”ىندەتپەن“ شايقاسۋدى ەڭ سوڭىنا دەيىن جۇرگىزەمىز!

”ىندەتپەن“ شايقاسۋدى ەڭ سوڭىنا دەيىن جۇرگىزەمىز!

− ۋحاننىڭ ىندەتتەن ساقتانۋ - تىزگىندەۋىنىڭ شەشۋشى كەزەڭىندە

□ شينحۋا اگەنتتىگىنىڭ تىلشىلەرى

  شەشۋشى شايقاس بولاتىن جەردە، ءبىر قالا، ءبىر ولكە جالپى جاعدايعا سايادى −

  حۋبەي ولكەسىندە جاڭا تيپتى ايدارشا ۆيرۋس وكپە قابىنۋ دياگنوزىنىڭ تۇراقتاندىرىلۋ مولشەرى ۇزاق ۋاقىت بۇكىل ەلدەگى دياگنوز تۇراقتاندىرىلۋ مولشەرىنىڭ %80تەن استامىن يەلەدى؛ ۋحان قالاسىندا دياگنوزدىڭ تۇراقتاندىرىلۋ مولشەرى ۇزاق ۋاقىت بۇكىل حۋبەي ولكەسىنىڭ 7 ۇلەسىنەن كوبىن يەلەدى. ۋحان جەڭىسكە جەتسە، حۋبەي جەڭىسكە جەتەدى، حۋبەي جەڭىسكە جەتسە، بۇكىل ەل جەڭىسكە جەتەدى!

  شەشۋشى شايقاستىڭ قامال الۋ مىندەتى ءالى دە جاپالى دا اۋىر −

  قازىر بۇكىل ەلدەگى ىندەتتىڭ ءورشۋ بەتالىسى العاشقى ادىمدا تەجەلىپ، ساقتانۋ - تىزگىندەۋ قىزمەتى كەزەڭدىك تابىستارعا قول جەتكىزگەنىمەن، استە كوزسىزدىكپەن ۇمىتتەنۋگە بولمايدى.

  ”بۇكىل ەلدەگى ىندەت جاعدايىندا بۇرىلىس ءتۇيىنى ءالى كەلە قويماعاندىعىن، حۋبەي ولكەسى مەن ۋحان قالاسىندا ساقتانۋ - تىزگىندەۋ جاعدايى ءالى دە اۋىر، كۇردەلى ەكەندىگىن سەرگەكتىكپەن كورە ءبىلۋىمىز كەرەك“. 2 - ايدىڭ 21 - كۇنى باس شۋجي شي جينپيڭ باسقارىپ اشقان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى وسىنى ايقىن اتاپ كورسەتتى.

  سان سوققىدا تاباندىلىق كورسەتىپ، نەعۇرلىم ماشاقاتتى، قاتەرلى بولعان سايىن، سولعۇرلىم ۇدەرە العا تارتۋ كەرەك.

  ىندەتپەن قيان - كەسكى ”شايقاس“ جۇرگىزىلۋ ۇستىندە، جەڭىسكە قاراي باسقان ءاربىر قادامنىڭ بارلىعى ماڭىزدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەرجۇرەك ۋحان حالقى، حۋبەي حالقى بۇكىل ەل حالقىمەن بىرگە تىزە قوسا كۇش سالىپ، ەرلىكپەن ايانباي شايقاسىپ، ىندەتتەن ساقتانۋ - تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن سوڭىنا دەيىن جۇرگىزۋدە.

  بۇل تۇتقيىل جولىققان كەزدەسۋ شايقاسى.

  ۆيرۋس بۇرىن كەزدەسپەگەن؛ جاعداي توتەنشە قاتاڭ.

  ”حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋ كەرەك“، ”ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستاۋ كەرەك“، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، ماڭىزدى نۇسقاۋ بەردى.

  ۇندەۋ تاستالىپ، بۇكىل ەل اتتانىسقا كەلدى.

  پارتيا ورتالىق كوميتەتىنىڭ پارمەندى باسشىلىعىندا ”ساقتانۋ“ ماڭداي الدى ورىنعا قويىلىپ، ىندەتتى توسقاۋىلداۋدىڭ حالىقتىق شايقاسى جالپى بەتتىك باستالدى.

  باس شۋجي شي جينپيڭنىڭ ماڭىزدى نۇسقاۋى مەن ورتالىق كوميتەت ساياسي بيۋروسى تۇراقتى كوميتەتى ءماجىلىسىنىڭ رۋحىن جاپپاي دايەكتىلەندىرۋ، تياناقتاندىرۋ ءۇشىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان ورتالىقتىڭ جەتەكشىلىك ەتۋ گرۋپپاسىن باستاپ، 1 - ايدىڭ 27 - كۇنىنەن تارتىپ حۋبەيدا ىندەتتەن ساقتانۋ - تىزگىندەۋگە جەتەكشىلىك ەتۋ قىزمەتىن ورىستەتتى.

  ۋحاننان شىعاتىن جولداردى جاۋىپ، ىندەتتىڭ بۇكىل ەلگە ورشۋىنەن ساقتاندى؛ شاعىن اۋماقتاردى بەكىتىپ، تارالۋ جولدارىن بار كۇشپەن ءۇزدى... ءبىر اي ۋاقىتتا حۋبەي ولكەسى، ۋحان قالاسى ءبىر قىدىرۋ شارالاردى قولدانىپ، باسقارۋ - تىزگىندەۋدى ۇزدىكسىز كۇشەيتىپ، ”ءتورت تۇردەگى ادامداردى“ تۇرگە ءبولىپ، شوعىرلاندىرىپ باسقارۋ شارالارىن كۇش سالا تياناقتاندىردى.

  سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ − ۋحان ”ىندەتپەن“ شايقاسىندا تىرەك بولدى!

  جيناپ ەمدەۋ سالىستىرماسى مەن ەمدەپ ساۋىقتىرۋ سالىستىرماسىن قۇلشىنا جوعارىلاتىپ، جۇعىمدالۋ سالىستىرماسى مەن اۋرۋدان ءولۋ سالىستىرماسىن تومەندەتۋ. بۇل ىندەتتەن ساقتانۋ - تىزگىندەۋ قىزمەتىنىڭ كورنەكتى مىندەتى، ۋحاندى قورعاۋ شايقاسىندا جەڭىسكە جەتۋدەگى ماڭىزدىنىڭ ماڭىزدىسى.

  اۋرۋدىڭ قوزۋى جاسىرىن، جاسىرىن كەزەڭى ۇزاق، ءورشۋى تەز، ونىڭ ۇستىنە ىندەتتىڭ توسىننان تۋىلعان كەزى قىس پەن كوكتەمنىڭ اۋىسقان مەزگىلىنە تۋرا كەلدى، ادامداردىڭ ءجۇرىس - تۇرىسى ءجيى، ايقاسپالى جۇعىمدالادى... ”ىندەتپەن“ شايقاسۋدىڭ باستاپقى كەزى توتەنشە جاپالى، بوداۋ زور بولدى.

  ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ“، بۇل عىلمي ساقتانۋ - ەمدەۋدىڭ ءتۇبىرلى شاراسى، سونداي - اق شايقاس جاعدايىن وڭايتىن شەشۋشى شارا.

  بەلگىلەنگەن شيپاحانا العاشقى 3تەن 48گە كوبەيتىلدى. عىلمي ساقتانۋ - ەمدەۋدىڭ جاڭا شايقاسى جەدەل باستالدى؛ 10 نەشە فاڭساڭ شيپاحانا شاپشاڭ سالىنىپ، ەمدەلۋگە تيىستىلەرىن مۇمكىندىگىنشە ەمدەۋدىڭ ءومىر جەلكەنى كوتەرىلدى؛ سالماقتى ناۋقاستار مەن قاتەرلى ناۋقاستاردى قۇتقارۋ - ەمدەۋ − الۋ ەڭ قيىن بولعان ”لوۋشانگۋان“ قامالى، ”لازىكوۋ“ قامالى بولدى.

  سەنىمدى بەكەمدەۋ، عىلمي ساقتانۋ - ەمدەۋ، ءبىر قىدىرۋ ۇتىمدى وزگەرىستەر شايقاس مايدانىندا بىرتىندەپ ايقىن كورىنە باستادى: ۋحان قالالىق شۇعىل قۇتقارۋ ورتالىعىنىڭ 120 شۇعىل قۇتقارۋ ارناۋلى جەلىسى ءار كۇنى 15 مىڭنان استام ادام - رەت تەلەفون بەرەتىن ەڭ قاۋىرت كەزدەن قازىر 3000 ادام - رەت اينالاسىنا ءتۇستى؛ كوپتەگەن بەلگىلەنگەن شيپاحانالاردىڭ قىزۋ امبولاتورياسىنىڭ اۋرۋ كورۋ سالىستىرماسى بىرتىندەپ ازايدى، ميكروبلوگ، ۋحان قالا لەبىز تاقتاسى سياقتى ينتەرنەتتىك تۇعىرلارداعى ەمدەۋگە الۋدان كومەك سۇراۋ ينفورماتسيالارى كورنەكتى ازايدى؛ سالماقتى ناۋقاستاردى ەمدەۋگە الۋ مولشەرى ەڭ كوپ بولعان تۇڭجي شيپاحاناسىندا اۋرۋدان ءولۋ سالىستىرماسى %5.85 تەن %3.5 اينالاسىنا تومەندەدى.

  ۋحان ”اۋاشا ارال“ ەمەس، ۋحان جالعىز شايقاسپايدى.

  ۋحان حۋبەي حالقىنىكى ءارى بۇكىل ەل حالقىنىكى، بۇكىل جۇڭگولىق ۋحان حالقىمەن بىرگە وسى كورىكتى جەردى، ورتاق مەكەندى قورعايدى.

  ۇلكەن داريا بۋىرقانىپ اعادى، تولقىن قايتا كوتەرىلەدى؛ ەل بىرلىگىنەن بەرىك قامال تۇرعىزىپ، ۋاقىتتىق قيىندىقتى بىرگە ەڭسەرەمىز.

  ”جۇڭگو حالقىنىڭ جۇدىرىقتاي جۇمىلىپ، كۇشتى شوعىرلاندىرىپ ءىرى ءىس تىندىراتىن ءتۇزىم ابزالدىلىعىنا، قۋاتتى ماتەريالدىق جانە تەحنيكالىق نەگىزىنە، سونداي - اق مول ءىس جۇزىندىك تاجىريبەسىنە سۇيەنسەك، ءبىزدىڭ وسى ىندەتتەن ساقتانۋ - تىزگىندەۋ توسقاۋىل شايقاسىندا جەڭىسكە قول جەتكىزۋگە سەنىمىز بار، قابىلەتىمىز بار، قارىمىمىز بار“. باس شۋجي شي جينپيڭنىڭ ەكپىندى سوزدەرى جەڭىستىڭ باعىتىن كورسەتىپ، سان ميلليونداعان حالىقتىڭ، ءسوزسىز، جەڭۋ سەنىمىن قاۋلاتتى!

(تىلشىلەر: ليۋ گاڭ، زوۋ ۋي، لياڭ جيانچياڭ، لي جيڭفىڭ، حۋ جى، حۋ حاۋ، جاۋ ۋىنجۇن، لي يۇن، جىڭ لۋ)

(شينحۋا اگەنتتىگىنىڭ 2 - ايدىڭ 22 - كۇنى ۋحاننان بەرگەن حابارى)

جاۋاپتى رەداكتور: ريزا حاميت