بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەيىك

  بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەيىك

  □ حالىق گازەتىنىڭ شولۋشىسى

  ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە قول جەتكىزۋدە حالىققا تىعىز سۇيەنۋ كەرەك. بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەۋدە بۇقارانى اتتانىسقا كەلتىرىپ، بۇقارالىق ساقتانۋدىڭ، بۇقارالىق تىزگىندەۋدىڭ حالىقتىق قورعانىس شەبىن قۇرۋ كەرەك.

  باس شۋجي شي جينپيڭ حۋبەي ولكەسىنىڭ ۋحان قالاسىنا بارىپ ىندەتتەن ساقتانۋ - تىزگىندەۋ قىزمەتىن تەكسەرگەن كەزدە، الەۋمەتتىك اۋماق قىزمەتكەرلەرىمەن، نەگىزگى ساتى حالىق ساقشىلارىمەن، دەنساۋلىق ساقتاۋعا قىزمەت وتەۋ پۋنكتىندەگى شيپاگەرلەرمەن، نەگىزگى ساتىعا بارعان كادرلارمەن، ەرىكتىلەر قاتارلىلارمەن شىنايى اڭگىمەلەستى. باس شۋجي شي جينپيڭ بىلاي دەپ باسا دارىپتەدى: الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى ماڭىزدى رولىن تولىق ساۋلەلەندىرىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ونەگەلىلىك رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماققا ءتۇسىرىپ، الەۋمەتتىك اۋماقتاعى ساقتانۋ - تىزگىندەۋ شارالارىنىڭ تياناقتانۋىن كۇشەيتىپ، بارلىق الەۋمەتتىك اۋماقتاردى ىندەتتەن ساقتانۋ - تىزگىندەۋدىڭ بەرىك قورعانىنا اينالدىرۋ كەرەك.

  ىندەت تۋىلعاننان بەرى، باس شۋجي شي جينپيڭ تۋ باستان - اق بىلاي دەپ باسا دارىپتەدى: ىندەتتەن ساقتانۋ - تىزگىندەۋدە حالىق بۇقاراسىنا تىعىز سۇيەنۋ، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ سىندى ساقتانۋ - تىزگىندەۋ جۇيەسىن قۇرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە باتىل قول جەتكىزۋ كەرەك. الەۋمەتتىك اۋماق ساقتانۋ - تىزگىندەۋدىڭ ەڭ الدىڭعى شەبى رەتىندە توتەنشە اۋىر مىندەت ارقالاپ وتىر، الەۋمەتتىك اۋماقتاعى ساقتانۋ - تىزگىندەۋ قىزمەتىنە ات سالىسقان جولداستاردىڭ قىزمەتى ايرىقشا جاپالى. پارتيا مۇشەلەرى، كادرلار كۇندى تۇنگە جالعاپ، شارشاپ - شالدىقتىم دەمەي، ءۇن - ءتۇنسىز ۇلەس قوسىپ، بۇقاراعا دەن قويا قىزمەت وتەپ، قۇربان بەرۋدەن قورىقپايتىن، باتىلدىقپەن جاۋاپكەرشىلىك ارقالايتىن، كەلەلى جاعدايمەن ساناساتىن، ءوزىن ارناۋعا پەيىل رۋحتى ايگىلەدى؛ قالىڭ بۇقارا كەلەلى جاعدايعا بويسۇنىپ، جالپى جۇرت ءبىر نيەتتە بولىپ، ىنتىماقتاسا ەرلىكپەن كۇرەس جاساپ، ىندەتتەن ساقتانۋ - تىزگىندەۋدىڭ بەلگىلەمەلەرىنە سانالى بويسۇنىپ، قوعامدىق ءتارتىپتى سانالى قورعاپ، تىزە قوسا ىندەتتىڭ جايىلۋىن، ءورشۋىن تەجەۋگە، بۇقارانىڭ تۇرمىسىن قامتاماسىز ەتۋگە ماڭىزدى ۇلەستەر قوسىپ، جۇڭحۋا ۇلتىنىڭ قيىن - قىستاۋدان بىرگە وتەتىن، ءوزارا قارايلاساتىن مەملەكەتتىك ىنتا - ىقىلاستى ايگىلەدى.

  ىندەتكە قارسى اتتانۋدىڭ 2 شەبى بار، ءبىرى، شيپاحانانىڭ اجالعا اراشاشى، جارالىعا مەدەت بولۋ شەبى، ەندى ءبىرى، الەۋمەتتىك اۋماقتىڭ ساقتانۋ - تىزگىندەۋ شەبى. ىندەتتەن ساقتانۋ - تىزگىندەۋ قىزمەتىن قاجىماي - تالماي جاقسى ىستەۋدە شەشۋشى ءتۇيىن الەۋمەتتىك اۋماققا سۇيەنۋ، الەۋمەتتىك اۋماق سىرتتان كىرۋدەن ساقتانۋداعى، ىشتە كەڭەيۋدەن ساقتانۋداعى ەڭ ءونىمدى ساقتىق شەبى. قازىر ىندەتتەن ساقتانۋ - تىزگىندەۋ جاعدايى ءۇرتىس جاقسى جاققا بەت الدى، الايدا تىنىستاي قوياتىن مەزگىلگە ءالى كەلە قويعان جوق. قازىر شەشۋشى ساتكە كەلدىك، ءسوز جوق، مىعىم قايراتقا كەلىپ، تاباندىلىقپەن جالعاستىرا بەرۋ كەرەك. حالىق بۇقاراسىنا تىعىز سۇيەنىپ، حالىق بۇقاراسىن تولىق جۇمىلدىرىپ، بۇقارانىڭ وزىنە قىزمەت وتەۋ، ءوزىن ساقتاندىرۋ - قورعاۋ قابىلەتىن جوعارىلاتۋ كەرەك. ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدىڭ ءتۇيىنى ساقتانۋدا، ەڭ سوڭعى جەڭىسكە قول جەتكىزۋ بۇقارانىڭ ءباز - باياعىسىنداي قولداۋى مەن ات سالىسۋىنان ايرىلا المايدى، بۇقارانىڭ اسقان توزىمدىلىكپەن تاباندى جالعاستىرۋىنان ءتىپتى دە ايرىلا المايدى. الەۋمەتتىك اۋماقتىڭ توسقاۋىل رولىن ۇزدىكسىز تولىق ساۋلەلەندىرىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ونەگەلىك رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماقتارعا ءتۇسىرىپ، الەۋمەتتىك اۋماقتاعى تۇرعىنداردى اتتانىسقا كەلتىرىپ، ۇيىمداستىرىپ، مىعىم قايراتقا كەلىپ، قاجىماس قايسارلىقپەن سوڭىنا دەيىن تاباندىلىق كورسەتىپ، ساقتانۋ - تىزگىندەۋ شارالارىنىڭ تياناقتانۋىن ناقتى، ەگجەي - تەگجەيلى يگەرىپ، بارلىق الەۋمەتتىك اۋماقتاردى ىندەتتەن ساقتانۋ - تىزگىندەۋدىڭ بەرىك قورعانىنا اينالدىرىپ، توتەپ بەرۋ، بەرىك ساقتاۋ كەرەك، قول جەتكەن ناتيجەلەردى سەلگە كەتىرىپ الۋعا بولمايدى. ىندەتتەن ساقتانۋ - تىزگىندەۋ كەزىندە كەيبىر قاتاڭ باسقارۋ - تىزگىندەۋ شارالارىن جولعا قويۋ بۇكىلدەي قاجەتتى. قازىر وسى كەزەڭگە جەتكەندە، حۋبەي جانە ۋحان سياقتى ىندەتتەن ساقتانۋ - تىزگىندەۋ مىندەتى اۋىر وڭىرلەردەن سىرت ورىندار شەك - شامانى جاقسى يگەرۋگە ءمان بەرىپ، بۇقارانىڭ ءوندىرىس، تۇرمىسىنا ىقپالى تومەن، الا كەلەتىن قولايسىزدىعى از شارالاردى بارىنشا جولعا قويۋ كەرەك.

  حالىق تۇرمىسى ورنىقتى بولسا، جۇرت كوڭىلى ورنىعادى، قوعام ورنىقتى بولادى. بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەۋدىڭ ءتۇيىنى قىزمەت وتەۋ مەن حالىق تۇرمىسىنا كەپىلدىك ەتۋدە. حۋبەي مەن ۋحان سياقتى ىندەت اۋىر جەرلەردەگى بۇقارانىڭ ءوزىن اۋاشالاعانىنا وسىنشاما ۇزاق ۋاقىت بولدى، ءىشىنارا وكپە - رەنىشتەر بولادى، بۇعان تۇسىنىستىكپەن، كەڭشىلىكپەن، باۋىرمالدىقپەن قاراۋىمىز، ءار جاقتاعى قىزمەتتىڭ سەرپىنىن ۇزدىكسىز ارتتىرۋىمىز كەرەك. بۇقارانىڭ نەگىزگى تۇرمىس سۇرانىسىن تولىق ويلاستىرىپ، بازاردىڭ قامداۋ - قاجەتسىنۋىن جانە باعا وزگەرىسىن ءجىتى قاداعالاپ، كۇرش، ۇن، استىق، ماي، ەت، قۇس ەتى، جۇمىرتقا، ءسۇت، كوكونىس، جەمىس - جيدەك سياقتى تۇرمىستىق قاجەتتى بۇيىمدارمەن قامداۋدى قامتاماسىز ەتۋ كەرەك. ىندەتتەن ساقتانۋ - تىزگىندەۋ سەبەبىنەن اۋاشالانىپ ۇيىندە قالعان جالعىز ىلىك قارتتار، قيىنشىلىعى بار بالالار، ەرەكشە قيىنشىلىعى بار ادامدار، مۇگەدەكتەر سياقتى ەرەكشە قاۋىمدار جونىندە كوتەرمەگە الىپ، كەپىلدىك ەتەتىن بايلانىسشى ادامدى تياناقتاندىرىپ، وتباسىلارىنا بارىپ جاعداي ۇعىسىپ، كوڭىل سۇراۋدى كۇشەيتىپ، قاجەتتى كومەكتەردى دەر كەزىندە كورسەتۋ كەرەك. جۇعىمدالعان بۇقاراعا ءار جاقتان كوڭىل ءبولىپ، ولاردىڭ وتباسىنداعىلارعا ويداعىداي قارايلاسىپ، ناۋقاستاردىڭ الاڭسىز ەمدەلۋىنە مۇمكىندىك جاساۋ كەرەك، اسىرەسە، ناۋقاستار مەن ولاردىڭ وتباسىنداعىلار، اۋرۋدان قازا بولعانداردىڭ وتباسىنداعىلار سياقتىلارعا پسيحيكالىق جەتەكتەۋ قىزمەتىن كۇشەيتۋ كەرەك. حالىق بۇقاراسىنا قىزمەت وتەۋشى بولعاندا، يكەمسىز بولماي، قاساڭدىققا سالىنباي، ءىستى بۇقارانىڭ كوڭىلىنەن شىعاتىنداي ەتىپ تىندىرىپ، ءسوزدى بۇقارانىڭ كوڭىلىنە ۇيالايتىنداي سويلەپ، بۇقارانىڭ كوڭىلىن مەيىرگە بولەۋ كەرەك.

  ىندەتتەن ساقتانۋ - تىزگىندەۋ ءبىر رەتكى حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋداعى قاتاڭ كۇرەس، ىندەتكە قارسى اتتانۋدىڭ ءبىرىنشى شەبى قالىڭ پارتيا مۇشەلەرىنىڭ، كادرلاردىڭ اۋەلگى ماقسات، بورىشتى امالياتتا ايگىلەۋىنىڭ، جاۋاپكەرشىلىكتى ارقالاۋدى ايگىلەۋىنىڭ سىن تاسى جانە قايراعى. اۋەلگى ماقساتتى ارەكەتتە تياناقتاندىرىپ، بورىشتى ارقالاپ، حالىق بۇقاراسىنىڭ جان اشىرى بولىپ، بۇقارا اسىققان، ۋايىمداعان، ويلاعان، كۇتكەن ءىستى دەر كەزىندە شەشسەك، ءبىز، ءسوز جوق، حالىقتىڭ كۇشىنە سۇيەنىپ حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە قول جەتكىزىپ، وسى كۇرەستىڭ جاپپاي جەڭىسىنە تەز ارادا قول جەتكىزەتىن بولامىز!

  (شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل