ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز

ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز

□ حالىق گازەتىنىڭ شولۋشىسى

  الەۋمەتتىك اۋماق − ىندەتتەن ساقتانۋ - تىزگىندەۋدىڭ ءبىرىنشى شەبى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، قالىڭ الەۋمەتتىك اۋماق قىزمەتكەرلەرى پارتيا ورتالىق كوميتەتىنىڭ ۇندەۋىنە ءۇن قوسىپ، بۇقارانى جاپپاي اتتانىسقا كەلتىرىپ، ۇيىمداستىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرىپ، ىندەتتىڭ جايىلۋ، ءورشۋ جولدارىن ءونىمدى تۇردە ءۇزۋ، ىندەتتەن ساقتانۋ - تىزگىندەۋدىڭ حالىقتىق قورعانىس شەبىن تۇرعىزۋعا زور قۇلشىنىستار جاسادى. ءبىز ءبىرىنشى شەپتە ەرلىكپەن شايقاس جاساپ جاتقان قالىڭ الەۋمەتتىك اۋماق قىزمەتكەرلەرىنە ەڭ وسكەلەڭ قۇرمەت بىلدىرەمىز!

  الەۋمەتتىك اۋماق − بىرلەسىپ ساقتانۋ، بىرلەسىپ تىزگىندەۋدىڭ، بۇقارالىق ساقتانۋ، بۇقارالىق تىزگىندەۋدىڭ نەگىزگى مايدانى، ىندەتتىڭ جايىلۋ، ءورشۋ جولدارىن ءۇزۋدىڭ ءونىمدى قورعانىس شەبى. باس شۋجي شي جينپيڭ الەۋمەتتىك اۋماقتاعى ساقتانۋ - تىزگىندەۋگە وسكەلەڭ ءمان بەرىپ، بۇكىل ەل بويىنشا الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى توسقاۋىلدىق رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماققا قاراي ويىستىرىپ، الەۋمەتتىك اۋماقتىڭ ساقتانۋ - تىزگىندەۋ شارالارىنىڭ تياناقتاندىرىلۋىن كۇشەيتىپ، بارلىق الەۋمەتتىك اۋماقتىڭ ىندەتتەن ساقتانۋ - تىزگىندەۋدىڭ بەرىك قامالىنا اينالۋىنا مۇمكىندىك جاساۋدى باسا دارىپتەدى.

  سىرتتان كىرۋدەن ساقتانۋ، ىشتە تارالۋدان ساقتانۋدىڭ قورعانىس شەبىن ساقتاۋ ءۇشىن، قالىڭ الەۋمەتتىك اۋماق قىزمەتكەرلەرى بار كۇشىمەن اتتاندى، قات - قابات قيىنشىلىقتان قورىقپادى. الەۋمەتتىك اۋماقتى توركوزدەندىرىپ باسقارۋدى كۇشەيتىپ، ەگجەي - تەگجەيلى تەكسەرىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى قاتاڭ تياناقتاندىرۋدان الەۋمەتتىك اۋماق تۇرعىندارىنا كوپ اۋا الماستىرۋدى، ماسكى تاعۋدى، قولدى كوپ جۋۋدى، ءبىر جەرگە جينالماۋدى تاپسىرىپ قۋزاعانعا دەيىن؛ الەۋمەتتىك اۋماقتى بەكىتىپ باسقارۋدى جاقسى ىستەپ، ىندەتتى باقىلاۋ - ولشەۋدى كۇشەيتىپ، «ءتورت ءتۇرلى ادامدى» تۇرگە ءبولىپ باسقارۋدى تياناقتاندىرۋعا كومەكتەسۋدەن دەنە تەمپەراتۋراسىن ولشەۋگە، زارارسىزداندىرىپ جويۋعا، قوقىر - قوقسىقتى تازالاۋعا، تازالىق ىستەۋگە دەيىن؛ جاقىن جۋىسقان ادامداردى ۇيدە مەديتسينالىق باقىلاۋعا الىپ باقىلاۋدى ورنالاستىرىپ، يدەيالىق قىزمەت پەن پسيحيكالىق جەتەكتەۋدى جاقسى ىستەۋدەن تۇرعىنداردىڭ كۇندەلىكتى تۇرمىسىن قامتاماسىزداندىرۋ قىزمەتىن جاقسى ىستەپ، تۇرعىنداردىڭ تۇرمىسىنداعى ءتۇرلى ناقتى، ۇساق، قيىن ماسەلەلەرى سياقتىلاردى شەشۋگە دەيىن الەۋمەتتىك اۋماق قىزمەتكەرلەرى ءوز قىزمەت جاۋاپكەرشىلىكتەرىن ادا ەتىپ، زەيىن - زەردە، كۇش - قۋاتتارىن سارقا جۇمساپ، جاپالى ەڭبەكتەرى مەن تاباندىلىقتارى، ۇلەستەرى مەن اششى تەرلەرى ارقىلى ىندەتكە قارسى تۇرۋدىڭ بەرىك قورعانىس شەبىن تۇرعىزدى. الەۋمەتتىك اۋماق قىزمەتكەرلەرىنىڭ الدىندا بارشا وتباسى، سان الۋان، شىم - شىتىرىق قيىنشىلىقتار تۇرادى، ولاردىڭ ەڭبەگى بولماسا، ىندەتتەن ساقتانۋ - تىزگىندەۋ توسقاۋىل شايقاسىنىڭ ءونىمدى ناتيجەسى بولمايدى.

  حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعى ءۇشىن، قالىڭ الەۋمەتتىك اۋماق قىزمەتكەرلەرى قالتقىسىز جان قيارلىق كورسەتىپ، اۋىر جاۋاپكەرشىلىك ارقالادى. ”قىزمەتىمىز وتە ماڭىزدى، ءسوز جوق، قاتاڭ قورعانىپ، مىقتاپ ساقتاۋىمىز كەرەك“، ”ۋاقىتىمىز كەتكەنىمەن، ەسەسىنە بارشا وتباسى امان بولدى، قانشا بوداۋ بەرسەك تە تاتيدى“، ”ءبىز قازىر الەۋمەتتىك اۋماقتىڭ كۇزەتشىسىمىز، قاقپانى مىقتاپ قاراۋىمىز كەرەك!“ الەۋمەتتىك اۋماق قىزمەتكەرلەرىنىڭ قاراپايىم سوزدەرىنەن اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ۇستىنە الۋ، اركىم ءوز جاۋاپكەرشىلىگىن ادا ەتۋدەي باتىل جاۋاپكەرشىلىك ارقالاۋ رۋحى مەن مۇندالايدى. الەۋمەتتىك اۋماق كادرلارىنان، كومپارتيا مۇشەلەرىنەن نەگىزگى ساتىداعى توركوز قىزمەتكەرلەرىنە، ءۇي قوجالىعى قىزمەتكەرلەرىنە، سونداي - اق زور توپتاعى ەرىكتىلەرگە دەيىن، كۇن دەمەي، ءتۇن دەمەي، شوگەل دە ءتوزىمدى بولىپ، قاجىرلىلىقپەن قىزمەت ىستەدى، سونىڭ ناتيجەسىندە الەۋمەتتىك اۋماقتاعى تۇرعىنداردىڭ جۇرەگى مەيىرگە شومدى، كوڭىلى جاي تاپتى، بۇقارامەن بايلانىس ورناتۋ، بۇقاراعا قىزمەت وتەۋ قاسيەتى ايگىلەندى، ەل بىرلىگىنەن بەرىك قامال تۇرعىزىپ ىندەتكە قارسى تۇرۋدىڭ قۋاتتى كۇشى ۇيىستى. ولار − الەۋمەتتىك اۋماقتاعى بۇقارانىڭ جان اشىرى، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدىڭ كوشباسشىسى.

  قازىر ىندەتتەن ساقتانۋ - تىزگىندەۋ ەڭ ماشاقاتتى شەشۋشى كەزەڭدە تۇر، قالىڭ الەۋمەتتىك اۋماق قىزمەتكەرلەرىنىڭ قايسارلىقپەن كۇرەسۋ، ءۇرتىس شايقاس جۇرگىزۋ رۋحىن ساۋلەلەندىرىپ، قىزمەت ورنىنان تاپجىلماي، كۇش - قۋاتتى شوعىرلاندىرىپ، ءاربىر قىزمەتتى، ءاربىر بۋىندى بارلىق ىنتا - پەيىلىمەن ويداعىداي تىندىرىپ، الەۋمەتتىك اۋماقتىڭ ساقتانۋ - تىزگىندەۋ شارالارىنىڭ تياناقتانۋىن كۇشەيتىپ، الەۋمەتتىك اۋماق تۇرعىندارىن اناعۇرلىم اتتانىسقا كەلتىرىپ جانە ۇيىمداستىرىپ، ىندەتتەن ساقتانۋ - تىزگىندەۋدىڭ حالىقتىق قورعانىس شەبىن باتىل تۇرعىزۋىن ەڭ قاجەت ەتەدى. ءار دارەجەلى پارتكوم مەن ۇكىمەت الەۋمەتتىك اۋماق قىزمەتكەرلەرىنە كوڭىل ءبولىپ، قامقورلىق جاساپ، الەۋمەتتىك اۋماقتىڭ ساقتانۋ - تىزگىندەۋ جۇيەسىن كەمەلدەندىرۋگە قولداۋ كورسەتىپ جانە ونى قامتاماسىز ەتىپ، الەۋمەتتىك اۋماق قىزمەتكەرلەرىنىڭ اراسىنداعى تاڭداۋلى تيپتەر مەن ۇزدىك ىزگى ىستەردى كۇش سالا ۇگىتتەپ، ناقتى قيىنشىلىقتار مەن ماسەلەلەردى شەشۋىنە كومەكتەسىپ، تۇرمىس، حاۋىپسىزدىك، گۋمانيتارلىق قامقورلىق جاقتارىنان تۇگەل قامتاماسىز ەتۋ كەرەك.

  جاپالى قۇلشىنىس ارقىلى ىندەت جاعدايىندا بەلسەندى وزگەرىس جارىققا شىقتى، ساقتانۋ - تىزگىندەۋ قىزمەتىندە ءونىمدى ناتيجەلەرگە قول جەتتى، بۇل وڭاي - وسپاق قولعا كەلگەن جوق، قالىڭ الەۋمەتتىك اۋماق قىزمەتكەرلەرى ماڭىزدى ۇلەس قوستى. الەۋمەتتىك اۋماق سىندى قورعانىس شەبىن باتىل ساقتاعاندا عانا، ساقتانۋ - تىزگىندەۋ قىزمەتىنىڭ ناتيجەسى، ءسوز جوق، اناعۇرلىم كورنەكتىلەنەدى، ىندەت جاعدايى، ءسوز جوق، اناعۇرلىم جاقسارادى. ءبىز كۇش ۇستىنە كۇش قوسىپ، ەرلىكپەن كۇرەسىپ، اناعۇرلىم بەرىك سەنىم، اناعۇرلىم قايسار جىگەر، اناعۇرلىم ءونىمدى شارالار ارقىلى حالىق بۇقاراسىنا مىقتاپ سۇيەنىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزەيىك.

(2 - ايدىڭ 18 - كۇنگى «حالىق گازەتى»ندە باسىلعان)

جاۋاپتى رەداكتور: ريزا حاميت