قىسىلتاياڭ كەزەڭدە وزىندىك قاسيەتتى ايگىلەپ، ”ىندەت“پەن شايقاسۋدىڭ ءبىرىنشى شەبىندە پارتيا تۋىن جەلبىرەتتى

قىسىلتاياڭ كەزەڭدە وزىندىك قاسيەتتى ايگىلەپ، ”ىندەت“پەن شايقاسۋدىڭ ءبىرىنشى شەبىندە پارتيا تۋىن جەلبىرەتتى

− بۇكىل ەلدىڭ ءارقايسى سالالارىنداعى نەگىزگى ساتى پارتيا ۇيىمدارى مەن قالىڭ پارتيا مۇشەلەرى ىندەتتەن ساقتانۋ - تىزگىندەۋ توسقاۋىل شايقاسىن كۇش سالا ويداعىداي جۇرگىزدى

شينحۋا اگەنتتىگىنىڭ ءتىلشىسى لين حۇي، حالىق گازەتىنىڭ ءتىلشىسى مىڭ شياڭفۋ

  ءبىر رەتكى تۇتقيىل كەلگەن ىندەت ۇيىنە قايتقان قانشاما ادامنىڭ جولىن بوگەدى، قانشاما كۇندەلىكتى تۇرمىستىڭ بەرەكەسىن قاشىردى.

  ىندەت الدىندا، بۇيرىق بەرىلىسىمەن سانسىز نەگىزگى ساتى پارتيا ۇيىمدارى لەزدە ”شايقاس“ كۇيىنە ءوتتى، سان - ساناقسىز كوممۋنيستىك پارتيا مۇشەلەرى ساقتانۋ - تىزگىندەۋ شايقاس مايدانىنا شۇعىل اتتانىپ، ءبىرىنشى شەپتە اتويلاپ الدا ءجۇرىپ، قيىندىقتاردان قامال الىپ، ءبىر - بىرلەگەن بەرىك قۇرىش قامالداردى تۇرعىزدى.

  نەگىزگى ساتى پارتيا ۇيىمى سىندى وسى بەرىك قامال، كوممۋنيستىك پارتيا مۇشەسى سىندى وسى ەرەكشە شوعىر تالاي رەت شەشۋشى ساتتە سىننان ءوتىپ، جاۋاپكەرشىلىك ارقالايتىنىن ايگىلەپ، تالاي رەت قالىڭ حالىق بۇقاراسىن ىنتىماقتاستىرىپ، باستاپ، حاۋىپكە قارسى اتتانىپ، توسقاۋىلداردى تاس تالقان ەتكەن.

  بۇگىن وسى ءتۇتىنسىز شايقاستا ءبىر - بىرلەگەن جاۋىنگەرلىك قامالدار قاسقايىپ تۇرىپ، ءبىر - بىرلەگەن كوممۋنيستىك پارتيا مۇشەلەرى كەۋدە كەرە العا شىعىپ، نارت قىزىل پارتيا تۋى ىندەتتەن ساقتانۋ - تىزگىندەۋدىڭ ءبىرىنشى شەبىندە اسقاق جەلبىرەدى.

  جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، باس شۋجي شي جينپيڭ وسكەلەڭ ءمان بەرىپ، ءوزى قولباسشىلىق ەتىپ، ءوزى ورنالاستىرىپ، ءبىر قىدىرۋ ماڭىزدى نۇسقاۋلار بەرىپ، تالاي رەتكى ءماجىلىستى باسقارىپ اشىپ، ىندەتتەن ساقتانۋ - تىزگىندەۋ قىزمەتىن اقىلداسىپ، ورنالاستىرۋ جاساپ، ايقىن تالاپتار قويدى. باس شۋجي بىلاي دەپ باسا دارىپتەدى: ءار دارەجەلى پارتيا ۇيىمدارى مەن قالىڭ پارتيالى كادرلار، ءسوزسىز، حالىقتىڭ مۇددەسى بارىنەن جوعارى ەكەنىن ەستە بەرىك ساقتاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋى، تياناقتاندىرۋى؛ نەگىزگى ساتى پارتيا ۇيىمدارى مەن قالىڭ پارتيا مۇشەلەرى جاۋىنگەرلىك قامال رولى مەن اۆانگارد ۇلگىلىك رولىن ساۋلەلەندىرىپ، كەڭ كولەمدە بۇقارانى اتتانىسقا كەلتىرىپ، بۇقارانى ۇيىمداستىرىپ، بۇقارانى جۇمىلدىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرۋى؛ ۋاقىتپەن جارىسىپ، ىندەتپەن ايقاسىپ، ىندەتتىڭ ءورشۋ اۋقىمىن باتىل تەجەۋى؛ الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى توسقاۋىلدىق رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماقتارعا ءتۇسىرىپ، الەۋمەتتىك اۋماقتىڭ ءتۇرلى ساقتانۋ - تىزگىندەۋ شارالارىنىڭ تياناقتانۋىن كۇشەيتىپ، بارلىق الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرۋى؛ قالىڭ ەمدەۋ قىزمەتكەرلەرى جاپا - ماشاقاتقا ەرەكشە ءتوزۋ، ايرىقشا شايقاسا ءبىلۋ رۋحىن ايگىلەۋى، شايقاس مايدانىنداعى بەرىك تىرەكتىك رولىن ساۋلەلەندىرۋى؛ اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك.

  باس شۋجي شي جينپيڭنىڭ ماڭىزدى نۇسقاۋى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدەگى ءتۇبىرلى سيپات، جالپىلىق سيپات، شەشۋشى سيپات العان كەلەلى ماسەلەلەرگە عىلمي جاۋاپ بەرىپ، كەزەكتەگى ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ءۇشىن دۇرىس باعداردى ايقىن كورسەتىپ، ءتۇبىرلى بويسۇنۋ ولشەمىن ازىرلەدى.

  ىندەت − بۇيرىق، ساقتانۋ - تىزگىندەۋ − جاۋاپكەرشىلىك. ۇيىمداستىرۋ تاراۋلارى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شۇعىل ورنالاستىرۋ جاساپ، جىلدام ارەكەتكە كەلىپ، ءار دارەجەلى پارتيا ۇيىمدارى باسشىلىق القالارىنىڭ، باسشى كادرلاردىڭ ناقتى ستيلمەن ىندەتتەن ساقتانۋ - تىزگىندەۋ كۇرەسىنىڭ ءتۇرلى ورنالاستىرۋلارىن ەگجەي - تەگجەيلى، ناقتى، تياناقتى ىستەلۋىن ىلگەرىلەتتى، نەگىزگى ساتى پارتيا ۇيىمدارى مەن پارتيا مۇشەلەرىنىڭ، كادرلاردىڭ ىندەتتەن ساقتانۋ - تىزگىندەۋ توسقاۋىل شايقاسىنا جاپپاي كىرىسۋىن ىلگەرىلەتتى.

  ءىرى ىسكە، قيىن ىسكە جولىققاندا جاۋاپكەرشىلىك ارقالاپ، قاتەرلى ساتتە وزىندىك قاسيەتتى ايگىلەدى. ىندەتتەن ساقتانۋ - تىزگىندەۋ توسقاۋىل شايقاسىندا، جەر - جەر پارتيا قۇرىلىسىنىڭ جەتەكشىلىگىن كۇشەيتىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىن، كادرلاردى ءبىرىنشى شەپتە اتوي سالۋعا، ەڭ الدىڭعى شەپتە شايقاس جاساۋعا جەبەدى.

  پارتيا ۇيىمىن قۇرىپ، ەكپىندىلەر اترەتىن ۇيىمداستىرىپ، زەيىندى جيىپ، كۇشتى شوعىرلاندىرىپ، قيىندىقتاردان قامال الدى؛ توركوزدەندىرىپ باسقارۋدى كۇشەيتىپ، جالپى بەتتىك ءبىر - بىرلەپ تەكسەرىپ ارالاپ، ىندەت جاعدايىن دالمە - ءدال يگەردى؛ وڭىرلىك پارتيا قۇرىلىسى تۇعىرىنا سۇيەنىپ، بۇقارانى اتتانىسقا كەلتىرىپ جانە بۇقاراعا سۇيەنىپ، ساقتانۋ - تىزگىندەۋدىڭ بىرىككەن كۇشىن قالىپتاستىردى؛ ەمدەۋ - دەنساۋلىق ساقتاۋ شەبىندەگى پارتيا ۇيىمدارى مەن پارتيا مۇشەلەرىنىڭ، كادرلاردىڭ، ەمدەۋ قىزمەتكەرلەرىنىڭ ىندەتكە قارسى اتتانۋداعى نەگىزگى قوسىندىق رولىن ساۋلەلەندىردى...

  پارتيانىڭ كۇش - قۋاتى ءاربىر پارتيا مۇشەلەرىنىڭ، كادرلاردىڭ ۇلگىلىك رولى ارقىلى ايگىلەنەدى. قالىڭ پارتيا مۇشەلەرى، كادرلار اتويلاپ الدا ءجۇرىپ، الدىمەن تىزىمدەلىپ، الدىمەن باستاماشىلدىق ەتسە، يلاندىرۋ قۋاتى بولادى، باۋراۋ قۋاتى بولادى، سوندا عانا قۋاتتى وڭ ەنەرگيا ۇيىستىرۋعا بولادى.

  باتىر مايداندا سىنالار، التىن وتتا سىنالار. ىندەتتەن ساقتانۋ - تىزگىندەۋ قىزمەتى نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ اۋەلگى ماقساتتى، بورىشتى امالياتتا ايگىلەپ، جاۋاپكەرشىلىك ارقالاۋىن ايگىلەيتىن تارازىعا جانە قايراققا اينالدى، ولار قالتقىسىز بولىپ، تايسالماي، ۇلەس قوسۋعا پەيىل بولىپ، ءىس جۇزىندىك ارەكەتتەرى ارقىلى پارتيا تۋىنىڭ بەدەلىن اسىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعادى.

  كەزەكتە ىندەتتەن ساقتانۋ - تىزگىندەۋ قىزمەتى ەڭ ماشاقاتتى شەشۋشى كەزەڭگە ءوتتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتيا ۇيىمدارىنىڭ قۋاتتى باسىمدىعىندا، قالىڭ پارتيا مۇشەلەرىنىڭ، كادرلاردىڭ قالتقىسىز ۇلەس قوسۋىندا، حالىق بۇقاراسىنىڭ بەرىك تىرەك بولۋىندا، قوعامداعى ءار سالانىڭ پارمەندى قولداۋىندا، ءسوزسىز، وسى ىندەتتەن ساقتانۋ - تىزگىندەۋ توسقاۋىل شايقاسىندا جەڭىسكە قول جەتكىزەتىندىگىمىزگە سەنەمىز!

(شينحۋا اگەنتتىگىنىڭ 2 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت