەلبەستىكتى كۇشەيتىپ، دۇنيە جۇزىلىك دەنساۋلىق ساقتاۋ ۇيىمىمەن تىعىز سەلبەسىپ، الەمدەگى ىندەتتىڭ وزگەرىسىنە تالداۋ جاساۋدى، بولجاۋدى كۇشەيتىپ، سىرتتان كىرۋ سيپاتىنداعى حاۋىپ - قاتەرگە توتەپ بەرەتىن ساقتانۋ - تىزگىندەۋ تاكتيكاسىن جانە ساياسات - شارالاردى كەمەلدەندىرىپ، قاتىستى ەلدەرمەن ىندەتتەن ساقتانۋ - تىزگىندەۋ جاعىنداعى اۋىس - كۇيىستى، سەلبەستىكتى كۇشەيتىپ، ۇزدىكسىز تۇردە قولدان كەلگەنشە كومەك كورسەتۋ كەرەك. شەكارا سىرتىنداعى ەلىمىز ازاماتتارىنىڭ ىندەتتەن ساقتانۋ - تىزگىندەۋىنە جەتەكشىلىك ەتۋدى جانە قولداۋ كورسەتۋدى كۇشەيتىپ، ءتۇرلى قىزمەتتەردى ويداعىداي ىستەپ، ولاردىڭ ءومىرىنىڭ حاۋىپسىزدىگى مەن دەنساۋلىعىن قورعاۋ كەرەك.

  ءماجىلىس مىنالاردى باسا دارىپتەدى: ءتۇيىندى وڭىرلەردەگى ىندەتتەن ساقتانۋ - تىزگىندەۋ قىزمەتىن عىلمي، دالمە - ءدال ويداعىداي ىستەۋ كەرەك. حۋبەي ولكەسى مەن ۋحان قالاسى باستان - اياق بايسالدى بولىپ، مىعىم قايراتقا كەلىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە باتىل قول جەتكىزۋ كەرەك. مەديتسينالىق قۇتقارۋ - كومەكتەسۋدى ۇزدىكسىز كۇشەيتىپ، سالماقتى ناۋقاستاردى جوعارى ورەلى بەلگىلەنگەن شيپاحانالارعا شوعىرلاندىرىپ، ەمدەپ ساۋىقتىرۋ مولشەرىن جوعارىلاتۋعا، اۋرۋدان ءولۋ مولشەرىن تومەندەتۋگە قۇلشىنۋ كەرەك. الەۋمەتتىك اۋماقتاعى ساقتانۋ - تىزگىندەۋ شارالارىن كەمەلدەندىرىپ، ىندەتسىز الەۋمەتتىك اۋماقتارداعى تۇرعىنداردىڭ قيمىل ءورىسىن ءتارتىپتى تۇردە كەڭەيتۋ كەرەك. ۋحان قالاسى جۇمىستى، ءوندىرىستى قالپىنا كەلتىرۋدى بىرتىندەپ ىلگەرىلەتۋ، حۋبەي ولكەسىنىڭ باسقا جەرلەرى باسقارۋ - مەڭگەرۋ شارالارىن ورنىقتى، لايىقتى، ءتارتىپتى كۇشىنەن قالدىرۋ كەرەك. حۋبەي ولكەسى قاتىستى ولكەلەرمەن ىرىقتى تۇردە ۇشتاسىپ، ”ءتۇيىن مەن ءتۇيىن ۇشتاستىرىلعان، ءبىر بەكەتتىك تاسىلمەن“ جۇمىس ورىندارىنا جەتكىزۋ، سىرت جەرلەردىڭ حۋبەيدا توسىلىپ قالعان ادامدارىن اۋىلدارىنا قايتارۋ سياقتى قىزمەتتەردى ويداعىداي ىستەۋ، سىرتتان ادامدار كەلەتىن جەرلەر قاراستى جەر جاۋاپكەرشىلىگىن تياناقتاندىرۋ كەرەك. گۋمانيتارلىق قامقورلىقتى كۇشەيتىپ، پسيحيكالىق جەتەكتەۋ جۇرگىزۋگە ۇيىمداستىرىپ، ىندەتتەن كەيىنگى قىزمەتتەرىن لايىقتى، ويداعىداي ىستەپ، قوعامدىق قايشىلىقتاردان ساقتانۋ جانە ونى شەشۋ كەرەك. بەيجيڭ سياقتى باسقا دا ءتۇيىندى وڭىرلەردەگى ىندەتتەن ساقتانۋ - تىزگىندەۋدى كورنەكتىلەندىرە ويداعىداي يگەرىپ، ساقتانۋ - تىزگىندەۋ تاكتيكاسىن ساپالىلاندىرىپ، ساقتانۋ - تىزگىندەۋ شارالارىن تياناقتاندىرىپ، باعىتتامالىلىعىن جانە ونىمدىلىگىن كۇشەيتۋ كەرەك.

  ءماجىلىس مىنالاردى تالاپ ەتتى: سىرتتان كىرۋدەن ساقتانۋدىڭ ءتۇيىندى مىندەتتەرىن تياناقتاندىرىپ، ساندى مالىمەتتەردەن ورتاق پايدالانۋ، ينفورماتسيا حابارلاندىرۋ جانە شەكارادان كىرگەندەردى اداقتاپ تەكسەرۋ مەحانيزمىن كەمەلدەندىرىپ، اۆياتسيا تاسىمالى، شەكارا وتكەلدەر كارەنتينى، كوزەۋلى جەرىنە جەتكىزىپ قويۋ، الەۋمەتتىك اۋماقتاعى ساقتانۋ - تىزگىندەۋ جاقتارىندا تۇيىق اينالىم قالىپتاستىرۋ كەرەك. قاتىستى ەلدەرمەن ساقتانۋ - تىزگىندەۋ تاكتيكالارىن سايكەستىرۋ مەحانيزمىن كەمەلدەندىرىپ، ساقتانۋ - تىزگىندەۋ جانە قۇتقارۋ - ەمدەۋ تاجىريبەلەرىن ورتاق پايدالانۋدى كۇشەيتىپ، بىرلەسىپ عىلمي زەرتتەۋدەن قامال الۋدى ىلگەرىلەتۋ كەرەك.

  ءماجىلىس مىنالاردى اتاپ كورسەتتى: ەل ءىشى - سىرتىنداعى كوپ ءتۇرلى فاكتوردىڭ ىقپالىنان قازىر ەلىمىز ەكونوميكاسىنىڭ تومەندەۋ قىسىمى ۇزدىكسىز ارتۋدا. ءار دارەجەلى پارتكوم مەن ۇكىمەت كوكەي تەستىلىك سەزىمدى كۇشەيتىپ، ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن جەدەل ورناتىپ، كاسىپورىنداردىڭ، ءىسورىندارىنىڭ جۇمىستى، ءوندىرىستى قالپىنا كەلتىرۋىن بەلسەنە ءتارتىپتى تۇردە ىلگەرىلەتىپ، ىندەت تۋدىراتىن زياندى ەڭ تومەنگى شەككە تۇسىرۋگە قۇلشىنۋ كەرەك. ولكە وڭىرلەرىن بىرلىك ەتە وتىرىپ ەكونوميكالىق، قوعامدىق ءتارتىپتى قالپىنا كەلتىرۋدى ىلگەرىلەتۋ كەرەك. قاراستى اۋدان - رايوندارىنىڭ حاۋىپ - قاتەرى تۇگەلدەي تومەن بولعان ولكەلەر قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ كەرەك. حۋبەي مەن بەيجيڭنەن سىرت، ولكە ىشىندە ءالى دە ورتاشا حاۋىپ - قاتەرلى اۋدان - رايوندارى بار ولكەلەر دالمە - ءدال ساقتانۋ - تىزگىندەۋدى ويداعىداي ىستەپ، ءوندىرىس، تۇرمىس ءتارتىبىن ءتارتىپتى تۇردە قالپىنا كەلتىرۋ كەرەك. حاۋىپ - قاتەرى تومەن وڭىرلەر اراسىنداعى ادام مەن زات اينالىمى جونىندە قاجەتتى سالاماتتىق انىقتامالارىن بۇكىل ەلدە ءوزارا تانۋدى ورىنداۋ كەرەك، ەندىگارى توسقاۋىل قويماۋ، ادامدارعا اۋاشالاۋ شارالارىن قولدانباۋ كەرەك. جۇمىستى، ءوندىرىستى قالپىنا كەلتىرۋ ونىمدىلىگىن جوعارىلاتىپ، كاسىپورىنداردىڭ جۇمىسشى ىستەتۋ، قارجى، شيكىزات ماتەريالمەن قامداۋ سياقتى سۇرانىستارىن شەشۋدى ارقاۋ ەتە وتىرىپ، باعىتتامالى تۇردە دالمە - ءدال شارا قولدانىپ، ”بوگەلىستەردى“ اشىپ، ”ۇزىلىستەردى“ جالعاۋ كەرەك. زاڭدىق قىزمەت وتەۋ سياقتى قىزمەتتەردى ويداعىداي ىستەپ، توقتام ۋادەسىن ورىنداۋ، كاسىپورىن قارىزى، ەڭبەك - قارجى قاتىناسى سياقتىلارداعى داۋ - شارلاردى دەر كەزىندە شەشۋ كەرەك.

  ءماجىلىس مىنالاردى باسا دارىپتەدى: حالىقارالىق ەكونوميكالىق جاعدايدى تۇجىرىمداۋدى، تالداۋدى كۇشەيتىپ، باعىتتامالى سيپاتقا يە ساياسات - شارالاردى دەر كەزىندە جاساۋ كەرەك. ىندەتتەن ساقتانۋ - تىزگىندەۋ مەن سىرتقى ەكونوميكا - ساۋدا سەلبەستىگىنە تەڭ ءمان بەرىپ، ساقتانۋ - تىزگىندەۋ شارالارىن تياناقتاندىرۋ العى شارتىندا ساۋدا جۇمىسىمەن اينالىساتىن ادامداردىڭ بارىس - كەلىسىنە قولايلىلىق تۋدىرىپ، حالىقارالىق قامداۋ تىزبەگىنىڭ ىركىلىسسىزدىگىن ساقتاپ، ساۋداگەر شاقىرىپ، قارجى ەنگىزۋ، كورمە - جارمەڭكەگە قىزمەت وتەۋ ۇلگىسىن جاڭالاپ، ءتۇرلى ەكونوميكا - ساۋدا قيمىلدارىنىڭ قالىپتى جۇرگىزىلۋىن قامتاماسىز ەتۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور: سايراش تۇرارجان