كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق اينالىمدى ورنىقتىرۋ ءتۇيىندى قىزمەتتەرىن اقىلداستى

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق اينالىمدى ورنىقتىرۋ ءتۇيىندى قىزمەتتەرىن اقىلداستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 3 - ايدىڭ 4 - كۇنى ءماجىلىس اشىپ، كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق اينالىمدى ورنىقتىرۋ ءتۇيىندى قىزمەتتەرىن اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: بۇكىل ەلدىڭ جوعارىدان تومەنگە دەيىن جاپالى قۇلشىنۋىندا، كەزەكتە ىندەتتەن ساقتانۋ - تىزگىندەۋ جاعدايى ءۇرتىس جاقسارۋ، ءوندىرىس، تۇرمىس ءتارتىبى جەدەل قالپىنا كەلۋ اۋقىمى العاشقى ادىمدا جارىققا شىقتى، ءسوز جوق، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن جەدەل ورناتىپ، قاتىستى شارالاردى كەمەلدەندىرىپ، وڭاي - وسپاق قولعا كەلمەگەن وسى ءبىر تاماشا جاعدايدى بەكەمدەپ جانە كەڭەيتىپ، بۇكىل ەلدىڭ ەكونوميكالىق، قوعامدىق دامۋىن ەرتەرەك قالىپتى ارناعا جاپپاي تۇسىرۋگە قۇلشىنىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ نىسانالارى مەن مىندەتتەرىن جۇزەگە اسىرۋعا شارت - جاعداي ازىرلەۋ كەرەك.

  شي جينپيڭ بىلاي دەپ باسا دارىپتەدى: كەزەكتەگى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ جاعدايىنىڭ كۇردەلىلىگىن جىعا تانىپ، ءتۇرلى قىزمەتتەردى ءبىر تۇتاس جوسپارلاپ ويداعىداي يگەرۋ جاۋاپكەرشىلىك سەزىمى مەن كوكتەي تەستىلىك سەزىمىن كۇشەيتۋ كەرەك. حۋبەي مەن ۋحاننىڭ ىندەتتەن ساقتانۋ - تىزگىندەۋ مىندەتى ءالى دە ماشاقاتتى، اۋىر، باسقا وڭىرلەردە ادامداردىڭ جىلجۋى مەن توپتالۋىنىڭ ارتۋى اكەلەتىن ىندەتتىڭ تارالۋ حاۋىپ - قاتەرى زورايۋدا، ىندەتتەن ساقتانۋ - تىزگىندەۋدى كۇشەيتۋدە، ءسوز جوق، باستان - اياق ساق بولۋ كەرەك، ىندەت جونىندەگى قىراعىلىقتى تومەندەتۋگە بولمايدى، ساقتانۋ - تىزگىندەۋ تالابىن تومەندەتۋگە بولمايدى، ۇزدىكسىز مىقتى، ناقتى، ەگجەي - تەگجەيلى يگەرۋ كەرەك. سونىمەن بىرگە، ىندەتتەن ساقتانۋ - تىزگىندەۋ حالىقارالىق سەلبەستىگىن كۇشەيتىپ، ەلىمىزدىڭ جاۋاپكەرشىلىك ارقالايتىن ءىرى ەلدىك رولىن ساۋلەلەندىرۋ كەرەك. ەكونوميكالىق، قوعامدىق دامۋ قىزمەتىن مىقتى يگەرە ىلگەرىلەتىپ، جۇمىستى، ءوندىرىستى قالپىنا كەلتىرۋدى دالمە - ءدال، ءتارتىپتى، تىڭعىلىقتى ىلگەرىلەتىپ، ادام كۇشىنىڭ، قارجىنىڭ، زاتتىڭ ءتارتىپتى اينالىمىن، ءوندىرۋدىڭ، قامداۋدىڭ، ساتۋدىڭ ورگانيكالى ۇشتاسۋىن، ىشكى - سىرتقى ساۋدانىڭ ۇتىمدى ۇلاسۋىن جۇزەگە اسىرىپ، ىندەت تۋدىرعان زياندى ەڭ تومەنگى شەككە ءتۇسىرۋ كەرەك. ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى ويداعىداي ىستەۋ كەرەك. شىندىقتى ءىس جۇزىنەن ىزدەۋگە، بارلىعىندا ءىس جۇزىندىكتى نەگىزگى الۋعا تاباندى بولۋ، فورماشىلدىقتان، تورەشىلدىكتەن باتىل ساقتانۋ كەرەك.

  ءماجىلىس مىنالاردى باسا دارىپتەدى: حۋبەي ولكەسى مەن ۋحان قالاسىنىڭ ىندەتتەن ساقتانۋ - تىزگىندەۋ قىزمەتىن ءۇرتىس كۇش سالا كۇشەيتىپ، ىشتە كەڭەيۋدەن ساقتانۋ، سىرتقا تارالۋدان ساقتانۋ سىندى ساقتانۋ - تىزگىندەۋ تاكتيكاسىن ۇزدىكسىز ساقتاۋ كەرەك. الەۋمەتتىك اۋماقتىڭ ساقتانۋ - تىزگىندەۋ قىزمەتىن ويداعىداي يگەرىپ، بۇقارانى ءوزىن قورعاۋدى كۇشەيتۋگە جەتەكتەۋ جانە ىنتالاندىرۋ كەرەك. ناۋقاستاردى جيناپ ەمدەۋ جانە وتكەرمەلەپ جونەلتۋ قىزمەتىن كۇشەيتىپ، سالماقتى ناۋقاستاردى جوعارى ورەدەگى بەلگىلەنگەن شيپاحانالاردا تۇگەلدەي شوعىرلاندىرىپ قۇتقارۋ - ەمدەۋ كەرەك. ۇتىمدى شارا قولدانىپ، باسقا دا ناۋقاستاردىڭ ەمدەلۋ قاجەتىن اناعۇرلىم ويداعىداي قاناعاتتاندىرۋ كەرەك. قامداۋ مەن قاجەتسىنۋدىڭ اناعۇرلىم ويداعىداي ۇشتاسۋىن جەبەپ، ءونىم قۇرىلىمىن جانە دايىنداۋ - جەتكىزۋ ءتاسىلىن جاقسارتىپ، بۇقارانىڭ ۇيدەگى تۇرمىستان اناعۇرلىم الاڭسىز بولۋىنا مۇمكىندىك جاساۋ كەرەك.

  ءماجىلىس مىنالاردى اتاپ كورسەتتى: بەيجيڭ قاتارلى ءتۇيىندى وڭىرلەردىڭ ىندەتتەن ساقتانۋ - تىزگىندەۋىن كورنەكتى تۇردە ويداعىداي يگەرىپ، بەيجيڭ - تيانجين - حىبەيدىڭ بىرلەسىپ ساقتانۋ، بىرلەسىپ تىزگىندەۋ مەحانيزمىن كەمەلدەندىرىپ، ادامداردىڭ اعىلۋىنا جول نۇسقاۋ، قاتىناس وتكەلدەرىندە ىندەتتەن ساقتانۋ، كاسىپورىنداردىڭ جۇمىستى، ءوندىرىستى قالپىنا كەلتىرۋى سياقتى جاقتاردا سايكەسە بىرلەسىپ ارەكەتتەنۋىن كۇشەيتۋ كەرەك. ىندەتتەن ساقتانۋ - تىزگىندەۋدە ءتۇيىندى ەمەس وڭىرلەر وڭىرگە ءبولىپ، دارەجەگە ءبولىپ دالمە - ءدال ساقتانۋ - تىزگىندەۋ تالابىن تياناقتاندىرۋ كەرەك. ىندەت حاۋىپ - قاتەر دارەجەسى ءبىرشاما جوعارى اۋدان وڭىرلەرى سىرتتان كىرۋدەن ساقتانۋدى، ىشتە كەڭەيۋدەن ساقتانۋدى ۇزدىكسىز ويداعىداي يگەرۋ، حاۋىپ - قاتەرى تومەن اۋدان وڭىرلەرى ىندەت جاعدايىنىڭ قايتالانۋىنان ساقتانۋ كەرەك.

  ءماجىلىس مىنالاردى باسا دارىپتەدى: عىلمي زەرتتەۋدەن قامال الۋ تەبىنىن ارتتىرىپ، باسىم كۇشتەردى ەڭ كوكەي تەستى ماسەلەلەردى شەشۋ جاعىنا شوعىرلاندىرىپ، ۆيرۋستىڭ قاينارىن تابۋ مەن تارالۋ زاڭدىلىعىن زەرتتەۋدى ۇزدىكسىز كۇشەيتىپ، ءدارى، ۆاكسينا، تەكسەرۋ - ولشەۋ، تاجىريبە ءدارىسى، ەمدەۋ جابدىقتارى سياقتىلاردى زەرتتەپ اشۋدى كلينيكالىق قۇتقارۋ - ەمدەۋمەن تىعىز ۇشتاستىرىپ، ساقتانۋ - تىزگىندەۋدىڭ ءبىرىنشى شەبىمەن ءوزارا سايكەسىپ، پاتولوگيا سياقتى نەگىزدىك مەديتسينا زەرتتەۋىن كۇشەيتىپ، كلينيكالىق امالياتقا اناعۇرلىم ويداعىداي جەتەكشىلىك ەتۋ كەرەك.

  ءماجىلىس مىنالاردى اتاپ كورسەتتى: ىندەتتى وڭىرگە بولۋگە، دارەجەگە بولۋگە ساي، جۇمىستى، ءوندىرىستى قالپىنا كەلتىرۋدى ىلگەرىلەتىپ، ىندەتتەن ساقتانۋ - تىزگىندەۋدەگى ءتۇيىندى زاتتىق ماتەريالدار ءوندىرىسىن، قامداۋىن زور كولەمدە جوعارىلاتىپ، قورعانۋ زاتتىق ماتەريالدارىن دايىنداۋدى ساپالىلاندىرىپ، قىزمەتكەرلەردىڭ حاۋىپسىز، اقاۋسىز ءوندىرىس، تۇرمىس ورتاسىنا شىنايى كەپىلدىك ەتۋ كەرەك. ”تۇيىننەن تۇيىنگە“ سياقتى كوپ ءتۇرلى قاتىناس - تاسىمال ءتاسىلىن ۇزدىكسىز قولدانىپ، قىزمەتكەرلەردىڭ تەز ارادا قىزمەت ورنىنا ورالىپ، جۇمىستى قالپىنا كەلتىرۋىنە مۇمكىندىك جاساپ، قىزمەتكەرلەردىڭ تاماعى، تۇراعى، ءجۇرىس - تۇرىسى، سەحتاردى باسقارۋ سياقتى بۋىندارداعى ىندەتتەن ساقتانۋ قىزمەتىن قاتاڭ تۇردە ويداعىداي ىستەۋ كەرەك. كاسىپورىنشىلاردىڭ رولىن ويداعىداي ساۋلەلەندىرىپ، كاسىپورىنشىلاردىڭ بەلسەندىلىگىن، جاسامپازدىعىن تولىق جۇمىلدىرۋ كەرەك. بۇكىل ەل ءبىر تۇتاس جۇيە دەگەنگە تاباندى بولىپ، ءبىر تۇتاس ۇلكەن بازاردى قورعاپ، باستاپقى - سوڭعى ونىمدەردىڭ، ءوندىرۋدىڭ، قامداۋدىڭ، ساتۋدىڭ، ءىرى، ورتا، شاعىن كاسىپورىنداردىڭ تۇتاس تۇلعالىق سايكەسۋىن، سەلبەسە جۇمىستى قالپىنا كەلتىرۋىن جەبەپ، جۇمىستى، ءوندىرىستى قالپىنا كەلتىرۋدىڭ تۇتاس تۇلعالىق ونىمدىلىگى مەن ورەسىن شىنايى جوعارىلاتۋ كەرەك.

  ءماجىلىس مىنالاردى باسا دارىپتەدى: جۇمىستى، ءوندىرىستى قالپىنا كەلتىرۋ مەن ىشكى سۇرانىستى ۇلعايتۋدى ۇشتاستىرىپ، تەجەلگەن، توقتاعان تۇتىنۋدى بوساتىپ، ىندەتتەن ساقتانۋ - تىزگىندەۋ بارىسىندا تۋىنداعان جاڭاشا تۇتىنۋدى، دەڭگەيى جوعارىلاتىلعان تۇتىنۋدى جەتىلدىرىپ، زورايتىپ، ناقتى زات تۇتىنۋى مەن قىزمەت وتەۋى تۇتىنۋىنىڭ تولىقتانۋىنا مۇمكىندىك جاساۋ كەرەك. قارجى قوسۋ نىساندارىن ويداعىداي تاڭداپ، جەردەن پايدالانۋ، ەنەرگيادان پايدالانۋ، قارجى سياقتى ساياساتتىق سايكەستىرۋدى كۇشەيتىپ، مەملەكەت جوباسىندا ايقىندالعان كەلەلى ينجەنەريالاردى جانە نەگىزدىك قۇرىلعى قۇرىلىستارىن جەدەل ىلگەرىلەتۋ كەرەك. الەۋمەتتىك دەنساۋلىق ساقتاۋعا قىزمەت وتەۋ، شۇعىل جاعدايعا توتەپ بەرۋ زاتتىق ماتەريالدارىن قامتاماسىز ەتۋ سالاسىنداعى ۇسىنىلىمدى ارتتىرىپ، 5G تورى، ساندى مالىمەت ورتالىعى سياقتى جاڭاشا نەگىزدىك قۇرىلعى قۇرىلىستارىنىڭ اياق الىسىن تەزدەتۋ كەرەك. حالىقتىق قارجى قوسۋ بەلسەندىلىگىن جۇمىلدىرۋعا باسا ءمان بەرۋ كەرەك.

  ءماجىلىس مىنالاردى اتاپ كورسەتتى: سىرتقا ەسىك اشۋدى كەڭەيتۋ بارىسىنداعى جۇمىستى، ءوندىرىستى قالپىنا كەلتىرۋدى ىلگەرىلەتىپ، سىرتقى ساۋدانى ورنىقتىرۋ، سىرتقى قارجىنى ورنىقتىرۋ قىزمەتىن قۇلشىنا ويداعىداي ىستەپ، كوپ نەگىزدى حالىقارا بازارىن كەڭەيتۋ كەرەك. باستاماشى كاسىپورىنداردىڭ جۇمىستى، ءوندىرىستى قالپىنا كەلتىرۋىن قامتاماسىز ەتۋ قىزمەتىن ويداعىداي ىستەپ، الەمدىك قامداۋ تىزبەگىنىڭ ورنىقتىلىعىن قورعاۋ كەرەك. شەتەل ساۋداگەرلەرى قارجى قوسۋ زاڭىن ويداعىداي تياناقتاندىرىپ، شەتەل قارجىلاندىرعان كاسىپورىنداردىڭ جۇمىستى، ءوندىرىستى قالپىنا كەلتىرۋ بارىسىنداعى قيىنشىلىقتارىن شەشۋىنە بەلسەنە كومەكتەسىپ، شەتەل قارجىلاندىرعان نىشاندىق كەلەلى نىسانداردىڭ تياناقتانۋىن ۇزدىكسىز ويداعىداي يگەرىپ، فينانس سياقتى قىزمەت وتەۋ كاسىبىنىڭ سىرتقا ەسىك اشۋىن كەڭەيتۋ كەرەك.

  ءماجىلىس مىنالاردى باسا دارىپتەدى: كاسىپورىندارعا كومەكتەسۋ، قىزمەت ورنىن ورنىقتىرۋ، جۇمىستاندىرۋدى كەڭەيتۋ قىزمەتتەرىن باعىتتامالى ورىستەتىپ، جوعارى مەكتەپ بىتىرگەن وقۋشىلار، شارۋا جۇمىسكەرلەر سياقتى ءتۇيىندى شوعىردى جۇمىستاندىرۋ قىزمەتىن ويداعىداي ىستەپ، جەكە ساۋدا - ونەركاسىپشىلەردىڭ قيىنشىلىعىن شەشۋىنە بەلسەنە كومەكتەسۋ كەرەك. كوكتەمگى اۋىل شارۋاشىلىق ءوندىرىسىن ويداعىداي يگەرىپ، اۋىل شارۋاشىلىق ونىمدەرىمەن قامداۋدى قامتاماسىز ەتۋ، باعانى ورنىقتىرۋ قىزمەتىن ويداعىداي ىستەۋ كەرەك. كەدەي وڭىرلەرگە، كەدەي حالىققا كومەكتەسۋ - سۇيەمەلدەۋدى ارتتىرىپ، جۇمىستى، ءوندىرىستى قالپىنا كەلتىرۋ بارىسىندا كەدەي وڭىرلەردەگى ەڭبەككۇشتەردى جۇمىس ىستەۋگە، جۇمىستانۋعا الدىمەن قابىلداپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ مىندەتىن ورىنداۋعا شىنايى كەپىلدىك ەتۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور: ريزا حاميت