پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىلدىقپەن ناقتى، ەگجەي - تەگجەيلى، تىڭعىلىقتى يگەرەيىك

پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىلدىقپەن ناقتى، ەگجەي - تەگجەيلى، تىڭعىلىقتى يگەرەيىك

□ حالىق گازەتىنىڭ شولۋشىسى

  سۇراپىل بوراندا ءشوپتىڭ توزىمدىلىگى سىنالادى، الاساپىراندا ۇلىقتىڭ ەرىك - جىگەرى سىنالادى. وسى رەتكى ىندەتتەن ساقتانۋ - تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن ويداعىداي جۇرگىزىپ، جەڭىسكە قول جەتكىزىپ، بيىلعى ەكونوميكالىق، قوعامدىق دامۋ نىسانالارىن، مىندەتتەرىن جۇزەگە اسىرا الۋ - الماۋ − ءار دارەجەلى پارتيا ۇيىمدارى مەن پارتيا مۇشەلەرى، كادرلار جونىنەن ەلەۋلى سىن.

  باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندە، ءسوز جوق، پارتيانىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە باسشىلىعىن كۇشەيتۋدى باسا دارىپتەپ، ءار دارەجەلى پارتيا ۇيىمدارىنىڭ باسشىلىق جاۋاپكەرشىلىكتى مۇقيات اتقارۋىن، اسىرەسە، تياناقتاندىرۋ قىزمەت جاۋاپكەرشىلىگىن مىقتى ۇستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى، ەگجەي - تەگجەيلى، تىڭعىلىقتى يگەرىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋدى تالاپ ەتتى.

  جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، پارتيا ورتالىق كوميتەتى وسكەلەڭ ءمان بەردى، باس شۋجي شي جينپيڭ قاي - قاشان دا ىندەت جاعدايىنا قاداعالاي نازار اۋدارىپ، ىندەتتەن ساقتانۋ - تىزگىندەۋدى ماڭداي الدى ءىرى ءىس رەتىندە يگەرىپ، ءوزى قولباسشىلىق ەتتى، ءوزى ورنالاستىردى، پارتيا ورتالىق كوميتەتى دەر كەزىندە ىندەتتەن ساقتانۋ - تىزگىندەۋ باعىت، ساياساتتارىن جاساپ، ىندەتتەن ساقتانۋ - تىزگىندەۋدىڭ پارمەندى، ءتارتىپتى ىلگەرىلەۋىنە شىنايى كەپىلدىك ەتتى. ءار دارەجەلى پارتكوم مەن ۇكىمەت ورتالىقتىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ورنالاستىرۋىنا باتىل بويسۇندى، وڭىرلەر، تاراۋلار ورتالىق ىندەتكە توتەپ بەرۋ قىزمەتى باسشىلىق گرۋپپاسىنىڭ جانە مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ قولباسشىلىعىنا باتىل بويسۇنىپ، بۇيرىقتى بۇلجىتپاي اتقاردى. اماليات پارتيا ورتالىق كوميتەتىنىڭ ىندەت جاعدايى تۋرالى تۇجىرىمىنىڭ ءدال، دۇرىس بولعاندىعىن، ءتۇرلى قىزمەت ورنالاستىرۋلارىنىڭ دەر كەزىندە بولعاندىعىن، قولدانعان شارالارىنىڭ پارمەندى، ءونىمدى بولعاندىعىن دالەلدەدى. ەلىمىزدىڭ وسى رەتكى ەلەۋلى الەۋمەتتىك دەنساۋلىق ساقتاۋ داعدارىسىنا توتەپ بەرۋ امالياتى، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم ءتۇزىمنىڭ كورنەكتى ارتىقشىلىعىن تاعى ءبىر رەت ايگىلەدى.

  قازىر بۇكىل ەلدەگى ىندەتتەن ساقتانۋ - تىزگىندەۋ جاعدايىنىڭ ءتيىمدى جاققا قاراي جاقسارۋ بەتالىسى كەڭەيىپ كەلەدى، ەكونوميكالىق، قوعامدىق دامۋ جەدەل قالپىنا كەلۋدە، سونىمەن قاتار، حۋبەي ولكەسى مەن ۋحان قالاسىنىڭ ىندەت جاعدايى ءالى دە كۇردەلى، اۋىر، باسقا قاتىستى وڭىرلەردەگى ىندەتتىڭ قايتا جوعارىلاۋ حاۋىپىنە نەمقۇرايدى قاراۋعا بولمايدى. وسىنداي ۋاقىتتا، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتتەن ساقتانۋ - تىزگىندەۋدى كۇشەيتۋ سىندى ارقاۋدى مىقتاپ شيراتىپ، ەكونوميكالىق، قوعامدىق دامۋدىڭ ءتۇرلى قىزمەتتەرىن مىقتى يگەرۋ كەرەك. ءار دارەجەلى پارتكومدار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بەتالىستى يگەرۋ، كەلەلى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن ساۋلەلەندىرىپ، ىندەتتىڭ جانە قوعامدىق، ەكونوميكالىق دامۋدىڭ جاعدايىنا ءدال تالداۋ جاساپ، باستى قايشىلىق پەن قايشىلىقتىڭ باستى جاعىن مىقتى يگەرىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن، بۇقارامەن تىعىز بايلانىس جاساۋ ابزالدىلىعىن ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدىڭ قۋاتتى ساياسي ابزالدىلىعىنا اينالدىرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋگە شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن جۇزەگە اسىرۋعا قۇلشىنۋى كەرەك.

  پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىلدىقپەن ناقتى، ەگجەي - تەگجەيلى، تياناقتى يگەرۋدە ”شەشۋشى ازشىلىق“ شەشۋشى ىسكەرلىك كورسەتۋى كەرەك. باس شۋجي شي جينپيڭ تالاپ ەتكەندەي، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە، ءار دارەجەلى كادرلار، اسىرەسە، باسشى كادرلار، ءسوزسىز، جەڭىسكە جەتۋ سەنىمىن كۇشەيتىپ، بارلىق جاۋدى جەڭىپ، ەشقانداي جاۋعا تىزە بۇكپەيتىن تايسالماس توڭكەرىستىك جىگەرىن كورسەتىپ، باتىلدىقپەن اۆانگارد بولىپ، جۇرەكتىلىكپەن الدىڭعى شەپتە اتويلاپ، ارەكەت ارقىلى كوممۋنيستەردىڭ ساياسي قاسيەتىن ايگىلەۋى؛ ءسوزسىز، جاۋاپكەرشىلىك سەزىمدى كۇشەيتىپ، اۋەلگى ماقساتىن ارەكەتتە تياناقتاندىرىپ، بورىش ارقالاپ، وزىنە ءتيىستى قىزمەتتى ۇستىنە الىپ، ءوز جاۋاپكەرشىلىگىن وتەپ، ىرىقتىلىقپەن جاۋاپكەرشىلىك ارقالاپ، بەلسەندى ىسكەرلىك كورسەتۋى؛ ءسوزسىز، مەيىرباندىق سەزىمىن كۇشەيتىپ، حالىق بۇقاراسىنىڭ جاقىن - جان اشىرى بولىپ، بۇقارا اسىعاتىن، ۋايىمدايتىن، باس قاتىراتىن، ارماندايتىن ىستەردى دەر كەزىندە شەشۋى؛ ءسوزسىز، ۇستامدىلىق سەزىمىن كۇشەيتىپ، حاۋىپتى فاكتورلاردى تومەنگى شەكتە ويلاپ، ماسەلەلەردى شەشۋدى سوڭىنا دەيىن يگەرىپ، ەڭ سوڭعى جەڭىسكە قول جەتكىزگەنگە دەيىن قاي - قاشان دا بوساڭسىماۋى، تيتتەي دە ۇقىپسىزدىق ىستەمەۋى كەرەك. باسشى كادرلار باتىل جاۋاپكەرشىلىك ارقالايتىن ەرلىكپەن، عىلمي ساقتانىپ - تىزگىندەيتىن پاراساتپەن، ءبىر تۇتاس جوسپارلاپ تەگىس ءمان بەرەتىن جوبامەن، ۇيىمداستىرىپ اتقاراتىن قابىلەتپەن، بايىپتىلىقپەن، ءوزى باس بولىپ ۇمتىلىپ، ماسەلەنى باعدار ەتۋدەن جازباي، تياناقتاندىرۋعا ىقپال جاسايتىن ماسەلەلەردى ساتىلارعا، دارەجەگە ءبولىپ ايقىنداپ، ءبىر - بىرلەپ شەشىپ، ءتۇرلى قىزمەتتەردى ناقتاپ تياناقتاندىرۋى كەرەك.

  تاريح بىزگە پارتيا مەن حالىق ىستەرىنىڭ ەجەلدەن ءساتتى بولا بەرمەگەنىن، ءتۇرلى حاۋىپ - قاتەر، سايىستارعا توتەپ بەرۋمەن كەلە جاتقانىمىزدى ۇعىندىردى. وسى رەتكى قاتاڭ شايقاس الدىندا، بيىلعى ەكونوميكالىق، قوعامدىق دامۋ نىساناسىن جۇزەگە اسىرۋدىڭ اۋىر مىندەتى الدىندا، تەك ءبىز پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىلدىقپەن ناقتى، ەگجەي - تەگجەيلى، تياناقتى يگەرىپ، قايراتتانا العا باسىپ، قيىندىقتاردان قامال الساق، ءسوزسىز، ىندەتتەن ساقتانۋ - تىزگىندەۋدىڭ جانە بيىلعى ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قول جەتكىزە الامىز.

(شينحۋا اگەنتتىگىنىڭ 2 - ايدىڭ 27 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت